لو لمبة الكنترول الافيو نورت على الطريق اعمل ايه؟

[MMamdouh]

يا رجالة لما لمبة التشك تنور عند حد يبقى الكونترول شايف حاجة غلط فى الحساسات... بس مش معنى كدة ان فيه حاجة خطيرة لان الكونترول ساعتها بيشتغل فى limp mode او fail safe عشان يتلافى اى اضرار ممكن تحصل من الحساس التالف او اللى مش شغال بكفاءة... يعنى الموضوع مش مرعب

و رجاء خاص لما اللمبة تنور متفصلش الفيشة بتاعت الكونترول ولا تفك البطارية لان الكونترول بيسجل كود العطل اللى سبب ان اللمبة نورت و من خلال السكانر بيتعرف الكود دة و المشكلة فين تحديدا... انما فك فيشة الكونترول او فصل البطارية بيمسح الذاكرة بتاعت الكونترول اللى متخزن فيها كود العطل و محدش حيعرف اللمبة نورت ليه ابدا

مش شرط تروح التوكيل عشان السكانر... فيه ورش بيبقى فيها سكانر و الكشف مش غالى زى التوكيل

MMamdouh

[basm]

لا اعتقد ان فيه توكيل ........واكثر نصبا من منصور .. حتى الفرع الرئيسى كله نصب وحوارات الله يلعن ابو اليوم اللى اشتريت فيه عربية من زفت منصور

[aymaneid]

انا عمال اقرا مشاكلكم مع العربية انا مستغرب جدا ....... العربية معايا مش سيئة كدة ابدا وى كمان التوكيل مش اوى كدة يعنى انا لما رحت اوتو ماستر بعد يومين بالضبط اتصلوا بيا عشان يعرفوا مستوى الصيانة ........ يعنى على الاقل فى اهتمام
وى بعدين لو فى حاجة فعلا مش عجباك وى فى بواظان روح لى حماية المستهلك .... او ارسل لى جى ام برة هتلاقى رد اكيد او من الاخير روح التوكيل وى اطلب مقابلة مدير الفرع ....... وى اتكلم معاه ........ وى من الاخير لو عايز بجد تاخد حقك .... اوى وى توجعهم ...... انشر خبر صغير فى الجرنال ...... عن المشاكل اللى شفتها وى عن التوكيل .... على الاقل تكون عملتلهم صيت فى البلد ......... :-) وى بعدين هو منصور شيقرولية انيل من غبور؟؟؟؟؟؟؟؟؟؟؟؟؟؟؟؟؟

[aymaneid]

على العموم المشكلة اللى قولتلكم عليها فى اضاءة لمبة الكنترول راحت بعد ما عملت صيانة 10000 الاف وى غيرت فلتر البنزين عشان كان مش نضيف ....
وى بعد كدة جربت العربية على طريق الساحل وى جبت بيها 150 وى ثبت وى 140 وى ثبت السرعة برضه وى الحمدلله ما فيش حاجة ظهرت .....
فى ناس كمان قولوبى ممكن تكون من فلتر الهواء كان مسدود من الركنة او تخزين العربية لى فترة قبل البيع ....
وى عامتا الناس بتقول اى عربية جديدة لازم تمشى بيها شوية عشان وقفة العربية مش حلو على كل حاجة فيها ....
اقولك على حاجة جميلة ... انا ماشى بالعربية دلوقتى 11000 الف اول مرة افتح باب العربية اللى وراية ..... كان من اسبوع ... وى اول ما فتحته سمعت صوت صفير وى تزييق اخر دلع .... كاءنى فى المغارة ........ وى جبت دبليو دى 40 وى الحمدلله لا رحت توكيل ولا حاجة يعنى لازم الواحد يلاقى حاجات غريبة شوية .......

[egyptianmafia]

anyone who has a problem with Mansour should go to Pyramids location and talk to Eng Bassem Salah

or Eng Faramawy or Eng Khater El Hammamy or Eng Ahmad Emam

[yoko]

Eng Khater El Hammamy
ده الوحيد الي ممكن يعمل فيهم حاجة وعن تجربة وهو أكبر واحد فيهم البقيين مش هيعملوا حاجة

[aymaneid]

ياجماعة التوكيل اللى عند رابعة العدوية كويس اوى .... على الاقل شايف بيحصل ايه ادامك وى انت مع العربية .....