المساعدين ضربوا

[osman hisham]

انا كان معايا أوبترا 2006 و قبل ال 20000 كنت غيرت ال 4 مساعدين برضه بس كانوا نشفوا مش جايبين زيت .
غيرن\تهم على حسابهم بعد ما قليت أدبى وغبيت عليهم .
الحقيقه أن الأويترا عيوبها بالذات فى المساعدين و علبة الركسيون

[tayson54]

انا باعت اسئل في توكيل مونروا اللي في الحرفيين وهقول لكم هل فيه يركب علي الأوبترا اساسا وبكام

[Ahmed Selim]

يا باشا المساعدين فى الضمان عادى حتى لو قالولك غير كده

الحاجة الوحيدة اللى ممكن تتقالك أن ده سوء أستخدام......و ساعتها قولهم أن سوء أستخدام يبقى مساعد و احد أو أتنين يضربوا نتيجة مطب أو حفرة....ماشى....لكن الأربعة......صعبة جداً جداً
و بعدين لو مطب خلى الأربع مساعدين يضربوا يبقى أكيد بنسبة 95% أثر على حاجة تانية فى العفشة أو فى الزوايا....أطلب كشف على الزوايا عندهم بس قبل ما تروحلهم أكشف فى بريدجستون و خد التقرير معاك و قارن التقرير بتاع بريدجستون بالتقرير بتاع التوكيل مع الناس اللى فى التوكيل.....لو الزوايا كمان مفيهاش حاجة تستدعى الزرجينة ( يعنى مفيهاش حاجة معووجة ) يبقى عيب صناعة 100 %

لو هتغير على حسابك روح أرابكوم أسأل على المساعدين الكونى هتلاقى منهم نوعين غالباً....نوع رياضى و ده بيبقى ناشف قوى بس ثبات هايل ( مركبه عندى فى الميجان ) و نوع عادى بدل الأصلى و برضه ناشف بس مش قوى و ثباته أكيد أحسن.
بس تعمل حسابك على 3 الى 4 ألاف جم ( الرياضى و العادى أقل طبعاً ) و عليهم ضمان 3 سنين لو ركبتهم فى المكان اللى أرابكو هيقولولك عليه.......هيغيروهم لو فيهم أى حاجة.

[tayson54]

حضرتك شكلك خبير في المساعدين تعال لما استغلك بقه
انا دلوقتي معييش غير 1200 جنيه يغطوا تكلفه 4 مساعدين صيني بالتركيب تقريبا ...انا بس محتاج المساعدين دول حتي يمشوني 6 شهور لاني مزنوق جدا ومش هقدر ادفع اكتر من كده ولما ربنا يفرجها ممكن اغيرهم ايه لاني خايف جدا علي العربيه لا يكون مشيي من بالمساعدين وهما بيظين لايهم اثر سيئ جدا علي العربيه وهي لسه زيروا تقريبا ايه رأيك في الحل ده وهل المساعدين الصيني (او اي مساعدين عموما) لو طلعوا وحشين ممكن يكون ليهم تاثير وحش برده علي عفشه العربيه ؟
بكره ان شاء الله هروح بيردجستون عباس العقاد اكشف علي الزوايا

[Ahmed Selim]

يا باشا واضح أنك مفهمتش قصدى كويس

أنا قصدى أنك تروح التوكيل و تعملهم قلق هناك عشان صعب قوى 4 مساعدين يضربوا و يبقى عيب أستخدام.......حاول فى الحل ده الأول لأن ده حقك.

المساعدين لو بايظين بيأثروا على باقى العفشة و أولها الكاوتش بيتاكل أسرع.

المساعدين الصينى معرفش عنهم حاجة بصراحة.

[tayson54]

انا فهمت قصد حضرتك لكن الحقيقه انا لو عايز اغيرهم هغيرهم في الضمان لان في واحد صاحبي في Gm ومستعد يعملها خدمه ليه لكن انا الحقيقه أرفان ومش عايز اجيب حاجه عارف انها اساسا مضروبه وممكن تبوظ مني كل شويه وارجع اغيرها تاني انا عندي اركب الصيني فتره لحد ما اجيب حاجه محترمه وانا مستعد اتحمل التكلفه دي في سبيل اني اتعلمت اني اسئل كويس علي العربيه قبل ما اشتريها ومن قبلها التوكيل بتاعها . زي ما تقول بعاقب نفسي

[Ahmed Selim]

لو قدامك الحل بتاع صاحبك ده لا تتردد أنك تعمله

على الأقل خدهم و أعرضهم للبيع بعد كده لو جابو 1000 جم يبقى أنت كده معاك 2200 جم تجيب بيهم kyb براحتك.

و خلى بالك أن فى ناس ماشية بالعربية كتير و المساعدين كويسين معاها.

[Amr_Moh]

قدر الله وماشاء فعل