استلمت الحمد الله كروز 2014 هاي لاين واستفسار عن لوك الدريكسيون

[mohamedadel86]

شكرا علي الردود الجميلة
عاوز ارد عليكم رد تفصيلي واعملكم تقرير لكن الواحد نفسياً مدمر لان عملت حادثة علي كوبري اكتوبر
كنت بوصل ولدتي للعمل اللي قدامي ماشي علي 100 تقريباً وقف فجأة لوجود حجر طبعاً ضربت فرملة مرة واحدة العربية وقفت في مكانها اللي ورايا دخل في الاكصدام نزلت
اولاً اوضح ليكم ان اكصدامها قوي جدا لان هو عنده الفانوسين اتكسروا والشبكة عنده اطبقت
انا عندي اللي حصل خدوش (وعليها لون بوية عربيته) وتطبيقة بسيطة من تحت خالص

الراجل نزل يحاول يصالحني ويراضيني وانا مكتوم من جوايا

سألت دلوقتي واحد قالي دي حاجه بسيطة جدا انا فاكر ان فيه كارثة قالي دي تترد علي البارد وتتملع ببولش وانتهينا
قولتله بعد التلميع هيكون فيه خدوش بسيطة قالي هنضطر نرش وانا شايف ملهاش لازمة وسيبها تاخد العين

نفسياً انا مدمر لان شكلها كان شبه الـ المرسيدس وهي باللون الاسود ومع الطول مدي احساس بالفخامة وكانت بتلمع من وري وشكلها راقي اوي

انا مأمن عند شركة اسكان
اعمل ايه انا صعبان عليا مش عايز فيها خدش واحد عايزها ترجع زي الاول
فكرت اشتري اكصدام جديد
شوروا عليا الصح ايه دلوقتي وشركة التامين لو هعمل حاجه الاجراءات بتكون ازاي
لان عقلي مش عارف يفكر
قاعد اقول يارب الزمن يرجع بالواحد

قدر الله وماشاء فعل ... الحمد لله علي كل حال
بص ياباشابلاش موضوع التأمين دلوقتي .. انا شايف انها تترد علي البارد وتتلمع ببوليش وخلاص
بالنسبه لو حبيت تجيب اكصدام جديد وعايز التأمين هو اللي يغطي التكلفه يبقي هاتعمل محضر بالحادثه وبعدين تكلم شركة التأمين وتقولهم انك عملت حادثه وانك سايب العربيه في المكان الفلاني (التوكيل اتو مركز الصيانه) والمفروض انهم هايبعتوا خبير يعاين العربيه ويعتمد التصليح بعد كده لم تخلص هايروح يعاين وانت هاتدفع الفلوس وتاخد فاتوره توديها شركة التأمين وبعد كده بيطلع شيك باسمك بقيمة الفاتوره بعد شوية خصومات ممكن تكون 10% اكتر او اقل حاجه بسيطه . والله اعلم

[abou-yahia]

عشان اجاوب علي السؤال ... اخرك كام في الفلوس؟ اخرك اخرك حتي لو حتقسط.

صح

خلينا نقول من 150 الي 200 كاش او قسط

[ashouhdy]

صح

خلينا نقول من 150 الي 200 كاش او قسط

ما انت كدة دخلت في فئات اعلي كتير ... وقت ما جبت الكروز كنت بدور في فئات 150 و 160

لكن لو حنط لل200

فحيكون اول اختيار

سوبارو xsv ال suv قاعدة رياضية للكرسي و دفع رباعي وكل وسائل الامان

ثم الاسترا ثم السيفيك ثم الفلوينس اعلي فئة (علي الرغم من اني بكرهها من جوة)

[legend_mohsen]

سؤال معلش الكروز ال 2014 نفس الفوانيس الورانية ؟ ولا نازله بالفانوس الي شبه البي ام ؟ في الخليج دلوقتي الفانوس الخلفي زي البي ام و ده من التوكيل مش افتر ماركت

[Eng_Moh.Dewair]

ﻻ حول و لا قوة الا بالله... ربنا يعوض عليك يا باشا و مضايقش نفسك مفيش عربيه سليمه فى المحروسه كلها . انا من شهر بس كنت ظبطت اﻻوكتافيا و عملت كام خربوش كده و لمعتها و الدنيا تمام و صرفت عليها 5 اﻻف جنيه . و الله فى اقل من 4 ايام كانت العربيه محكوكه تانى و لحد دلوقتى فى شهر اتحكت 3 مرات و مش عيب سواقه مننا ال 3 مرات و هى مركونه و متغطيه !!!!! فسيبها على ربنا هو الحارس و متزعلش نفسك . انت تردها بس دلوقت على البارد و سيبها كده تاخد العين شويه احنا فى زمن محدش بيحب الخير لغيره حتى و لو اخوه . ربنا يهدى النفوس !!

Sent from my SM-N9005 using Forum Runner

[hossam_elwani]

الف مبروك عليك

وبخصوص الحكات كلنا بيحصل معانا كده نفس الى حصل معاك حصل تقريبا معايا والنتيحه نقرتين صغيرين جدا من ورا فى الاكصدام ولا تزعل

[hossam_elwani]

سؤال معلش الكروز ال 2014 نفس الفوانيس الورانية ؟ ولا نازله بالفانوس الي شبه البي ام ؟ في الخليج دلوقتي الفانوس الخلفي زي البي ام و ده من التوكيل مش افتر ماركت

هنا فى مصر بنفس الفوانيس القديمه


بره كلامك صحيح وده فيديو من الكويت


ياترى نقدر نجيب ده اصلى ؟


وياترى باليل الاثلى مش الافتر ماركت اجمل واحلى بليل

https://www.youtube.com/watch?v=DUSMiUpuOU0

[ashouhdy]

هنا فى مصر بنفس الفوانيس القديمه


بره كلامك صحيح وده فيديو من الكويت


ياترى نقدر نجيب ده اصلى ؟


وياترى باليل الاثلى مش الافتر ماركت اجمل واحلى بليل



https://www.youtube.com/watch?v=DUSMiUpuOU0

بتاعتنا احلي وافخم علي فكرة كتييير من برة بالذات الشبكة الامامية والفوانيس الخلفية

من جوة طبعا بتاعتهم وهمية !. وكمان نازلالهم بال my link الاصلي وفتحة السقف والجلد الطبيعي ! و طبعا الموتور ال 1800


منك لله يامنصور !

[hossam_elwani]

بتاعتنا احلي وافخم علي فكرة كتييير من برة بالذات الشبكة الامامية والفوانيس الخلفية

من جوة طبعا بتاعتهم وهمية !. وكمان نازلالهم بال my link الاصلي وفتحة السقف والجلد الطبيعي ! و طبعا الموتور ال 1800


منك لله يامنصور !

الشبكه الاماميه فعلا عندنا اجمل ومستغرب ازاى مستخسرين الشبكه المنكله بعد كل الاضافات دى ؟!!!

الفوانيس الخلفيه اختلف معاك لان بليل وهميه بجد عن الى عندنا

اما من جوه حدث ولا حرج وهم

[S O P H O S]

الف مبروك العربية