اريد شراء افيو ولكن

[wael abbass]

اريد رائيكم لقد وفقني اللة في بيع 128 و قررت شراء عربية جديدة فانا معجب جدا بشكل الافيو ولكن كل ما قراءت عنها شئ سئ جدا
فذهبت لسؤال بعض اصدقائي من مالكيها فشكرولي فيها علي العموم بعد ذكرهم لي ببعض المشاكل الخفيفة
فكيف لعربية سئ جدا حسب ما قراءت في هذا المنتدي ومنتشرة كل هذا الانتشار فلا يخلو شارع من وجود اكثر من سيارة فية مع العلم بانة يوجد عربيات اخري في نفس السعر تقريبا وسمعتها جيدة زي النيسان - جن2 فهل من تفسير ام هذا المشاكل حالات فردية
ارجو المساعدة

[mohamedaghali]

والله انا هاقول لحضرتك والقرار بتاعك فى الاخر
الافيو عربية شكلها حلو سعرها كويس من اقل العربيات الاوتو الموجوده لان الصنى و الجين اغلى ب 6000 يعنى تقريبا 8% زيادة , قطع غيارها بره التوكيل رخيصة جدا وفى نفس الوقت سعر اعادة البيع كويس ومابتخسرش كتير اما عن العيوب كالتالى
1- تقفيل مصرى سىء جدا محتاج وانت بتستلم العربية تقلب فيها كويس وتجربها وتتاكد ان مفيهاش اى عيوب ولا اصوات تزييق وللعلم الصنى زيها بالظبط فى سوء التقفيل لان الاتنين مصرى للاسف.
2- مشكلة الطنابير الامامية وحلها يغيرولك الطنابير المصرى بالكورى والعيب مبيرجعش لان العيب فى الطنابير المصرى برده وده بيكون على حساب الضمان
3- مشكلة الار بى ام وهى مشكلة احيانا بتحصل واحيانا لا
4- العفشه بالنسبة لبعض الناس ناشفة شويه
بالنسبة للصنى فيها برده بعض عيوب التقفيل المصرى + قطع غيار غاليه والجين 2 مفيش قطع غيار غير التوكيل وتوكيلها الناس مش مبسوطين منه اوى بدا يبقى فيه محلات بره فيها قطع غيار بس ممكن ترجع لقسم بروتون يفيدوك اكتر منى بس سعر اعادة بيعها مش قد كده
خلاصه الكلام طبعا الفلوس هيا اللى بتحكم لو تقدر تزود وتركب اوبترا او اكسنت ار بى يبقى افضل من كل دول لو الفلوس حكمت استخير وتوكل على الله

[mido]

لا انصح بها مع ان خلال اربع سنين ونص مقابلتش غير مشكلة التيل اللي بيصفر بس العفشه ناشفه قوي

[Hosam_Optrawy]

ناس كتير اوى اشتكوا منها ان فيها عيوب ملهاش حل

بص عاللوجان نزلوا منها اوتوماتيك وغيروا الموتور خلوه 16 صباب 105 حصان وب 79 الف يعنى ارخص من الافيو ب 10 الاف وبالتوفيق

[mido]

كده اللوجان هتكتسح فى الفئه دى بالرغم من ان شكلها مش حديث قوى

[mohamedaghali]

ده كده اللوجان تبقى وهمية

[wael abbass]

ده كده اللوجان تبقى وهمية

بصراحة يا جماعة انا مش ميال للوجان بس هو السؤال هو لية الافيو عربية بهذا السوءكما قراءت عنها و منتشرة كل هذا الانتشار ؟
ممكن اعرف هو موتور الافيو هو هو متور الانوس ؟ و مصنوع فين؟

[wael abbass]

اين ارائكم يا جماعة

[mohab2010]

العربية ممتازة في حجات كتير علي سبيل المثال وليس الحصر
العربية عالية وتستحمل مطبات البلد دي بدون تكحيت من اسفل
استهلاك البنزين رائع جدا بالمقارنة بمثيلتها بتعمل معيا في السفر -360-380 كيلو للصفيحة
قطع الغيار متوفرة ورخيصة بالمقارنة بمثيلتها
الشكل الخارجي والداخلي جميل وكبر حجم الشنطة والفامية الفبريكة والكست ممتاز والكراسي 10/10 والبور ناعم
ثبات ممتاز علي ملفات السخنة تكيف 10/10
العربية منتشرة جدا و سعر اعادة البيع عالي
واكيد مشكلة ال rpm حتتحل مع الوقت
واحب اقول لحضرتك كل العربيات الي في حدود 70-80 الف فيها مشاكل اكتر من الافيو بكتير ادخل علي المنتديات وشوف الحمد لله علي كدة

[M_Marwan]

حتندم اشد الندم

http://www.nilemotors.net/Nile/36734-a.html

http://www.nilemotors.net/Nile/48620-a.html

http://www.nilemotors.net/Nile/57548-rpm.html

http://www.nilemotors.net/Nile/76070-rpm.html

http://www.nilemotors.net/Nile/102435-a.html

http://www.nilemotors.net/Nile/138521-a.html#post3872530873

وانصحك بص على اخر موضوع باهتمام وانت تعرف اد ايه العربيه ديه كارثه !!!
ولاحظ برده تاريخ المشاركه للمواضيع ديه !!!
انا بعت بتاعتى بعد ما دوخت بيها على التوكيلات !!!

[wael abbass]

علي كدة خليني في الانوس احسن بعد ما صرفت نظر عن الافيو خالص علي العموم انا حساس ان كدة كدة هشتري عربية سيئة في رنج الفلوس الي معايا فخليني في الارخص ولا اي رائيكم؟

[ragy]

ناس كتير اوى اشتكوا منها ان فيها عيوب ملهاش حل

بص عاللوجان نزلوا منها اوتوماتيك وغيروا الموتور خلوه 16 صباب 105 حصان وب 79 الف يعنى ارخص من الافيو ب 10 الاف وبالتوفيق

افضل عربيه في الفئه السعريه دي بلا منافس

بيقرنوها دلوقتي بالصني والاوبترا وبتتفق عليهم في استهلاك البنزين عوامل الامان العفشه الناعمه علوها عن الارض فرق السعر تقريبا 23 الف

بالنسبه للافيو التقفيل المصري فيها مشاكله ملهاش آخر
التقفيل الكوري مشاكله معروفه واقل بكتيييييير من المصري يعني زي( عفشه ناشفه - التزييق - ال rpm - صفاره التيل - الطنابير )

والمشكله اني موديل 2012 كله تقفيل مصري


ومنتشره لاني معظم اللي بيجبوها مش عارفين مشاكلها
بيبقى معاه 80 الف وعايز يبعد عن العربيات المستهلكه والشعبي زي الانوس والفرنا ويقول اجيب اعلى نهم ميلاقيش في السعر ده غير الافيو فيعجبه شكلها ويقول ده شفروليه عربياته منتشر وماركه معروفه فيجبها او قبل ما يجبها يسال واحد عنده العربيه فهيشكرلو فيها طبعا لاني معظم الناس بتشكر في عربيتهم ( لكن لو دردشت معاه من ناحيه تانيه هتعرف الحقيقه )

[SonaSteel]

وللعلم الصنى زيها بالظبط فى سوء التقفيل لان الاتنين مصرى للاسف.
بالنسبة للصنى فيها برده بعض عيوب التقفيل المصرى

ركبت الصني ؟؟ او سوقتها وسمعت التزييق ؟؟؟
ولا سمعت زي ما باقي الشعب بيقول ؟؟؟
ولا اي حاجة مصري بقيت تقفيلها سئ
---------------------------------
مفيش مقارنة بين الصني ولا الافيو ولا حتي الاوبترا ...... ميزة الاوبترا الوحيدة الكنبة اللي ورا لبعض الناس غير كده مفيش مع احترامي لملاكها
للعلم معايا دلوقتي الصني والاوبترا
---------------------------------
سؤال اخير
ياريت حضرتك تعدلي مساوئ تقفيل الصني المصري ..... فعلا انا محتاج اعرفها
ومتقلقش انا فصصت العربية ديه حتة حتة واي حاجة انا تحت امرك

وحضرتك نصحت بالاوبترا او لاكسنت الار بي .......... ليييه ؟

[mohab2010]

الافيو عربية ممتازة للاجواء المصرية (المطبات العالية - قطع غيار رخيصة - استهلاك البنزين منخفض جدا - اعادة البيع عالية .............. ) بس المشكلة ان الناس وانا واحد منهم بنكتب عن العيوب فقط لمعرفة الحلول دون ان نذكر المميزات مفيش عربية في هذة الفئة السعرية مفهاش مشاكل وشوف في باقي المنتديات
من الاخر محدش بيكتب الا لما تكون عندة مشكلة فقط ويريد الحل و التجربة
في ناس كتير اعرفهم شخصيا مش بيشتكو من الافيو ومريحاهم جدا
ممكن تشوف احصائية اكثر العربات المباعة في 2011 (الافيو في المرتبة الرابعة بعد الفرنا-الانوس-ار بي )

[wael abbass]

اشكركم جميعا علي ارائكم ولكني اعتقد كما سمعت من مالكين الافيو انها لانوس عليا علي الارض وشكلها احسن شوية لانة نفس الموتور نفس العفشة الناشفة
بالنسبة للصني كل الناس بتشكر فيها جدا بس سعرها مرتفع عليا شوية