الأفيو المفترى عليها

[abofaris]

السلام عليكم ورحمة الله وبركاته. أنا شايف ان معظم الناس مازالت بتشتكى من الأفيو كما لو أنها عربية كارو. ماشى دى وجهات نظر على حسب تجارب الناس واختلافهم لكن قليل جدا اللى بيشكر فى العربية وأنا واحد منهم وبصراحة باستغرب جدا من كلام بعض الناس عن حجم المأساة اللى بيعيشوها مع الأفيو. لكن ياجماعة شوية تفاؤل من فضلكم لأن العربية مش بالسوء دة من وجهة نظرى. على فكرة أنا عندى أفيو 2009 كورى وعامل بيها حوالى 17000 كيلو و ماشية زى الفل والحمد لله يدون أى مشاكل. عندى سؤال.....طيب مادامت العربية وحشة أوى كدة اية السر فى انتشارها وتزايدها الرهيب يوم بعد يوم؟ مجرد سؤال.........وأرجو التوفيق للجميع.

[mahamedaraby]

اصل حضرتك برضوا زى مالكش غرض انك تحسن صوره العربيه فى المنتدى

هما برضوا ملهمش غرض يسئوا لسمعه العريبه او يتجنوا عليها مثلا

و معظم المشاكل اللى فى العربيه ظهرت مع ناس معاهم العربيه ومشاكل متشابهه ومكرره فى كذا عربيه يبقى العربيه الغالب منها السئ للاسف وده اللى خلى كذا عضو معانا يبع العربيه يعنى محدش اكيد هيخسر نفسه علشان اوهام مثلا او حاجه مش موجوده

واللى للاسف توكيلها منصور لا حياه لمن تنادى معاه فى العربيه

اللى اقدر اقولوا ليك ربنا يباركلك فى عربيتك وبيعد عنها المشاكل يارب

[د.محمود صلاح]

ربنا يحفظهالك ويبارك له فيها ...

[أشرف العدوي]

ممكن قول رأيي و تتقبلو بصدر رحب
هو اي الهدف من الموضوع ده ؟
حضرتك ما قدمتش تقرير على عربيتك
لا من ناحية الثبات
و لا التسارع
و لا عفشة
ولا ثبات في مناورة
و لا كماليات و تجهيزات
و لا اي حاجة

حضرتك داخل تنتقد الناس الي جربت العربية و طلعت مش عربية


ياريت حضرتك تقدم تقرير عن عربيتك تقنع بيه الاعضاء انها مش زي ما بيقروا عنها لان المواضيع زي الي حضرتك كاتبها اتعملت كتير و ما وصلناش لحاجة غير الناس زاد اقناعها انها سيئة
و ان شاء الله نتناقش في التقرير لما يتعمل

تقبل تحياتي

[odaoda]

يا جماعة واللة عربية سيئة
مع انتيمى ومع ابن عمتى
والاتنين فيهم نفس عيب الار بى ام الازلى لدرجة بقت تخليهم يركنوها وميركبوهاش ويعملوا مشاويرهم بالمواصلات
دة طبعا غير اصوات التزيق من العفششة
والكاسيت الفظيع جدا الى صوتة كلة خرفشة
وانها صفر فالكماليات
يا جماعة دى فيها اتنين ازاز كهربا بس !!!!!
ربنا يباركلك فعربيتك

[basm]

الخلاصة

الخلاصة والله هى العربية جيدة ، ولكن توكيلها زى الزفت، ولذلك خرجتها من الضمان.. عربيتى عاملة 50500 ولم يحدث معى تعليق الار بى ام الا لو قرصت على العربية فبطلت اقرص عليها.. والثبات والحمد لله مش وحش ومش حلو بس لغاية 110 ،120 مرضى جدا لى بعد كده مش حلو فعلا .. كشفت على المقصات والعفشة منذ 20 يوم والحمد لله لقيتهم زى الفل.. وان شاء الله خلال الشهر القادم هاغير السيور والشداد

[yoko]

ممكن قول رأيي و تتقبلو بصدر رحب
هو اي الهدف من الموضوع ده ؟
حضرتك ما قدمتش تقرير على عربيتك
لا من ناحية الثبات
و لا التسارع
و لا عفشة
ولا ثبات في مناورة
و لا كماليات و تجهيزات
و لا اي حاجة

حضرتك داخل تنتقد الناس الي جربت العربية و طلعت مش عربية


ياريت حضرتك تقدم تقرير عن عربيتك تقنع بيه الاعضاء انها مش زي ما بيقروا عنها لان المواضيع زي الي حضرتك كاتبها اتعملت كتير و ما وصلناش لحاجة غير الناس زاد اقناعها انها سيئة
و ان شاء الله نتناقش في التقرير لما يتعمل

تقبل تحياتي

أنا مش هزود على كلام أبو اسر ولا كلمة لإن العربيه كانت معايا وبعتها بعد سنة ونص و٢٦ ألف كم وخسرت فيها أكتر من ٢٢ ألف جنيه ومصدقت خلصت منها!!!
كفايه إن صحابي وصلت إن هما كانوا كل ما يلقوني غبت من الكليه يقولولي برده في التوكيل بسبب العربيه المع..... الي معاك!!!
والله كنت بسبها في التوكيل وأروح الكليه بال١٢٨!!! أو بالموصلات
ويا ريت تفتح الyoutube وتشوف رأي برنامج topgear في الأفيو الي بتنزل أوروبا الي هي أنضف من عندنا مليون مرة!!!
ومعظم الناس الي بتشكر في العربيه دي كانوا راكبين قبليها عربيات قديمه فمش حسين بمشاكلها!!! وبأكد أهو معظم الي بيشكروا مش كلهم عشان مش عايز أخش في خناقة مع حد ويقولي أني بغلط في أي حد أيا كان
ولكل الي معاه أفيو ومريحاه يا رب ما يشوف يوم واحد من الي شفته مع العربيه دي!!!

[أشرف العدوي]

الخلاصة والله هى العربية جيدة ، ولكن توكيلها زى الزفت، ولذلك خرجتها من الضمان.. عربيتى عاملة 50500 ولم يحدث معى تعليق الار بى ام الا لو قرصت على العربية فبطلت اقرص عليها.. والثبات والحمد لله مش وحش ومش حلو بس لغاية 110 ،120 مرضى جدا لى بعد كده مش حلو فعلا .. كشفت على المقصات والعفشة منذ 20 يوم والحمد لله لقيتهم زى الفل.. وان شاء الله خلال الشهر القادم هاغير السيور والشداد

أختلف معاك بشدة و لكنه رايي و تجربتي
الخلاصة العربية دي زي الزفت و توكيلها ازفت و نصابين
و ما انصحش اي حد انه يشتريها حتى لو عليها عربية تانية هدية

[أشرف العدوي]

أنا مش هزود على كلام أبو اسر ولا كلمة لإن العربيه كانت معايا وبعتها بعد سنة ونص و٢٦ ألف كم وخسرت فيها أكتر من ٢٢ ألف جنيه ومصدقت خلصت منها!!!
كفايه إن صحابي وصلت إن هما كانوا كل ما يلقوني غبت من الكليه يقولولي برده في التوكيل بسبب العربيه المع..... الي معاك!!! :i_angr1[1]:
والله كنت بسبها في التوكيل وأروح الكليه بال١٢٨!!! أو بالموصلات
ويا ريت تفتح الyoutube وتشوف رأي برنامج topgear في الأفيو الي بتنزل أوروبا الي هي أنضف من عندنا مليون مرة!!!
ومعظم الناس الي بتشكر في العربيه دي كانوا راكبين قبليها عربيات قديمه فمش حسين بمشاكلها!!! وبأكد أهو معظم الي بيشكروا مش كلهم عشان مش عايز أخش في خناقة مع حد ويقولي أني بغلط في أي حد أيا كان
ولكل الي معاه أفيو ومريحاه يا رب ما يشوف يوم واحد من الي شفته مع العربيه دي!!!

ازيك يا ابو حميد
صحتك عاملة ايه دلوقتي يارب تكون بخير

[yoko]

الحمد لله يا أبو اسر وحضرتك عامل إيه ولسا النهاردة مقابل واحد معاه أفيو وبيسب ويلعن فيها وفي منصور

[أشرف العدوي]

الحمد لله يا أبو اسر وحضرتك عامل إيه ولسا النهاردة مقابل واحد معاه أفيو وبيسب ويلعن فيها وفي منصور

الحمد لله انك بخير

و الله الناس الي بتشري افيو بيصعبوا عليا جداً

[basm]

أختلف معاك بشدة و لكنه رايي و تجربتي
الخلاصة العربية دي زي الزفت و توكيلها ازفت و نصابين
و ما انصحش اي حد انه يشتريها حتى لو عليها عربية تانية هدية

وانا ايضا عن تجربة شخصية العربية مش وحشة زى ما انتوا مصورين.. لكن واضح انها بختك يا ابو بخيت .. ولكن برده ماينفعش انك تفحت العربية وتقول دى العربية زفت، وفعلا التوكيل نصاب

[basm]

و الله الناس الي بتشري افيو بيصعبوا عليا جداً

ما يصعبش عليك غالى .. حضرتك بتحسسنى بكلامك ان الافيو صفيحة زبالة وان اللى اشتراها اشترى الترماى .. عموما هى عاجبانى جدا وعاجبة ناس تانية كتير ..يا ريت مانصعبش عليكوا تانى

[yoko]

أيوه بس للأسف بين كل ١٠ عربيات ممكن واحده سليمة وده عن تجربة وقاعده في مركز الخدمة أكتر من بيتنا!!!!

[aezzat]

اذكروا محاسن موتاكم

أنا مش هزود على كلام أبو اسر ولا كلمة لإن العربيه كانت معايا وبعتها بعد سنة ونص و٢٦ ألف كم وخسرت فيها أكتر من ٢٢ ألف جنيه ومصدقت خلصت منها!!!
كفايه إن صحابي وصلت إن هما كانوا كل ما يلقوني غبت من الكليه يقولولي برده في التوكيل بسبب العربيه المع..... الي معاك!!! :i_angr1[1]:
والله كنت بسبها في التوكيل وأروح الكليه بال١٢٨!!! أو بالموصلات
ويا ريت تفتح الyoutube وتشوف رأي برنامج topgear في الأفيو الي بتنزل أوروبا الي هي أنضف من عندنا مليون مرة!!!
ومعظم الناس الي بتشكر في العربيه دي كانوا راكبين قبليها عربيات قديمه فمش حسين بمشاكلها!!! وبأكد أهو معظم الي بيشكروا مش كلهم عشان مش عايز أخش في خناقة مع حد ويقولي أني بغلط في أي حد أيا كان
ولكل الي معاه أفيو ومريحاه يا رب ما يشوف يوم واحد من الي شفته مع العربيه دي!!!

انا موافقك بانى كنت سعيد فى الاول بالمرحومة لان 128 كرهتنى فى السواقة

بس انا شايف ان سعرها مبالغ فيه على امكانيتها و التوكيل سيء

يلا الله يرحمها بقى راحت فى عز شبابها