رابـــــطة مالكـــــــــــــى شيفـــــرولـيـــــــة كــــــــــــروز

[haytham128]

استفسار كمان من الناس اللى رخصت 2014 . اجمالى الترخيص كلف كام بالضبط لمده سنه ؟ وحد لقى الصاجه اللى بتتحط ورا قبل النمر علشان متخرمش فى الشنطه ؟؟

sent from my sm-n9005 using forum runner

هتدفع حوالى 900 جنية بالطفاية و المستلزمات التانية.
بالنسبة للنمر هتلاقى العربية جاية فيها مسمارين ورا عشان تعلق النمر انا مستخدمتش المسامير بتاعت المرور و خرمت النمر خرمين مكان المسمارين دول و حطيت وراهم الدبل فيس الى جاى مع العربية

[Eng_Moh.Dewair]

متشكر على الردود يا رجاله

Sent from my SM-N9005 using Forum Runner

[Eng_hatemfathy]

نور الصالون بينور مع فتح الباب ويطفي بعد التشغيل او بعد تايمر من قفل الباب والفتح بتكة ولا تكتين بيتبرمج من كونفيج اللي في الكاسيت وده بيديك اختيار تفتح بابك بس ولا كل الابواب مع التكة الاولي وبرضه عندك اول تكة قفل بتشغل الانذار ولو دوست تاني بتسمع الكلاكس بس ده مش معناه تشغيل الانذار لكن ده خاصية البحث يعني لو ركنت ونسيت انت راكن فين فبتدور علي عربيتك بيه
وعندك كمان خاصية فولو مي يعني لو راكن قدام بيتك والنور قاطع فحضرتك بتشيل المفتاح وتفتح الباب وتشد دراع النور كأنك هتقلب فهتلاقي النور ولع لفتره انت بتظبطها من كونفيج وطبعا بتقفل بابك والسنتر عادي والنور والع عادي

[ashouhdy]

ملحوظة: نور الصالون عندى بينور من ال unlock اللى في الريموت مش مع فتح الباب

[Eng_Moh.Dewair]

الحمد لله رخصت النهارده بعد عذاب 5 ساعات فى المرور و الشمس

ملحوظة:
نور الصالون عندى بينور من ال unlock اللى في الريموت مش مع فتح الباب

بتعملها ازاى ؟!!! انا بتشقلب فى العربيه بقالى 4 ايام مش عارف . النور بينور مع فتح الباب بس . طيب العربيه فيها انذار اصﻻ و ﻻ ﻻ ؟؟

Sent from my SM-N9005 using Forum Runner

[ashouhdy]

والله يا بشمهندس محمد انا معملتش حاجة ! من يوم ما جبتها وهي بتنور لما افتح من الريموت !

ومش عايز ادعبس في حاجة ليروح الاوبشن دة و انت عارف عربياتنا قارعة كماليات ههههههههههه


الانذار بيشتغل لما تفتح الباب من جوة و انت قافل بالريموت مش بالخبط و الكلام دة

[ashouhdy]

بعدين متقلقش العربية مجهزة بالجيل الثالث من الايمبوليزر بتاع gm

ومتسئلنيش اية الفرق لاني مش عارف بس هو احدث جيل هههههههه

[Eng_Moh.Dewair]

ربنا يستر و يباركلنا فيهم

Sent from my SM-N9005 using Forum Runner

[hossam_elwani]

ظهر عندى صوت غريب زى كركره او بقلله من منطقة مجموعة السيور وبيزيد الصوت مع السرعه مش عارف ده ممكن يكون عيب ايه مبدئيا

الصوت ده موجود سواء التكييف شغال او لا فانا مستبعد النكييف تماما


ايه السبب من وجه نظركم الصوت بقه مزعج على السرعات البطيئه

[ashouhdy]

طب لو انت واقف و زودت بنزين الصوت بيزيد ؟

[ashouhdy]

معلومة جديدة معرفش التوكيل يعرفها ولا لأ.. ومش عارف موجودة في ال 2013 برضوا ولا لأ

كنت بشتكي في منتدى اجنبي ان وانا بركن عالهادى قووى وفاتح الازاز وبدوس فرامل براحة بسمع صوت ذى تنفيث هوا من تحت ذى vacuum كدة بيخرج هوا بييجي ويختفي

اكتشفت ان كلهم عندهم الصوت دة و دة صوت ال Hydrollic Power brake assist

مساعد الكبح الالكترونى

[ashouhdy]

ظهر عندى صوت غريب زى كركره او بقلله من منطقة مجموعة السيور وبيزيد الصوت مع السرعه مش عارف ده ممكن يكون عيب ايه مبدئيا

الصوت ده موجود سواء التكييف شغال او لا فانا مستبعد النكييف تماما


ايه السبب من وجه نظركم الصوت بقه مزعج على السرعات البطيئه

وانت واقف وزودت بنزين ... الصوت بيعلي ؟

راجع على مستوى السوائل والزيوت ولو كلة مضبوط متقلقش

انا احيانا لو حطيت بنزين من محطات تعبانة العربية بتكرر و بترعش ... مش بتضبط من غير موبيل و الامارات و الحاجات النضيفة قوى

محطة توتال بتكرر برضوا

[hossam_elwani]

ملحوظة: نور الصالون عندى بينور من ال unlock اللى في الريموت مش مع فتح الباب

وعندى نفس الكلام

[hossam_elwani]

وانت واقف وزودت بنزين ... الصوت بيعلي ؟

راجع على مستوى السوائل والزيوت ولو كلة مضبوط متقلقش

انا احيانا لو حطيت بنزين من محطات تعبانة العربية بتكرر و بترعش ... مش بتضبط من غير موبيل و الامارات و الحاجات النضيفة قوى

محطة توتال بتكرر برضوا

السوائل تمام

الصوت جاى من جزئيه ميكانيكيه بليه او ماشابهه ايه الاجزاء المشتركه فى الجزئيه دى ؟؟

[ashouhdy]

خلاص طالما السوايل و الزيوت تمام متقلقش

انا لو منك حخلى حد يبصلى علية لو حاجة بسيطة حستني لحد الصيانة لو حاجة عايزة تتغير ححجز واروح الصيانة