توصيــــف كامل للأوبتــــرا بالصـــور

[aif]

سلام عليكم 00
على فكرا انا مشترك هنا اكتر من 6شهور تقريبا
ومعماتش ولا مشاركه بخش استفيد بس لانى ببساطه معنديش اى حاجه افيدكو بيها
وبجد موضوع داا هايل فوق الوصف وخلى ايدى تكولنى انى اقولللك
متشكرر جداااا

العفو يا باشا اي خدمة
انا لو اعرف ان الموضوع دة ح يخليك تدخل معانا ونتعرف بيك .... كنت عملته من زمان :D:D:D
اهلا بيك يا باشا
وشكرا للإدارة للتثبيت واشكر جميع الزملاء اللي معانا

[theking2690]

و الله و الموضوع اتثبت يا حلمى

يووووووووووووووه نسيت قصدى يا احمد باشا


بس انا كان عندى استفسار صغير:d

برجاء التقدم ببيان رسمى لتوضيح كيفية حصولك على الكاب الاحمر ويا ريت كام صوره للكاب كده من جميع الجوانب و تبقى احسن بقى لو جمب كوباية شاى ليبتون

[aif]

و الله و الموضوع اتثبت يا حلمى

يووووووووووووووه نسيت قصدى يا احمد باشا


بس انا كان عندى استفسار صغير:d

برجاء التقدم ببيان رسمى لتوضيح كيفية حصولك على الكاب الاحمر ويا ريت كام صوره للكاب كده من جميع الجوانب و تبقى احسن بقى لو جمب كوباية شاى ليبتون

دي تبقي دعاية صريحة .... انتا عاوزني آجد انذار والا اية ;)
:D:D:D:D

[Abonora]

بصراحه موضوع رائع
و الاروع الصور ؛؛؛؛؛
بالرغم من ان الاوبترا كانت من العربيات المرشحه انى اشتريها
لكن محصلش نصيت انى اشوفها
و اول مره اشوفها كده من الداخل و بتمعن من الخارج من صور حضرتك
و ربنا يبارك لك فيها ؛؛؛

[معاذ الشرباصى]

ما شاء الله

تقييم ممتاز, ربنا يبارك لحضرتك فيها

انا كنت بحب الاوبترا زمان اوى, لما كان سمارت كار بينزلها خليجى, قبل اما تنزل مصر بسنة على الاقل, و كان فيها اوبشنز اكتر من دى صراحة

بس لما اتشالت الاوبشنز فى الموديل المصرى, حبى لها قل

[aif]

ما شاء الله

تقييم ممتاز, ربنا يبارك لحضرتك فيها

انا كنت بحب الاوبترا زمان اوى, لما كان سمارت كار بينزلها خليجى, قبل اما تنزل مصر بسنة على الاقل, و كان فيها اوبشنز اكتر من دى صراحة

بس لما اتشالت الاوبشنز فى الموديل المصرى, حبى لها قل

ربنا يكرمك يا معاذ باشا
كلامك مظبوط تماما ... وانا في تقييمي للكماليات ذكرت الاسباب اللي تخليها تاخد جديد جدا مش امتياز ولا رائع ....
وطبعا هما استغنو عن بعض الكماليات لضغط التكاليف عشان سعرها يبقي منافس... وقد كان
هنا بقي الامر يرجع للمشتري ..... لو يناسبه الكماليات دي ... اهلا وسهلا ....
لكن انا لما قررت اعمل الموضوع ده كان السبب الرئيسي ان اللي بيشتري دائما لايكون عنده الفرصة كاملة لفحص جميع الكماليات والمواصفات بدقة ... وغالبا بيبقي مبهور بالسيارة وهي زي العروسة في المعرض ..وممكن يكون فيها كماليات وهو مش عارف مكانها فين... فممكن اشياء كتير تفوت عليه ... قد تكون في صالح السيارة او ضدها .... لكن في النهاية تقييمه مش ح يكون 100%
اعتقد لو شاف الصور دي والشرح المفصل ....سيكون فحصه للسيارة علي الطبيعة مختلف تماما عن ذي قبل ..... ح يبقي رايح يتفرج علي السيارة وعارف كل كبيرة وصغيرة فيها ... ح يفرزها صح

بغض النظر عن كون ده في صالح السيارة او ضدها
انا مايهمنيش السيارة ...... انا يهمني الزملاء يكونو علي بينة

[hanyathlon]

ربنا يخليك لينا يارب ...
وبجد الف الف شكر

انت كسرت المنتدى بأقوى موضوع شوفتوو فى المنتدى ... والبركة فييك يا أستاذ احمد

سؤال انا إن شاء الله قربت استلم الاوبترا .. انت مزكرتناش حاجة عن السواقة
من ناحية النعومية هل هى شديدة النعومية و مريحة فى السواقة و الدبرياج
والنقلات بتاعت الفتيس مريحة و لا بتصقف منك وبتنط و الكلام دة زى اللانوس والنوبيرا

[aif]

.. انت مزكرتناش حاجة عن السواقة
من ناحية النعومية هل هى شديدة النعومية و مريحة فى السواقة و الدبرياج
والنقلات بتاعت الفتيس مريحة و لا بتصقف منك وبتنط و الكلام دة زى اللانوس والنوبيرا

النقلات مريحة جدا والفتيس رائع ... لالنسبة للنعومية في السواقة فهي عاجباني لكن انا مأجل الحكم عليها لغاية ما اتعود عليها اكتر ...والسبب اني بقالي 12 سنة باسوق شاهين و 131 وحاجات مشابهه مافيهاش نعومة ولا باور ولا دلع زي دي
... فطبعا لما اسوق اوبترا ح تكون طفرة بالنسبة للي فاتو .. وكمان عربيتي التانية 128
الدبرياج زي الفل ما فيش فيه اي مشاكل .. ومش ملاحظ حكاية التسقيف دي خالص
ان شاء الله كمان فترة ... يمكن بعد شهر او شهرين ...ح اكون قدرت اقيم النعومة واستهلاك البنزين
علي فكرة انا عمري ما سوقت لانوس او نوبيرا ... عشان كده مش قادر اقارن

[Mzeid]

معلش عندي سؤال لك يا أستاذ أحمد ..
حضرتك سقت ال 128 و الأوبترا و دبرياج ال 128 تقيل زي ما حضرتك عارف فهل الأوبترا الدبرياج بتاعها طري و ناعم و لا نفس نظام ال 128 .. ؟!
و ربنا يبارك لك في العربية إن شاء الله ..
:):)

[aif]

معلش عندي سؤال لك يا أستاذ أحمد ..
حضرتك سقت ال 128 و الأوبترا و دبرياج ال 128 تقيل زي ما حضرتك عارف فهل الأوبترا الدبرياج بتاعها طري و ناعم و لا نفس نظام ال 128 .. ؟!
و ربنا يبارك لك في العربية إن شاء الله ..
:):)

الدبرياج طري وناعم ومش متعب
لكن علي فكرة دبرياج ال128 مش تقيل زي مانت متصوريمكن الفتيس بتاع ال128 هو اللي مش قد كدة في نقلاته .... اللي تقيل وزي الداهية هو دبرياج الشاهين ... البركة فيه ... عضلات رجلي الشمال بقت قويه جدا
اعتقد لو سوقت بعد الشاهين عجلة حربية من بتوع أحمس طارد الهكسوس ... ح تكون ظريفة بالنسبة للشوشو :D:D:D

[Mzeid]

الدبرياج طري وناعم ومش متعب
لكن علي فكرة دبرياج ال128 مش تقيل زي مانت متصوريمكن الفتيس بتاع ال128 هو اللي مش قد كدة في نقلاته .... اللي تقيل وزي الداهية هو دبرياج الشاهين ... البركة فيه ... عضلات رجلي الشمال بقت قويه جدا
اعتقد لو سوقت بعد الشاهين عجلة حربية من بتوع أحمس طارد الهكسوس ... ح تكون ظريفة بالنسبة للشوشو :D:D:D

شكراَ على الرد ..
:):)

[mina_ramsis]

عندك حق الشاهين الدبرياج بتاعها صعب اوى

[bassam nagy]

الف شكر على التقييم الرائع

[hanyathlon]

انا عارف ان احنا تقلنا عليلك اوى :]
هو ينفع تصورلنا الطابلو كلة بليل وهو كلة منور ... يعنى قصدى للى قاعد ورة وشاف الطابلو كلة بالكاسيت والعدادات هيشوفة نورة ازااى
يا سلام لو حططتلنا كام صورة كدة تبقى تمام اوى و ربنا يخليك لينا

[Dr_Smart]

الف شكر يا باشا على المجهود الجبار ده

وربنا يباركلك في عربيتك