المواصفات الفنية للشيفورليه افيو

[mina_ramsis]

نوع المحرك(1,5 لتر - 1 كامة علوية - 4 سلندر)
سعة المحرك(١٤٩٨ سي سي)
الانبعاثات(Euro II )
القوّة القصوى (حصان @ د.د)(٨٣ @ ٥٦٠٠)
عزم الدوران الأقصى (نيوتن.متر/د.د)(١٢٨/٣٠٠٠)
السرعة القصوى ( كم/ س)(١٧٠)
التسارع ٠-١٠٠ كم (ثانية)(١٢.١ ثانية)
نصف قطر الدوران (م)(٤.٨٩)
معدل استهلاك الوقود:(وسط المدينة) لتر/100 كم (٨,٧٩ - ١٠٠ كم/ساعة)
معدل استهلاك الوقود:(الطريق السريعة) لتر/100 كم (٥,٢٣ - ١٠٠ كم/ساعة)
معدل استهلاك الوقود:(متوسط الإستهلاك) لتر/100 كم (٦,٥٤ - ١٠٠ كم/ساعة)
الوقود(حقن الكتروني)
نقل الحركة(ناقل حركة يدوي ٥ سرعات)
مكيف الهواء : قياسى
دريكسون باور : قياسى
زجاج كهرباء امامى : قياسى
مرايات يدوية : قياسى
راديو كاسيت : قياسى
4 سماعات : قياسى
قفل مركزى : قياسى
فتح غطاء البنزين من الداخل : قياسى
مساند الرأس امامى و خلفى : قياسى
زجاج ملون : قياسى
قضبان حماية فى الابواب : قياسى
حامل اكواب : قياسى
الفرش الداخلى : قماش
قفل حماية للاطفال : قياسى
احزمة امان : قياسى
تجهيزات خاصة بالطرق الوعرة : قياسى
تجهيزات خاصة للطقس الحار : قياسى
محفز للعادم : قياسى
ساعة رقمية : قياسى
قاعدة العجلات (مم) : 2480
الطول الإجمالي (مم) : 4310
عرض الهيكل (مم) : 1710
الارتفاع الإجمالي (مم) : 1505
الوزن الإجمالي( كجم ) : 1100
سعة خزان الوقود( لتر) : 45
سعة صندوق الأمتعة (لتر) : 400
أدنى ارتفاع عن الأرض (مم) : 150

تم فك تثبيت الموضوع

ادارة المنتدى

[fahd_628]

الف الف شكر

[eeee123]

شكرا هلى المجهود

[aelgebaly]

عايز اجيب فرش كويس للافيو فى حد يعرف مكان كويس ولو فى حد يعرف برضه شوية اكسسوارات كويسة ليها يا ريت يقولى

أخر حاجة لو حد جرب الصيانة بتاعت ال 5000 ياريت يحكى لينا ايه الاخبار اتكلفت كام واسعار قطع الغيار عامله ايه

[elmasri]

اول صيانة بعد 5000 كيلو وتعتبر مجانية وكل اللي هاتدفعة 220 جنية ودة ثمن الزيت (سوبر وان) وفلتر الزيت وتربيط
العفشة وتاني صيانة بعد 10000 كيلو من الصيانة الاولي وتكاليفها 250 جنية غير الزيت واللذي منة .
وبالنسبة لقطع الغيار متوفرة في التوكيل في بعض الحاجات زي الفوانيس (الامامية بمشتمالتها 550 جنية)والفلاتر والسيور
موجودة برة (التوفيقية) باسعار كويسة ...الكلام دة عن الافيو 2007 وانسب فرع مقار

[aelgebaly]

استاذ المصرى شكراً على ردك واهتمامك

النهارده كانت تانى مرة افول العربية وحسبت معدل استهلاك البنزين عملت 400 كيلومتر وخدت تقريباً 40 لتر يعنى 10لتر لكل 100 كيلو ازيد من اللى مكتوب فى الكتالوج شوية (8.79/ 100كم) وال 400 كيلو اللى عملتهم كلهم جوه البلد يعنى اشارات وزحمة وقرف حبيت بس اعرفكم معدل استهلاك البنزين

[elmasri]

الاستاذ الفاضل aelgebaly
كلام حضرتك صح100% انا اخذت في طريق الاسكندرية الي القاهرة 20 لتر فقط مما يؤكد كلام حضرتك منهم 100 كيلو كنت مشغل التكييف يعني لتر لكل 10 كيلو بس واضح من كلامك انك لسة شاريها قريب انا تاني او تالت واحد اشتراها في مصر من منصور في شهر 8 الماضي وهي تختلف عن 2006 (ذات الشريط الاحمر علي الفانوس الامامي) وكنت شاريها
ب76 الف وبعد شهرين وصلت78 ونزلت تاني لحد مانزل عرض في المعرض الاخيرب74 الف ووجدت بعض المعارض الان بتبيعها ب73 الف واللي بيلعب في سعرها هي والريو والكليو والكورسا (لان سعرهم متقارب) السيارة المتركس
عموما بارك اللة في سيارتك وحفظها لك


elmasri

[aelgebaly]

الاخ الفاضل المصرى

سؤال باه بعد اذنك بما ان العربية معاك بقالها فترة فى 3 حاجات شايفهم فى العربية
1- صوت الموتور حاسس انه عالى شوية بسيطة ولما بابقى على المور الRPM بيبقى على الشرطة اللى قبل 1 على طول يعنى بعد الصفر بشرطتين مش عارف كده الموتور عايز يضبط ولا ايه
2- الفتيس حاسس انه ناشف سنة فى التقلات
3- فى صوت مع السرعة العالية زى بالضبط لما يكون فى ورقة او حاجة بلاستيك مثلاً بتخبط فى العجلتين اللى ورا وهما بيلفوا

عايز اعرف رايك استنى لما اعمل صيانة ال 5000 واقولهم فى التوكيل ولا اروح بيها دلوقتى

أحمد الجبالى

[elmasri]

شوف ياسيدي الفاضل.
اولا صوت الموتور مش عالي ولاحاجة والسبب ان الغطاء الامامي للسيارة (الكبوت) غير مبطن من الداخل بالعازل الحراري (الصوف بروف) ودة يحسسك ان الصوت عالي بعض الشيئ.
ثانيا ان ال RPM والسيارة واقفة فعلا الموؤشر مترحل شوية قبل الزيرو ودة لان درجة حرارة اللي اتصنعت فيها السيارة
غير درجة حرارة المناخ عندنا (مثل ميزان الارض اللذي نوزن بة نفسنا) يجب ضبطة اول الصيف واول الشتاء علشان يوزن صح وبعدين اية المشكلة دة الموتور بيبقي مش داير يعني مافيش خوف.
اما موضوع الصوت فدة مالوش وجود اصلا السيارة جديدة وانتظر صيانة ال5000 وشوف النتيجة .انا لما اشتريت السيارة
كان النقل في فتيس السيارة تقيل شوية قالولي يجب ان تغير النقل كتير شوية اول1000 كيلو وفعلا عصا الفتيس لانت معايا
عموما السيارة كويسة جدا ومتقفلة في الخارج كويس وبلاش تروح التوكيل الا في الصيانة الدورية واللي هايضايقك شوية
هو الكلاكس ساعات يعلق ومايشتغلش كويس بس انا عاوز اعرف اخذتها بكام (لو كاش الثمن )

[هشام السمالوطى]

يا استاذ المصرى
كنت عايز اعرف مين المعرض اللى قلت عليه بيبيعها ب 73000 وهل ده مضمون؟؟
وشكرا

[mostafabakry]

استفسارات لاصحاب الأفيو

السلام عليكم ورحمة الله و بركاته
لي بعض الأسئلة عن الأفيو

1- هو موتورها نوعه ايه هل هو شيفروليه و لا حاجة كوري
2- هي بلد المنشأ ايه بالضبط
3- اخبار اسعار قطع الغيار غالية ولا معقولة
4- لو عملنا مقارنة بينها و بين الرينو كليو ايه ايهما افضل

انا اسف علي الأسئئلة الكتير دي و لكن انا بصراحة ناوي اشتري سيارة و متردد جدا بين الماركات و عاوز حاجة ما يزيدش سعرها علي ال 75 الف جنية

لكم مني كل التقدير :D

[mina_ramsis]

نوع الموتور etech II مفيش حاجة اسمها موتور شيفورليه هو منتج من شركة جنيرال موتورز الشركة الام لشركة شيفورليه اما بلد المنشأ فهى كوريا اما بخصوص المقارنة بينها و بين الرينو كليو انا مقدرش احكم عليها لأنى معنديش معلومات كفاية عن الكليو
بالتوفيق ان شاء الله

[ehabbadr]

سؤال لو ممكن موتور الافيو 8 صمام فعلا و لا 16 أصل البائع قالى انه 8 صمام بس و طبعا دى تكنولوجيا قديمه جدا

[mina_ramsis]

ايوة يا استاذ ايهاب هى 8 صباب بس علشان كامة واحده و على حد معلوماتى اى عربية كامة واحده تبقى 8 صباب بس يبقى كده احنا عندنا عربيات كبيرة قوى 8 صباب اولهم الاسبيرانزا a620 و اللانوس و اعتقد كمان الcross fox

[معاذ الشرباصى]

ده لينك بيشرح الفرق بين كامة 1 او 2 كامة و عدد الصبابات

http://www.nilemotors.net/Forum/viewtopic.php?t=3329