اللي عايز يشتري اوبترا

[mgendy3]

اوبترا 2014 الشكل القديم

انا الحمد لله استلمت اوبترا 2014 الشكل القديم امبارح و هي ب 119 الف العربية بصراحة ما شاء الله اكثر من ممتازة انا كان معايا اوبترا 2005 و غيرت ل نيسان صني الشكل القديم مستعمله بس ما قدرتش استحملها اكتر من شهر و الحمد لله رجعت تاني للاوبترا المواصفات الجديدة اللي فيها واحدة Air bag طارة مالتي للتحكم في الكاسيت و طفاية الحريق شالو منها لمبة الاستوب الخلفي اللي كانت فوق الرف الخلفي و بكرة اللي بتعلي و توطي نور الطابلوة
بصراحة انصح اي حد بيفكر في رينج السعر ده انه بدون تردد يشتري الاوبترا
و انا احب اشكركم علي الموضوع الاكثر من متميز ده لانه بالفعل مرجع كامل عن الاوبترا مميزات و عيوب

[د.عماد صلاح]

مبروك لحضرتك و لاتبخل علينا بالتقرير المبدئي عن الاوبترا ختي تعم الفائده

[J A G U A R]

مبروك يا ريس

طب الاستوب ده مهم
شالوه ليه ..

[mgendy3]

الله يبارك فيكم

الله يبارك فيكم
موضوع التقرير ده صعب شوية
لكن باختصار العربية فعلا صفقة رابحة ان شاء الله في مستوي السعر و مقارنة بالنيسان صني اللي كانت معايا قبلها و مقدرتشش استحملها اكتر من شهر
طبعا الصالون كلنا عارفين قد ايه مريح جدا و واسع سواء الكرسيين الامامين و الكنبة الخلفية و الشنطة ممتازة في الوسع
الطارة المالتي فانكشن بسيطة اوي للتحكم في الكاسيت سواء تعلية او تخفيض الصوت و التحويل ما بين المحطات و عمل ايقاف مؤقت او اغلاق الكاسيت
العربية ما فيهاش فوج لايت
الطابلوة ما فيهوش اي تغير يذكر
طبعا عزل العربية ممتاز مقارنة بالنيسان بقفل الازاز مش بسمع اي وش بره العربية
لسه ما ممشيتش بيها كتير علشان لسه ما استلمتش الورق بتاعها
ملحوظة طبعا كلنا عافرينها و هي ضعف صاج العربية سواء السقفية او الكبوت
الموتور ممتاز و قوي الفيتس برضو ممتاز مش بحس بنقل الغيارات
و بشكركم علي موضوعاتكم المميزة اللي كان لها دور في شرائي للاوبترا

[د.عماد صلاح]

ربنا يبارك ليك فيها

[Alirussia]

الله ينور علي الموضوع استفادنا كتير ...شكرًا

[د.عماد صلاح]

شكرا يا افندم

[engwalaa]

السلام عليكم، شكرا لجميع المشاركين على المعلومات القيمه داما نايل موتورز هو المصدر الموثوق .. أفادكم الله .. أريد استشارتكم في اوبترا أمامي أمامي 2008 عامله71000كم مطلوب فيها 68000 رشه جناب و أنا شوفت الحوض و الشنطه نضيفه وفي واحده ثانيه لانسر 2007 عامله 150000 كم 1300 سي سي الكاسيت بتاعها مش أصلي فتقريبا كده تبقى gl مش glx نزلتها معاه ل66500 ايه رايكم احسن أنا محتاااااااااااااااره جدا لانسر ياباني و اوبترا أغلى شويه ممكن برضوا انزل ألف كده ولا حاجه أرجو الافاده سريعا مع الشكر

[hendy]

الأوبترا عن تجربة في 2007 و2008 كانت معايا عملت بيها حوالي 70000 كم معظمهم سفر يومي بين القاهرة وإسكندرية..
عربية فوق الممتازة سحب كويس عمرها ما تخونك وتوفير ف البنزين تكييف محترم جدا كابينة واسعة مريحة ل 5 أفراد تقفيل علي أعلي مستوي ثبات علي الطريق مع السرعات العالية..
العربية دلوقتي معايا موديل 2011 علي الرغم إنها نفس تكنولوجي ومواصفات 2007 بس الموتور والفتيس إمكانياتهم شبيهة بالموجود حاليا في الموديلات الشبيهة )الموتور كفائته تعتبر سابقة عصرها ب 4 أو 5 سنوات ..
من الآخر عربية فلوسها فيها ومفيش وجه مقارنة بينها وبين النيو أوبترا اللي كل اللي إشتراها إتخدع فيها ..

[د.عماد صلاح]

الانسر 1300 مش حلوه مع التكييف سحبها بيتاثر جامد و كمان دي عامله 170 الف كيلو بالمواصفات دي الاوبترا احسن

[engwalaa]

الأوبترا عن تجربة في 2007 و2008 كانت معايا عملت بيها حوالي 70000 كم معظمهم سفر يومي بين القاهرة وإسكندرية..
عربية فوق الممتازة سحب كويس عمرها ما تخونك وتوفير ف البنزين تكييف محترم جدا كابينة واسعة مريحة ل 5 أفراد تقفيل علي أعلي مستوي ثبات علي الطريق مع السرعات العالية..
العربية دلوقتي معايا موديل 2011 علي الرغم إنها نفس تكنولوجي ومواصفات 2007 بس الموتور والفتيس إمكانياتهم شبيهة بالموجود حاليا في الموديلات الشبيهة )الموتور كفائته تعتبر سابقة عصرها ب 4 أو 5 سنوات ..
من الآخر عربية فلوسها فيها ومفيش وجه مقارنة بينها وبين النيو أوبترا اللي كل اللي إشتراها إتخدع فيها ..

أشكرك كثيرا" .... طب معلش بالنسبه للصيانه و قطع الغيار أصل الميكانيكى اللى ختو معايا قالى الاوبترا تكنولوجى عالى و مش هتعرفى تسرفسيها مش أعتماديه, لكن هى منظره و قيمه فقفلنى صراحه لكن بما أن حضرتك مالكها من فتره فهل بتواجه اللى هو قالو ده ؟
أسفه على الاطاله و شكرا جزيلا لردك الكريم

الانسر 1300 مش حلوه مع التكييف سحبها بيتاثر جامد و كمان دي عامله 170 الف كيلو بالمواصفات دي الاوبترا احسن

شكرا جزيلا ... هى عامله 153000 بالظبط :) ... والله انا رأىى كده برضو بس اللى حواليا عمالين يقولولى أعتماديه وبلاش منظره ... أشكر مشاركتك الكريمه

[د.عماد صلاح]

الاوبترا و اللانسر تكنولوجي واحد تقريبا الاوبترا مش معقده ابدا وفي ميكانيكيه كتير بيشتغلوا فيها و اوسع من الالنسر واثبت منها خاصه في الملفات ومطبات الهواء ..والموتور بتاعها احسن مليون مره من 1300 لانسر ...اللانسر اعتماديه فعلا بس عدادها ضعف الاوبترا
اهم حاجه في المستعمل يبقي حالته من الاساس واستخدامه السابق كويس وتكون اساسيات العربيه مش ملعوب فيها

[engwalaa]

الاوبترا و اللانسر تكنولوجي واحد تقريبا الاوبترا مش معقده ابدا وفي ميكانيكيه كتير بيشتغلوا فيها و اوسع من الالنسر واثبت منها خاصه في الملفات ومطبات الهواء ..والموتور بتاعها احسن مليون مره من 1300 لانسر ...اللانسر اعتماديه فعلا بس عدادها ضعف الاوبترا
اهم حاجه في المستعمل يبقي حالته من الاساس واستخدامه السابق كويس وتكون اساسيات العربيه مش ملعوب فيها

تمام هو موضوع الكيلومتر .. والموتور .... شكرا جزيلا لردكم الكريم

[J A G U A R]

السلام عليكم، شكرا لجميع المشاركين على المعلومات القيمه داما نايل موتورز هو المصدر الموثوق .. أفادكم الله .. أريد استشارتكم في اوبترا أمامي أمامي 2008 عامله71000كم مطلوب فيها 68000 رشه جناب و أنا شوفت الحوض و الشنطه نضيفه وفي واحده ثانيه لانسر 2007 عامله 150000 كم 1300 سي سي الكاسيت بتاعها مش أصلي فتقريبا كده تبقى gl مش glx نزلتها معاه ل66500 ايه رايكم احسن أنا محتاااااااااااااااره جدا لانسر ياباني و اوبترا أغلى شويه ممكن برضوا انزل ألف كده ولا حاجه أرجو الافاده سريعا مع الشكر

خليكى فى الاوبترا طبعا وبعدين اللانسر عمرها ما تتركب 1300

[ahmednabeah]

السلام عليكم جميعا بعذ اذن سيادتكم سؤال عن عربيه اوبترا 2007 عامله 57000 ك مانيول فابريكه بره وجوه والعربيه صيانه توكيل ,صاحبها طالب 72000 وقافل على السعر هى تستاهل ولا غير كده وكام سعرها لو غير كده , بصراحه عربيه عجابنى لانها متحافظ عليها