هـــل الأوبتــرا فيـــها ABS و Air BAgs

[fahd_628]

الجين 2 كمالياتها و ثباتها و محركها افضل منهم كلهم

الكماليات الى موجودة فى الجين 2 و مش موجودة فى الصنى علشان الى بيقول

Abs - Ebd و دية حاجات مهمة جدا جدا جدا جدا و حتعرف قيمتها فى وقت من الأوقات و فى بعض المواقف و لازم تهتم بالحاجات دية لأنها بجد مهمة والله

كاسيت بلاوبانكت
باركينج سينسور
انزار
ايموبلايزر
تعديلات كتيير علشان تاخد وضع مريح للقيادة ( تعديل الأرتفاع بتاع الكرسى و تعديل ارتفاع الدريكسيون )
ديريكسيون مالتى فانكشن
كمبيوتر بيوضحلك حاجات مهمة عن البنزين

+ شكل جميل جدا
محرك تصميم لوتس
شاسية و تعليق تصميم لوتس

الحاجات دية كلها مش موجودة فى الصنى

+ حتوفر فلوس كتيير مقابل حاجة ممتازة سعرها مش مبالغ فية ابدا عكس الانسر مثلا الى سعرها عمال يزيد لدرجة مش طبيعية

و طبعا الأختيار فى النهاية لك

[eng_mkhalaf]

فهد باشا متنساشى أن سعر أعادة البيع للجين 2 رايح فى داهية

[limo]

انا رأى انك تحط الabs و الair bag ضمن اختياجاتك الاساسيه
لانهم فى رأى مهمين جدا جدا وربنا يسترها
على فكره وانا بشترى عربيتى كانت حاجه اساسيه انها تكون فيها اير باج وفرامل abs

انا رأى انك تأخذ لانسر 1600 مصريه لو مانوال ولو اوتوماتيك هاف سبورت خليجى لانهم ده الفئات الى فيها abs
وخلى بالك انا فى خليجى هاف سبورت مفهوش abs

[tnasr1]

معلش ياجماعة...
أنا حاسس ان الناس مزوداها حبتين في موضوع ال ABS
انا دلوقتي على فكرة سايق مرسيدس 200 مو 84
طبعا مافيهاش ولا air bags ولا ABS وزي الفل والله

بس العربية بتاعة الوالد
وأنا ناوي أشتري عربية جديدة إن شاء الله

مهندس/ تامر

[fahd_628]

فهد باشا متنساشى أن سعر أعادة البيع للجين 2 رايح فى داهية

مش اوى يا باشا و شايف انة عادى مش ضايع اوى لأنها بتتباع فى السبعينات و دة مش وحش

[eng_mkhalaf]

فهد باشا أنا معاك فى أوائل السبعينات وممكن أقل شوف دة

http://www.car100100.com/car_details.php?car=3729

http://www.car100100.com/car_details.php?car=3472

http://www.car100100.com/car_details.php?car=2108

http://www.car100100.com/car_details.php?car=1473

وكمان دة من بق صاحبها ولسة فى كلام لم تكيش يعنى بتتكلم فى 20 إلف يعنى داخل على ربع التمن وكمان محدش فاهم العربية دية قوى وسوقها نايم شوية

[limo]

معلش ياجماعة...
أنا حاسس ان الناس مزوداها حبتين في موضوع ال ABS
انا دلوقتي على فكرة سايق مرسيدس 200 مو 84
طبعا مافيهاش ولا air bags ولا ABS وزي الفل والله

بس العربية بتاعة الوالد
وأنا ناوي أشتري عربية جديدة إن شاء الله

مهندس/ تامر

بص الاير باج انا الحمد لله مجربتهاش ولاعايز اجربها بس انا شايف انها انقذت ناس كتير
ال abs ebd لو انت مسافر او ماشى على طريق مفتوح والامامك وقف مره واحده او حصل اى ظرف فى الطريق تطلب منك انك تفرمل جامد +صادف ان الطريق الى ماشى عليه كان مطره او عليه رمله او زيت واقع
تقدر تقولى ايه اى ممكن يحصل ؟؟؟
انا مره كنت هعمل حادثه بشعه بسبب عدم وجود الفرامل الabs بس الحمد لله ربنا سترها معايا
طبعا مش بقولك خد عربيه انت مش حابب تركبها علشان فيها فرامل واير باج بس حاول انك تجيب عربيه انت حاببها فيها النظامين دول او حتى نظام واحد بس
وان شاء الله ربنا يوفقك ونبارك قريب

[eng_mkhalaf]

طبعا مش بقولك خد عربيه انت مش حابب تركبها علشان فيها فرامل واير باج بس حاول انك تجيب عربيه انت حاببها فيها النظامين دول او حتى نظام واحد بس
وان شاء الله ربنا يوفقك ونبارك قريب

+1000000000000000000000000000000000000

[sahtot]

الجين 2 حلوة بس المشكلة انها متشيلش اكتر من واحد جمبك واتنين ورا ومش هيبقوا مرتاحين لو لانها ديقة جدا وعفشتها خشنة اوى بس بعد كدا كل حاجة فيها حلوة بس خلى بالك لو معاك عيلة مش هتعرف تركب ورا وعن تجربة اللاوبترا جميلة واحسن من الصنى فى الشكل واوسع بس والباقى متشابهين فية كتير هما الاتنين من حيث الكماليات والسحب والثبات والعزل بس بردة شكل تابلوة الاوبترا احسن من الصنى بكتير شوف احتيجاتك اية من العربية وربنا يوفقك....

[tnasr1]

شكرا شحتوت....

بس الصورة بتاعتك تخوف!!:)
خلاص يا عم هجيب اللي انت عاوزه بس من غير زق!!

شكرا يا باشا

مهندس / تامر

[sahtot]

:):) مش شحتوت ازاى تغلط فى الاسم :) سحتوت وانت تؤمر يا باشا ولو احتاجت اى حاجة انا موجود...

[tnasr1]

يانهار ابيض انا غلط لااااااااااااا
انا اسف ياباشا....
ابوس ايدك اخر مره!!! :(

ماشي ياعم.. متشكرين يا سيدي

مهندس / تامر

[sahtot]

:)

خلاص خلاص روح لحال سيبلك قلبى وربى مش غضبانين عليك....:) على فكرة انا كمان بشترى عربية الايام دية وبردة محتار بين الاوبترا والنيسان صنى وساعات بروح للصينى ال1600 سىسى a516 لآنها فيها كل الكماليات وواسعة وحلوة مش عارف واللله حاجة تجنن ....الجين 2 بردة جربتها امبارح ومعرفتش اقعد ورا انا 188 دماغى خابطة فى السقف ومش عارف اقعد انا محتار زييك بالظبط......

[mohammedhus]

نصيحه من أخ...

السلام عليكم يا شباب ويا أحلى منتدى للسيارات بجد

نصيحه من أخ...
بلاش التأفيل المحلى أرجوكم ،ولو فى حد معارض حايقوللى ماتقارنش عربيتين محليين ببعض أو إنى منحاز للأجنبى ممكن أقوله مايغالطش نفسه ويجرب الفرق الأول ويركب دى ويركب دى ،وإنى شفت كذا حاجة فى عربيات التجميع المحلى لأصحابى خصوصاً جودة التأفيل السيئه .. للأسف تخلينى عمرى ما أفكر أشترى عربيات التجميع المحلى لغاية ما ينصلح حاله إن شاء الله

وشكرا،،،