لا تظلموا الأفيو

[abofaris]

بصراحة أنا شايف ان معظم الناس عمالة تسرد فى عيوب الأفيو بشكل مبالغ فيه من وجهة نظرى. أنا عندى أفيو 2009 وعامل بيها 1000 كيلو وعملت صيانة مرتين فى فرع طنطا والحمد لله معنديش اى مشاكل على الإطلاق علاوة على حسن المعاملة فى التوكيل. على فكرة عربيتى كورى وممكن يكون دة سبب و الله اعلم. ومن وجهة نظرى ان حسن الاستخدام له دور كبير فى ظهور أو عدم ظهور عيوب فى العربية أو أى شىء اّخر. و أرجو التوفيق للجميع.

[zidaneelwaly]

صح صح صح صح كلامك سليم انا اول ما جيبت العربيه ما كنتش مقتنع بيها بس بعد كده حبيتها و طلعت عربيه محترمه قصاد سعرها
اما من ناحيه المشاكل المطروحه فهي بتتعالج و خلاص المهم الماتور و حسن الاستعمال
انا عندي و احد صاحبي اشتري ميجان هاتشباك اول ما جابها سافر شرم عشان عايز يلينها جاب بيها سرعه 200 و قطع حوالي 1000 كيلو في 4 ايام و لما رجع بيها القاهره لقا صوتها عالي نسبيا وما بتسحبشي زي الاول

[abofaris]

الحمد لله لقيت حد يشاركنى الرأى ويرفع معنويات باقى الناس اللى عندها احباط من العربية. و أشكرك على الرد.

[alisleman]

يا عم قول الحمد الله دى فى ناس بتصوت منها

[shady_hamdy]

المشكلة ان انت لو عندك مشكلة بطلع عينك علشان تغير حاجة على الضمان و كل دة علشان المهندسين خصوصا بتوع الصحرواى معندهمش ضمير و يحسسك انوا هيدك من جيبة بس هوا كل الى هما انوا يجيب اراد علشان ياخد مرتبة و البونس بتاعة

[walwal]

عملت صيانه مرتين و عملت الف بسسسسسسسسسسسسسسسسسسسسسسسسسسسس , طيب ليه الصيانه كل خمس الاف

[yoko]

يا عم قول الحمد الله دى فى ناس بتصوت منها

المشكلة ان انت لو عندك مشكلة بطلع عينك علشان تغير حاجة على الضمان و كل دة علشان المهندسين خصوصا بتوع الصحرواى معندهمش ضمير و يحسسك انوا هيدك من جيبة بس هوا كل الى هما انوا يجيب اراد علشان ياخد مرتبة و البونس بتاعة

أنا من الناس الي بتصوت من العربية والعربيات الي فيها مشاكل هي موديل ٢٠٠٨ و٢٠٠٩ المصري ونسبة قليلة من الكوري ٢٠٠٨
وفي حجات مش أي حد بياخد باله منها زي الطنابير والحدفة اليمين دول لازم واحد بيطلع على طرق سريعة كتير وفية ناس لما العربية ترج بسبب الطنابير بيفتكروها ترصيص وللأسف التوكيل بيضحك على الناس بحوار الترصيص ده
الrpm والله العظيم شفت ستات سايقة العربية أسألها على الحكاية دي تقولي المهندس في التوكيل قالي هي كدة عشان إنجكشن وده الطبيعي وللأسف هي ملهاش خبرة في العربيات وصدقت!!!
والناس الي معاها الكوري أو الهاتش باك أو موديلات ٢٠٠٧ أو قبلها هي الي بتشكر في العربية وأنا لما جبت عربيتي على أساس الناس الي كانت بتشكر فيها في موديل ٢٠٠٧

[sherif26178]

يا جماعة انا معايا افيو 2008 مصرى ولم أعانى من أى من المشاكل اللى انت بتقولها، وأعتقد انها حالات إستثنائية أو سوء إستخدام أو سير فى مناطق غير سوية بشكل كثيف فيما يتعلق بتغيير المساعدين وتيل الفرامل

[shock]

يا جماعة والله العربية محترمة واحسن عربية في
الفئة السعرية وعلي فكرة اللي عايز يروح صيانة
يروح لطنطا مفيش احسن من المعاملة هناك
1- بتبقا واقف مع عربيتك وشايف اللي بيتعمل فيها
2-الصنايعية هناك فاهمين شغلهم
3-حسن المعاملة هناك سواء من المهندسين (محمد المحلاوي - محمد جلال)
4-موظف الاستقبال هناك (حازم) راجل عسل والله انا بقعد معاه مش في الاستراحة
والعربية بتستحمل معايا جامد لاني شاب والعربية بتاعتي محدش بيركبها غيري

[yoko]

يا جماعة انا معايا افيو 2008 مصرى ولم أعانى من أى من المشاكل اللى انت بتقولها، وأعتقد انها حالات إستثنائية أو سوء إستخدام أو سير فى مناطق غير سوية بشكل كثيف فيما يتعلق بتغيير المساعدين وتيل الفرامل

ردا على كلام أنا طريقي ٨٠٪ منه دائري ومع كدة غيرت المساعد اليمين مرة وبعد إسبوع ضرب زيت تاني وغيروه تاني يبقى المشكلة فين؟
لما تغير الطنابير ٣ مرات في ٢٥ ألف وكل مرة يكون التيل موصلش للنص حتى يعني مش بسبب الإستخدام يبقى إية؟
لما تبقى الزوايا مظبوطة وتلاقي العربية بتحدف يمين وده مش عندي لوحدي يبقى إية
لما يتقالي العربية محتاجة مساعد وشمعدان ولما شافها من تحت قالي العربية مش مخبوطة ممكن تكون أخدت مطب على سرعةعالية مين في مصر ملبس مطب مش شايفة تقوم جايبة مقص وشمعدان مش غريبة شوية ؟
لما تسمع تزيق في عفشة العربية مع المطبات وأوقات صوت تخبيط مش تبقى غريبة؟
لما تسمع تزيق وإنت ماشي على الدائري الصبح بدري وتختفي لما الجو يبتدي يحرر تبقى حاجة غريبة؟
ده بالنسبة للعربية نيجي للتوكيل؟
لما يقولك الزوايا مظبوطة وهي قدامك متحتتش على جهاز الزوايا يبقى تهريج؟
لما يجي مهندس إستقبال يقولك أصلك أول مرة تسوق عربية محترمة؟ يبقى مهندس مش متربي
لما يجي رئيس صيانة أعدت في الصيانة ٧ ساعات ونص ويقولك هو كده ولولا إنك جي عن طريق فلان كنت ربيتك عشان قلتلة المركز مفيهوش نظام
لما يجي رئيس خدمة عملاء جيبله ورقة من مركز الخدمة إن العربية محتاجة طنابير وواخد موافقة من رئيس الصيانة ويقولي مش عملك حاجة ويلى إمشي من هنه ولما قلتلة هلبسك قضية قام غيره؟ يبقى الغلط فين
لما تعمل صيانة ويكسرلك مسمار من مسامير العجلة القدام ويقولك إمشي بيها كده لحد ما نلاقي قطعة غيار وتعالى كمان إسبوع ولولا الواسطة مكنش حد هيعمل حاجة وفي الأخر إتغيرت في نفس اليوم عشان الواسطة طبعا
لما مشكلة الrpm لغاية دلوقتي متصلحتش حتى بعد أخر تعديل ولحم الidel كانت العربية قبل بتعلق مع التكيف بس دلوقتي بتعلق بتكيف ومن غير تكيف

ولسة دا أنا ال١٢٨ معملتش فيا ربع ده ومفيش ميكانيكي إتعامل معايا بالإسلوب (الغير محترم) الي بيتعملوا فيه في مراكز الخدمة

وحسبي الله ونعم الوكيل

[abofaris]

بصراحة أنا شايف ان معظم الناس عمالة تسرد فى عيوب الأفيو بشكل مبالغ فيه من وجهة نظرى. أنا عندى أفيو 2009 وعامل بيها 10000 كيلو وعملت صيانة مرتين فى فرع طنطا والحمد لله معنديش اى مشاكل على الإطلاق علاوة على حسن المعاملة فى التوكيل. على فكرة عربيتى كورى وممكن يكون دة سبب و الله اعلم. ومن وجهة نظرى ان حسن الاستخدام له دور كبير فى ظهور أو عدم ظهور عيوب فى العربية أو أى شىء اّخر. و أرجو التوفيق للجميع.

[abofaris]

معلش ياجماعة انا قلت انى عملت بيها 1000 والصحيح هو 10000كيلو . معلش الصفر وقع منى علشان كده عملت صيانة مرتين

[abofaris]

10000 كيلو مش 1000. الصفر وقع منى سهوا

[auto5truck]

بصراحة أنا شايف ان معظم الناس عمالة تسرد فى عيوب الأفيو بشكل مبالغ فيه من وجهة نظرى. أنا عندى أفيو 2009 وعامل بيها 1000 كيلو وعملت صيانة مرتين فى فرع طنطا والحمد لله معنديش اى مشاكل على الإطلاق علاوة على حسن المعاملة فى التوكيل. على فكرة عربيتى كورى وممكن يكون دة سبب و الله اعلم. ومن وجهة نظرى ان حسن الاستخدام له دور كبير فى ظهور أو عدم ظهور عيوب فى العربية أو أى شىء اّخر. و أرجو التوفيق للجميع.

و انا ايضا أؤيد abofaris فيما يقول و أبلغكم أنى عندى أفيو 2006 دلوقت عاملة 79000 كم و ما عنديش فيا مشاكل

[egyptianmafia]

I dont own an Aveo but I dont know why everyone here is blaming it

I dont see Hyundai drivers complain THAT much on the crappy Verna like the Aveo owners do!

I mean, the Verna is a 10000000% crappy car yet no one makes fun of it like the Aveo