النجدة :- عاجل جداً العربية مش راضية تدور بدون سبب واضح

[أشرف العدوي]

مبدئياً :
انا قررت اغسل العربية انهاردة بنفسي
حركتها بتاع 2 متر من مكانها علشان تبقى قدام باب العمارة بالظبط
و ابتديت انظف الصالون
و لقيت عازل كابل البطارية ( الغطاء الي بيبقى على الكابل الموجب مش راكب )
رحت فكيت قطاش البطارية الموجب و ركب الغطاء و بيس
قولت اعمل ايديل ليرن
أكتشفت اني مش سامع صوت الطرمبة و موئشر البنزين مش بيتحرك من مكانه
مع اني لسة ما ابتدتش غسيل
و العربية كانت دايرة من أقل من دقيقة
ده غير كل الأنوار و الكاسيت و الانذار شغال عادي
و عدادات التريب شغالة عادي على التسييف الي كان فيها
و اكتشفت كمان و انا مشغل الكونتاكت بس
المفروض في 3 لمبات بينوروا
البطارية - تشيك انجين - الزيت
كل منور ماعدا التشيك انجين

شوفت الفيوزات و خد واحد حطيته مكان الطرمبة هو لو نة ازرق و مكتوب عليه 15v خدت واحد من الاحتياطي زيه بالظبط و بردو ما دارتش و لا لمبة التشيك انجين نورت

شيك على فيش الطرمبة لقيتها سليمة ( تحت الكنبة الخلفية )
تفتكروا العيب منين

العربية سادة باب العمارة تحت و شكلي وحش

علما بأن صوت المارش طبيعي بس مافيش بنزين واصل


ده انا كنت بفكر اعمل موضوع اني ابتديت احب العربية دي
لكن للأسف واضح انها قصة حب مش مكتوب لها الأكتمال

أرجو الأفادة السريعة

[أشرف العدوي]

طيب سؤال هو ممكن الكرمبة تموت فجآة بدون ساق أنذار
و إيه علاقة لمبة التشيك انجين الي مش بتنور بالموضوع

[أشرف العدوي]

20 مشاهدة و زيرو رد
واضح ان الموضوع عويص

[أشرف العدوي]

طيب انا اشتريت قطع غيار و هعمل صيانة للموتور و الفتيس في توب جير قريباً
مش هعمل تقرير غير لما حد يرد
بس هه
حتى لو أتصلحت لوحدها مش هعمل تقرير غير لما حد يعبرني هنا

[abou-yahia]

طيب انا اشتريت قطع غيار و هعمل صيانة للموتور و الفتيس في توب جير قريباً
مش هعمل تقرير غير لما حد يرد
بس هه
حتى لو أتصلحت لوحدها مش هعمل تقرير غير لما حد يعبرني هنا

لا لا اعمل اي حاجه تانيه

الا انك متعملش تقرير الصيانه

منقدرش علي كده

بص اكيد محدش عارف بما فيهم انا

وانت مترضاش ان حد يفتي عليك وده مش من شيم الفرسان

بص الاغلب انت حتلاقيها دارت لوحدها تاني

بس خلاص

اه ومستنيين التقرير

[أشرف العدوي]

لا لا اعمل اي حاجه تانيه

الا انك متعملش تقرير الصيانه

منقدرش علي كده :b4_611:

بص اكيد محدش عارف بما فيهم انا

وانت مترضاش ان حد يفتي عليك وده مش من شيم الفرسان

بص الاغلب انت حتلاقيها دارت لوحدها تاني

بس خلاص

اه ومستنيين التقرير

ياريت تدور لوحدها
انا متنكد قوي
و الله كنت قربت أحبها
بس واضح انها رافضة

انا هستنى لبكره و اشوف ايه الي هيحصل

و بالنسبة للتقرير انا اشتريت الحاجة بس لسة ما ركبتهاش
و ان شاء الله التقرير هيتعمل كله على بعضه او ما اخلص الصيانة

[drmagieed]

شيكت علي وصلة كمبيوتر العربية ووصلة ال tps بما فيها بلف الأيدل لأن لمبة التشيك إنجين لازم تنور وبعدين تطفي وعدم نورها دليا علي إن الكمبيوتر مش واصل؟ والله أعلممممممممممممممممممممممممممم

[أشرف العدوي]

شيكت علي وصلة كمبيوتر العربية ووصلة ال tps بما فيها بلف الأيدل لأن لمبة التشيك إنجين لازم تنور وبعدين تطفي وعدم نورها دليا علي إن الكمبيوتر مش واصل؟ والله أعلممممممممممممممممممممممممممم

أحب انا الكلام التقيل
انا شيكت على كل حاجة
ماعادا الي انت قولت عليه
طيب في دلائل تانية على ان الكمبيوتر مش واصل

في معلومة جديدة
انا كنت تحت دلوقتي بشيك على علبة الفيوزات الداخلية ( الي هي جوة الصالون بجوار الباب )
و الحمد لله كله سليم
بس لفت نظري شئ موريب
زرار الـ ac منور بس نور خافت شوية
ادوس عليه ما بيطفيش هو هو نفس النور الخافت
اشغله بردو مافيش جديد النور الي في الزرار منور بردو نور خافت سنة عن العادي

ممكن ده يكون ليه علاقة بأي شئ
أو ممكن يكون في short مثلاً

أنا أحتياطي فصلت كابل البطارية السالب و انا طالع خفت لنزل الصبح الاقيها والعة

[abou-yahia]

شكلها كده بطاريه

حاسس بكده

[أشرف العدوي]

لاء البطارية تمام التمام
كل حاجة شغالة برنس
و مدية نور أخضر يعني جيدة

[HeMa_LanCeR]

طيب افصل كابلات البطارية
واستني 5 دقايق وركبها تاني

[أشرف العدوي]

انا فصلتها امبارح حوالي ساعتين و وصلتهم تاني مافيش جديد
و انا حالياً فاصل الكابل السالب من الساعة 12 باليل و لما اروح هوصله و أشوف ايه الموضوع

طيب سؤال
هو ممكن كهربائي يحل المشكلة دي

انا بس عايز اشوف في كهرباء واصلة لفيشة الطرمبة و لا لاء
يعرف يكشف على الموشوع ده عند البيت عندي و لا لازم العربية تتنقل للورشة

[amribrahim]

إحتمال 90% طرمبة بنزين و 10% دينامو السبب

[أشرف العدوي]

ربنا يستر

[أبو صلاح]

انا قعدت فترة كانت بتحصل معايا في الريو زي ما انت بتقول
كنت بنزل وادق باي حاجة على قطاش البطارية وكانت بتدور عادي

وبعد كده الميكانيكي غسلها بمياه سخنة وشحمها والدنيا بعد كده بقت زي الفل

دي حدود معلوماتي

انا عارف انك جربت اكتر من كده