عدل بنفسك شاشه العدادات واظهر حساب الاستهلاك للبنزين والمسافه المتبقيه

[adhamgamal]

موضوع رهيب اوي انا من ملاك الاوبترا متعرفش عندنا شاشة ولا لا .. حاسس ان الطارة ممكن يبقى فيها زراير بس منصور خفيها بردو

[ahafed]

تسلم ايديك
بس دى موجوده فى كل الأفيو

اللي انا فاهمه انها موجودة من اول مو 2009 ... لكل الفئات .. انا عربيتي مو 2010 فاضية تجميع مصري و موجودة فيها ...

انت اللي عندك مو كام ؟

[shiko85]

اللي انا فاهمه انها موجودة من اول مو 2009 ... لكل الفئات .. انا عربيتي مو 2010 فاضية تجميع مصري و موجودة فيها ...

جربت فــ 2008 و نفع

[FAR!D]

موضوع رهيب اوي انا من ملاك الاوبترا متعرفش عندنا شاشة ولا لا .. حاسس ان الطارة ممكن يبقى فيها زراير بس منصور خفيها بردو

لا تحكم الطاره الوحده بتعته خارجيه لازمه على جنب التاره من بره و موجوده في اللاسيتي

[sigma]

حد جرب مع افيو اوتوماتيك 2008 تجميع مصري؟

[sigma]

و هل قياسات العداد مظبوطه؟ مع اللي جرب؟

لان في اراء بتقول ان العداد ده مخفي عشان قرايته مش مظبوطه..

ولا الموضوع تقليل جمارك من علي العربيه و خلاص؟

[ahafed]

و هل قياسات العداد مظبوطه؟ مع اللي جرب؟

لان في اراء بتقول ان العداد ده مخفي عشان قرايته مش مظبوطه..

ولا الموضوع تقليل جمارك من علي العربيه و خلاص؟

بالنسبالي القراءة بتدي علامات ممتازة على مدى استهلاكك للبنزين على مختلف انواع الطرق و القيادة ...

انا بصراحة ما باثقش في منصور لو الرأي ده من عنده .. لان لو كده ماكنتش جي ام نزلته اصلا .

ممكن يكون منصور مخبيه عشان ينزله في موديل و يعلي بيه السعر

[sigma]

شغال ع افيو اوتوماتيك 2008 تجميع مصري .. الصعوبه كلها في القطع

[aymaneid]

هو الموضوع ده فى العربيات الافيو الكورى ولا المصرى ؟؟ عشان انا شارى الكورى
حاجة تانية انا عشان اعمل كدة افصل البطارية احسن ولا لا ؟
ولو فصلت العدادات هياثر على الكيلوميترات وتصفرها ولا لا
يارت الافادة ؟؟؟ وشكرا

[FAR!D]

هو الموضوع ده فى العربيات الافيو الكورى ولا المصرى ؟؟ عشان انا شارى الكورى
حاجة تانية انا عشان اعمل كدة افصل البطارية احسن ولا لا ؟
ولو فصلت العدادات هياثر على الكيلوميترات وتصفرها ولا لا
يارت الافادة ؟؟؟ وشكرا

ايوه الكوري و عادي سيب البطاريه بس متحاولش تلمس حاجه بالتانيه
ام موضوع ان العداد يصفر لأ اطمن

[mennamagdy]

معرفة صمام تهوية علبة المرفق لافيو 2012

[mennamagdy]

اولا: كل سنه وانتم طيبين و رمضان كريم عليكم كلكم
ثانيا :الموضوع ده بنيه صدقه جاريه عن نفسي لكل اعضاء المنتدى مالكي الافيو و من باب نفع و مساعده الاعضاء
ثالثا : كله يدعي على منصور شيفروليه و انتم صايمين لاخفاءه امكانيه سهله و متاحه عن ملاك السياره

انا على فكره زميلكم من قسم الدايو و اللي ميعرفش ان الافيو اصلا دايو مش شيفروليه و كانت بتنزل بره عليها علامه دايو يعني احنا ولاد عم
الموضوع يتلخص في ان الافيو كلكم عارفين فيها شاشه الكيلومترات بس صح ؟؟
تؤتؤ
العربيه فيها بالفعل شاشه كامله بخلاف الكيلومترات تحتوي على معدل استهلاكك و المسافه المتبقيه على نفاذ الوقود و الشاشه كبيره لكنها متغطيه بورقه سوداء مش باين منها الا الكيلومترات
شوفتوا باه ....!!!!!!!
المهم عشان منبوظش صيامنا على منصور ندخل في الجد ماشي؟؟
ملحوظه : كعادتي مبنزلش موضوع الا لما اكون مجربه في نفسي لكنه المرادي جربته في صاحبي ههههه (عشان معنديش افيو ماتفهومش غلط هه؟ ههههههه )
العده المطلوبه :
1- مفك صليبه طويل
2- مفك صليبه قصير
3- كتر
بس كده

الخطوات :
1- نفك المسمارين دول المعلم عليهم بالاحمر (الشاشه قبل التعديل متعلم عليها ) وبعديها اخلع الفريم اللي مغطي العدادات من جوه و هوا ماسك بكلبسات جمد قلبك وانت بتشد متخفش


2-بعد كده فك المسمارين اللي متعلم عليهم في الصوره واخلع الطاقيه او الكفر الفبر اللي فوق العدادات و برضوا راكب بكلبسات شده و اخلعه


3-فك المسمارين اللي متعلم عليهم و بكده العدادات بقيت حره و تقدر تشدها لبره


4- الفيشتين دول كانوا في العدادت ورا فكهم عشان تخلع العدادات لبره خالص

5- العدادات بره و ماسكها بايدي


6-الكلبسات المعلم عليها بالاحمر ديه ماسكه الوش الباغه بلوحه العدادات و الكلبسات المعلم عليها بالازرق اللي قافله ضهر العدادات ..... فك جميع الكلبسات ديه


7-كده اللوحه بقيت معانا بره و خرجنا اللوحه بره العلبه بتاعتها و طبعا باينه قوي اد ايه الشاشه صغيره



8-هنا باه هوووب احترس......
عايز واحد ايده ثابته وبلا ارتعاش ماشي؟؟؟
حتحسس بايدك حوالين الورقه السودا اللي مغطيا الشاشه و تحس بحواف الشاشه من تحت الورقه عشان تعلم للقطع اللي حتعمله و زي مانا عامل في الصوره
حتعمل خطين بالكتر طولي مجرد مجري دليل لقطعك بعد كده لحد ماتحس انك وصلت لاخر الفراغ اللي تحت الورقه وتقف لانها حتكون نهايه الشاشه


9-بعد ماتعرف الطول اللي حيتقطع اد ايه توصل مابين الخطين الطوليين و تقطع المستطيل كله
ههههههه واتفرج ايه اللي تحت الورقه كان مداري من منصور باشا شيفروليه


10-مبروك يا حبيب هارتي على شاشتك الجديده ولوحه عدادتك اللي الترا هاي لاين


11- وكده خلصنا خالص و الصوره اهيه شوفوا كنتوا فين


و بقيتوا فين


اي خدمه يا رجاله انتم تؤمروا بس.... ورمضان كريم عليكم ديه هديه رمضان والعيد وانتظروا مفاجأه الكروز ( ده لو صاحبها سابني اعملها هههههه )

ملحوظه:
المجهود ده مجهود شخصي وليس منقول... برجاء الدعاء لي و انتم صايميين و برجاء التثبيت لعموم الافاده على الجميع

الف شكر وجزاء لله خير

[zemo77]

انا عملتها عندى وطلعت جامدة تسلم ايدك وهل من مزيد

[zidaneelwaly]

عملت الموضوع ده من ٥ شهور و احساس السواقه من بعديه اختلف خالص الواحد بقا يحس انو راكب عربيه جديده وعقبال منعرف طريقه تركيب زراع تقليب باقي ابشن الشاشه وشكرا لصاحب الوضوع

[احمد عز]

والله الناس دى بتعمل حاجات غريبه يعنى ايه مغطينها ؟