لو لمبة الكنترول الافيو نورت على الطريق اعمل ايه؟

[aymaneid]

لو حد حصلت معاه الموضوع ده يقولى عشان انا محتار جدا ........ انا كنت مسافر راس العش طريق الغردقة وى فجاة لقيت لمبة الكنترول نورت عندى فى التابلوة ..... صراحة ما كنتش عارف اعمل ايه لان الساعة وقتها كانت 4 الفجر وى مافيش نور نهائى على الطريق وى كنت خايف اقف فى الوقت ده بس كمان قلقت ان يحصل حاجة فى العربية ولاقى نفسى واقف عافية وى الموضوع يكبر ......
فاتصلت بالراجل اللى باعلى العربية وى كنت بتمنى لو يفتح الموبيل وى مايكنشى نايم ..... وى بعد فترة رد علية ...... سعتها قلت الحمد لله انه اساسا عبرنى وى فتح وى هو كمان كان مستغرب انى اتصل فى وقت زى ده وى قلتلوا انى واقف على الطريق وى ايه الللى مفروض اعملوا ............. فقلى انى افك وصلة الكنترول وى استنى حوالى 10 دقائق وى بعد كدة اوصل الوصلة تانى وى احاول اشغل العربية \ لو اللمبة طفت خير وى بركة اما لو فضلت يبفى الموضوع محتاج اروح التوكيل وى اشوف الموضوع ..... سعتها زعت معاه انه ازاى اشترى عربية جديدة وى يحصل ده ..... دى مسخرة .....
المهم رحت التوكيل بكيلو 4ز5 وقلولى الدنية زى الفل وى مافيش حاجة وى فعلا فضلت العربية كويسة لحد 9000 كيلو وى سفرت تانى الغردقة ..........
وى نفس الموضوع اتكرر وى لمبة الكنترول نورت بس المرادى نورت 4 مرات لمبة ارفت من الوقوف وى سبيت مليون ملة لشفرولية على اللى عاوز يشترى منها عربيات تانى ..............
فياترى يا جماعة المشكلة دى من ايه ....... ويا ترى التوكييل هيقولى الحقيقة وى يعمل المفروض يعملوا ولا هيقولى زى ناس صحابى المشكلة فى طريق الغردقة
ياريت اللى شاف او عرف حاجة عن الموضوع ده قبل كدة يقولى ......... قبل ما اروح التوكيل وى اخربها عليهم

[yoko]

أنا حصلت معايا بس وأنا واقف في الصيانة فتح الكبوت وفصل الكونترول وحطة تاني ووصل الجهاز الي بيكشف الأعطال في حتة تحت الدركسيون قرب الدواسات كده ولقى إن مفيهاش حاجة قالي غالبا الفيشة إتهزت ومن ساعتها محصلتش معايا تاني
وأنا من أكبر الكارهين للعربية دي وبدعي كل يوم على العربية والتوكيل وكل الي شغالين فيه

[aymaneid]

ليه العربية مش وحشة للدرجة دى .... وى كل حاجة وى على اد فلوسها انت لو عاوز عربية تمام من الاخير جيب عربية المانى او يابانى وريح نفسك وى لو عاوز نصيحة بجد احنا من الدولية اللى درجة العاشرة وى كل اللى بيجيلنا بضاعة تعبانة جدا جدا .... سافر برة هتلاقى حوار تانى وى زوق راقى وى هتشترى وى انت مغمض من غير ما تكون قلقان لانك فى دولة قوية وى فيها صناعة اما هنا فالكل نصاااااااااااااااااااااااب ...... ف متزعلشى اوى كبر دماغك ..... ربنا موجود :-))

[yoko]

حلو كل حاجة وعلى قد فلوسها بس عربية بتدوس بنزين لوحدها والزوايا عمرها مبتتظبط ولا حتى في التوكيل و بتجيب طنابير أمامية كل ١٠ ألاف كيلو أو أقل (مغيرهم ٢)ودلوقتي بايظين بعد الفين كيلو دول ميتسكتش عاليهم الحجات التانية ماشي على قد فلوسها
وعلى فكرة أنا كنت عايش برة الأفيو مفيهاش ولا مشكلة من دول لكن الإوبترا كل الناس بتشتكي منها بره فالبلد الي أنا فيها الشهر ده بس ٥ عربيات أوبترا جابو وش سلندر بسبب إن بلف الحرار بايظ!!!

[aymaneid]

صراحة انا مش عارف ايه المشاكل دى كلها اللى انت بقابلها .... لكن فى حاجة مهمة عاوز اعرفهالك لو قطعة الغيار سيئة المشكلة مش هتروح ...... ابدا بحاجة حاجة مش كله مرة وحدة ..... يعنى لو الطنابير سيئة .... اسال كويس اوى فين الناس اللى ممكن تجبلك القطعة اصلية وى قولوا انك عاوزها حتى لو غالية ..... عشان الموضوع ده انا شوفته قبل كدة مع اللاسكودا وى طلع عينى لكن بمجرد ما جبت طنابير امامى اصلية المانى وى مختومة عليها وى فعلا كانت غالية رحت لى واحد تحت السلم ركبها وى اتحل الموضوع وى نسيت موضوع الطنابير وى بعتها وى برضوا كانت زى الفل ..... ف نصيحة بجد ابدا وحدة وحدة .... التوكيل امكانياته حلوة لو القطع محترمة ........ اما لو عاوز تعملهم بالو فى دماغهم ابعت ايميل ليهم برة ....... وى روح لجهاز حماية المستهلك وى قولهم انهم نصابين وى باعولى عربية بايظة وى ارفق استمارات الدفع وى مواعيد الصيانة اللى رحتها بالتوكيل .... صدقنى هيرحبوا بيك اوى اوى ....................... عشان حاجة بسيطة جدا ده مفترى وى ده مفترى ....:-) وى بنا يكرمك .....

[yoko]

أحب أقولك إن التوكيل بيحط طنابير مخروطه لإن كل الي عندوهم بيبوظوا حتى الجديده وبتوع الإستقبال بيستهبلوا التيل معملش 6000 كم لسة ويقولك التيل هو الي بوظ الطنابير عشان خلص فكرني مش فاهم وشوفت التيل لسة سليم عملتلهم هوليله أمو حطينة على الضمان طب من الأول أنا كده كدة خلاص جابت أخرها معايا في سنة رحت التوكيل 25 مرة كلهم مشاكل حتى لما أروح الصيانة الدورية لازم برده فية شوية مشاكل

[WesamSalah]

انا الحمد لله مظهرتش معايا المشاكل دي.
بس rpm وتم تصليح المشكله بسلازم تلبس 120 كلم للصحراوي عشان الخبراء هناك بس.
وبس الدهان اتمسح ولما لفيت عليهم من gm او منصور قالولي لازم تروح للخبراء في الصحراوي واحجز قبل متروح.
الحمد لله رحت انهرده بعد مالرقم المختصر اكدي ان مفيش حجز للسمكره و الدهان, وتم فتح امر شغل تصليح علي خساب الضمان و قالولي تعالي الاسبوع الجاي هات العربيه(الحمد لله لبست 120 كلم عشان اخد امر الشغل اخدهم ربنا).
من الاخر توكيل مش عارف يقولك تيجي امته و يظبط موعيد الحجز بالتليفون و مبيحترمش موعيد الناس كأنهم مقاطيع للعربيه الي جيبنها زيرو, اكيد مش هيعرفو يظبطو اي حاجه.
متأسف علي الرغي

[yoko]

أنا أخر مرة أعدت في التوكيل ٧ ساعات عارف يعني إيه سبع ساعات وكل الي قالوا إنه إتصلح أول ما إستلمت العربية ملحإتش أوصل البيت لقيتهم مصلحوش ولا حاجة حلفت ما أروحلهم تاني دي مراكز الخدمة أنضف

[shady_hamdy]

التوكيل كلة حورات و الذكى الى يعرف ياخد حقة لو انت مش بتفهم هتاخد على قفاك و يركبلك طنابير مخروطة زى مابيحصل كل يوم

[A.Saad]

انا كنت فاكر ان التوكيل ده محترم
طلع اعوز بالله منه

[احمد عز]

انا حصل معايا الموضوع ده قبل كده كنت كل ما اسافر اى حته الاقى اللمبه تنور لوحدها وبعد فتره تقفل لوحدها رحت للتوكيل وغير حاجه كده مش عارف اسمها ايه وبعد كده الحمد لله مبقتش تعمل تانى

[walwal]

بجد انا معايا العربيه بس ايه اللمبه دي و معنها ايه ؟؟؟؟؟؟؟؟ هي ناقصه لمبات

[WesamSalah]

اعتزر يا جماعه علي التضليل
اللمبه عندي طلعت مش شغاله, بس عادي بأه.
هكبر دماغي وفي صيانة ال25 هلمح لهم ولو تكرموا وظبطوها يبقي زياده و فضل و أوبشن جديد انضاف للعربيه.
شافو انه كتير عليا, برضك مش مشكله الي عيشني 25 الف من غير ماخد بالي يخليني اكمل لغاية مخلص من العربيه.
بس ارجع و اقول العربيه والله حلوه بس التوكيل يشل.
ملحوظه اخيره كل التوكيلات كده والله اعلم.

[WesamSalah]

اعتزر يا جماعه علي التضليل
اللمبه عندي طلعت مش شغاله, بس عادي بأه.
هكبر دماغي وفي صيانة ال25 هلمح لهم ولو تكرموا وظبطوها يبقي زياده و فضل و أوبشن جديد انضاف للعربيه.
شافو انه كتير عليا, برضك مش مشكله الي عيشني 25 الف من غير ماخد بالي يخليني اكمل لغاية مخلص من العربيه.
بس ارجع و اقول العربيه والله حلوه بس التوكيل يشل.
ملحوظه اخيره كل التوكيلات كده والله اعلم.

معلش كنت اقصد لمبة البنزين هيه الي مش شغاله.

[yoko]

معلش كنت اقصد لمبة البنزين هيه الي مش شغاله.

هيا شغالة عند مين أصلا منا قولتلهم مليون مرة أخرها تنور دقيقة وتفصل وشكرا وأقولهم يقولي إنا الي مبتصبرش عليا مع إني وصلت المؤشر لحد نصف حرف الe والعربية كانت بتقطع وفصلت بنزين وأنا داخل البنزينة ومكنت منورة وبردو مش عايزين يصدقوا بيعملوا العميل على إنة كداب وحمار مبيفهمش أي حاجة في العربية!!!!
وحد يعرف لو إتباعت تعمل كام موديل ٢٠٠٨ عاملة ٢٤٠٠٠ كم