تقرير عن فورد فوكاس 2012

[koshakindnes]

تمام ياباشا كلامك بس انا عندى السيارة البديلة الى هتمشى فى الشوارع الى مش كويسة فا انا هجيب الفورد علشان اسافر مسافات طويلة مستريح وهتكون اغلبها فسح يعنى الى حد كبير هكون بعيد عن الطرق العشوائية


بس افهم من كلام حضرتك انى اتوكل على الله فى الفورد وانا مطمن :d

وزى ما قلت لحضرتك هستنى موديل 2014

[yehiaseg]

توكل علي الله ولو عندك اي استفسار انا تحت امرك :)

[khawas]

الاستاذ محمد فوزي و الاستاذ yehiaseg الحقيقه انا متشكر جدا لمجهودكم الرائع و الاستفاضه و التوضيح الهايل عن العربيه و اللي كانت من الاسباب القويه اللي خلتني اقرر اني اشتريها و المفروض اني استلمها من معرض خلال كام يوم لانهم مش لقيين اللون النبيتي اللي عاجبني ... المهم كنت عايز اعرف ايه اهم الحاجات اللي اخد بالي منها و انا باستلم و ابقى شاكر فضلكم

[yehiaseg]

مبروك مقدما ياباشا ولاشكر علي واجب تحت امرك، الكلام اللاحق منقول من قسم نيسان :
1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات

2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لقدر الله

3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه

5- اسال على الضمان بتاع السيارة وضمان الكاسيت والكتالوج بتاع العربية

6- شيك على الروافع مثل : الولاعة بتاعت العربية وطفاية السجاير وعلى الاريال

7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان

8- اتاكد من وجود الاستبن (الكاوتش الاحتياطى )

9- نبص على شنطة العدة

10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

12- تتاكد من عمل المساحة وتشغل المياه بتاعت المساحة كمان

13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

14- نتاكد من ان السنتر شغال ونتاكد من الريموت شغال ولالا

15- ركز فى استلام المفاتيح , فى عدد المفاتيح والريموت اللى بيجوا مع السيارة

16- نبص على عداد الكيلومتر واهم حاجة انه لايزيد عن 70 كيلو وكدا كتير كمان

17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف

18- اتاكد من ان الماتور صوته ناعم وهادى فى بداية التشغيل

19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه

20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا

21- اذا كان السيارة فيها فتحة سقف , نطمن انها شغالة وكله تمام.

[M.Farid]

السلام عليكم انا استلمت فورد فوكس منذ شهر العربية المد االله جميلة بس بعد 800 ك حسيت انهامتسحبش ذيأول عند صيانة الف ابلغتألمهندس بذلك مع صوت بسيط وقت التهدئة ثم تلتحرك فابلغنى ان هذا الفتيس البور شيفت و انه سوف يحمل سوفت وير الجديد للفتيس لكن بعد أتجربة اليوم حاسس انها بات اخشن من الاول و فى ناتشة فى تغير السرعات ارجو تلافادة هل تم تحميل السوفت وير فى اي صيانة

[h_soly]

انا روحت عملت صيانة الألف يو السبت في التوكيل و كنت بقول للمهندس أنا حاسس ان العربيه مخنوقه شويه على سرعه ال 60 لكن بعد ال80 بتفتح و أن بدال الفرامل خفيف شويه , المهندس طلع جرب معايا قلي السحب كده كويس اوي و الفرامل حظبطحالك شويه و فعلا الفرامل بأت أحسن بس الخنقه لسه بقول يمكن مع الوقت تفتح بس ده كل الملاحظات على العربية لغاية دلوقتي

[yehiaseg]

الف الف مبروك، انا معملتش السوفت وير الجديد، والعربيه زي ماهيه، الناس في اوربا بيقولو زيك كده بس الموضوع وقت لحد ما العربيه تتعلم طريقه سواقتك ونقلاتك وانت كمان

[reda elgohary]

طيب هى العربية عاملة كام ،،معايا كا 97 وبفكر أستبدل ممكن السعر .
وربنا يبارك للجميع .

[Mohamed Fawzy]

ازيكو يا جماعة واحشتوني قوي والله معلش انا عارف اني بقالي فترة مش متواجد ومقصر في الردود بس والله كنت مشغول جدا عموما انا معاكو واي حد عنده استفسار انا جاهز ولو واني شايف المهندس يحيى مش مقصر والراجل قايم بالواجب وزيادة ... واحشني والله يا هندسة عامل ايه واخبار العربية معاك ايه؟ طمني عليك

[K.Ossama]

ازيكو يا جماعة واحشتوني قوي والله معلش انا عارف اني بقالي فترة مش متواجد ومقصر في الردود بس والله كنت مشغول جدا عموما انا معاكو واي حد عنده استفسار انا جاهز ولو واني شايف المهندس يحيى مش مقصر والراجل قايم بالواجب وزيادة ... واحشني والله يا هندسة عامل ايه واخبار العربية معاك ايه؟ طمني عليك

يااااااااه
الباشمهندس محمد فوزى
كيفك يا هندسة. ...؟
فيناك يا باشا......؟
ان شاء الله تكون بخير
وحشنا والله

[h_soly]

كان عندي سؤال ممكن يكون متأخر شويه انا اعرف أن العربيه فيها أيموبيلايزر بس أتأكد ازاي؟

[e_abouelregal]

السلام عليكم ورحمة الله وبركاتة
ممكن لو حد عارف موديل 2014 نازل امتى
شكرا للجميع وتحياتى

[Mohamed Fawzy]

يااااااااه
الباشمهندس محمد فوزى
كيفك يا هندسة. ...؟
فيناك يا باشا......؟
ان شاء الله تكون بخير
وحشنا والله

ازيك يا دكتور خالد واحشني والله
عامل ايه واخبارك ايه
اشتريت حاجة ولا لسة
طمني عليك

[Mohamed Fawzy]

كان عندي سؤال ممكن يكون متأخر شويه انا اعرف أن العربيه فيها أيموبيلايزر بس أتأكد ازاي؟

حاول تطلع على المفتاح الاحتياطي نسخة تانية وبعدين حاول تدور العربية بيها مش هاتدور حتى لو الفتاح دخل في الكونتاكت عادي ولف كمان

[Mohamed Fawzy]

السلام عليكم ورحمة الله وبركاتة
ممكن لو حد عارف موديل 2014 نازل امتى
شكرا للجميع وتحياتى

الموديل الجديد هاينزل على شهر 8 حسب كلام الطارق