المواصفات الفنية للشيفورليه افيو

[ehabbadr]

الاسبيرانزا 620 16 صمام وكامه واحده و اللانوس 12 صمام وكامه واحده و الاسبيرانزا 516 16 صمام و 2 كامه الكروس فوكس مش عارف عنها حاجه

[NaderNabil]

cross fox = skoda octavia a5, a4 = Golf 5 = Touran = seat toledo = jetta

1600cc 8 valves, 1 cam, 102 HP

[mina_ramsis]

تيجى ازاى يا استاذ ايهاب كامة واحده و 16 صمام المفروض فى الحالة ديه 4 صباب لكل سلندر فى الحالة ديه ازاى الكامة الواحده هتوزع الحركة بتاعة الصبابات

[ehabbadr]

موتور المتسوبيشى الوحيد اللى فيه التكنيك ده و سوف أحاول اجيب لك رسم توضيحى له

[mina_ramsis]

ياريت يا استاذ ايهاب علشان الواحد يزود معلوماته شويه

[aelgebaly]

الاخ الفاضل hoko_mosha

ممكن تقولى ضغط الهوا بتاع الكاوتش كام بالنسبه للافيو لان بتاع الكاوتش بيقولى 28 وانا مش مقتنع

[mido]

صيف شتا غلى 30 ده من التوكيل
لو فتحت التابلوه هتلاقى ستيكر عليه الضغط المطلوب برده 30
افيو 2006 (نفس الكاوتش)

[mina_ramsis]

انا اسف انى مرديتش على حضرتك لسه واخد بالى دلوقتى و شكرا لاستاذ ميدو انه رد بدالى بس ليا توضيح بسيط فكرة ان ضغط الكاوتش يختلف من الصيف الى الشتاء الكلام ده صح 100 فى ال 100 لان مع ارتفاع درجة الحرارة الغاز بيتمدد فالضغط بيزيد فلو انت بتضبط الكاوتش فى العادى على 30 لازم تخليه فى الصيف اقل شويه مثلا 28

[mido]

انا برده الكلاكس علق معايا بس زبطوه فى مقار
الفتيس لسه ناشف بس زى بتاع اللانوس فا مش مشكلة

[sokasoon]

Re: المواصفات الفنية للشيفورليه افيو

السرعة القصوى ( كم/ س)(١٧٠)

• السرعة القصوة مش قليلة

[ايهاب]

انا اسف انى مرديتش على حضرتك لسه واخد بالى دلوقتى و شكرا لاستاذ ميدو انه رد بدالى بس ليا توضيح بسيط فكرة ان ضغط الكاوتش يختلف من الصيف الى الشتاء الكلام ده صح 100 فى ال 100 لان مع ارتفاع درجة الحرارة الغاز بيتمدد فالضغط بيزيد فلو انت بتضبط الكاوتش فى العادى على 30 لازم تخليه فى الصيف اقل شويه مثلا 28

-------------------------------------------------------------
بس فية معلومه بتقول نزود الضعط في الصيف-----
رجاء مزيد من اليحث والرد من متخصصين او متاكدين--اما نفي المعلومة اة اثباتها مع ضرورة التفسير---لان الموضوع مش سهل وكتبت عنة اسئلة والاجابات غير واضحة
رجاء الاهتمام
dr/ehababdelhafeez

[tarekkasaby]

الفرش والكماليات ممكن من سبير كار و ده مكان ممتاز و هو فى شارع الشيخ ريحان امام باب وزارة الداخلية و فى كمان مودرن كار فى مدينة نصر

[mina_ramsis]

سبق و وضحت التفسير العلمى لموضوع ضغط الكاوتش ده قبل كده فى منتدى اسبيرانزا بس ولا يهمك الموضوع كله يتلخص فى المعادلة العامة لتمدد الغازات و ديه معادلة كيمياء مش انا اللى مألفها و نصها كالاتى
PV=nRT
P هو الضغط بتاع الغاز
V هو حجم الغاز
n هو عدد المولات للغاز
R هو الثابت العام للغازات
T درجة الحرارة
فى اطار العربية الحجم ثابت و هو حجم الفراغ اللى جوة الكاوتش و عدد المولات ثابت و الثابت العام ثابت لكل الغازات يبقى اللى متغير فى المعادله اللى فاتت هو درجة الحرارة و الضغط و بما ان كل واحد فيهم فى طرف و المعدلة متكافئة يبقى كلما زودنا درجة الحرارة الضغط بتاع الكاوتش هيزيد
ارجو ان يكون شرحى المتواضع فهم حضرتك الموضوع جاى الزاى و انا تحت امرك فى اى استفسار

[MMamdouh]

الاسبيرانزا 620 16 صمام وكامه واحده و اللانوس 12 صمام وكامه واحده و الاسبيرانزا 516 16 صمام و 2 كامه الكروس فوكس مش عارف عنها حاجه

اللانوس 1 كامة 8 صباب زى موتور الافيو بالضبط... الفرق فى ان الافيو فيها حساس كامة و 2 حساس اكسجين و 2 كتالتك و الMAP راكب على المانفول و قاعدة الموتور تحت ترس الكامة

MMamdouh

[goodwave]

إستمرار لحلة البحث عن سيارة مناسبة ذهبت أمس لتوكيل منصور إللي على الصحراوي وشفت السيارة الافيو معروضة عندهم وهذة ملاحظاتي للإفادة............

الفروق كما ذكرها بعض الاعضاء وهذا بين ال base Model و ال full options

ال full options تفرق عن ال base model في الاتي:

1-يوجد 2 زجاج كهربائي امامي فقط
2-يوجد سنترال لوك
3-يوجد لمبة ستوب خلفية
4-تحكم كهربائي في المرايات الجانبية
5-الابواب متنجدة بالقماش
6-كلمة AVEO بجانبها LS
7-زرارتحكم تدريجي في إضاءة التابلوة (خافتة او مبهرة)

هذه هي الفروق (الوحيدة) بين الموديلين وهذة الفروق بتتكلف 4000 جنية زيادة عن سعر ال base Model
base model 70,000
full options 74,000

ٍسألت في قسم قطع الغيار لو ينفع اشتري الموديل الاساسي وأركب زجاج كهربي وسنتر قالولي مش بنبيع!

سألت في الصيانة قالولي مككن نركبلك السنتر والإنذار مفيش مشكلة (ولكن) الزجاج الكهربي مش ممكن نركبة لان الموديل الاساسي مش مجهز كهرباءيا للزجاج الكهربي ولو مصمم يبقى حتلعب في الضفيرة وتخرج برة الضمان ومشاكل.

بالصدفة لقيت شاب لسة شاري العربية من يومين وبيركب إنذار ووحدات رفع ودول مفيهمش مشكلة لان عربيتة full options

كشكل وتقفيل وراحة في الركوبة وفي العلو الجميل عن الارض ولكن لانة شاب وشكلة بيحب يقطع العربية جري ماكانش راضي عن اداء الموتور وإعتبرة ضعيف مقارنة بالفرنا والاوبترا ولكنة كان عندة تحفظ إن العربية لسة معاه من يومين وهي في التليين فمش قادر يكون فكرة تامة عن اداء الموتور.

بالمناسبة أخوة معاة فرنا وهو مجربها كتير وبيشكر في اداء الموتور "فقط" اما الباقي فلصالح الافيو.