لا تظلموا الأفيو

[basm]

انت وحظك

واضح ان الافيو عربية انت وحظك لان انا معايا 2009 مصرى وعامل بيها 50الف كيلو ومفيهاش ولا عيب من العيوب المذكورة سوى ريجة بسيطة جدا فى الطنابير والميكانيكى قاللى اوعى تخرطهم استنى لما تبوظ وده مش قريب واشترى 2 جولد زى التيل.. اللهم لك الف حمد

[bebo_abdeldayem]

ردا على كلام أنا طريقي 80٪ منه دائري ومع كدة غيرت المساعد اليمين مرة وبعد إسبوع ضرب زيت تاني وغيروه تاني يبقى المشكلة فين؟
لما تغير الطنابير 3 مرات في 25 ألف وكل مرة يكون التيل موصلش للنص حتى يعني مش بسبب الإستخدام يبقى إية؟
لما تبقى الزوايا مظبوطة وتلاقي العربية بتحدف يمين وده مش عندي لوحدي يبقى إية
لما يتقالي العربية محتاجة مساعد وشمعدان ولما شافها من تحت قالي العربية مش مخبوطة ممكن تكون أخدت مطب على سرعةعالية مين في مصر ملبس مطب مش شايفة تقوم جايبة مقص وشمعدان مش غريبة شوية ؟
لما تسمع تزيق في عفشة العربية مع المطبات وأوقات صوت تخبيط مش تبقى غريبة؟
لما تسمع تزيق وإنت ماشي على الدائري الصبح بدري وتختفي لما الجو يبتدي يحرر تبقى حاجة غريبة؟
ده بالنسبة للعربية نيجي للتوكيل؟
لما يقولك الزوايا مظبوطة وهي قدامك متحتتش على جهاز الزوايا يبقى تهريج؟
لما يجي مهندس إستقبال يقولك أصلك أول مرة تسوق عربية محترمة؟ يبقى مهندس مش متربي
لما يجي رئيس صيانة أعدت في الصيانة 7 ساعات ونص ويقولك هو كده ولولا إنك جي عن طريق فلان كنت ربيتك عشان قلتلة المركز مفيهوش نظام
لما يجي رئيس خدمة عملاء جيبله ورقة من مركز الخدمة إن العربية محتاجة طنابير وواخد موافقة من رئيس الصيانة ويقولي مش عملك حاجة ويلى إمشي من هنه ولما قلتلة هلبسك قضية قام غيره؟ يبقى الغلط فين
لما تعمل صيانة ويكسرلك مسمار من مسامير العجلة القدام ويقولك إمشي بيها كده لحد ما نلاقي قطعة غيار وتعالى كمان إسبوع ولولا الواسطة مكنش حد هيعمل حاجة وفي الأخر إتغيرت في نفس اليوم عشان الواسطة طبعا
لما مشكلة الrpm لغاية دلوقتي متصلحتش حتى بعد أخر تعديل ولحم الidel كانت العربية قبل بتعلق مع التكيف بس دلوقتي بتعلق بتكيف ومن غير تكيف

ولسة دا أنا ال128 معملتش فيا ربع ده ومفيش ميكانيكي إتعامل معايا بالإسلوب (الغير محترم) الي بيتعملوا فيه في مراكز الخدمة

وحسبي الله ونعم الوكيل

تصدق والله العظيم صعبت عليا ..... الحمد لله انك بعتها و ربنا عوضهالك في الفيات.... ربنا يباركلك فيها