Tweet
بحمد الله تعالي و توفيقة استلمت الكروز 2014 بعد ما بعت عربيتي الكارينز و قسطت الفارق بين العربيتين
لية فكرت فى الكروز ؟ مش عارف ههههههههه
لا بجد ... اولا انا كنت عايز اغير القعدة المرتفعة بتاعة الكارينز لان بعد 3 سنوات تعبت من ان اني على طول مقوس ضهري عشان اطول الدركسيون
الدركسيون بعيد وانت مرجع الكرسي عشان تفرد رجلك شوية
وكنت عملت موضوع بكدة من سنة تقريبا ان هل ممكن تقريب دركسيون الكارينز؟
.
.
.
بعد السنين دى قررت انى اشوف " وضعية قيادة" اريح شوية ودة لا يقلل ابدا من راحة الكيا ... لكني بدور على راحة السائق كمان
بعد رحلة طلعتها بالعربية للجونة حواللى 750كيلو من اسكندرية كانت القعدة صعبة عليا
القعدة نفس وضعية كرسي السفرة لكن مريح والدركسيون بعيد ففارد دراعى و رجلى نفسي افردها مش عارف.
طبعا بقية الاسرة كانت في قمة الراحة ورا !
لية المقدمة الطويلة دى ,,, عشان اقول الهدف من خلال بحثي عن سيارة جديدة + ثبات أكتر
ايون ما هو طمع بقي ! طالما حغير طب مادور عن ثبات اكتر وامان اكتر بجانب القعدة المريحة او اللى سبورت !
و ابتديت الرحلة:
انا عامل حسابي انى مكسرش ال 160 بأي وسيلة من الوسائل لأنى حقسط ومش عايز قسط كبير لان كل ما املكة هو ثمن العربية الاخري
دخلت عالالنترا فلة ياريس شكل حلو من برة من جوة معجبنيش بسبب التابلوة نازل معقود كدة على ضيق ذي الفيونكة بعدين يوسع تانى ... مش عارف اللى صممة كان بيفكر فى اية
قلت ابلعة جيت للسعر 150الف اول فئة تقريبا هاا حلو فرجنى بقي اللى فيها ... فستك ولا الهوا فيرنا كبيرة ياريس ولا عزاء للشارى ! انا سبت الراجل يهري في ايشي بينور وايشي بلوتوث يركب ومش عارف اية بيصوصو وفكيت من الفئة دى
دخلت على الفئات الاعلي 162 الف و 168 الف الامان اللى فيهم abs و 2 ايرباج ووصلة الكماليات اللى مندوب هيونداى بيرصها ... طبعا محستهاش يعنى غالية ب 162 ولا 168 وحاخد اية تورشن بيم للعفشة تصميم قديم و abs وايرباجاية ! مشيت
روحت للنيو سيراتو ... مهرجان ... اة والله ذى مابقولك كدة ! مهرجان فئات
البياع عندة توكيل وخليجي وهوبا رشق فى نفس حوارات الالنترا وان اول فئة وكيل ام 162 فيها ياباشا الامان كلة والabs والايرباج وعندك الفئة الرابعة خليجي سعودى فيها فتحة سقف ودى تقل عن الفئة التالتة الوكيل الكرسي الكهربا بس الفئة الاتناشر الاردنى نازلة بكرسي ميمورى ويزيد عنها انى بشيل الكاسيت الاصلي ونحط واحد تاتش .... ايييييييييييييييييييييييية ياعم ستووووووووب وقف وقف هو انا نازل اشترى عربية تفصيل الله يخرب بيتك ياعم الحج فكرتنى ببيتزا هات يقولك خد البيتزا وعليها 3 مكونات من اختيارك !
بشويش ياحج وهاتلى المفيد او الزتونة على رأى شباب اليومين دول ! قاللى يابية انت بتدور على اية ... قولتلة امان ... قاللى 162 وطالع وام 162 دى سعودى بايرباجاية يتيمة و abs وفاتحة سقف وممكن ابدلك الكاسيت بكاسيت تاتش ... هوب قولتلة بخ خلاص انت قفلتنى قفلة عمرى من العربية على الرغم من اني بحبها شكلا
انا اضمن منين انا ان اللى بيقفل الكلام دة بيقفلة ذى المصنع ولو انت كارة اللعب في العربية حروح عالتوكيل يلبني بتاع 165 الف عشان abs بس ... يخرب بيت ابوكو
لفيت كدة لقيت أسد واقف ماشاء الله .. سوبارو الامبريزا ايوا بقي عفشة و ebd و abd و 2 ايرباجز والسوبارو مشهود لها بالثبات لكن سعرها اولا كان عالى عليا و ثانيا شكلها كان كئيب شويتين بالنسبة ليا مش اللى هو يخليك متحمس
روحت البيت مكتئب وانا بفكر ادور على عفشجي كويس يبدل كرسي السواق في الكارينز بالقاعدة بتاعتة بواحد عادى و يتصرف فى الدركسيون يخلية يقرب من شويتين او اى عفريت وخلاص لحد مانزلت عيني على اهرام السيارت ولقيت الكروز
انا اصلا بحب الكروز ! وعشت طريقة احمد عز في الكلام ! ورينى ياعم الجورنال !
اوبا اوبا وبا اية دة! ESP !!!! العالم دى بتتكلم جد ! وكمان TC اللى هو تراكشن كونترول ! ياحلاوة ! و ebd abs على الاربع عجلات ! وسيستم بوش مش ماندو كمان !
حقول الاول اية حوار ماندو وبوش
في عضو هنا بحبة لله فى لله والله اسمة formulator دة غاوى يقطع في فروة اى عربية كورى ويطلع فيها القطط الميتة هههههههههههه بس بالحق الصراحة
ايام ماجبت الكارينز وفرحان بيها بقي لقيتة جة ودخل وقاللى فرحان باية دى الكيا ماندو !
ماندو مين ياعم فورمولاتور ! بسم الله الرحمن الرحيم ! قاللى الماندو دة سيستم الabs بتاع الكيا الكورى ودة اقل من البوش الالمانى والماندو بيفتح ويقفل يدويك 6 او 7 مرات فى الثانية بينما البوش مش عارف كام الف مليون فى الفمتو ثانية وجابللى عقدة نفسية وكسر نفسيتي ! هههههههههههههههه
فلما لقيت ان الكروز المانى ! قلت ببببببس ححطها في عينة بقي واقولة اهو انت اللى ماندو و باندو وهوهوز كمان !
هى اة انا بعتبرها المانى تقفيل كورى ... قوللى لية .. حقولك لية
العربية مبنية على شاسية الاسترا و موتور الاسترا و فتيس الاسترا ! بس تقفيل مصانع GM في كوريا ... يبقي معتبرهاش المانى لية بقي ! غاوى انا انكد على نفسي ! اة المانى موتور وشاسية وفتيس ! هى العربية اتبقي فيها اية تانى بقي ! كاوتش وكنبة!
لعبت ياعم فى دماغى وقلت انزل
روحت المعرض ... الراجل بصلي بثقة كدة وداخل عليا .... حضرتك بتبص عالكروز
قولتلة ايوا ياسيدى ... راح فاتح بقة دى فيها ازاز كهربا وسنتر .... ستووووووووب وحياة الغالية ياشيخ متكمل كلام حتقفلنى منها وحجرى ... روح اقعد هناك لو سمحت ... ولو انت احتجت اى سؤال فيها اسألنى انا !!!!
قعدت عالكرسي جميل ... مريح ... منفوخ من تحت عند القطنية مريح الضهر تمام .. برافو ياكروز
الكرسي ماشاء الله بيطلع وينزل لتحت لحد ما تحس انك خرمت الارضية ونزلت فى الشارع ! اة والله بينزل تحت كتير اوى اوى مش عارف عملوها اذاى
... هو اية اللى مخليني اركز على النقطة دى ... ان نزولة لتحت بيخلي رجلك تتفرد اكتر فتكون مستريح انت كسائق فيها
مسكت الدركسيون وبدعي ربنا يارب يارب يكون تليسكوبك وبيقرب منى ...
و جون وجون وجووووون ياعم بيقرب لحد ما بيبقي بيني وبينة اقل من شبر ! حلو اوى
لية بقي ! لأن انا رحت قعدت في الكارينز الجديدة والالنترا والسيراتو كان بيقرب بس بيتحرك في مسافة تكاد لا تذكر يعنى ملهاش تأثير اوى
الحركة هنا ذى السيات ليون وذى الاسترا بيتشد كتير اوى لدرجة بتحسسك انة حيطلع من مكانة !!!!!!!!!!!!!!!
ضبطت القعدة وقربت الدركسيون وبقيت قاعد قاعدة عربيات الفورميلا وان ! مبسوط انا والله
قعدت افكر مع نفسي ... طب اية المانع ؟! اة اية المانع !! العربية بضمانها وعليها عرض لفترة محدودة بسعر عالمى 150 الف
وفيها القعدة اللى نفسك فيها ! وفيها ESP ABS EBD TC و اتنين ايرباجز و شاسية استرا متصمم في المانيا و معملة Tunning و تعديلات مخصوص ليكون رياضي ومريح و كمان موتور وفتيس استرا !!
بصيت حواليا ... طبعا انا نازل من سفينة متحركة ... ميكروباص ياريس ! الكارينز فبأمانة كانت اى عربية ... وبقول اى عربية بكربها بحسها صغيرة
اة الكروز اضيق منها و يدوبك تقعد 4 بالغين مسترحيين وتكون الكراسي نوعا ما لقدام عشان يقعدوا مسترحيين كمان.
اة اضيق من السيراتو حاجة بسيط واضيق من الالنترا بس مش الضيق اللى يقعد 3 افراد بالغين ورا مستريح
ببساطة اللى ورا في السيراتو حيكونوا مريحين اكتر من الكروز لكن بما انى كنت من ملاك الكارينز فبقولك بكل ثقة الاتنين ميقعدوش 3 مسافة اكتر من نص ساعة !
شنطتها بأمانة واسعة و حلوة ... فأتخذت قرارى وتوكلت على الله والحمد لله وبسم الله ماشاء الله
.
.
.
استلمت بحمد الله وركبت ودورت
شوفوا انا مش حنزل صور وكلام من دة لأن استاذ حسام علوانى منزل تقرير يحتذى بقي حكسف نفسي قدامة ! التقرير بتاعة فية كل حاجة ممكن تتخيلها
انا حتكلم على انطباعاتى انا مع ال 2014 بالذات انها نازلة بجنوط16 مش 17
دورت العربية والحمد لله ولقيتلك كدة ياحلاوة ياولاد العدادات كلها لفت للاخر ورجعت تانى ذى عربيات السبق !
انا دورت وقرصت على طول مش بتفاهم ... مفيش حاجة اسمها تليين العربية بتطلع من المصنع متلينة جاهز هو بس يفضل متكسرش ال120 او الار بي ام 5 في اول 1000كيلو
المهم مشيت وماشاء الله العربية هادية فعلا ... يعنى الكارينز كانت هادية و دى كمان هادية عنها اكتر شوية يعنى حواللى 20% زيادة وعرفت لية ... حطين على الابواب فوق الكاوتش بتاع الباب موكيت ذى بتاع السجاد اللى عازل للصوت
فبيلغي تماما الدوشة برة
... العافشة ناعمة بالذات لما ظبط النيتروجين32 ... العفشة ذي الكارينز تمام بس اهدى ... او اطري حاجة بسيطة عنها ....
الدركسيون دة بقي الفرق اللى حسيتة بجد ... انا سقت الفلوينس وعارف انها مية وكهربا ... الدركسيون دة في نعومتة يكاد يكون ذى الفلوينس اذاى مش عارف !
المهم الصوت هادى العفشة ناعمة لما اركب حد ورا ابقي اقدم الكرسي لقدام شوية
.
.
.
وانا سرحان وداخل ملف وكلى ودنى شغالة بقي تسمع الاصوات اللى حواليا من العافشة دخلت على ملف كنت اقسم بالله باخدة بكتيري فى الكارينز على 60 واهدى قبلة وبالفيرنا كان نفس السرعة تقريبا ... الملف دة دخلتة على 85 و كنت سرحان انا عرفت الملف بعد ماعديتة وبصيت عالعداد وكلي اندهاشة ذى اعلان فريسكا تمام !
.
.
جريت شوية واختبرت الثبات ... ماشاء الله ... انا سقت كتير بجد يا جماعة .. واقدر اقول بكل ثقة ان العربية تقارن بالفانتزيا في الثبات و في التنقل بين الحارات وعدم ميلان العربية .... يعنى مبسوط اوى والحمد لله ... حاسس انى كنت مفتقد اوى حتتة احساسك بالتحكم والامان دى فى العربية بالذات لما تفتكر انك كمان فوق دة كلة (طبعا بعد فضل الله وحمدة ونعمتة) معاك esp و tc ...
.... الفتيس محستوش تقيل ... الفتيس استجابتة سريعة اوى ومش حاسس انة بيأخر نقلات او انى محتاج اكيك عشان تجري في الزحمة ... العربية مجملة جميلة و تعتبر من وجهة نظرى الحصان الرابح للي بيقدر ( متعة السواقة والتحكم )
.
.
العربية متنفعش ومش حتعجب اللى بيدور على الكماليات وبقولها من غير كسوف ... هى مافيهاش حاجة من كماليات السيراتو والريو الخليجي والدلع والصوصوة واللعب والانوار والكلام دة
هى عربية ركوبة للركيبة اللى عارفة هى عايزة اية من العربية ...
دمتم فى سلام الله والحمد لله من قبل وبعد
لية فكرت فى الكروز ؟ مش عارف ههههههههه
لا بجد ... اولا انا كنت عايز اغير القعدة المرتفعة بتاعة الكارينز لان بعد 3 سنوات تعبت من ان اني على طول مقوس ضهري عشان اطول الدركسيون
الدركسيون بعيد وانت مرجع الكرسي عشان تفرد رجلك شوية
وكنت عملت موضوع بكدة من سنة تقريبا ان هل ممكن تقريب دركسيون الكارينز؟
.
.
.
بعد السنين دى قررت انى اشوف " وضعية قيادة" اريح شوية ودة لا يقلل ابدا من راحة الكيا ... لكني بدور على راحة السائق كمان
بعد رحلة طلعتها بالعربية للجونة حواللى 750كيلو من اسكندرية كانت القعدة صعبة عليا
القعدة نفس وضعية كرسي السفرة لكن مريح والدركسيون بعيد ففارد دراعى و رجلى نفسي افردها مش عارف.
طبعا بقية الاسرة كانت في قمة الراحة ورا !
لية المقدمة الطويلة دى ,,, عشان اقول الهدف من خلال بحثي عن سيارة جديدة + ثبات أكتر
ايون ما هو طمع بقي ! طالما حغير طب مادور عن ثبات اكتر وامان اكتر بجانب القعدة المريحة او اللى سبورت !
و ابتديت الرحلة:
انا عامل حسابي انى مكسرش ال 160 بأي وسيلة من الوسائل لأنى حقسط ومش عايز قسط كبير لان كل ما املكة هو ثمن العربية الاخري
دخلت عالالنترا فلة ياريس شكل حلو من برة من جوة معجبنيش بسبب التابلوة نازل معقود كدة على ضيق ذي الفيونكة بعدين يوسع تانى ... مش عارف اللى صممة كان بيفكر فى اية
قلت ابلعة جيت للسعر 150الف اول فئة تقريبا هاا حلو فرجنى بقي اللى فيها ... فستك ولا الهوا فيرنا كبيرة ياريس ولا عزاء للشارى ! انا سبت الراجل يهري في ايشي بينور وايشي بلوتوث يركب ومش عارف اية بيصوصو وفكيت من الفئة دى
دخلت على الفئات الاعلي 162 الف و 168 الف الامان اللى فيهم abs و 2 ايرباج ووصلة الكماليات اللى مندوب هيونداى بيرصها ... طبعا محستهاش يعنى غالية ب 162 ولا 168 وحاخد اية تورشن بيم للعفشة تصميم قديم و abs وايرباجاية ! مشيت
روحت للنيو سيراتو ... مهرجان ... اة والله ذى مابقولك كدة ! مهرجان فئات
البياع عندة توكيل وخليجي وهوبا رشق فى نفس حوارات الالنترا وان اول فئة وكيل ام 162 فيها ياباشا الامان كلة والabs والايرباج وعندك الفئة الرابعة خليجي سعودى فيها فتحة سقف ودى تقل عن الفئة التالتة الوكيل الكرسي الكهربا بس الفئة الاتناشر الاردنى نازلة بكرسي ميمورى ويزيد عنها انى بشيل الكاسيت الاصلي ونحط واحد تاتش .... ايييييييييييييييييييييييية ياعم ستووووووووب وقف وقف هو انا نازل اشترى عربية تفصيل الله يخرب بيتك ياعم الحج فكرتنى ببيتزا هات يقولك خد البيتزا وعليها 3 مكونات من اختيارك !
بشويش ياحج وهاتلى المفيد او الزتونة على رأى شباب اليومين دول ! قاللى يابية انت بتدور على اية ... قولتلة امان ... قاللى 162 وطالع وام 162 دى سعودى بايرباجاية يتيمة و abs وفاتحة سقف وممكن ابدلك الكاسيت بكاسيت تاتش ... هوب قولتلة بخ خلاص انت قفلتنى قفلة عمرى من العربية على الرغم من اني بحبها شكلا
انا اضمن منين انا ان اللى بيقفل الكلام دة بيقفلة ذى المصنع ولو انت كارة اللعب في العربية حروح عالتوكيل يلبني بتاع 165 الف عشان abs بس ... يخرب بيت ابوكو
لفيت كدة لقيت أسد واقف ماشاء الله .. سوبارو الامبريزا ايوا بقي عفشة و ebd و abd و 2 ايرباجز والسوبارو مشهود لها بالثبات لكن سعرها اولا كان عالى عليا و ثانيا شكلها كان كئيب شويتين بالنسبة ليا مش اللى هو يخليك متحمس
روحت البيت مكتئب وانا بفكر ادور على عفشجي كويس يبدل كرسي السواق في الكارينز بالقاعدة بتاعتة بواحد عادى و يتصرف فى الدركسيون يخلية يقرب من شويتين او اى عفريت وخلاص لحد مانزلت عيني على اهرام السيارت ولقيت الكروز
انا اصلا بحب الكروز ! وعشت طريقة احمد عز في الكلام ! ورينى ياعم الجورنال !
اوبا اوبا وبا اية دة! ESP !!!! العالم دى بتتكلم جد ! وكمان TC اللى هو تراكشن كونترول ! ياحلاوة ! و ebd abs على الاربع عجلات ! وسيستم بوش مش ماندو كمان !
حقول الاول اية حوار ماندو وبوش
في عضو هنا بحبة لله فى لله والله اسمة formulator دة غاوى يقطع في فروة اى عربية كورى ويطلع فيها القطط الميتة هههههههههههه بس بالحق الصراحة
ايام ماجبت الكارينز وفرحان بيها بقي لقيتة جة ودخل وقاللى فرحان باية دى الكيا ماندو !
ماندو مين ياعم فورمولاتور ! بسم الله الرحمن الرحيم ! قاللى الماندو دة سيستم الabs بتاع الكيا الكورى ودة اقل من البوش الالمانى والماندو بيفتح ويقفل يدويك 6 او 7 مرات فى الثانية بينما البوش مش عارف كام الف مليون فى الفمتو ثانية وجابللى عقدة نفسية وكسر نفسيتي ! هههههههههههههههه
فلما لقيت ان الكروز المانى ! قلت ببببببس ححطها في عينة بقي واقولة اهو انت اللى ماندو و باندو وهوهوز كمان !
هى اة انا بعتبرها المانى تقفيل كورى ... قوللى لية .. حقولك لية
العربية مبنية على شاسية الاسترا و موتور الاسترا و فتيس الاسترا ! بس تقفيل مصانع GM في كوريا ... يبقي معتبرهاش المانى لية بقي ! غاوى انا انكد على نفسي ! اة المانى موتور وشاسية وفتيس ! هى العربية اتبقي فيها اية تانى بقي ! كاوتش وكنبة!
لعبت ياعم فى دماغى وقلت انزل
روحت المعرض ... الراجل بصلي بثقة كدة وداخل عليا .... حضرتك بتبص عالكروز
قولتلة ايوا ياسيدى ... راح فاتح بقة دى فيها ازاز كهربا وسنتر .... ستووووووووب وحياة الغالية ياشيخ متكمل كلام حتقفلنى منها وحجرى ... روح اقعد هناك لو سمحت ... ولو انت احتجت اى سؤال فيها اسألنى انا !!!!
قعدت عالكرسي جميل ... مريح ... منفوخ من تحت عند القطنية مريح الضهر تمام .. برافو ياكروز
الكرسي ماشاء الله بيطلع وينزل لتحت لحد ما تحس انك خرمت الارضية ونزلت فى الشارع ! اة والله بينزل تحت كتير اوى اوى مش عارف عملوها اذاى
... هو اية اللى مخليني اركز على النقطة دى ... ان نزولة لتحت بيخلي رجلك تتفرد اكتر فتكون مستريح انت كسائق فيها
مسكت الدركسيون وبدعي ربنا يارب يارب يكون تليسكوبك وبيقرب منى ...
و جون وجون وجووووون ياعم بيقرب لحد ما بيبقي بيني وبينة اقل من شبر ! حلو اوى
لية بقي ! لأن انا رحت قعدت في الكارينز الجديدة والالنترا والسيراتو كان بيقرب بس بيتحرك في مسافة تكاد لا تذكر يعنى ملهاش تأثير اوى
الحركة هنا ذى السيات ليون وذى الاسترا بيتشد كتير اوى لدرجة بتحسسك انة حيطلع من مكانة !!!!!!!!!!!!!!!
ضبطت القعدة وقربت الدركسيون وبقيت قاعد قاعدة عربيات الفورميلا وان ! مبسوط انا والله
قعدت افكر مع نفسي ... طب اية المانع ؟! اة اية المانع !! العربية بضمانها وعليها عرض لفترة محدودة بسعر عالمى 150 الف
وفيها القعدة اللى نفسك فيها ! وفيها ESP ABS EBD TC و اتنين ايرباجز و شاسية استرا متصمم في المانيا و معملة Tunning و تعديلات مخصوص ليكون رياضي ومريح و كمان موتور وفتيس استرا !!
بصيت حواليا ... طبعا انا نازل من سفينة متحركة ... ميكروباص ياريس ! الكارينز فبأمانة كانت اى عربية ... وبقول اى عربية بكربها بحسها صغيرة
اة الكروز اضيق منها و يدوبك تقعد 4 بالغين مسترحيين وتكون الكراسي نوعا ما لقدام عشان يقعدوا مسترحيين كمان.
اة اضيق من السيراتو حاجة بسيط واضيق من الالنترا بس مش الضيق اللى يقعد 3 افراد بالغين ورا مستريح
ببساطة اللى ورا في السيراتو حيكونوا مريحين اكتر من الكروز لكن بما انى كنت من ملاك الكارينز فبقولك بكل ثقة الاتنين ميقعدوش 3 مسافة اكتر من نص ساعة !
شنطتها بأمانة واسعة و حلوة ... فأتخذت قرارى وتوكلت على الله والحمد لله وبسم الله ماشاء الله
.
.
.
استلمت بحمد الله وركبت ودورت
شوفوا انا مش حنزل صور وكلام من دة لأن استاذ حسام علوانى منزل تقرير يحتذى بقي حكسف نفسي قدامة ! التقرير بتاعة فية كل حاجة ممكن تتخيلها
انا حتكلم على انطباعاتى انا مع ال 2014 بالذات انها نازلة بجنوط16 مش 17
دورت العربية والحمد لله ولقيتلك كدة ياحلاوة ياولاد العدادات كلها لفت للاخر ورجعت تانى ذى عربيات السبق !
انا دورت وقرصت على طول مش بتفاهم ... مفيش حاجة اسمها تليين العربية بتطلع من المصنع متلينة جاهز هو بس يفضل متكسرش ال120 او الار بي ام 5 في اول 1000كيلو
المهم مشيت وماشاء الله العربية هادية فعلا ... يعنى الكارينز كانت هادية و دى كمان هادية عنها اكتر شوية يعنى حواللى 20% زيادة وعرفت لية ... حطين على الابواب فوق الكاوتش بتاع الباب موكيت ذى بتاع السجاد اللى عازل للصوت
فبيلغي تماما الدوشة برة
... العافشة ناعمة بالذات لما ظبط النيتروجين32 ... العفشة ذي الكارينز تمام بس اهدى ... او اطري حاجة بسيطة عنها ....
الدركسيون دة بقي الفرق اللى حسيتة بجد ... انا سقت الفلوينس وعارف انها مية وكهربا ... الدركسيون دة في نعومتة يكاد يكون ذى الفلوينس اذاى مش عارف !
المهم الصوت هادى العفشة ناعمة لما اركب حد ورا ابقي اقدم الكرسي لقدام شوية
.
.
.
وانا سرحان وداخل ملف وكلى ودنى شغالة بقي تسمع الاصوات اللى حواليا من العافشة دخلت على ملف كنت اقسم بالله باخدة بكتيري فى الكارينز على 60 واهدى قبلة وبالفيرنا كان نفس السرعة تقريبا ... الملف دة دخلتة على 85 و كنت سرحان انا عرفت الملف بعد ماعديتة وبصيت عالعداد وكلي اندهاشة ذى اعلان فريسكا تمام !
.
.
جريت شوية واختبرت الثبات ... ماشاء الله ... انا سقت كتير بجد يا جماعة .. واقدر اقول بكل ثقة ان العربية تقارن بالفانتزيا في الثبات و في التنقل بين الحارات وعدم ميلان العربية .... يعنى مبسوط اوى والحمد لله ... حاسس انى كنت مفتقد اوى حتتة احساسك بالتحكم والامان دى فى العربية بالذات لما تفتكر انك كمان فوق دة كلة (طبعا بعد فضل الله وحمدة ونعمتة) معاك esp و tc ...
.... الفتيس محستوش تقيل ... الفتيس استجابتة سريعة اوى ومش حاسس انة بيأخر نقلات او انى محتاج اكيك عشان تجري في الزحمة ... العربية مجملة جميلة و تعتبر من وجهة نظرى الحصان الرابح للي بيقدر ( متعة السواقة والتحكم )
.
.
العربية متنفعش ومش حتعجب اللى بيدور على الكماليات وبقولها من غير كسوف ... هى مافيهاش حاجة من كماليات السيراتو والريو الخليجي والدلع والصوصوة واللعب والانوار والكلام دة
هى عربية ركوبة للركيبة اللى عارفة هى عايزة اية من العربية ...
دمتم فى سلام الله والحمد لله من قبل وبعد
Comment