مساعدة في شراء فوكاس 2011

[ahmedezar]

معلش أنا أسف للتأخير في الردود يا جماعة عشان كنت مسافر

للامانه انا العربيه دي كنت حاططها في دماغي جدا وبخاصه الفئه جيا ب 140 الف جنيه عشان مثبت السرعه وشوية كماليات زياده بس للاسف بعد ماجربت عربيه مستعمله موديل 2010 عامله 39 الف كم كرهت العربيه جدا بسبب
-الكرسي تعبلي ظهري( انا من العمالقه+طولي 181 سم)
-التسارع سيء جدا لدرجة اني معرفتش اطلع من اتوبيس كان بيكاسر عليا واضطريت اني اهدي واسيبه يعدي بخلاف الفلوينس مثلا لما جربتها تسارعها بطيء بس مش بدرجة الفوكاس....
....للامانه العربيه ثباتها وفراملها وعفشتها رائعين
وكمان قطع غيارها مش غاليه خالص يمكن ارخص من الهيونداي في حاجات كتيره .....ولكن العربيه دي كانت هتبقى فظيعه لو كانت 2000 سي سي
وممكن عشان الباب بتاع تانك البنزين مكتوب عليه 95 ولكن الراجل دا بيستعمل 92 .....

خلاصة الكلام: اعمل استخاره وحاول تشوف حد معاه العربيه دي وجربها منه يمكن اكون اخدت انطباع سيء عنها بسبب عربية الراجل دا وتكون الفوكس نفسها كويسه .ولو هتشتريها افضل اشتري الفئه جيا عشان مثبت السرعه والجنوط 16 والكاسيت السوني و.....
ربنا يوفقك لما فيه الخير

إن شاء الله ربنا يقدم اللي فيه الخير بس واضح كده أن الفعة اللي عليها الخصم دي خلصت وهسال واتأكد إن شاء الله وأنا ونصيبي

هو فعلا مشكلتها التسارع بتاعها وحش عشان العربية تقيلة .. بس في ال powershift أكيد هيساعد لو هتشد مع حد ...

هو عموما الأوربي التسارع بطئ بس في مقابل حاجات تانية كتير أهمها الأمان

[ahmedezar]

موضوع الكرسى دة هيختلف من شخص للتانى
بالنسبة للسحب هى العربية تقيلة بس مش ضايعة كمان نقطة تانية بالنسبة لل kick down ودة فى ناس مش بتاخد بالها منها ومعاها العربية دواسة البنزين فيها مرحلتين يعنى اظغط الدواسة على الاخر هتحس ان فى حاجة زى زرار الدواسة ضغطت علية وطبعا استجابة الموتور مختلفة

مضوع البنزين ممكن 92 بس من اى حتة من محطات مضمونة ونضيفة ولازم كل فترة لما تحس ان العربية تقلت تحط octane booster او تفولتين 95

+11111111111111111

هو مافيش توكيل عامل تست درايف للعربيه دي الواحد يروح يجربها فيه ياشباب
اصل انا بردوا بفكر بس خايف من القاعده و العفشه اللي ممكن تطلع ناشفه او متعبه في السفر لان سفري كتير اوي اوي و ممكن ااقعد 5 ساعات سايق فمش عارف هل مريحه في قعدتها و كده ولا لأ

شكلها خلصت يا وليد مش لاقيها في المعارض

التوكيل موفر تيست درايف للفوكاس والمونديو بس تقريبا بتتصل عليهم الأول ترتب معاد

ده لو لسه موجودة ال 2011 ححاول أكلمهم وأعرف ...شكرا ليك

هو عامةً العربية خلصت خلاص من عند التوكيل وشكل الجديد نازل في آخر يناير 2012

سيدان

http://www.netcarshow.com/ford/2011-focus_sedan/

هتشباك

http://www.netcarshow.com/ford/2011-focus/

أنت كلمتهم واتأكدت ؟؟؟؟؟أنا سألت في مصرية قالولي مش موجودة

يا اخ محمد اتكل على الله انا راكبها زيرو من اغسطس 2009
انـــــــــــــــــسى حاجة جميلة واى معلومة اتصل
اشرف
01002090471

شكرا لمساعدتك أ/أشرف نلاقيها بس الأول يا رب

[Mohamed_Nafie]

حضرتك بتكلم على أي واحدة اللي مش موجودة ؟؟
لو قصد حضرتك اللي عليها خصم 2011 .. في اة دي خلصت وكلام ده التوكيل هو اللي قالهولي.. وممكن تلاقي بره لو لسة في ستوك وإنت ونصيبك..

اما لو قصد حضرتك على ال 2012 فـال عربية لسة منزلتش ... ده لسة في آخر يناير 2012 - ياعني لسة قدامك شهرين كده عقبال ماتنزل - والكلام ده من التوكيل برده لأن الموزعين ميعرفوش أي حاجة عنها خالص حتى الان...

بالنسبة للاسعار فـال اسعار هترجع زي ماكانت يعني فوق ال 160 ألف وإنت طالع...

[ahmedezar]

حضرتك بتكلم على أي واحدة اللي مش موجودة ؟؟
لو قصد حضرتك اللي عليها خصم 2011 .. في اة دي خلصت وكلام ده التوكيل هو اللي قالهولي.. وممكن تلاقي بره لو لسة في ستوك وإنت ونصيبك..

اما لو قصد حضرتك على ال 2012 فـال عربية لسة منزلتش ... ده لسة في آخر يناير 2012 - ياعني لسة قدامك شهرين كده عقبال ماتنزل - والكلام ده من التوكيل برده لأن الموزعين ميعرفوش أي حاجة عنها خالص حتى الان...

بالنسبة للاسعار فـال اسعار هترجع زي ماكانت يعني فوق ال 160 ألف وإنت طالع...

أنا بتكلم علي العربية ال 2011 ولا الحقيقة مش هقدر أستنى لشهر يناير لسببين الأول طول المدة وأنا مستعجل ثانيا أن مش هقدر أجيب عربية بالمبلغ ده وشكرا ليك مرة أخرى

[Mohamed_Nafie]

آه هو فعلا سعرها عالي... عامةً أكيد هتلاقي بدائل في سعر اللي إنت عايزو :)

ولا شكر على واجب :)

[mohamedkordy]

هو فعلا مشكلتها التسارع بتاعها وحش عشان العربية تقيلة .. بس في ال powershift أكيد هيساعد لو هتشد مع حد ...

العربيه ديه لو حطيتلها بنزين 95 اتفرج على ادائها حاجه تانيه خالص بجد

[ashraf2010]

سيدى الفاضل انا مشترى الجيا 2009 اجمل ما ركبت فى حياتى
عن خبرة توكل عى الله وهتدعى لى واى حاجة تحتاجه فى فورد او اى معلومات عن التوكيل وبره التوكيل انا تحت امرك
اشرف 01002090471

[a3reda]

انا اعتبر اكبر مشكله فيها انها محتاجه بنزين 95