فورد فوكس 2010 والسحب بتاعها

[zoms]

فعلا كلامك مضبوط 100 حصان 150 نيوتن كمل جميلك وشفلنا حد جربها وقلنا النتيجة اية وشكرا لك

هو انته بتفكر تشتريها ولا ايه يا بيه ..؟

[esam123]

هو انته بتفكر تشتريها ولا ايه يا بيه ..؟

اة بفكر اشتريها فعلا

[zoms]

بعد اذن الغالى اشرحلى الجزء المكبر دة اصل اخوك مبيفهمش اى حاجة فى الكلامك دة وشكلك بسم اللة ماشاء الله فاهم

من عنيا يا بيه .انا هحاول اقولهالك ببساطه ... لكل ماكينه او محرك بيتعمل فى رسمه مبسطه كدا بتتعمل بتشوف عند كام لفه فى الدقيقه المحرك بيجيب اقصى عزم واقصى قدره حصانيه ..... فى المكن الحلو بيجيب العزم بتاعه عند عدد لفات قليل ودا يدل ان المحرك حلو ومبيجهدش عشان يجبلك اقصى قوه ... لاكن فى بعض المحركات عشان تجيب اقصى قدره ليها لازم تجهد المكنه وزى ما بيقول بتحرق على المكنه انا حاولت ابسطها بقدر الأمكان ويا ريت تكون واضحه

[ahmad--ezzat]

اخبار التوكيل ايه جماعه....وياريت لو اسعار الصيانات بالتقريب

[zoms]

اة بفكر اشتريها فعلا

طيب انا هنصحك نصيحه لوجه الله العربيه دى متتعيبش فى حاجه خالص وسيبك بقى من الجرى والمكن والكلام دا كلو .... العربيه دى أسوء عيب فيها ان قطع الغيار مش متوفره غير فى التوكيل بره التوكيل هتحفى عشان تجيبلها حاجه .... لو انته ناوى تتعامل مع التوكيل فى حوار قطع الغيار والمصنعيات والضرايب والكلام دا كلو اتكل على الله واشتريها ... لاكن لو هتتعامل بره التوكيل هدوخ السبع دوخات عشان تجبلها مسمار والكلام دا يا بيه عن تجربه

[esam123]

من عنيا يا بيه .انا هحاول اقولهالك ببساطه ... لكل ماكينه او محرك بيتعمل فى رسمه مبسطه كدا بتتعمل بتشوف عند كام لفه فى الدقيقه المحرك بيجيب اقصى عزم واقصى قدره حصانيه ..... فى المكن الحلو بيجيب العزم بتاعه عند عدد لفات قليل ودا يدل ان المحرك حلو ومبيجهدش عشان يجبلك اقصى قوه ... لاكن فى بعض المحركات عشان تجيب اقصى قدره ليها لازم تجهد المكنه وزى ما بيقول بتحرق على المكنه انا حاولت ابسطها بقدر الأمكان ويا ريت تكون واضحه

الف شكرا حبيبى الغالى ونردهالك فى الافراح

[esam123]

طيب انا هنصحك نصيحه لوجه الله العربيه دى متتعيبش فى حاجه خالص وسيبك بقى من الجرى والمكن والكلام دا كلو .... العربيه دى أسوء عيب فيها ان قطع الغيار مش متوفره غير فى التوكيل بره التوكيل هتحفى عشان تجيبلها حاجه .... لو انته ناوى تتعامل مع التوكيل فى حوار قطع الغيار والمصنعيات والضرايب والكلام دا كلو اتكل على الله واشتريها ... لاكن لو هتتعامل بره التوكيل هدوخ السبع دوخات عشان تجبلها مسمار والكلام دا يا بيه عن تجربه

لا طبعا هتعامل مع التوكيل وعلى فكرة انا اتصلت بيهم ولا قيت الاسعار معقولة جدا ارخص من قطع غيار الهوندا وتاسكودا والكروز ولا ابالغ ان قلت انها ارخص من الكورى ولكن الكلام ينطبق على موديل 2010 فقط مش عارف لية

[zoms]

اخبار التوكيل ايه جماعه....وياريت لو اسعار الصيانات بالتقريب

صيانه ال 5000 انا عملتها فى التوكيل بالظبط كلفتنى 370 جنيه منهم تغير زيت وفلتر وغسيل المكنه بالفوم ... وأول صيانه مفهاش مصنعيات يعنى المصنعيات زيرو ... المشكله فى اسعار قطع الغيار فى الحجات المستهلكه كويسه يعنى تيل , فلاتر , الكلام دا كلو وبرضو اسعار الفوانيس كويسه لاكن تعالى بقى ع الحجات التانيه انا جايب كبوت ب 2000 جنيه وجايب اكصدام ب 1800 جنيه ورفرف ب 1000 جنيه و علبه دركسيون ب 7700 جنيه الأسعار دى بالضريبه

[esam123]

صيانه ال 5000 انا عملتها فى التوكيل بالظبط كلفتنى 370 جنيه منهم تغير زيت وفلتر وغسيل المكنه بالفوم ... وأول صيانه مفهاش مصنعيات يعنى المصنعيات زيرو ... المشكله فى اسعار قطع الغيار فى الحجات المستهلكه كويسه يعنى تيل , فلاتر , الكلام دا كلو وبرضو اسعار الفوانيس كويسه لاكن تعالى بقى ع الحجات التانيه انا جايب كبوت ب 2000 جنيه وجايب اكصدام ب 1800 جنيه ورفرف ب 1000 جنيه و علبه دركسيون ب 7700 جنيه الأسعار دى بالضريبه

الاسعار دى الى حضرتك مستغليها رخيصة جدا جمب السيارات الى انا ذكرتها فى المشاركة السابقة واديلك مثال علبة دريكسون لعربيتى الاوبل فيكترا 2001 من التوكيل المانى اصلى 6900 ودة موديل عدى علية10 سنين مابلك لو سالنا على الموديل الجديد

[esam123]

ملاك فورد فوكس 2010 الرجاء الادلاء برايهم للاهمية وشكرا

[Hosam_Optrawy]

هدى نفسك بس يا بيه .... اعلانات الفورد كانت بتنزل 119 هورس بوار وشوف اى مجله من مجلات السيارات هتلاقى مكتوب 119 ما علينا انا عملت دورت وكدا المكنه بتنزل 110 ps يعنى بالظبط 108.5 hp ودول وحشين ..؟ الاوكتافيا بتنزل 105 يا بيه :f_eyeb1[1]: بس شوف بقى المكن الى بقولك عليه دا بيحيب المكسمم تورك وهورس بوار عند كام ار بى ام هتلاقى الاوكتافيا عند 3000 على ما اعتقد وهما يعرفو اكتر منى بتوع الاوكتفيا لاكن الفورد بتجيب عند 4100 مش العربيات الكورى الى يقولك 124 حصان عند 6600 لفه :> دا يا بيه الفرق بين المكن المحترم واى مكن تانى وشكرا للفت الأنتباه بس انا أرجح انها ممكن تكون فعلا 119 بدليل زى ما الكورولا بتنزل مواصفات مصرى 145 حصان او 136 مش فاكر اوى ............ لاكن المواصفات الخليجى بتعتها بتنزل 110 حصان هل فى فرق ف المكنه ... يا ريت بقى حد يرد على السؤال دا ؟ وبالطبع لا مفيش فرق ف المكنه بس الخواجه دماغه كدا هتعمل ايه بقى ف الخواجه ؟؟

انا هادى والله :)

وانا مش قاصد اقول ان ال 100 حصان وحشين او قليلين

انا بس حبيت أوضح ان العربيه فعلا 100 حصان فقط ودا مش عيب

والاوكتافيا والجيتا على فكره 102 حصان فقط , وعزمهم اقل من الفوكس

الفوكس 150 والجيتا والاوكتافيا 148

والجيتا قبل ماتنزل بالفتيس ال dsg كانت بتجيب 0 - 100 فى 13.3 ثانيه

لكن الفتيس ال dsg حسن أدائها وخلاها 0 - 100 فى 12.2

يعنى من الأخر , على الورق , اداء الفوكس قريب من الجيتا والاوكتافيا

التجربه العمليه مجربتش بنفسى

____________________

اما بخصوص الكورولا فهى فعلا بتنزل بموتورين مختلفين

الكورولا الخليجى بتنزل بالموتور القديم اللى كان فى الكورولا القديمه , 107 او 109 حصان تقريبا

اما الكورولا الجنوب افريقى اللى فى مصر موتورها 122 حصان فقط لا غير

[shakal]

sorry i don't have Arabic on my computer i just bought the car 2 days ago the acceleration of the car is very good on the steptronic gear i didn't exceed 3500 rpm one time i make kick down at 80 km/hr to the second speed by wrong it is marvelous very good response from the motor actually it is not like the honda civic but it still ok

[esam123]

sorry i don't have arabic on my computer i just bought the car 2 days ago the acceleration of the car is very good on the steptronic gear i didn't exceed 3500 rpm one time i make kick down at 80 km/hr to the second speed by wrong it is marvelous very good response from the motor actually it is not like the honda civic but it still ok

اخى الحبيب ممكن تشرح اكثر وبالعربى لانى مش فاهم اوى وشكرا لك

[zoms]

sorry i don't have Arabic on my computer i just bought the car 2 days ago the acceleration of the car is very good on the steptronic gear i didn't exceed 3500 rpm one time i make kick down at 80 km/hr to the second speed by wrong it is marvelous very good response from the motor actually it is not like the honda civic but it still ok

اخى الحبيب ممكن تشرح اكثر وبالعربى لانى مش فاهم اوى وشكرا لك

الراجل كلامه زى كلمنا بالظبط ان العربيه سحبها حلو والكيك داون بتعها حلو والأستيب ترونيك بتعها جامد ... يا بيه لو العربيه دى عملالك ازمه بلاش منها احسن وهتلك حاجه مضمونه بتجرى جرى الوحوش هاتلك فيرارى اينزو يا باشا

[ahmad--ezzat]

الراجل وهتلك حاجه مضمونه بتجرى جرى الوحوش هاتلك فيرارى اينزو يا باشا

مش لازم فيرارى انزو....عندك سيفيك هاى لاين بتجرى احسن من الفوكس 1000 مره