تحذير بخصوص فرع منصور للصيانه اللى فى التجمع الخامس

[molwan]

حصل معايا موقف فى فرع التجمع من يومين فقولت احكيه عشان الكل ياخد باله.

كان ميعاد الصيانه بتاعت ال 5000 و بالتالى المفروض تغير زيت و فلتر المهم بعد ما خلصت الصيانه فوجئت ان الشاب اللى كان بيغير حط الاربعه لتر بتوع الزيت الجداد كاملين فى حين ان المفوض يحط اربعه لتر الا ربع زى ما الكاتلوج كاتب فسالته قالى احنا بنحط الاربعه كاملين روحت للمهندس اللى المفروض انه بيفهم (بالمناسبه اسمه هانى) المهم سالته قالى عادى ده مجرد ربع لتر ده حاجه بسيطه مش هتفرق !!!! و بعدين مش ممكن الزيت يبخر منك ؟ فبنحط احتياطى !!!! طبعا كلام غير منطقى و غلط تماما .. بعد ما روحت دخلت عملت بحث لقيت انى لو علامة زيت الماتور زادت عن شرطة ال MAX ده بيقى خطر جدا على الماتور لانى الزيت بيتحول لفوم و بالتالى ترمبة البنزين مبتعرفش تحركه و بالتالى الموتور مابيتزيتش كويس . نزلت اشوف العلامه لقيتها فوق شرطة الmax و معديه الكلمه كلها كمان المهم دورت ازاى انزل الزياده لقيت طريقه كده عباره عن حقنه و خرطوم بتسحب بيهم الزياده سحبتهم الحمد لله من العربيه و المقاس بقى تمام.

ياريت الكل يخلى بالو من النقطه دى

[john55]

دا تهريج ممكن كان الموتور حصل لله ضرر جامد ودا عنوان لينك بلموضوع http://www.nilemotors.net/Nile/148100-a.html (خطورة زيادة زيت الموتور)

[كابتن أهلاوى]

ده توكيل كفتجية والله كل الفروع مش الفرع ده بس....خلص صياناتك الاساسية وابعد عن منصور تسلم

[mhkorayem]

هو واضح ان في أجماع على ان منصور في الضياع
بس ايه مراكز الصيانه المحترمه اللي بتشتغل في شيفورليه ويا سلام بقى لو المراكز دي تكون معتمده من الوكيل

[blackbirate]

باشا بلاش اي كلام وخلاص الفرع ده من افضل فروع منصور اللي ممكن تتعامل معاها انا عربيتي اوبترا 2010 ثلاث سنوات وانا مداوم علي الصيانة في الفرع ده وكل تغيير للزيت بغير 4 لتر كاملين ومفيش اي مشاكل ياريت نتمهل في الحكم علي اﻷشياء

[hossam_elwani]

نفس الكلام عندى فى الكروز 2013

الكتالوج مكتوب فيه 4.5 لتر والفلتر حتركبه جديد

فى التوكيل عاملين منشور وكمان على السيستم عندهم انها بتاخد 5 لتر مع فلتر جديد

انا احترت لما كنت فى التوكيل فى الصيانه وقلت اكيد هما عارفين بيقولو ايه بلا جدال وبعد كده حعرف الحقيقه فين لما اشوف المقاس

المقاس على الواقع فوق الماكس ب 3 ملى يعنى زياده عن الحد الاقصى يعنى التوكيل كفتجى

مع العلم ان العربيه مستلمها زيرو الزيت فى المنتصف بين العلاميتين بالزبط يعنى ناقص من المصنع

[molwan]

باشا بلاش اي كلام وخلاص الفرع ده من افضل فروع منصور اللي ممكن تتعامل معاها انا عربيتي اوبترا 2010 ثلاث سنوات وانا مداوم علي الصيانة في الفرع ده وكل تغيير للزيت بغير 4 لتر كاملين ومفيش اي مشاكل ياريت نتمهل في الحكم علي اﻷشياء

مين فينا اللى بيقول اى كلام و خلاص !!! انا بتكلم عن ان الشركه الام GM كاتبه فى الكتالوج اربعه لتر الا ربع و المقاس بقى فوق ال max بحوالى 1cm لما حط اربعه لتر كاملين !! عندك اى رد علمى اهلا و سهلا انما تقولى انا بقالى ثلاث سنين و كل حاجه زى الفل ده تعريف الاى كلام و خلاص

[blackbirate]

ردي العلمي ان سعادتك بتغير اﻷربعة لتر الا ربع في حالة عدم تغيير الفلتر ومعتقدش ان سعادتك مبتغيرش الفلتر مع كل تغيير للزيت
ثانيا انت بتقول ان الشركة اﻷم gm بتوصي باربعة لتر الا ربع وهل سعادتك الظروف الجوية اللي في مصر زي الظروف الجوية من ارتفاع الحرارة صيفا اللي بقي اعلي من الخليج وبالتالي ارتفاع معدل التبخر للزيت وبالتالي نقصه واللي عشان كده الفني والمهندس موافقين علي وضع اﻷربعة لتر زيت اللي مضايقين حضرتك اللي هوا في مصلحتك مش ضرر ليك وهوا ده ردي العلمي علي سعادتك

[hossam_elwani]

ردي العلمي ان سعادتك بتغير اﻷربعة لتر الا ربع في حالة عدم تغيير الفلتر ومعتقدش ان سعادتك مبتغيرش الفلتر مع كل تغيير للزيت
ثانيا انت بتقول ان الشركة اﻷم gm بتوصي باربعة لتر الا ربع وهل سعادتك الظروف الجوية اللي في مصر زي الظروف الجوية من ارتفاع الحرارة صيفا اللي بقي اعلي من الخليج وبالتالي ارتفاع معدل التبخر للزيت وبالتالي نقصه واللي عشان كده الفني والمهندس موافقين علي وضع اﻷربعة لتر زيت اللي مضايقين حضرتك اللي هوا في مصلحتك مش ضرر ليك وهوا ده ردي العلمي علي سعادتك

جزئية النقص تتحل بالمتابعه والمراقبه ثم التزويد لكن ماتتحلش بالزياده الغير موصى بها ومن ثم بتضرر الموتور

[big_bogh]

خلاصة القول في منصور ...........................
انا راي منصور كان يبيع كفتة احسن او يشتغل ترزي لانه استاذ في كفتجة الناس و تاييف العربيات
والله المستعان ..........

[molwan]

ردي العلمي ان سعادتك بتغير اﻷربعة لتر الا ربع في حالة عدم تغيير الفلتر ومعتقدش ان سعادتك مبتغيرش الفلتر مع كل تغيير للزيت
ثانيا انت بتقول ان الشركة اﻷم gm بتوصي باربعة لتر الا ربع وهل سعادتك الظروف الجوية اللي في مصر زي الظروف الجوية من ارتفاع الحرارة صيفا اللي بقي اعلي من الخليج وبالتالي ارتفاع معدل التبخر للزيت وبالتالي نقصه واللي عشان كده الفني والمهندس موافقين علي وضع اﻷربعة لتر زيت اللي مضايقين حضرتك اللي هوا في مصلحتك مش ضرر ليك وهوا ده ردي العلمي علي سعادتك

للاسف كلامك كله غلط اولا الاربعه لتر الا ربع مع تغيير الفلتر دى اول نقطه تانى نقطه موضوع الجو ده الكتالوج اللى نازل لحضرتك بيبقى نازل و هما عارفين ان العربيه دى نازله مصر مش روسيا ثالثا زى ما قال زميلنا الفاضل لو فرضا انت خايف من البخر الحل انك تحط المقاس الصح و بعدين تتابع و تزود , حاجه اخيرا نسيت اذكرها ان مهندس هانى ده كلمنى عشان ياخد تقييمى للخدمه فا شرحتله انو غلط و قعد يتناقش معايا شويه و بعدين اعتذرلى و قالى انت صح

[molwan]

جزئية النقص تتحل بالمتابعه والمراقبه ثم التزويد لكن ماتتحلش بالزياده الغير موصى بها ومن ثم بتضرر الموتور

الله يكرمك بالضبط ده اللى انا قولته للمهندس فقالى اصل محدش بيفتكر فبنحط احتياطى قولتله يعنى عشان الناس بتنسى تعمل حاجه غلط فقالى انت صح و اعتذر

[S O P H O S]

ايه التوكيل ده ؟؟ !!!