صـيـانـة ال 10000 للاوبـتـرا فـى الـمـركـز الـرئـيـسـى و 9 شـهـور اسـتـعـمـال !!!

[Hosam_Optrawy]

النهارده عملت صيانه ال 10000

كنت حاجز قبلها بالتليفون

رحت الساعه 1 ومشيت 2 ونص

الصيانه دى مكنش فيها تغيير زيت وفلتر

لانى كنت مغيره فى صيانه ال 5000

الصيانه المره دى كانت انهم بيشيكوا ان كل حاجه فى العربيه تمام والحمد لله طلع كلو تمام

وغسلوا الموتور

قلتلهم على صوت التزييق بتاع الطاره

وقاللى ان مادام الصوت بيظهر والعربيه بارده

مش بيظهر على طول

يبقى زيت الباور لسه لزج ومسخنش او لسه موصلش لدرجه لزوجه معينه

لان لو فى حاجه فى علبة الدركسيون الصوت هيبقى موجود على طول مش والعربيه بارده بس

عموما موضوع زيت الباور ده ممكن يكون صح وممكن لأ الله اعلم بس كلامه مقنع الى حد ما

عموما نيجى للتكاليف

الصيانه 144

و 10% ضريبه مبيعات

حوالى 158 جنيه

وصيانة ال 5000 غيرت فيها زيت موبيل 1 10000 وفلتر والصيانه الاجمالى كان 267 جنيه

الحمد لله ان ربنا وفقنى فى الاوبترا فعلا عربيه محترمة ومكلفتنيش شئ زياده لحد النهارده هى الصيانه والبنزين بس

مفيش بقى عيوب صناعه ولا الكلام ده الحمد لله

وانا لحد دلوقتى شايف ان الوكيل محترم وممتاز ومشفتش منه حاجه وحشه لحد دلوقتى بعكس

رأى ناس كتير

واخيرا ببارك لكل اللى معاه اوبترا ولو فى اى استفسار انا موجود

[totaman]

دائما متالق فى موضوعاتك
وربنا يباركلك فى عربيتك كدة ان شاء الله
بس معلش هتقل عليك فى كام سؤال
هل تقصد بالفرع الرئيسى اللى هوة فى طريق اسكندرية الصحراوى؟؟؟
( اصل انا من اسكندرية)
هل رحت الصيانة لما كملت 4 شهور بعد صيانة ال 5000 ولا العربية كانت كملت معاك
10000 كيلو ...... علشان النقطة دى ملغبطانى شوية ؟؟؟؟؟
وبالنسبة لصوت التزييق ده انا عندى نفس الموضوع انها والعربية باردة بس
بس بصراحة كلام التوكيل مقنع وبصراحة طمنتنى شوية علشان كنت قلقان
اشكرك على التقرير الممتاز للصيانة

[dj_bex]

شكرا يا حسام .. انا بجد كنت مستنيك انهرده عشان اسمع الخبر ده و بعدين فكر معايه يعني اييه زيت بيكون لزج شويه عموما اي زيت بيحتفظ بلزوجتوه لحد ما يفقدها و يبقى زي المايه ..وبعدين في نقطه معينه تأثير الجو على الزيت ضعيف جداا .. فمينفعش الدرجات لزوجة الزيت تزيد لا هيه بتنخفض ...ويارب تكون معلومتي المتواضعه جداا صحيحه وافادتكم..وشكرا

[Hosam_Optrawy]

دائما متالق فى موضوعاتك
وربنا يباركلك فى عربيتك كدة ان شاء الله
بس معلش هتقل عليك فى كام سؤال
هل تقصد بالفرع الرئيسى اللى هوة فى طريق اسكندرية الصحراوى؟؟؟
( اصل انا من اسكندرية)
هل رحت الصيانة لما كملت 4 شهور بعد صيانة ال 5000 ولا العربية كانت كملت معاك
10000 كيلو ...... علشان النقطة دى ملغبطانى شوية ؟؟؟؟؟
وبالنسبة لصوت التزييق ده انا عندى نفس الموضوع انها والعربية باردة بس
بس بصراحة كلام التوكيل مقنع وبصراحة طمنتنى شوية علشان كنت قلقان
اشكرك على التقرير الممتاز للصيانة

الله يبارك فيك ياباشا متشكر
انا اقصد بالمركز الرئيسى اللى هو الكيلو 4.5 طريق مصر اسكندريه الصحراوى
اللى هو ناحية القاهره مش اسكندريه
وانا عملت صيانة ال 5000 عندهم برضه فى شهر 12 اللى فات
والنهارده عملت ال 10000

[Hosam_Optrawy]

شكرا يا حسام .. انا بجد كنت مستنيك انهرده عشان اسمع الخبر ده و بعدين فكر معايه يعني اييه زيت بيكون لزج شويه عموما اي زيت بيحتفظ بلزوجتوه لحد ما يفقدها و يبقى زي المايه ..وبعدين في نقطه معينه تأثير الجو على الزيت ضعيف جداا .. فمينفعش الدرجات لزوجة الزيت تزيد لا هيه بتنخفض ...ويارب تكون معلومتي المتواضعه جداا صحيحه وافادتكم..وشكرا

انا معرفتش افهم منه بالظبط
هل الزيت بيكون لزج بعدين بيخف
ولا بيكون خفيف وبعدين بيبقى لزج
ولا بيبقى بارد فى الاول وبعدين بيسخن
اللى فهمته انه بسببه وخلاص :)
وانا ناوى الصيانه الجايه اغير زيت الباور ولو ان لسه بدرى عليه
او هاكبر دماغى لانه مش مضايقنى اوى ومش مأثر فى حاجه

[dj_bex]

يا حسام الزيت في الاول بيكون لزج و بعدين بيخف .. والزيت مش بيتأثر بدرجات الحراره .. عارف لييه احنا بنغير زيت العربيه عشان لزوجته بتخف مش العكس .. ياريت تكون فهمتني..

[viper911s]

والله يا استاذ حسام بجد طمنتنى شوية من ناحيىة التوكيل علشان فى كلام كتير مش تمام
وعقبال صيانة 300000والعربية احسن واحسن إن شاء الله

[osman hisham]

والله و الله عيب صوت التزييق ده عيب علبة دركسيون !!!!
و لازم تغيرها نفس العيب ده كان عندى و غيروا لى علبة الدركسيون 3 مرات فى الضمان .
والزيت مش بيتأثر بدرجات الحراره ، الكلام ده علشان يهربوا من التغيييييير..

[Hosam_Optrawy]

يا حسام الزيت في الاول بيكون لزج و بعدين بيخف .. والزيت مش بيتأثر بدرجات الحراره .. عارف لييه احنا بنغير زيت العربيه عشان لزوجته بتخف مش العكس .. ياريت تكون فهمتني..

فهمت قصدك
مش عارف بقى هو قاللى كدا بيسجدنى ولا ايه

[Hosam_Optrawy]

والله يا استاذ حسام بجد طمنتنى شوية من ناحيىة التوكيل علشان فى كلام كتير مش تمام
وعقبال صيانة 300000والعربية احسن واحسن إن شاء الله

ربنا يخليك وعقبالك

[Hosam_Optrawy]

والله و الله عيب صوت التزييق ده عيب علبة دركسيون !!!!
و لازم تغيرها نفس العيب ده كان عندى و غيروا لى علبة الدركسيون 3 مرات فى الضمان .
والزيت مش بيتأثر بدرجات الحراره ، الكلام ده علشان يهربوا من التغيييييير..

طيب حضرتك غيرتها 3 مرات ليه ؟
يعنى لما غيرتها اول مره الصوت مارحش ؟
اذا كان كدا يبقى ملوش لازمه التغيير واللعب فى العربيه
خليها كدا مادام الصوت مش هيروح
وبعدين اذا كان العيب فى العلبه فعلا
ممكن حد يفسرلى ليه بسمع الصوت ده والعربيه لسه بارده بس ؟
وبعد 10 دقايق كدا لما تسخن مبسمعش حاجه ؟
وكمان مش دايما بسمعه
يعنى اوقات بتبقى العربيه بارده ومبسمعش صوت التزييق

[mohamedeed]

سؤال بخصوص صيانة 5000

أولا مبروك الصيانة وربنا يبارك لك في العربية وتفضل في احسن حال:k10:

لو انا مر عليا 4 شهور منذ شراء السيارة والعداد مجابش 5000
يعني عمل 3000 او اقل لان استعمالي قليل بسبب ظروف الشغل

لازم اروح صيانة الخمس الاف والا انتظر الي ان يصل العداد الي 5000

ونفس الكلام في صيانة 10000

وشكرا

[Hosam_Optrawy]

أولا مبروك الصيانة وربنا يبارك لك في العربية وتفضل في احسن حال:k10:

لو انا مر عليا 4 شهور منذ شراء السيارة والعداد مجابش 5000
يعني عمل 3000 او اقل لان استعمالي قليل بسبب ظروف الشغل

لازم اروح صيانة الخمس الاف والا انتظر الي ان يصل العداد الي 5000

ونفس الكلام في صيانة 10000

وشكرا

لا مش شرط
روح كل 5000 مش مهم المده
لان الصيانه بعدد الكيلومترات مش بالوقت
ونفس الكلام فى ال 10
يعنى مثلا انا عملت اول 5000 فى 5 شهور
وال 5 الاف التانين فى 4 شهور
وممكن حد تانى يعملهم فى اكتر من كدا

[Michael_Lanos]

انا بحترم الاوبترا وبعتبرها اخت اللانوس الكبيره

[totaman]

لا مش شرط
روح كل 5000 مش مهم المده
لان الصيانه بعدد الكيلومترات مش بالوقت
ونفس الكلام فى ال 10
يعنى مثلا انا عملت اول 5000 فى 5 شهور
وال 5 الاف التانين فى 4 شهور
وممكن حد تانى يعملهم فى اكتر من كدا

الله ينور عليك هوة دة كان قصدى من الاول بس
انت يا حسام مفهمتنيش فى الاول
اصل العربية عاملة دلوقتى 8000 كيلو وشوية والمدة من صيانة 5000 لحد دلوقتى 4 شهور
فكدة بقى معنى كلامك انى استنى لحد 10000 كيلو
بس طبعا اكيد لو بشتكى من حاجة فى العربية ممكن اكسر المدة عادى واروح


بجد الف شكر يا حسام باشا وربنا يكرمنا جميعا ويكفينا شر عربياتنا كدة ان شاء الله