هـــل الأوبتــرا فيـــها ABS و Air BAgs

[tnasr1]

سلام عليكم ياجماعة...
ان شاء الله أنا ناوي أشتري الاوبترا!!!

بس عاوز أسأل:
1- فيه abs؟
2- فيه Air Bags ؟
3- فيه أماكن تخزين كافية في التابلوه و فين؟؟

أنا فكرت كتير قبل ماخد القرار (ولسة متردد بيني وبينكم!!!) الأوبترا وللا الالنترا وللا الجين 2 !!!

ياريت حد يساعدني

تامر

[mina_ramsis]

و عليكم السلام و رحمة الله و بركاته
بخصوص الاوبترا فهى مفيهاش abs او وسائد هوائية و الالنترا نفس الحكاية ماعدا الفئة العالية بتاعتها ثمنها تقريبا 123 الف بس اللى فيها هى الجين 2
اما بخصوص اماكن التخزين فى الاوبترا فهى موجوده كتير زى درج فى التبلوه على ايدك الشمال و درج تانى جنب الولاعة و درج التبلوه الرئيسى اللى على اليمين و فيه جزء مخصص للمأكولات علشان بيدخل فيه التكييف و درج تانى سرى تحت الكرسى الامامى اليمين
بالتوفيق ان شاء الله يا استاذ تامر

[hh]

ممكن كمان تفكر في النيسان صني, هي فيها اير باج واحدة امام السائق لمويل الEx saloon و 2 ايرباج للSuper Saloon. بس مافيهاش ABS. انا عموما رأي انك ماتفكرش بره الصني و الجين 2. الاوبترا و الالنترا سعرهم فيه استهبال جامد قوي. يعني الصني ياباني و أرخص في السعر مع ان العربيتين مافيهمش حاجة زيادة عنها.لكن الجين 2 صحيح ماليزي لكن فيها كماليات أكتر من اي عربية في الفئة السعرية دي.

[tnasr1]

شكرا لكم على الرد يا شباب....

بصراحة..
أنا محتار جدا جدا جدا!!
مش عارف أختار
الصني.... ياباني تقفيل مصري والتابلوه أقل من العادي والشكل عادي جدا.. عواجيزي!!
الأوبترا... كوري تماما , التابلوه معقول.. الشكل كويس و بيقولو عزل الصوت سيء جدا
الجين 2 .. رائعة التصميم ولكن المواد المستخدمة مش بجودة عالية و الصناعة ماليزي والتوكيل أي كلام.
اللانسر.. ياباني غالية!!

مش عارف أجيب ايه!!!

أخلليني في ال 128 وخلاص!!

تامر

[YoussefMostafa]

الأوبترا... كوري تماما , التابلوه معقول.. الشكل كويس و بيقولو عزل الصوت سيء جدا

اظن ان موضوع العزل (سيء جدا) غير صحيح
وفي عضو معانا هنا عاملها تققيم ودة اللينك

http://www.nilemotors.net/Nile/showthread.php?t=10079

[fahd_628]

الجين 2 بجد عربية جميلة جدا جدا جدا

[osman hisham]

عزل الصوت فى الأونترا جامد جدا ما تصدقش أى حد
الجين 2 عربيه صغيره و لا تقارن بالأوبترا و ما يغركش غزارة الكماليات فيها ما الصينى فيه نفس الكماليات دى
من الأخر الأوبترا أحسن الحلول و كفايه أنها موتور أوبل .
تحياتى

[mina_ramsis]

معاومة العزل السئ فى الاوبترا معلومة خاطئة جدا

[ams]

سلام عليكم ياجماعة...
ان شاء الله أنا ناوي أشتري الاوبترا!!!

بس عاوز أسأل:
1- فيه abs؟
2- فيه Air Bags ؟
3- فيه أماكن تخزين كافية في التابلوه و فين؟؟

أنا فكرت كتير قبل ماخد القرار (ولسة متردد بيني وبينكم!!!) الأوبترا وللا الالنترا وللا الجين 2 !!!

ياريت حد يساعدني

تامر

انت ما قولتش احتياجاتك ايه فى العربيه تحديدا (الاستخدام الوسع السعر الاعتماديه الثبات الامان سعراعادة البيع القوة النعومة الجمال)
عشان اللى عنده خبره يقدر يفيدك بالظبط

[Powert]

روح اي معرض وشوف كل عربية

انا شوفت الصني والجين 2 والاوبترا مع واحد قريبي

احسنهم من واجهة نظري الجين 2

الصني ماعجبتنيش اوي وتحس انها عربي واحد عجوز فعلاً

الاوبترا نفس الكلام ماتور نوبيرا وكماليات مش كتييرا

الجين 2 شبابي جداً وطلقة وامكانيتها كتيرة

ومش معنى انها ماليزي تكون وحشة مالزيا رقم 5 على العالم

في صناعة الالكترونيات ولو نزلت اي مول كمبيوتر هتلاقي الصناعة الماليزي متفوقة

ومطلوبة اكتر من الكوري , عيب الجين 2 مافيهاش اماكن تخزين كتير

[mohamed ibiza]

انا رأيي يا اما تجيب لانسر 1600 سي سي دي اثبتت كفائتها فعلا او جين 2 عربية مش وحشة لحد دلوقتي 3 سنين شغالة مش معني كده انها ممتازة او اني حكمت عليها انها جامدة لا الحكم عليها لسه عليه شوية وقت انما لو لانسر دوس فيها عربية جامدة جدا









Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzaaaaaaaaaaaaaaaaaaaaaaa For Ever

[tnasr1]

والله ياجماعة أنا مش عارف أقولكم ايه!!!

متشكر جدا لكل واحد اداني نصيحة و كل واحد قرأ الموضوع
بس الصراحة... مش عارف اخد قرار

بالنسبة للإمكانيات المادية... انا هجيبها بالتقسيط فمش فارقة من 85 الى 110 !!!
أنا عاوز عربية واسعة
عزل الصوت ممتاز
كماليات حلوة
تابلوه شيك
1600 cc

air bags و abs (مش شرط قوي)

اقتراحاتكم الجميلة بقى!!!

مهندس/تامر

[imy]

جربت هوندا سيتي؟؟؟

[eng_mkhalaf]

تامر بية أنت رديت على نفسك لة هتزق إلى 110 يبقى لانسر 1600 وأشترى الجمجمة وأرحم وائل :)

[tnasr1]

خلف باشا.....
صباح جميل...

للأسف مش حابب اللانسر!! أذواق بقى

وسلملي على وائل!!!

ماتنساش انك كنت اسخن من كده وانت بتدور على العربية بتاعتك!!!

مهندس / تامر