ملاحظاتي البسيطة عن الكروز 2014

[ashouhdy]

انا عارف انى قديم قوى واول مره اقرا الموضوع ده
اولا الف مبروك لكل مالكى الكروز
انا بقه بقالى اربع شهور فى حيره ومش عارف اقرر اقتنى ايه
اجيب السيراتو الفئه التانيه ولا اجيب الكروز الهاى لاين بنفس السعر
تقريبا 150 الف وهل فرق الهورس باور يفرق مع العربيه لان السيراتو 130 حصان
والكروز 115 يمكن دا ال بيسبب ضعف فى التكيف او يقل من قوته فى الحر
تنصحونى بايه مش حابب اعمل موضوع جديد لان الاراء هنا ماشاء الله محترمه وتفيد الكل
عايز نصيحه اجيب السيراتو 2015 ولا الكروز 2015 نفس السعر تقريبا

شوف انت محتاج اية وللعلم الموتور مش ضعيف ولا حاجة 116 حصان على ابوة يعنى :) لو غاوى كماليات كتير هات السيراتو ... السيراتو عربية ممتازة بصراحة لو عاوز امان عالى اوى اوى وغاوى جري وغرز و فقر الكماليات مش مشكلة بالنسبة لك هات الكروز

عزيزى ashouhdy

أسف أنا جيت مـتأخر .. بس لازم أقول موضوع

راااااااااااااااااااااااااااااااااااااااااائع

:ta_clap[1]: تسلم أيدك :ta_clap[1]:

الله يكرمك نورتنا :)

[M7amD_7amDy]

موضوع تحفة وماشاء الله الرجالة كلها عاملة احلى شغل :)
الف مبروك يادكتور ومتأسف على التأخير بس مكنش ينفع اقفل الموضوع من غير ما ارد :)
والصراحة الواحد استفاد جدااا من الموضوع ده
وربنا يباركلكوا جميعا فى الكروز الجميلة :)

[ARKOON]

تقرير رائع للرائعة كروز
واسلوب اروع من الدكتور احمد شهدي
وتفاعل جميل من الاعضاء
انا قريت ال 38 صفحة مرتين
اول مرة ركبت الكروز كان موديل 2010 وكانت معروضة ب 90 الف كسر زيرو
بس كانت بتشرب البنزين شرب ساعتها
موديل 2014 وطريقة عرض الموضوع العربية رجعت بقوة وبسعر تنافسي فعلا
بس في سؤالين عاوز اعرف اجابتهم من الملاك .
استهلاك البنزين تحت 10 لتر لكل 100 كيلو صح ولا غلط ؟
حاجة كمان مهمة وهي المناورة حيث ان نصف قطر الدوران 11 ( 10.9) فهل دا مأثر على المناورات على الطريق ولا لأ ؟!

[ashouhdy]

موضوع تحفة وماشاء الله الرجالة كلها عاملة احلى شغل :)
الف مبروك يادكتور ومتأسف على التأخير بس مكنش ينفع اقفل الموضوع من غير ما ارد :)
والصراحة الواحد استفاد جدااا من الموضوع ده
وربنا يباركلكوا جميعا فى الكروز الجميلة :)

الف شكر يا محمد وبارك الله لك ورزقك من حيث لا تحتسب

تقرير رائع للرائعة كروز
واسلوب اروع من الدكتور احمد شهدي
وتفاعل جميل من الاعضاء
انا قريت ال 38 صفحة مرتين
اول مرة ركبت الكروز كان موديل 2010 وكانت معروضة ب 90 الف كسر زيرو
بس كانت بتشرب البنزين شرب ساعتها
موديل 2014 وطريقة عرض الموضوع العربية رجعت بقوة وبسعر تنافسي فعلا
بس في سؤالين عاوز اعرف اجابتهم من الملاك .
استهلاك البنزين تحت 10 لتر لكل 100 كيلو صح ولا غلط ؟
حاجة كمان مهمة وهي المناورة حيث ان نصف قطر الدوران 11 ( 10.9) فهل دا مأثر على المناورات على الطريق ولا لأ ؟!

شاكر جدا ذوقك

العربية بتعمل في الصفيحة تقريبا 170كيلو الصفيحة=20لتر ودة جوة البلد

على الطريق الصحراوى بتكسر ال 250 كيلو مستريح

ومن حيث المناورات ! ناور براحتك وانت مطمن دي ماشاء الله كروز يعنى صخرة عالطريق :)

[eng_ahmadkamal]

بصراحة أنا شاكر جدا للأستاذ ashouhdy ولكل أعضاء نايل موتورز, أنا فعلا كنت محتار أجيب إيه, وبسبب الموضوع ده بالذات أنا قررت أجيبها والمفروض هستلم بعد بكرة من الطارق إللي في مول العرب بعد بكرة إن شاء الله.

بس أنا حصل معايا موقف كده مش عارف إذا قراري كان صح ولا لأ.

بعد قرآتي للموضوع ده قررت أنزل أشوفها, نزلت الطارق لقيتها واقفه أسد بس الغريب بقى إني لقيت فيها كاسيت دي في دي ولوتوث وجي بي إس وكاميرا خلفيه أنا بصراحه إستغربت وسألته هيا العربيه دي فيها كده قالي آه إحنا إللي عاملينها في التوكيل والعربية في الضمان وكل شئ تمام, المهم وافقت في ساعتها طبعا إني أخدها وبدأت في الإجراءات, بس في النص كده إكتشفت إنها موديل 2014 مش 2015 لأن المفروض 2015 نزلت, ترددت جدا بس تسرعي إني عايز أركب العربية بسرعة :) وافقت لأن سعرها كان 149 ألف وفيها كماليات زيادة عن 2015 إللي كانت ب 153 ألف.

المهم الحمد لله أنا دفعت الفلوس ومنتظر الإستلام يوم الأربعاء إن شاء الله.


يارب يكون تصرفي كان صحيح.

وشكرا تاني لكل الناس الحلوه إللي هنا إللي فعلا بسببهم أنا إشتريت العربيه :)

[ashouhdy]

هو فعلا منزلها ب دي في دي وكاميرا وفي الضمان ودى سعرها قبل خصم السنة كان 158 الف

و طبعا هو منزل في سعرها عشان خلاص السنة خلصت

خلي بالك ان 2015 بتتسلم من دلوقتى ... وبصراحة انا رأيي خد ال 2015

لكن خد ال 2014 لو انت مش ناوى تبيع غير بعد 5 سنين على الاقل

[tarkaan1975]

السلام عليكم
اولا مبروك العربية و ربنا يكفيك شرها و يديك خيرها، و بما اني على مشارف قرار الشراء و شفت الموضوع ده و الذي يعد مرجع شامل للكروز ، كنت عاوز اسأل على موضوع تغيير مقاس الجنوط و الكاوتش و تأثيره على ارتفاع العربية من الأرض .. لأني مش عارف هي عليت وللا وطيت بعد ما غيروا المقاسات .. هو ايه اللي عملوه بالضبط ؟
و أجمل تحية لأهل اسكندرية

[eng_ahmadkamal]

هو فعلا منزلها ب دي في دي وكاميرا وفي الضمان ودى سعرها قبل خصم السنة كان 158 الف

و طبعا هو منزل في سعرها عشان خلاص السنة خلصت

خلي بالك ان 2015 بتتسلم من دلوقتى ... وبصراحة انا رأيي خد ال 2015

لكن خد ال 2014 لو انت مش ناوى تبيع غير بعد 5 سنين على الاقل

أنا فعلا أخدت 2015 دلوقتي بس مش بمزاجي, ده لأني روحت أستلم العربية لقيتها من غير دي في دي, وطبعا إستغربت إزاي مكان محترم زي الطارق يعمل الحركة دي, رجعت لمدير فرع مول العرب والغريب إنهم قالولي إن دي غلطت البياع إنو معرفكش إن الدي في دي لوحدة ب 5 ألاف جنية طبعا رفضت وقولتلهم مش مشكلتي قالولي بس كده هيتحمل تمنه البياع الغلبان ده, طبعا دي حركة كانت صدمة بالنسبالي من مكان محترم زي الطارق, وأنا قولتلهم إيه الحل قالوليلي تاخد 2015 وأخدتها بسعر 152 ألف.

وعلى أي حال الحمد لله على كل شئ.

أنا عايز أركب انا الكاميرا والدي في دي بس من غير العربية تطلع من الضمان, ياريت لو تعرفوني أركبو فين.

وليكم جزيل الشكر :)

[hossam_elwani]

أنا فعلا أخدت 2015 دلوقتي بس مش بمزاجي, ده لأني روحت أستلم العربية لقيتها من غير دي في دي, وطبعا إستغربت إزاي مكان محترم زي الطارق يعمل الحركة دي, رجعت لمدير فرع مول العرب والغريب إنهم قالولي إن دي غلطت البياع إنو معرفكش إن الدي في دي لوحدة ب 5 ألاف جنية طبعا رفضت وقولتلهم مش مشكلتي قالولي بس كده هيتحمل تمنه البياع الغلبان ده, طبعا دي حركة كانت صدمة بالنسبالي من مكان محترم زي الطارق, وأنا قولتلهم إيه الحل قالوليلي تاخد 2015 وأخدتها بسعر 152 ألف.

وعلى أي حال الحمد لله على كل شئ.

أنا عايز أركب انا الكاميرا والدي في دي بس من غير العربية تطلع من الضمان, ياريت لو تعرفوني أركبو فين.

وليكم جزيل الشكر :)

مبروك عليك اولا


يعنى هما شالو الدى فى دى وحيركبوه تانى ؟!! ايه العك ده فى عربيه زيرو !!!


مستنى تقريرك وانطباعك

[eng_ahmadkamal]

الله يبارك فيك
الحمد لله إستلمت اليوم ورخصت, كروز 2015 موكا بس من غير دي في دي
لسه طبعا مش قادر أعرف إمكانيات العربية.
بس القاعدة كويسة ومستوى الرؤية جميل جدا, وكان فيه مطب عالى كان بيحك معايا في الانسر بومه والحمد لله محكش معايا في الكروز.

أنا عايز بقى أسأل كام سؤال
1- لو حابب أركب جي بي إس وكاميرا؟ فين وبكام وعايز العربية تفضل في الضمان.
2- لو عايز أعمل وحدة رفع للزجاج مع غلق السيارة؟
3- هل ينفع فعلا تركيب مثبت سرعة في العربية؟

شكرا جزيلا لكل أخوتي في المنتدى إللي دايما مواضعهم مهمه وبتفيد كل الناس.

[mohmet]

ماشاء الله ريفيو دمه خفيف قوي عن عربيه معلوماتي عنها قليله جدا و دمك خفيف جدا ربنا يباركلك فيها يارب

[mgelela]

كلام رائع بس هل في حل عشان يكون فيها بلو توث عشان انا بتكلم في العربية في التليفون كتير

[eng_ahmadkamal]

أنا مشيت بالعربية 800 كيلو لغاية دلوقتي ملاحظاتي:
المميزات زي ما كل الناس بتقول فعلا ثابته على الطريق جدا الحمد لله, العزل كويس, التسارع بتاعها كويس, الفتيس مش بتحس بنقلاته.

لكن فيها عيب خطير مش عارف ده عندي بس ولا إيه بتستهلك بنزين بشكل مش معقول, جوه البلد فولت العربية ومشيت 260 كيلو ورجعت فولت تاني أخددت 33 لتر :( , وعملت نفس الموضوع في سفر عملت 10 لتر لكل 100 كيلو, أنا شايف إن ده كتير جدا فعلا.

ومن ملاحظاتي كمان, ليه الوكيل مش بينزل فيها:
1- وحدة رفع زجاج مع غلق الأبواب.
2- العربية ماشاء الله كبيرة كانت محتاجه سنسور بارك أو كاميرا.


لكن بالنسبة لسعرها هيا مجملا كويسة لغاية أما أشوف موضوع إستهلاك البنزين ده يمكن يظبط بعد أول صيانة إن شاء الله.

[eng_ahmadkamal]

الله يبارك فيك
الحمد لله إستلمت اليوم ورخصت, كروز 2015 موكا بس من غير دي في دي
لسه طبعا مش قادر أعرف إمكانيات العربية.
بس القاعدة كويسة ومستوى الرؤية جميل جدا, وكان فيه مطب عالى كان بيحك معايا في الانسر بومه والحمد لله محكش معايا في الكروز.

أنا عايز بقى أسأل كام سؤال
1- لو حابب أركب جي بي إس وكاميرا؟ فين وبكام وعايز العربية تفضل في الضمان.
2- لو عايز أعمل وحدة رفع للزجاج مع غلق السيارة؟
3- هل ينفع فعلا تركيب مثبت سرعة في العربية؟

شكرا جزيلا لكل أخوتي في المنتدى إللي دايما مواضعهم مهمه وبتفيد كل الناس.

معقوله محدش عنده رد على الأسئلة دي؟؟

[ashouhdy]

ال 20لتر بيعملوا عندى 168ك بالضبط جوة البلد , سواقة رياضية