اشتري اوبترا اتوماتيك زيرو ولا مستعمل

[zacklat]

انا ناوي اشتري ان شاء الله. اوبترا اوتوماتيك
وكان ليا استفسار
انا سمعت انها من اول 2013. بقت تقفيل مصري هل ده صحيح
لان في الشغل عندي عربيات اوبترا 2008 وعربيات 2013
وفيه فرق ملحوظ في تقفيل العربيه وقوة الصاج
فتنصحوني بايه
اجيب واحده كسر زيرو 2011 او 2012 او زيرو ولا مافيش فرق
وايه اخر موديل نزل كوري

[Mohamed.Hany]

انا ناوي اشتري ان شاء الله. اوبترا اوتوماتيك
وكان ليا استفسار
انا سمعت انها من اول 2013. بقت تقفيل مصري هل ده صحيح
لان في الشغل عندي عربيات اوبترا 2008 وعربيات 2013
وفيه فرق ملحوظ في تقفيل العربيه وقوة الصاج
فتنصحوني بايه
اجيب واحده كسر زيرو 2011 او 2012 او زيرو ولا مافيش فرق
وايه اخر موديل نزل كوري

طب متجبلك كروز 2011 اوتوماتيك في حدود 105 الي 110 تكون حالتها ممتازة

[M I D O]

انا بميل للمشاركة الاولي لية متجبش كروز 2010 بالمبلغ دة هتكون حالة كويسة جدا ولو عاوز اوبترا بس هاتها 2012 كسر زيرو متزدش عن 10000 كيلو عداد

[د.عماد صلاح]

الاوبترا كلها حتي الان تقفيل كوري
كروز مشكلتها الفتيس مشاكله اكتر من الاوبترا و العربيه موتورها نفس موتور الاوبترا و البودي اتقل فالعربيه طلعتها تقيله شويه

[Silent~Dream]

رايى تشوف عربيه غير الاوبترا و الزيرو مفيش بعده

[Mohamed.Hany]

الاوبترا كلها حتي الان تقفيل كوري
كروز مشكلتها الفتيس مشاكله اكتر من الاوبترا و العربيه موتورها نفس موتور الاوبترا و البودي اتقل فالعربيه طلعتها تقيله شويه

اتفق معاك ان العربية تقيلة شوية، بس ليا تعليق علي موضوع الفتيس.
اي حاجة هتستخدم غلط هتبوظ مهما كانت ، يعني مثلا لو بتركن و انت بترجع جبت ال d انت بتاكل في التروس و هكذا.
و لكن ايه اللي بيبوظ الفتيس بتاع الكروز خصيصا، هو تغيير الزيت خارج التوكيل بنوع تاني مش اصلي، و للاسف هما مخبيين عن الناس النوع عشان يحتكرو ﻷ و ايه مش تغيير الزيت بس ﻷ ده ليه طريقة معينة في التغير و خطوات لو متعملتش ممكن الفتيس يطير.
او اهمال ميعاد تغيير الزيت كل 40000 كم.
لو ملتزم بالكلام ده مفيش اي مشكلة هتقابلك ان شاء الله

[Elkordy2000]

اتفق معاك ان العربية تقيلة شوية، بس ليا تعليق علي موضوع الفتيس.
اي حاجة هتستخدم غلط هتبوظ مهما كانت ، يعني مثلا لو بتركن و انت بترجع جبت ال d انت بتاكل في التروس و هكذا.
و لكن ايه اللي بيبوظ الفتيس بتاع الكروز خصيصا، هو تغيير الزيت خارج التوكيل بنوع تاني مش اصلي، و للاسف هما مخبيين عن الناس النوع عشان يحتكرو ﻷ و ايه مش تغيير الزيت بس ﻷ ده ليه طريقة معينة في التغير و خطوات لو متعملتش ممكن الفتيس يطير.
او اهمال ميعاد تغيير الزيت كل 40000 كم.
لو ملتزم بالكلام ده مفيش اي مشكلة هتقابلك ان شاء الله

اختلف مع حضرتك في الكلام ده ., ليه ؟ لأن مشاكل فتيس الكروزالاتوماتك مسمعه جامد جدا سواء هنا علي المنتدي أو حتي في محيط الناس اللي اعرفها وكمان الميكانيكيه برا التوكيل ., تقولوا الكروز يقولك عربيه حلوه بس يعبها فتيسها الاتوماتك , ده غير ان تغيره في التوكيل سمعت رقم خوزعبلي كده خمسين الف وكلام كده ., علشان كده بقول ده عيب تصنيع وسوء خامات ., اما موضوع تغير نوع الزيت بنوع ردئ يبوظ الفتيس تماما ., ده صعب اوي هو الفتيس تعبان للدرجه ده ., هو طبعا ادائه ممكن يتأثر ده وارد انما فتيس يبوظ علشان نوع الزيت ., ده يبقي فتيس تعبان ... ده وجهة نظري

[abou-yahia]

وزن الاوبترا مانيول 1180 كيلوجرام - وزن الكروز مانيول 1285 كيلوجرام

وزن الاوبترا اتوماتيك 1230 كيلوجرام - وزن الكروز اتوماتيك 1310 كيلوجرام

[abou-yahia]

فتيس الكروز كوده 6T40 صناعه GM اعتقد في كوريا الجنوبيه
بيستخدم ايضا في OPEL ASTRA
http://en.wikipedia.org/wiki/GM_6T40_transmission

[abou-yahia]

مازال في اعتقادي ان الاستخدام الغلط للفتيس سبب من اسباب تلفه

[amr011111]

طالما هتدفع فوق ال 100 الف متجيبش عربيه مستعمله
هات زيرو حتى لو اقل فى فئتها من المستعمله
يعنى هات اوبترا زيرو افضل من كروز

[Mohamed.Hany]

اختلف مع حضرتك في الكلام ده ., ليه ؟ لأن مشاكل فتيس الكروزالاتوماتك مسمعه جامد جدا سواء هنا علي المنتدي أو حتي في محيط الناس اللي اعرفها وكمان الميكانيكيه برا التوكيل ., تقولوا الكروز يقولك عربيه حلوه بس يعبها فتيسها الاتوماتك , ده غير ان تغيره في التوكيل سمعت رقم خوزعبلي كده خمسين الف وكلام كده ., علشان كده بقول ده عيب تصنيع وسوء خامات ., اما موضوع تغير نوع الزيت بنوع ردئ يبوظ الفتيس تماما ., ده صعب اوي هو الفتيس تعبان للدرجه ده ., هو طبعا ادائه ممكن يتأثر ده وارد انما فتيس يبوظ علشان نوع الزيت ., ده يبقي فتيس تعبان ... ده وجهة نظري

الله اعلم سعره ايه بس اللي اعرفه انه مبين 10 ال 12 الف برة التوكيل.
مش عيب تصنيع و لو هنتكلم كدة يبقي الفتيس ال dsg الالماني فىه عيب تصنيع و خامات سيئة عشان لو متغيرلوش الزيت الاصلي الصح الموصي بيه في الكتالوج يبقي صناعة المانية و خامات سيئة.
ده الكتالوج نفسه اللي كاتبه الناس المصنعة كاتب لازم يتغير نوع معين بطريقة معينة في وقت معين ، و نيحي احنا تغيره عند بلية بأي نوع و خلاص و نقول العربية جابت فتيس طب مهو منطقي و طبيعي منتظر ايه.
انواع الزيت الاخرى بتبوظ الفتيس ﻷنها ليها عوامل لزوجة و قياسات كتيرة جدا تعتمد عليها العربية.
انصحك تراجع المواضيع الخاصة بالفيتس بالمنتدى عشان انا معايا الكروز و مع 2 من اصدقائى و ماشيين بيها فوق ال 120000 و الصيانات و تغيير الزيت بالتوكيل.

http://www.nilemotors.net/Nile/300304-a.html

http://www.nilemotors.net/Nile/328049-a.html

[zacklat]

انا كان معايا كروز 2010 اوتوماتيك ولسه بايعها
العربية
تقيله قوي وواطيه جدا
وحريقة بنزين والتوكيل بيتعامل معاها علي انها مرسيديس
اسعار قطع الغيار غاليه وصيانتها مبالغ فيها
انا اصلا معايا سكودا 2010... طبعا مافيش مقارنه بين الاتنين
بس شوف اسعار قطع غيار السكودا من الكروز
مثلا التيل الامامي السكودا 350 جنيه والكروز 600 جنيه (السعر ده بره التوكيل من سنه تقريبا)

طب تنصحوني بايه في رينج ال90000 او 100000 الف

[كابتن أهلاوى]

مين اللى قال الاوبترا عربية وحشة؟؟؟ اتكل على الله واشتريها ياباشا دى عربية محترمة جدا...الكروز حلوة بس عيبها الفتيس بتاعها وحش...هو نازل معيوب ووحش زى مافتيس الكورولا الجنوب افريقى نزل وحش مش مشكلة تغيير زيت ولا الكلام ده كله....الفتيس نفسه معيوب...واللى معيوب اكتر منه كمان مكان كونترول الفتيس بيخليه يسخن بسرعة جدا ويتحرق ....سيبك من الكروز كلها لأنها ماليانة مشاكل قطع غيار والكلام ده كله....110 الف تركبك اوبترا 2013 كسر زيرو معملتش الفين كيلو على بعض

[mido]

بصراحة بروح التوكيل عمري ما لقيت عربية راكنة عشان تغير فتيس كله بيبقي حاجات كهربا
اللي يخرب الفتيش الزيت و الكيك داون عمال علي بطال غير كده هتمشي طبيعي هيعيش