سعر علبه الدركسيون اوبترا اوتو

[ahmedhilmy]

السلام عليكم
العلبه عندي فيها صوت تخبيط خفيف فكنت عايز اعرف اذا حد غيرها قبل كده ؟ و غيرها جديد و لا استيراد ؟ و سعرها كام في الحالتين ؟ و هل بتفرق من موديل للتاني و لا لا ؟

و كنت عايز ال part number بتاعها لان بفكر اسال عليها بره بكام

[كابتن أهلاوى]

بص هتجيبها استيراد ونصيحة متحاولش تصلحها عشان مش بينفع فيها التصليح وهتروح تشتريها من اى محل استيراد من الحرفيين وتفكها بنفسك من نص عربية عشان تضمنها...السعر بقى انا مستنى حد يفيدنا فيه عشان انا كمان ماعرفوش

[Hosam_fouad]

بص يا باشا ..... انا كنت عند موزع معتمد

سألت عليها انهارده علشان الباور خلاص باظ والدركسيون بقي تقيل

طرمبه الزيت حوالي 1300 تقريبا او 1350


الاسكترا ب 1950

ربنا معاااااااك :]

[كابتن أهلاوى]

مش عايز اصدمك بس هى سعرها استيراد من 1500 - 2000 انت وشطارتك بقى....اللى ب 1950 دى مش الاصلية ومش هتستحمل معاك

[Hosam_fouad]

مش عايز اصدمك بس هى سعرها استيراد من 1500 - 2000 انت وشطارتك بقى....اللى ب 1950 دى مش الاصلية ومش هتستحمل معاك

1500 ل 2000 استراد عباره عن ايه ؟

العلبه كامله (الأسكترا + طرمبه الباور + تانك زيت الباور + الخراطيم ) ولا مين فيهم بالضبط ؟

[ahmedhilmy]

الحقيقه مش فاهم ايه علاقة الاسكترا بماكينة الباور بالحاجات دي يعني لو انت عندك مشكله في علبة الدركسيون لوحدها او ماكينة الباور لوحدها لازم تغير كله

[كابتن أهلاوى]

لا ياباشا الاسكاترا فقط لاغير ولسة سائل ولافف عليها امبارح لحد مااتصدمت فى سعرها

[كابتن أهلاوى]

وبعدين فعلا ايه علاقة الاسكاترا بطرمبة الباور بالقربة بتاعت زيت الباور بالخراطيم؟؟؟ هى حاجة واحدة اللى بتبقى بايظة وبتتغير وانت بتقول انها الاسكاترا وانا سألت عليها امبارح

[Hosam_fouad]

لا ياباشا الاسكاترا فقط لاغير ولسة سائل ولافف عليها امبارح لحد مااتصدمت فى سعرها

مممممم طيب اسأل عليها تاني وأتاكد اصل انا سالت عند موزع معتمد بشتري من عنده علي طول واسعاره تمام .

[كابتن أهلاوى]

قالك اصلية ؟

[ahmedhilmy]

الاسعار بره غير هنا خالص

[Hosam_fouad]

قالك اصلية ؟

انا رايح تاني علي اول الأسبوع اشتري قطع غيار من هناك هسالك عليها تاني واقولك . . اه اصليه .

الا صحيح انت ايه مشكله الدركسيون عندك ؟ ؟؟ ؟

[كابتن أهلاوى]

العلبة بتجيب زيت مع الاسف وفيها بوش خفيف من الجنبين فى العلبة نفسها

[Hosam_fouad]

العلبة بتجيب زيت مع الاسف وفيها بوش خفيف من الجنبين فى العلبة نفسها

طيب انا عندي الدركسيون بكون تقيل اول لما بتدور العربيه كان الباور مش شغال خالص .
بعدين لما تمشي شويه بيكون اخف شويه (بس برضوا تقيل)

ومفيش حاجه بتجيب زيت :[ دي مشكله ايه ؟

[كابتن أهلاوى]

مشكلة طرمبة باور ضعيفة تقريبا