Ford Focus Cons

[mahmoudusama]

في رأيك ماهي عيوب العربية دي :
Ford Focus
Sedan Trend 2008
وايه احسن الالوان فيها ؟؟

العربية دي عجباني فعلا و ناوي عليها انشاء الله

ارجو المساعدة

شكرا

[TAG_Turbo0]

عيب الفورد فوكس الوحيد هو عدم انتشار قطع الغيار وغلاء سعرها
والتوكيل الجديد لسه ضعيف برده
بس غير كده هى عربية أكتر من ممتاذة

[Mustafa_Farouk]

أنا شايف إن فكري جروب عامل شغل كويس، خصوصاً أنا بقت بشوفهة كتير الشوارع القاهرة. شكلاً عجباني ، بالنسبة من جوا باردو حلوة وواسعة .
في التوكيل قللي انها موتر و عفشة ألماني والتقفيل في أسبانيا.
أنا كنت بفكر أجيب الهاتش بك بس لي نصيب أكمل مع اوبل.

http://www.nilemotors.net/Nile/showthread.php?t=2618

http://www.nilemotors.net/Nile/showthread.php?t=15814

go to the above link and may be will help u ISA

[ramyso4]

ال focus وال مازدا ٣ أحسن عربيتين فال category دا من وجهت نظري وال عربية ألماني أسباني ونضيفة جداً بذات الجديدة وقطاع غيرها مش غالية ولا حاجة زيها ذي اسعى قطع غيار العربيات الاوربي

[a3reda]

الفوكاس بصراحه كانت حلم من احلامى

واحمد ربنا انى اشتريت واحده تانى يد موديل 2005 اتوماتك


بصراحه عربيه فى منتهى القوه والثبات والفخامه من جوه وعاليه على الارض


والصاج بتاعها يندر تلاقيه فى العربيات الحديثه


ولو قارنت قطع غيارها باسعار السيارات التانيه متقارب جداااااااااااااااااااااااا

طبعا تقارن قطع الغيار الاصليه موش الصينى ةلا التقليد

انا رحت توكيل فكرى كان اللون الاسود فى منتهى الشياكه مع انى احب الفضى علشان التراب


ربنا يوفقك للخير

[Scent7104]

ال focus وال مازدا ٣ أحسن عربيتين فال category دا من وجهت نظري وال عربية ألماني أسباني ونضيفة جداً بذات الجديدة وقطاع غيرها مش غالية ولا حاجة زيها ذي اسعى قطع غيار العربيات الاوربي

+Fully Agreed 1000000000000
بس على فكرة قطع غيار الفورد مش غالية و ارخص بكتير من مازدا ( رغم اني بحب المازدا علشان اوفر في البنزين)

[iBiZa]

2 من اصحابى جايبنها و بركبها معاهم كتير.

واحدة 2008 عاملة 12000 كيلو و مافيش اى مشاكل خالص لحد دلوقتى.

واحدة 2009 (Facelift) عاملة 5000 كيلو و بردة مفيش مشاكل.

اسعار قطع الغيار مش غالية خالًص.

التوكيل اكتر من رائع و لو ان يعيبة طول فترة الانتظار (زيت و فلتر و كشف عام و غسيل اخدت حوالى 4 ساعات)

[menabigboss]

ماذا عن اوكتان البنزين الذي يجب تموينه؟هل لازم 95 زي ما مكتوب في كتيب الضمان؟وماذا قال لك التوكيل عن الموضوع دة؟
مع جزيل الشكر...........

[mahmoudusama]

مش ضروري 95
انا كنت في الاول بامون 95 و بعدين سالت في التوكيل و بقيت امون 92
الكلام ده من 5 شهور و كله تمام الحمد لله

[menabigboss]

مش ضروري 95
انا كنت في الاول بامون 95 و بعدين سالت في التوكيل و بقيت امون 92
الكلام ده من 5 شهور و كله تمام الحمد لله

شكرا علي الرد......

[a3reda]

بالنسبه للاوكتين


هى موش شطاره ولا منى ولا من التوكيل ولا اى شخص



افتح ياسيدى الفاضل تانك البنزين وهتلاقى مكتوب الاوكتين المفروض تستعمله


انا معى فوكاس اتوماتك 2005 ومكتوب عندى اوكتين 91 وبما ان عندنا فى مصر ماشيين بالبركة ومفيش اوكتين 91 فبستعمل اوكتين 92

بس سمعت ان بعض السيارات مكتوب فيها اوكتين 95 والله واعلم

[ahmad--ezzat]

عيب الفوكس من وجهة نظرى طبعا
ان التوب سبيد بتاعها مش حلو
يعنى بعد ال 160 تجميع مش تمام
وبتقف عند ال 180 وتثبت على كدة

[mahmoudusama]

بالنسبه للاوكتين (a3reda) :
فعلا مكتوب عندي 95 و بصراحه لما كنت بامون 95 كان فارق في سحب العربيه بشكل ملحوظ
-----------------------
بالنسبه لالتوب سبيد (Ahmed20_08nubira) :
انا حبت بيها قبل كده 200 على طريق العين السخنه
----------------------
عموما وبعد استخدام العربيه لاكتر من 10 شهور (14500 كيلومتر) من وجهة نظري دي عيوب العربيه :
- السحب بطيء شويه في الاول
- الAccessories غاليه جدا
- التوكيل بعيد جدا عني (6 اكتوبر)
- Reselling

[m_s_h_a]

الفوكس عربيه جامده جدااااااااااا انا معايا 2003 عربيه ممتازة

[karimone]

لو ممكن الناس تركز علي عيوب العربيه في الموضوع ده زي ما الاستاذ mahmoudusama عمل...

و برده لو حد اشتري قطع غيار ليها يقولنا بكام جابها...؟