فتح شنطة سبارك من ريموت الإنذار (بالصور)

[ecybrarian]

ملاحظات لابد منها:
قبل ما تركب إنذار بص على الموضوع دا http://www.nilemotors.net/Nile/222721-155.html
موضوع فتح الشنطة من ريموت الإنذار قتل بحثا في المنتدى من قبل ومنها http://www.nilemotors.net/Nile/96748-a-4.html
طيب ايه الجديد!! الجديد إني عملت الموضوع مستغلا تصميم الشنطة من غير ما اخرم ولا احفر في العربية. بصراحة ماكنتش متوقع إنه يبقى بالسهولة دي ابدا
ملحوطة اخيرة، سبارك مجهزة بمكان في الكبود لزرار باب يركب فيه ويوصل على الإنذار من اجل تأمين الكبود ايضا..ودي صورة زرار الباب الذي ركبته


نبتدي من اين الحكاية:
الأدوات:
- 4 مترسلك 1مم او 2 مم - قشارة سلك - شريط لحام او مكرونة heat shrink - قربة سنتر - مسمار بصمولة - ترملة حلقة او شوكة - وطبعا الآفو (مابعرفش اشتغل من غيره. ماليش في مفكات التست وكدا)

التركيب: (راجع ضفيرة wiring الإنذار تبعك)
- إذا كانت إشارة فتح الشنطة موجبة (+) من الإنذار: يتم توصيل السلك من الإنذار حتى آخر يمين الشنطة. يتم تمرير السلك من تحت باكتيات الأبواب الداخلية شمال وحتى باكتيات الشنطة.
- إذا كانت إشارة فتح الشنطة سالبة (-) من الإنذار: ستحتاج لمد سلك آخر مجاور (فردتين) فردة من الإنذار وفردة حية من نور الصالون لتوصيل التيار الثابت الموجب (انظر رابعا في http://www.nilemotors.net/Nile/197844-a.html). وايضا يتم تمرير السلكين (الفردتين) من تحت باكتيات الأبواب الداخلية شمال وحتى باكتيات الشنطة.

اختبار غلق وفتح القربة:
القربة فيها سلكين ولها حركتين إما ضم إلى الداخل او دفع للخارج. المطلوب في هنا هو حالة الضم. فيتم توصيل السلكتين الخارجتين من القربة بالسلك الممتد من الإنذار ونجرب بالريموت. لو تحركت القربة في اتجاه الضم كان التوصيل صحيح، ولو تحركت في اتجاه الدفع كان التوصيل خطأ وفي هذه الحالة يتم عكس الأسلاك.

فيديو اختبار الضم
[flash=http://img838.imageshack.us/flvplayer.swf?f=Pdc8]WIDTH=320 HEIGHT=260[/flash]

تثبيت القربة للفتح وتجهيزها:
القربة يأتي معها بار صغير مثني احد اطرافه..قم بإدخال الطرف المثني في القربة ثم قم بثني الطرف الآخر على شكل U.


ايضا يأتي مع القربة حديدة تثبيت مقسمة إلى اجزاء..قم بتثبيت القربة بالمسامير التي تأتي بها في تلك الحديدة من آخرها كما هو موضح في الصورة. لا حظ المربع حول اول خرم في الحديدة لأن هذا سيكون مكان تثبيت القربة بالمسمار ابو صامولة في شاسية الشنطة الداخلي


(انا مش عارف اشرح النقطة دي فمعلش ركزوا معي)
على يمين قفل الشنطة ستجد مكان في أكثر من خرم في الشاسية من الداخل..اختر اول خرم وركب فيه المسمار (ابو صامولة) بحيث يكون رأس المسمار من الداخل والصامولة من الخارج، ثم ركب القربة بحيث يكون مكان المسمار في نفس مكان المربع المرسوم في الصورة السابقة وثبت بالصامولة جيدا (جيدا مرة اخرى)
إذا كانت اشارة فتح الشنطة من الإنذار موجبة (+) ستحتاج توصيل الطرف الأرضي السالب (-) من القربة (السلك الازرق في الصورة) بالترملة الحلقة او الشوكة في مسمار التثبيت قبل ربط الصامولة..


قم بإدخال الطرف الذي على شكل U في القفل من الداخل بحيث يكون معشق مع القفل الذي يتفح الشنطة (مع الشداد) انظر في المربع في الصورة


بعد التأكد من أن كل أطراف السلوك معزولة تماما..جرب تفتح الشنطة وادعوا لي
[flash=http://img851.imageshack.us/flvplayer.swf?f=Pb64]WIDTH=320 HEIGHT=260[/flash]

[Bassem Raafat]

الله عليك يا دكتور يالى مظبط سباركى دايماً .

بجد كل إختراع بيبقى أحسن من اللى قبله ، ومنصور لو عرف كل التفاصيل دى ممكن يمضى معاك عقد إحتراف ، أو يعرف التفاصيل والتكاليف ويزودها هو على العربيه بألوفـــــــــــات .

تسلم إيدك يا دكتور .

[mhmdalsaadany]

الله ينور عليك يا دكتور

[aymanmaly]

دكتور هشام








تسلم ايدك
انا هابعتلك عربيتى تتبناها يومين :-)
يجعلة عامر

[Usama Nagi]

دكتور هشام








تسلم ايدك
انا هابعتلك عربيتى تتبناها يومين :-)
يجعلة عامر

ما تنساش يا عمدة تاخد عربيتي معاك فوق البيعة

أستاذ هشام انت فنان

[ecybrarian]

الله عليك يا دكتور يالى مظبط سباركى دايماً .

بجد كل إختراع بيبقى أحسن من اللى قبله ، ومنصور لو عرف كل التفاصيل دى ممكن يمضى معاك عقد إحتراف ، أو يعرف التفاصيل والتكاليف ويزودها هو على العربيه بألوفـــــــــــات .

تسلم إيدك يا دكتور .

بارك الله فيكم..بس هو يعني لو سيدي منصور (يابابا) ولا الجمارك (يابابا برضه) كانوا بيجيبوا العربيات زي مابتنزل برة، كنا احتاجنا نعمل الحركات دي..في اوروبا والدول المتقدمة..إللي بيحب يركب زينون مثلا بيغير العربية بواحدة تانية فيها زينون.حاجة ببلاش كدا

الله ينور عليك يا دكتور

وعليك يا باشا

دكتور هشام
تسلم ايدك
انا هابعتلك عربيتى تتبناها يومين :-)
يجعلة عامر

تسلم لي يا عمدة..انا يشرفني ياعمي إني اطلب دريكسيون عربيتك الشمال :-))))

ما تنساش يا عمدة تاخد عربيتي معاك فوق البيعة

أستاذ هشام انت فنان

بس يا ابني انت فاجئتني :-))))) والله تشجيعكم دا إللي مخللي الواحد عنده نفس يشتغل..ربنا يخليكوا لي يا كل الفرسان

........ ايه كمية الظرف والخفة إللي انا فيه دا معذرة بقى لو الهزار مش في محله

[misoalex]

الله ينور يا باشا بس بالنسبه لمفتاح الباب اللى راكب فى الكبوت ده مش بتاع الكبوت مفتاه الباب ده مع اول حبه ميه حيجو عليه حتلاقى الانزار اشتغل لان المفتاح بيلمس

وعن تجربه فى مفاتيح الابواب العاديه كان عندى مفتاح بيوصله ميه مع الشتا والغسيل والاقى العربيه بتزمر لوحدها مره باليل ومره وانا بركن لحد مكتشفت ان العيب فى كده
واللى عرفته ان فيه مفاتيح مخصصه للكابوت

او لو تعرف تعزل المفتاح ده عن المياه بأى طريقه وخلاص

[ecybrarian]

والله ممكن فعلا موضوع المياه دي..بس عموما العربية بتنزل بالزرار دا في الفابريقة..انا هاجرب ارش مياه بالخرطوم واشوف لو الزرار محتاج عزل اضافي...شكرا للتنبيه المهم دا

[fawzyyyy]

الله ينور يا دكتور......والله عالمي

[wisambasha]

فناااااااااااااااااااااااان بجد والله

انا كمان هركبها في عربيتي

بس لما الاقي وقت!!!!

[ZALABANY]

أستاااااااااااااااااااااااااااااااااااذ بجد ما شاء الله عليك
أحييك على جرئتك وعلى دماغك

[Mahmode]

100 100

[engaass]

تسلم ايديك بجد