اخيرا جربت الكروز :)

[kamalsalem]

انا فى رايى المتواضع...الكروز والسيراتو والكارينز لازم 2000 سى سى عشان تبقى عربيات صح...ونسيب بقا ال 1600 للاكسنت والفيرنا والحجات دى

يا رييييت، ممكن بعد ما ضمانها يخلص ننزل فيها مكنة كابريس 6 سلندر 4700 سي سي هههههههههه

مانتا ممكن تستنى شوية تلقاها بقت 125 ألف بعد ما العرض يخلص ؟

اخخخخخ،،، استرها معانا يا رب

[fawzyyyy]

انت اول واحد يقول الحق ف حق العربية المظلومة دي، في رأيي الشخصي العربية تحفة للي زيي، انا خلاص مش عايز اجري وغرز وكدة، انا عايز اركب حاجة متميزة، عربية وانا ماشي 80 أعرف اتكلم مع الناس اللي معايا والعربية تبقى هادية.
تعليق حلو ميخليش الواحد يتمخمض.
انا محتار شوية عشان مبهور بكمية الاوبشنز اللي في السيراتو الخليجي (أصلي كنت عند عبد الشهيد امبارح)، بس الكروز منظر، واذا كان ظهر شوية عيوب في بعض عربيات ف دي مش حكم على عربية اشترك في تصميمها مهندسين من المانيا وامريكا وكوريا، ده عيب ف المصري قليل الـ... اللي اسمه منصور، وده ربنا يعيننا عليه.

الف مبروك لصاحب العربية وربنا يملاهالوا بركة، وادعولي اخد قرار وانفذ انا كمان بقى احسن دمي بقى تقيل قوي.

بالمناسبة، نينفعش افاصل في التوكيل؟ ونفس الكلام على عبد الشهيد، ومتأسف على التطويل وبعد اذن الجميع وصاحب الموضوع طبعاً

اي معرض انت ممكن تفاصل فيه لكن التوكيل مينفعش

و دور و شوف ممكن تجيبها ب 115

ربنا يوفقك ان شاء الله

[mido]

معلش سؤال يا باشا إيه المشاكل اللي في الطنابير و التيل؟و أخبار الوسع في الكنبة الخلفية إيه ؟

التيل والطنابير بتيوظ على طول زى الافيو معرفش موضوع الوسع نسبى يعنى اعتقد لو تلاته وره ممكن تبقى زحمه بس ده حاجه ممكن بسهوله تشوفها يا باشا

[mido]

أسف معلش مخدتش بالي ،ربنا يكرمك و تجبها ،بس برضه تقرير حلو .

الف شكر يا باشا :)

[BrainStorm]

انا فى رايى المتواضع...الكروز والسيراتو والكارينز لازم 2000 سى سى عشان تبقى عربيات صح...ونسيب بقا ال 1600 للاكسنت والفيرنا والحجات دى

أنا معاك ن هما لو 2000 cc هيبقى أحسن بس هو المفروض ن الكروز بتنزل بره بموتور الاسترا اللي هو 114 حصان بس علشان حبيب قلبي منصور يكسب (الله يسامحوا) بينزلها بموتور الاوبترا .

[BrainStorm]

بس هي المشكلة ن في بلدنا اللي عايز يركب 2000 cc هيبقى مرفه على رأي الحكومة وهيدفع دم قلبه

[kamalsalem]

2000؟ مش حاسس انه مصر ميتاهلة مواتير كبيرة، هو بس الموتور الكبير بيبقى مريح وبيشتغل على دورات قليلة ف بيعيش أكتر

[Gabrial]

هيا لو نزلت بالموتور الاصلي بتاعها اللي بتنزل بيه برة الموضوع هيتحسن إلى حد ما .

[zeznia]

تقرير متناسق وموضوعي ودي اهم حاجه\
بس انا ليه سؤال
هي الفرامل اللي ورا مش مفروض انها تكون سكينه مش طنبوره
اصل انا شفت عربيه اوتو بسكاكين ورا زي اللي قدام حد فاهمني

[mido]

تقرير متناسق وموضوعي ودي اهم حاجه\
بس انا ليه سؤال
هي الفرامل اللي ورا مش مفروض انها تكون سكينه مش طنبوره
اصل انا شفت عربيه اوتو بسكاكين ورا زي اللي قدام حد فاهمني

صراحه معرفش بس صاحبها قالي انه غير الطنابير

[abbadr]

[gdwl]فعلا انا سألت واحد صاحبي معاه الكروز اوتوماتيك بس هو مش بتاع جري و حرق..... قالي انك و انت سايقها بتحس انك سايق مرسيدس الثبات و التكيف و العزل ما شاء الله عليه

لكن هو قالي ان العربية بتبقي تقيلة و التجميع بتاعه بطيء بعد ال 130 و انه اخد حوالي دقيقة كاملة من 130 ل 160 كم

بس هو مبسوط منها جدا و عامل بيها حوالي 15000 كم[/gdwl]

يا باشا ازاي الكلام ده !!!؟؟ الكروز أحسن حاجه فيها التسارع من 100 لحد 160 صاروخ .. أنا جبت بيها لحد 190 ده اخرها و الثبات مفيش كلام قريبه من الاوكتافيا
عيوبها من وجهة نظري
1صوت الموتور في الحرق عالي شوية
2- في صوت بيظهر لما تلف الدركسيون على الاخر بسيط يعني بس مش عارف ده ايه
3 في صوت ساعات بيظر في الفرامل في السرعات البطيئة يعني و انت ساند على الفرامل في الزحمة بسيط برضة
4 الصاج ضعيف رغم ان شكله يوحي بالعكس بس ده ما يعتبرش عيب المهم سلامة مقصورة القيادة خصوصا انها واخدة 5 نجوم
بس ماقدرش أقول غير انها عربية محترمة في حاجات كتير أوي و لو جربتها هتعرف

[mido]

انا مشوفتش اى صواريخ :)

[walyas1]

الكروز نازله فى الدنيا كلها 1800 هو ده الموتور المكافىء لعربيه بحجم كروز لكن منصور جاب نسخة فيه 1600 عشان يقلل من جماركها وده مشكلتنا مع التوكيلات