If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
عدنا
كما وعدتكم بانى ابلغكم بالنتيجه
اللى حصل كالاتى:
حملنا العربيه على ونش وذهبنا الى الاسطى رافت متخصص تصليح الفتيس الاتوماتيك ، نزلنا العربيه
والاسطى قال بكرة هشتغل فيها .
المهم النتيجه العربيه مشيت والفتيس اشتغل.
المشكله كانت ان فى جزء بلاستيك يشبه نص حدوة الحصان على أكبر شويه اتكسرت فسدت المصفاة ، والفتيس مبقاش يدى حركه ولاقدام ولا وره ، فتم تغيير المصفاة وطبعا تغيير زيت الفتيس
والعربيه مشيت ، بس واحنا بنجرب كان فى نتشه على التالت والسادس ، قال دى عيب كنترول
جارى رفع الصور للجزء البلاستيك المكسور والمصفاة
ألف شكر علي سرد التجربة وعلي الصور,
ومبروك علي تصليح الفتيس ةجةإن العربية مشيت.
دلوقتي اللي أنا مستغرب له إزاي البتاعه دي أتكسرت ودخلت جوا قلب الفتيس وسدت المصفاة. !!
دي بتعمل أيه أصلاً ؟ بصراحة حالة غريبة جداً.
إلا لو كانت الفتيس معمول له صيانة قبل كدا عند كفتجي ممكن تكون دي النتيجة اللي أحنا شايفنها خصوصاً إنها إستعمال.
تمام كدا, الحمدلله أنها أتصلحت ومشيت علي خير,
النتشة اللي علي التالت والسادس دي لو موجودة طول الوقت ممكن الفالف بادي يكون محتاج يتنضف عند حد كويس لأن البلوف بتاعت الغيارات دي ممكن يكون طالهم حاجة من العك والبلاستيك اللي كان حاصل جوا الفتيس دا,
ولو النتشة مش موجودة طول الوقت ممكن تغير الفلتر يفيد في غيار الزيت اللي جاي,
ألف مبروك علي حل المشكلة وإن الفتيس أشتغل كويس تاني,
وشكراً علي الأهتمام بنقل التجربة.
وعليكم السلام ورحمه الله وبركاته
كان في صديق عنده مشكلة فى عربيته كروز 2010 ،كان في مشكله فى الفتيس هو سمع عن مكان اسمه 'عصفور كار كلينيك 'في الإسكندرية ،صلحوله المشكله الى فى الفتيس وكان اسعرهم كويسه
و ده ركمهم:01223252397
01224681924
Comment