عدل بنفسك شاشه العدادات واظهر حساب الاستهلاك للبنزين والمسافه المتبقيه

[FAR!D]

اولا: كل سنه وانتم طيبين و رمضان كريم عليكم كلكم
ثانيا :الموضوع ده بنيه صدقه جاريه عن نفسي لكل اعضاء المنتدى مالكي الافيو و من باب نفع و مساعده الاعضاء
ثالثا : كله يدعي على منصور شيفروليه و انتم صايمين لاخفاءه امكانيه سهله و متاحه عن ملاك السياره

انا على فكره زميلكم من قسم الدايو و اللي ميعرفش ان الافيو اصلا دايو مش شيفروليه و كانت بتنزل بره عليها علامه دايو يعني احنا ولاد عم
الموضوع يتلخص في ان الافيو كلكم عارفين فيها شاشه الكيلومترات بس صح ؟؟
تؤتؤ
العربيه فيها بالفعل شاشه كامله بخلاف الكيلومترات تحتوي على معدل استهلاكك و المسافه المتبقيه على نفاذ الوقود و الشاشه كبيره لكنها متغطيه بورقه سوداء مش باين منها الا الكيلومترات
شوفتوا باه ....!!!!!!!
المهم عشان منبوظش صيامنا على منصور ندخل في الجد ماشي؟؟
ملحوظه : كعادتي مبنزلش موضوع الا لما اكون مجربه في نفسي لكنه المرادي جربته في صاحبي ههههه (عشان معنديش افيو ماتفهومش غلط هه؟ ههههههه )
العده المطلوبه :
1- مفك صليبه طويل
2- مفك صليبه قصير
3- كتر
بس كده

الخطوات :
1- نفك المسمارين دول المعلم عليهم بالاحمر (الشاشه قبل التعديل متعلم عليها ) وبعديها اخلع الفريم اللي مغطي العدادات من جوه و هوا ماسك بكلبسات جمد قلبك وانت بتشد متخفش


2-بعد كده فك المسمارين اللي متعلم عليهم في الصوره واخلع الطاقيه او الكفر الفبر اللي فوق العدادات و برضوا راكب بكلبسات شده و اخلعه


3-فك المسمارين اللي متعلم عليهم و بكده العدادات بقيت حره و تقدر تشدها لبره


4- الفيشتين دول كانوا في العدادت ورا فكهم عشان تخلع العدادات لبره خالص

5- العدادات بره و ماسكها بايدي


6-الكلبسات المعلم عليها بالاحمر ديه ماسكه الوش الباغه بلوحه العدادات و الكلبسات المعلم عليها بالازرق اللي قافله ضهر العدادات ..... فك جميع الكلبسات ديه


7-كده اللوحه بقيت معانا بره و خرجنا اللوحه بره العلبه بتاعتها و طبعا باينه قوي اد ايه الشاشه صغيره



8-هنا باه هوووب احترس......
عايز واحد ايده ثابته وبلا ارتعاش ماشي؟؟؟
حتحسس بايدك حوالين الورقه السودا اللي مغطيا الشاشه و تحس بحواف الشاشه من تحت الورقه عشان تعلم للقطع اللي حتعمله و زي مانا عامل في الصوره
حتعمل خطين بالكتر طولي مجرد مجري دليل لقطعك بعد كده لحد ماتحس انك وصلت لاخر الفراغ اللي تحت الورقه وتقف لانها حتكون نهايه الشاشه


9-بعد ماتعرف الطول اللي حيتقطع اد ايه توصل مابين الخطين الطوليين و تقطع المستطيل كله
ههههههه واتفرج ايه اللي تحت الورقه كان مداري من منصور باشا شيفروليه


10-مبروك يا حبيب هارتي على شاشتك الجديده ولوحه عدادتك اللي الترا هاي لاين


11- وكده خلصنا خالص و الصوره اهيه شوفوا كنتوا فين


و بقيتوا فين


اي خدمه يا رجاله انتم تؤمروا بس.... ورمضان كريم عليكم ديه هديه رمضان والعيد وانتظروا مفاجأه الكروز ( ده لو صاحبها سابني اعملها هههههه )

ملحوظه:
المجهود ده مجهود شخصي وليس منقول... برجاء الدعاء لي و انتم صايميين و برجاء التثبيت لعموم الافاده على الجميع

[دكتور خالد]

حاجة غريبة جدا ... وده مغطيها علشان ايه يعنى ؟

[J A G U A R]

تسلم ايدك ع الموضوع

بس هيا العربيه دى خليجى ؟

[FAR!D]

تسلم ايدك ع الموضوع

بس هيا العربيه دى خليجى ؟

لأ وكيل

[kantofanto]

أستاذ و رئيس قسم ............أيوا بئة

[hi_nmr]

بجد موضوع هايل جدا
الف شكر

[MEDO PASHA]

طب معلش يعنى هو كان مغطيها ليه ايه الاستفادة يعنى
كان ورقة العداد فيها حتى زيادة استخسر يقطعها يعنى ولا ايه
اعتقد انه من الممكن وده احتمال انه يكون مش مظبوط مثلا او فيه حاجة غلط فيه عشان كده خفاه

[J A G U A R]

لأ وكيل

اصل لو لاحظت فى الصوره دى

هتلاقى قى المستطيل اللى فى اليمين خالص علامه الايرباج وفى المستطيل الشمال علامه abs

[FAR!D]

اصل لو لاحظت فى الصوره دى

هتلاقى قى المستطيل اللى فى اليمين خالص علامه الايرباج وفى المستطيل الشمال علامه abs

انا سألت صاحبها و قالي وكيل من منصور

[abou-yahia]

معلومه صحيحه

وفعلا بتدي العربيه ميزه اضافيه محببه

http://www.nilemotors.net/Nile/100365-a.html

تحياتي

[abou-yahia]

وده اخر حد عمل الموضوع ده

http://www.nilemotors.net/Nile/417292-2007.html

تحياتي

[FAR!D]

وده اخر حد عمل الموضوع ده

http://www.nilemotors.net/nile/417292-2007.html

تحياتي

انا فعلا يا ابو يحي معرفش انه حد عامل مشاركه بيها و اقسم بالله لاشوفتها و لا عرفتها من المنتدي هنا

[FAR!D]

و استأذنك يا ابو يحي عايزين نثبت الموضوع عشان ميضعش في غيابات المنتدى

[abou-yahia]

انا فعلا يا ابو يحي معرفش انه حد عامل مشاركه بيها و اقسم بالله لاشوفتها و لا عرفتها من المنتدي هنا

ايه يا مواطن بتزق ليه

ده انا غلبان

انا مقصدش اني اقول انك ناقل الموضوع

انا حبيت احط كل الخبرات وتجارب الاعضاء في موضوع واحد فقط لا غير

وعموما انا طلبت من الاشراف ان الموضع ينضم لاهم المواضيع عن الافيو



تحياتي

[FAR!D]

ايه يا مواطن بتزق ليه

ده انا غلبان

انا مقصدش اني اقول انك ناقل الموضوع

انا حبيت احط كل الخبرات وتجارب الاعضاء في موضوع واحد فقط لا غير

وعموما انا طلبت من الاشراف ان الموضع ينضم لاهم المواضيع عن الافيو



تحياتي

تشكر يا باشا معلش الصيام بقى
يعني مشوفتش اعلانات موبينيل موكا ولا كافيه ههههههه
تحياتي