محدش عارف الشكل الجديد لكروز حينزل امتى ؟؟

[hossam_elwani]

محدش عارف الشكل الجديد لكروز حينزل امتى ؟؟

[Hosam_Optrawy]

مش عارف

اول مره منصور يتأخر فى تنزيل الموديل كدا , احنا داخلين على شهر 12

محدش سأل ياجماعه قريب ؟ اللى يعرف حاجه ياريت يبلغنا

[mido]

معتقدش هتنزل عشان روسيا لسه شغالة بالشكل القديم

[Hosam_Optrawy]

معتقدش هتنزل عشان روسيا لسه شغالة بالشكل القديم

ال FaceLift نزلت كوريا ونزلت الخليج فغالبا هاتنزلنا احنا كمان , البلاد التانيه ليها ظروفها حسب المصانع اللى بتتجمع فيها

يعنى امريكا مانزلتش ال FaceLift فى موديل 2013 عشان بتتجمع هناك

ونفس الكلام استراليا ( هولدن ) والبرازيل والصين والهند وتايلاند وروسيا

المفاجأه بالنسبالى ان ال FaceLift نزل فى بعض دول اوروبا زى فرنسا والمانيا واسبانيا , ومعظم الدول التانيه لأ , مش عارف هما ممشيين الدنيا ازاى :)

[hossam_elwani]

فعلا سياسه غريبه... اول مره اسمع الكلام ده مش المفروض المصانع كلها اخطرت بتغيير الشكل وبالتالى شغاله على الجديد!!!!!!!!!

[mido]

اتمنى اكون غلطان بس فعلا معتقدش انه هينزل الشكل الجديد عشان يفضل محافظ على السعر

[lanos2004]

الكروز مخدتش حقها فى مصر بسبب التسويق السىء جدا

[shnobly]

قبل ما اشتري في شهر 9
التوكيل قاللي ان مش هيبقى فيه facelift في 2013
مش عارف الكلام دا شكلو هيطلع صح فعلا
وعموما اعتقد انها باقيلها سنتين وتغير الشكل بالكامل

[hossam_elwani]

طيب هو منصور عنده تقسيط مباشر؟؟

[mido]

عنده بس اعتقد فايدة اكبر

[nagy wassef]

يا جدعان سؤال ملوش دعوة بالموضوع: واحد صاحبى معاه كروز 2010 عامل بيها 70 الف كيلو و بيقولى انه هيبعها عشان سمع ان الفتيس الاوتوماتيك بيظهر فيه مشكلة فهل الكلام ده صحيح و لا اى كلام عشان انا بفكر اشتريها عشان الايزى ترونك جننى و الكروز داخلة دماغى قوى و قطع غيارها اكيد ارخص و متوفرة اكتر و ياريت لو حد يقوللى عيوبها ايه بدل ما اشترى على عمايا.شكرا مقدما

[Hosam_Optrawy]

يا جدعان سؤال ملوش دعوة بالموضوع: واحد صاحبى معاه كروز 2010 عامل بيها 70 الف كيلو و بيقولى انه هيبعها عشان سمع ان الفتيس الاوتوماتيك بيظهر فيه مشكلة فهل الكلام ده صحيح و لا اى كلام عشان انا بفكر اشتريها عشان الايزى ترونك جننى و الكروز داخلة دماغى قوى و قطع غيارها اكيد ارخص و متوفرة اكتر و ياريت لو حد يقوللى عيوبها ايه بدل ما اشترى على عمايا.شكرا مقدما

حصل فعلا بعض المشاكل ودى واحده منهم لزميلنا فى المنتدى

http://www.nilemotors.net/Nile/319061-a.html

عند 80 الف كيلو حصلت المشكله بس السبب مش واضح لحد دلوقتى لكن الاحتمال الاكبر هو عدم تغيير زيت الفتيس ولا مره

بس معتقدش ان دا عيب شائع لان العربيه بقالها اكتر من 3 سنين فى مصر ومسمعتش عن مشكلة الفتيس الاوتوماتيك غير مرات محدودة جدا

[nagy wassef]

شكرا لاهتمامك

[hossam_elwani]

واحد بيفتى قالى متجبش الكروز عشان بتقلب فى الملفات والفتيس بيبوظ