تقييم شيفورليه أوبترا أتوماتك..

[معاذ الشرباصى]

تقييم ممتاز و محايد

ربنا يبارك حضرتك فيها و يحفظها لك من كل سوء

[mohamedhamdy82]

على فكره تقييمك اكثر من ممتاز ... انت كده اقنعتنى بالعربيه دى ... انا كنت بافكر فيها بس متردد شويه... بس انا عاوز اسألك على كام حاجه كده .. هيا اخبارها فى المطبات ايه ؟ بتحك فى المطبات ولا لا ؟ ولما بيكون معاك ناس فى العربيه بتكون واطيه وبتتعبك فى المطبات ولا مساعدينها ناشفين وبيحموها من انها توطى زى ما سمعت ؟؟
هى فعلا كابتوها ضعيف ولا دى اشاعه ؟
العربيه معزوله عزل كويس ولا بتسمع اصاوت جوه وانت ماشى سواء من الموتور ولا من الطريق ؟
لو تعرف اسعار لقطع غيار يا ريت ما تبخلش علينا ؟؟
وياريت تقول لينا على كل جديد معاك .....
والف مبروك

[مدحت منيب]

لو كل عضو قدر يشرح للاخين عربيتة بالشكل الممتاز دا هانبقى كلنا اساتزة ف العربيات اشكرك و احترمك ..اخوك مدحت

[Magdih]

أستاذ هيثم

أحييك على تمييزك لموضوع الرعشه ده اللى إنت بتحس بيه فى العربيه. أنا فعلا كنت بحس برعشه أورجه تقريبا عند نفس RPM اللى إنت ذكرته بس كنت بفتكر إن ده مطبات أو عدم إستواء فى الأرض. بس لما قريت كلامك وركزت فيها لقيت فعلا إنها رعشه خفيفه تختفى بسرعه مع زيادة السرعه. عايزين نعرف سبب الموضوع ده وهل ليه حل ولا لأ مع أول صيانه.
(سيارتى أوبترا أوتوماتيك 2007)

[osman hisham]

يا جماعه فيه نقتطين هما عيوب الأوبترا و بس أنا مقتنعبيهم بعد شرائها من سنه و نصفوهما الأتى :
1- علبة الدركسيون سيئه جدا و هيه اللى مسببه الرعشه دى و ملهاش حل .
(على فكره أنا غيرتها فى الضمان قبل كده)
2- الكابوت مافيهوشدعاماتكاقيهمما يسبب أعوجاحات لأقل سبب (قطه - كلب - أو حتى سندة السايسو هوه بيمسحها )


م. هشام عثمان

[Adham]

الترجمه:

2- الكبوت مافيهوش دعامات كافية مما يسبب اعوجاجات لأقل سبب............ او حتى سندة السايس و هوة بيمسحها

[mohaismail]

فعلا الاوبترا صاجها ضعيف جدددداااااااااا لو كانت اقوى من كده كانت هتبقى عربية ملهاش حل

[د.محمود صلاح]

رأييي بعد استخدام يوم واحد فقط يتضمن زيارة للتوكيل لعمل صيانة ال 20 الف :
قطع الغيار سعرها متوسط مثل : سير الدينامو ب 99 جنيه - فلتر الزيت ب 14 جنيه - اكصدام خلفى كامل ب 2200 جنيه - زجاج أصلى ب 2100 ج أو المصرى ب 380 ج - مفتاح بريموت مثل لأصلى تماما ب 480 ج بدون مصاريف البرمجة ( قيل لى من بعض الزباين هناك أن هناك محلات متخصصة فى عمل مفاتيح بريموت ولا تتكلف 25 ج ) - المساعدين ب 320 ج طقم العفشة كلة لا يتعدى ال3 الاف جنيه
ملاحظات عن اللأ داء :
صوت الموتور واطى جدا لا تكاد تسمعه - عزل المقصورة للهواء والروائح ممتاز ولكن يسمح بدخول روائح نفاذة بنسبة ضئيلة ( لاحظتها فى جميع السيارات المزودة بمفتاح غلق منفذ الهواء الكهربائى ( air selector - اللى عليه سهم ملتوى - ) ولم ألاحظها لو كان المفتاح يدوى ) يعنى مثلا لو داخل على مكان فيه رائحة صرف صحى أو زبالة ستشم الرائحة مع التكييف - وكان هذا العيب موجود فى الميجان أيضا -
عزل المقصورة للصوت غير جيد ولكنه مقبول وأنا مسافر ومروح للمنيا على الصحراوى الغربى كان صوت الكاوتش مسموع بشدة اما الموتور فغير مسموع بالمرة وكذلك لم أسمع صوت ارتطام الهواء بجسم السيارة أو بالمرايات الجانبية
* التسارع ممتاز والثبات را ئع ولكن نظام التعليق مصمم للطرق المصرية فعاملينه ناشف جدا يعنى انت بتتنطط جوه العربية مع كل تعريجات أو مطبات
العفشة ممتازة الى حد الان والله أعلم هل ستتحمل المطبات ولا العلبة هتبوظ زى كل العربيات ؟
المراية بتاع الصالون فيها ميزة ممتازة لم أجدها فى عربيات اخرى وهى النظام الليلى النهارى :
المرايه بها ذراع صغير لو زقيته للخلف يجعل المراية تنزل لتحت ولو شديته للأمام يجعل المراية تطلع لفوق كما كانت كنت فاكر أن هذا الذراع هدفه انه لو واحد ماشى ورايا فى الضلمه ومنور كشافاته المبهرة اشد الذراع للامام فتنزل المراية لتحت وتبعد عن عينى ولكن اتضح لى وظيفة هذا الذراع :
عند نزول المراية لتحت تظهل لك سيارة القادم من الخلف وكأنها خيال وبالطبع شدة اضاءة كشافاته تظهر فى المراية بأقل كثيرا من شدتها الاصلية - بمعنى ان المراية لما تنزل لتحت المنظر خلفك يظل كما هو ولكن بشدة اضاءة اقل ( لا أعلم هذه الميزة فى كل السيارات أم فى اللأوبترا فقط ؟ )
عدم غلق الزجاج الكهربائى بعد غلق الكونتاكت مزعج جدا - لما رحت التوكيل قالوا لى ركبلها وحدة رفع -
الباور الهيدوليكى بتاعها يصدر اصوات ازيز لا تلحظها الا وانت واقف وفى حته هادية وقالوا لى فى التوكيل هذا طبيعى
بها 4 سماعات فى الابواب و4 تويتر جنب الاوكر وبها نظام دولبى الصوتى
فتح الشنطة من المفتاح جميل وكذلك زرار الفتح اللى فى الباب بتاع السائق
يوجد خطاف تعليق أكياس المشتروات بتاعتك فى العامود الايمن لمسند الرأس
أوضاع الكرسى ممتازة
يسمح بوضع بنزين 80 ولكن على حساب كفاءة المحرك وستسمع اصوات التسقيف
يجب الكشف على زيت الموتور والباور والهيدروليك اسبوعيا
الكشف على زيت الفتيس الهايدروليك يكون والعربية دايره وبعد أخذ جميع أوضاع الفيتيس وهى واقفة - الاول والثاني والD وال n وال R ثم ال P شد المؤشر واقرا العلامة بين الخطين

[mina_ramsis]

عزل المقصورة للصوت غير جيد ولكنه مقبول وأنا مسافر ومروح للمنيا على الصحراوى الغربى كان صوت الكاوتش مسموع بشدة

فعلا صوت الكاوتش مسموع بس هتعرف قيمة العزل بتاع الكابينة لما تبقى جوه العربية و حد ينده عليه من بره و لا هتسمعه و لا هتحس ان فيه حد جانبك اساسا
الف مبروك بره اخرى و عقبال ال c 180
:-) :-)

[د.محمود صلاح]

طريقة غلق الأبواب بدون مفتاح ( حيث أنه طالما باب السائق مفتو حلا يمكن انزال السقاطة يدويا ) :
اغلق باب السائق افتح الباب الخلفى مد يدك واغلق مسوجر السائق يدويا اغلق الباب الخلفى ستجد العربية اتسنكرت بدون مفتاح
* لو قفلت الباب بصورة غير محكمة وضغطت على زرار الغلق فى الريموت العربية هتتقفل ولكن الانذار لن يعمل
* لو العربية متأمنة بالانذار ( بدليل وميض المؤشر بجوار سقاطة باب السائق ) وفتحت الباب بواسطة المفتاح الآخر الغير مزود بريموت سيتوقف عمل جهاز الانذار وتقدر تفتح الباب عادى
* لاحظت وانا فى التوكيل عدم وجود أو فقدان سقاطات ( مسوجرات ) فى كثير من ابواب الاوبترا , بما فيهم عربيتى .. فأين تذهب ؟ هل بتتكسر ولا ده لعب عيال بيخلعوها ؟

[د.محمود صلاح]

16424
هذا هو رقم منصور شيفروليه المختصر
اتصلت بهم عشان اعرف كود الكاسيت حولونى للصيانة فى الهرم وعرفت منهم كود الكاسيت وهم 10 اكواد يتم تجربتهم وواحد منهم هيعمل
اللى عايز يعرف كود الكاسيت ممكن ابعته له على الخاص

[bassam nagy]

1- علبة الدركسيون سيئه جدا و هيه اللى مسببه الرعشه دى و ملهاش حل

ظهر العيب دة مع صحبى والعربية بتحدف يمين على خفيف وفى صوت بيظهر عامل زى مايكون رمان البلى عاوز يتغير بس تقريبا الكاوتش غير انى لاحظت فى اكتر من عربية اوبترا فى الفانوس الخلفى دبان ميت ..مش عارف حد لحظ الموضوع دة..

[د.محمود صلاح]

علبة الدركسيون بتبوظ فى أغلب أنواع السيارات نتيجة للمطبات والمقببات المسماه بعين القط اللى المرور هارينا بيها فى كل حتة
الكيا - التيريس - الجيلى - الميجان - وفى انتظار الاوبترا

اكتشفت فى الاوبترا ان زرار تشغيل سخان الزجاج الخلفى بيسخن معاه ايضا المرايات الجانبية
وان عند غلق زرار المانع لازرار زجاج الابواب الاخرى , سينطفئ نور الزراير الاخضر
وان السيارة مجهزة لتكون مراياتها تضم كهربائيا

[Magdih]

أستاذ محمود إيه فايدة كود الكاسيت. وليه لازم نبقى عارفينه

[د.محمود صلاح]

كود الكاسيت ستحتاجه لو العربية فصلت كهرباء عن الكاسيت مثل تغيير البطارية أو تغيير الفيوز الخاص بالكاسيت
لو مسموح لى بالنشر سأكتب هنا أكواد الكاسيت ولكنى أفضل ارسالهم على الخاص لمن يرغب