صـيـانـة ال 10000 للاوبـتـرا فـى الـمـركـز الـرئـيـسـى و 9 شـهـور اسـتـعـمـال !!!

[Hosam_Optrawy]

الله ينور عليك هوة دة كان قصدى من الاول بس
انت يا حسام مفهمتنيش فى الاول
اصل العربية عاملة دلوقتى 8000 كيلو وشوية والمدة من صيانة 5000 لحد دلوقتى 4 شهور
فكدة بقى معنى كلامك انى استنى لحد 10000 كيلو
بس طبعا اكيد لو بشتكى من حاجة فى العربية ممكن اكسر المدة عادى واروح


بجد الف شكر يا حسام باشا وربنا يكرمنا جميعا ويكفينا شر عربياتنا كدة ان شاء الله

العفو وربنا يبارك للجميع ان شاء الله

[osman hisham]

أنا غيرت علبة الدركسيون عند10000 و الصوت راح و رجع تانى عند ال 20000 و غيرته و بعدين الصوت راح و رجع عند ال 30000 و غيرته و بعدين غيرت العربيه كلها من كتر المشاكل فى العفشه لأنى كنت برضه غيرت ال 4 مساعدين فى خلال ال 30000 و غيرت عوامة البنزين و غيرت سوستة الفتيس الأوتوماتيك !!!!!
على فكرة الصوت ده تسمعه كويس أوى لما تكون واقف فى حته هاديه و مش مشغل الكاسيت و لا التكييف و لف الدركسيون بسرعه و أنت على السلانسيه يمين و شمال تلاقيه واضح جدا.
و برضه المساعدين بينشفوا و بيحجروا و دى برضه مشكله عامه و جرب تهز العربيه بيدك من الأمام و الخلف .
هشام.

[Hosam_Optrawy]

أنا غيرت علبة الدركسيون عند10000 و الصوت راح و رجع تانى عند ال 20000 و غيرته و بعدين الصوت راح و رجع عند ال 30000 و غيرته و بعدين غيرت العربيه كلها من كتر المشاكل فى العفشه لأنى كنت برضه غيرت ال 4 مساعدين فى خلال ال 30000 و غيرت عوامة البنزين و غيرت سوستة الفتيس الأوتوماتيك !!!!!
على فكرة الصوت ده تسمعه كويس أوى لما تكون واقف فى حته هاديه و مش مشغل الكاسيت و لا التكييف و لف الدركسيون بسرعه و أنت على السلانسيه يمين و شمال تلاقيه واضح جدا.
و برضه المساعدين بينشفوا و بيحجروا و دى برضه مشكله عامه و جرب تهز العربيه بيدك من الأمام و الخلف .
هشام.

واضح ان عربية حضرتك كان فيها مشاكل كتير
انا مبسمعش الصوت خالص غير فى الحاله اللى قلت لحضرتك عليها
وفى موضوع المساعدين انا جربت اهز العربيه كذا مره قبل كدا ولقيتهم عاديين