استفسار بخصوص فورد اسكورت 98 1300 cc

[طارق عبدالله]

انا لسة شارى عربية فورد اسكورت 98 1300 cc
والعربية ماشاء الله ممتازة فبريكة برة وجوة ومتورها كبسة 75 %
بس صاحبها قالى التكييف عايز شحن وبعض التظبيط فى الكهرباء

العربية مع المشى بسرعة بتسخن شوية ولم اهدى يرجع الحرارة للنصف
وصاحبها قالى غير غطاء القربة بتاعت المية وطرومة المية
هو دا السبب بس فى السخونة ولا فيها حاجة تانية
وبعدين فى الغيار الثانى لازم اكبس بنزين شويتين عشان بتسقف منى دا عادى ولا لا

وموضوع مفتاح الفرد دا ممكن اغيرة ولا مينفعش لان صاحبها الاولانى ادانى المفتاح الاصلى وقالى فية لمبة حمرة بس مش شغالة والمفروض العربية دى ليها نظام امن وحماية من السرقة مخصوص فى العربية
ياريت لو حد يشرح نظام المفتاح والامان اى نظامة فى العربية ؟ وهل ممكن اغير المفتاح من التوكيل مثلا بمفتاح اصلى تانى يعمل فية خصائص الحماية للعربية؟

واستفسار اخير افضل نوع زيت للموتور 1300 اى؟

مشكورين جميعا مقدما قبل الرد

[طارق عبدالله]

اى يا جماعة مفيش ولا رد واحد ؟
يوحد الله

[Ramadan Kader]

طرمبة المايه ممكن طبعا تكون السبب او الريداتير عايز يتنظف او غطا القربه ممكن يسخن العربيه لو مسدود .
التسقيف ممكن تكون العربيه عايز تظبط الكهربا بتاعتها و او انت بتجط بنزين 80 فيها . راجه الميكانيكي.
المفتاح بتاعها عادي خالص بيتعمل ب 50 جنيه عربيه مفيهاش أيمبولايزر .
بالنسبه للزيت لو عربيتك مبتكولش زيت كل لما تعلى بالزيت يبقى أحسن. راجع اللينك ده فى تركيزات الزيوت
و زي ما قلتلك كل لما تعلى احسن بيفرق معاك كتير فى الأداء.

http://www.nilemotors.net/Nile/434538-2014.html

[mido51eg]

انا لسة شارى عربية فورد اسكورت 98 1300 cc
والعربية ماشاء الله ممتازة فبريكة برة وجوة ومتورها كبسة 75 %
بس صاحبها قالى التكييف عايز شحن وبعض التظبيط فى الكهرباء

العربية مع المشى بسرعة بتسخن شوية ولم اهدى يرجع الحرارة للنصف
وصاحبها قالى غير غطاء القربة بتاعت المية وطرومة المية
هو دا السبب بس فى السخونة ولا فيها حاجة تانية
وبعدين فى الغيار الثانى لازم اكبس بنزين شويتين عشان بتسقف منى دا عادى ولا لا

وموضوع مفتاح الفرد دا ممكن اغيرة ولا مينفعش لان صاحبها الاولانى ادانى المفتاح الاصلى وقالى فية لمبة حمرة بس مش شغالة والمفروض العربية دى ليها نظام امن وحماية من السرقة مخصوص فى العربية
ياريت لو حد يشرح نظام المفتاح والامان اى نظامة فى العربية ؟ وهل ممكن اغير المفتاح من التوكيل مثلا بمفتاح اصلى تانى يعمل فية خصائص الحماية للعربية؟

واستفسار اخير افضل نوع زيت للموتور 1300 اى؟

مشكورين جميعا مقدما قبل الرد

1000 مبروك على العربية ، اختيار موفق ان شاء الله
مشكلة سخونة العربية مع المشي بسرعة كانت عندي وبعد الفحص اكتشفت ان الردياتير كان مسدود وعايز يتغسل وفعلا لما عملت كده الموضوع انتهى ، لكن بعدها اضطريت اغير الردياتير نفسه بسبب ان العربية كانت بتسخن لما بشغل التكييف ، فركبت الردياتير بتاع الفورد ال 1600 بالمروحة بتاعته ، الردياتير ال 1600 اكبر من ال 1300 طولا وعرضا والمروحة كبيرة وفيها 8 ريشة وسرعتين وطبعا مشكلة السخونة مع التكييف انتهت تماما والحمد لله.
موضوع التسقيفة في الغيار التاني ده يبقى انت غالبا بتحط بنزين 80 ، جرب لما التانك يفضى حط بنزين 92 وشوف التسقيفة هتروح ولا لأ.
لو تقصد اللمبة الحمرا اللي تحت ساعة الصالون فدى برضه مش شغالة عندي وإن كنت سمعت عن موضوع الحماية ده لكن ماشوفتوش. مفتاح العربية بتاعتك بيقوم بحماية كويسة ، لو تعرف ان اي مفتاح عربية فورد تانية ممكن فقط يقفل عربيتك لو مفتوحة انما مستحيل يفتحها او يدورها !!!!
كذلك مفتاحك ممكن يقفل اي عربية فورد لكن مستحيل يفتحها او يدورها ودي حماية محترمة لعربية موديل 1998.
بالنسبة للزيوت انا كنت بحط شل هيلكس الاصفر لكن حاليا بحط مصر 7500 ، زيت نصف تخليقي ولزوجته عالية 20w-50 تقريبا بيخلي صوت الماكينة هادي وناعم وسعره 64 جنيه في حين ان زيت شل اعتقد بقى ب 130 جنيه ومش موجود واللي موجود منه ستوكات كمان.

اتمنى اني اكون افدتك.

[طارق عبدالله]

الف شكر ياباشا

طرمبة المايه ممكن طبعا تكون السبب او الريداتير عايز يتنظف او غطا القربه ممكن يسخن العربيه لو مسدود .
التسقيف ممكن تكون العربيه عايز تظبط الكهربا بتاعتها و او انت بتجط بنزين 80 فيها . راجه الميكانيكي.
المفتاح بتاعها عادي خالص بيتعمل ب 50 جنيه عربيه مفيهاش أيمبولايزر .
بالنسبه للزيت لو عربيتك مبتكولش زيت كل لما تعلى بالزيت يبقى أحسن. راجع اللينك ده فى تركيزات الزيوت
و زي ما قلتلك كل لما تعلى احسن بيفرق معاك كتير فى الأداء.
http://www.nilemotors.net/nile/434538-2014.html

الف شكر يا باشا على المعلومات الجميلة
وفعلا الزيت شيئ مهم للعربية جدا انا غيرتلها زيت وحطيت شيل الاحمر 50/20 ال 3000 ك
وحاسس انة مريح العربية الحمد لله وادينى بجربة لسة وربنا ييسر الحال

[طارق عبدالله]

مشكوووووووور

1000 مبروك على العربية ، اختيار موفق ان شاء الله
مشكلة سخونة العربية مع المشي بسرعة كانت عندي وبعد الفحص اكتشفت ان الردياتير كان مسدود وعايز يتغسل وفعلا لما عملت كده الموضوع انتهى ، لكن بعدها اضطريت اغير الردياتير نفسه بسبب ان العربية كانت بتسخن لما بشغل التكييف ، فركبت الردياتير بتاع الفورد ال 1600 بالمروحة بتاعته ، الردياتير ال 1600 اكبر من ال 1300 طولا وعرضا والمروحة كبيرة وفيها 8 ريشة وسرعتين وطبعا مشكلة السخونة مع التكييف انتهت تماما والحمد لله.
موضوع التسقيفة في الغيار التاني ده يبقى انت غالبا بتحط بنزين 80 ، جرب لما التانك يفضى حط بنزين 92 وشوف التسقيفة هتروح ولا لأ.
لو تقصد اللمبة الحمرا اللي تحت ساعة الصالون فدى برضه مش شغالة عندي وإن كنت سمعت عن موضوع الحماية ده لكن ماشوفتوش. مفتاح العربية بتاعتك بيقوم بحماية كويسة ، لو تعرف ان اي مفتاح عربية فورد تانية ممكن فقط يقفل عربيتك لو مفتوحة انما مستحيل يفتحها او يدورها !!!!
كذلك مفتاحك ممكن يقفل اي عربية فورد لكن مستحيل يفتحها او يدورها ودي حماية محترمة لعربية موديل 1998.
بالنسبة للزيوت انا كنت بحط شل هيلكس الاصفر لكن حاليا بحط مصر 7500 ، زيت نصف تخليقي ولزوجته عالية 20w-50 تقريبا بيخلي صوت الماكينة هادي وناعم وسعره 64 جنيه في حين ان زيت شل اعتقد بقى ب 130 جنيه ومش موجود واللي موجود منه ستوكات كمان.

اتمنى اني اكون افدتك.

الف شكر على الافادة والرد ياباشا
بس سؤال انت بتقول ركبت ردياتير ومروحة 1600
طيب لو غيرتة ل 1600 هيركب طبيعى فى مكان الردياتير الثانى ولا لا

وسؤال مهم العربية مفيهاش بور عندى بس وانا ماشى بسم الله ماشاء الله
الدريكسيون زى البور تمام
فهل ممكن اعدل الدريكسيون ويشتغل بور ولا

ولو حضرتك تعرف ميكانيكى و كهربائى كويس فى الحرفين بس يكون بيشتغل فور ومتخصص فيها
ياريت لو سمحت تقولى علية

واخيرا الف شكر ليك ياباشششششششششا

[Ramadan Kader]

الف شكر على الافادة والرد ياباشا
بس سؤال انت بتقول ركبت ردياتير ومروحة 1600
طيب لو غيرتة ل 1600 هيركب طبيعى فى مكان الردياتير الثانى ولا لا

وسؤال مهم العربية مفيهاش بور عندى بس وانا ماشى بسم الله ماشاء الله
الدريكسيون زى البور تمام
فهل ممكن اعدل الدريكسيون ويشتغل بور ولا

ولو حضرتك تعرف ميكانيكى و كهربائى كويس فى الحرفين بس يكون بيشتغل فور ومتخصص فيها
ياريت لو سمحت تقولى علية

واخيرا الف شكر ليك ياباشششششششششا

بلاش تركب باور ف 1300 لانها مش هتستحمل و الموتور هيزيق كل لما تلف يمين او شمال خصوصا وانت واقف و كمان دريكسون الأسكورت ممتاز جدا و ناعم حتى والعربيه واقفه انت بس اعمله صيانه عند العفشجي و شحم العلبه هتلاقيها ممتازه و كمان الدريكسيون العادي اسهل جدا فى الصيانه من الباور
ولو عدلت لباور هتصرف كتير و كل الى هتستفاده ان الدركيون هينعم شويه و انت بتركن وبس و عدد لفاته هيقل. بس هتدفع كتييييييييييير لحد لما تعمل ده. و بخصوص التركيب اى فجشجي حلو ممكن يغيرهملك بسهوله و يعدلك النظام هتروح تدجيب علبه باور استيراد هتلاقيها فى حدود 800 ج و طرمبة باور فى حدود 350ج + المصنعيات بس ارجع اقولك بلاش.

[طارق عبدالله]

بلاش تركب باور ف 1300 لانها مش هتستحمل و الموتور هيزيق كل لما تلف يمين او شمال خصوصا وانت واقف و كمان دريكسون الأسكورت ممتاز جدا و ناعم حتى والعربيه واقفه انت بس اعمله صيانه عند العفشجي و شحم العلبه هتلاقيها ممتازه و كمان الدريكسيون العادي اسهل جدا فى الصيانه من الباور
ولو عدلت لباور هتصرف كتير و كل الى هتستفاده ان الدركيون هينعم شويه و انت بتركن وبس و عدد لفاته هيقل. بس هتدفع كتييييييييييير لحد لما تعمل ده. و بخصوص التركيب اى فجشجي حلو ممكن يغيرهملك بسهوله و يعدلك النظام هتروح تدجيب علبه باور استيراد هتلاقيها فى حدود 800 ج و طرمبة باور فى حدود 350ج + المصنعيات بس ارجع اقولك بلاش.

لا وعلى اى بقى خليها زى مهية
مش فارق كثير الحمد لله العربية ممتازة
طيب ياباشا بالنسبة لضبط البنزين بحيث متكلش بنزين ولا تكون مخنوقة
المفروض اعمل اى ؟

وبالنسبة للتسجيل دا بتاع العربية الاصلى لو حبيت اغيرة ممكن الاقى تسجيل فى نفس الحجم ولا التسجيل بتعها لة خصائص معينة لامان العربية
لانى قريت فى دليل العربية انة لة نوع من الحماية مع العربية بس مش عارف افهم كويس طريقتة وخاصة مفتاح 6 ال فى التسجيل

معلش ياباشا انا دوشتك باسئلتى

[mido51eg]

الردياتير بتاع ال 1600 بيتباع معاه قنطرة اكبر من القنطرة اللي عندك ، بمعنى انك ماتروحش تشتري الردياتير والمروحة فقط ، لازم تشتري معاهم القنطرة بتاعته وفيه تعديل بسيط بيتعمل في الخراطيم هيبقى سهل على بتاع الردياتيرات لو نضيف هيعرف يعملهولك.
بالنسبة لموضوع ضبط الموتور بحيث انها ماتاكلش بنزين اعتقد انه مش هينفع لأن العربية مفيهاش اسبراتير ولكن فيها موزع كهربا ، انا ماظبطتش الموتور لأني بحط بنزين 92.
بالنسبة للكاسيت اعتقد فيه كاسيتات Double Deck اللي هو العريض ده ، لو مالقيتهوش ركب كاسيت عادي والجزء الفاضي بيركب فيه فبرة جاهزة بتقفله.

[طارق عبدالله]

الردياتير بتاع ال 1600 بيتباع معاه قنطرة اكبر من القنطرة اللي عندك ، بمعنى انك ماتروحش تشتري الردياتير والمروحة فقط ، لازم تشتري معاهم القنطرة بتاعته وفيه تعديل بسيط بيتعمل في الخراطيم هيبقى سهل على بتاع الردياتيرات لو نضيف هيعرف يعملهولك.
بالنسبة لموضوع ضبط الموتور بحيث انها ماتاكلش بنزين اعتقد انه مش هينفع لأن العربية مفيهاش اسبراتير ولكن فيها موزع كهربا ، انا ماظبطتش الموتور لأني بحط بنزين 92.
بالنسبة للكاسيت اعتقد فيه كاسيتات double deck اللي هو العريض ده ، لو مالقيتهوش ركب كاسيت عادي والجزء الفاضي بيركب فيه فبرة جاهزة بتقفله.

والله ياباشا ربنا يخليك الف شكر
بس الردياتير هيعمل فى حدود كام؟ تقريبا
وبالنسبة للمروحة 8 ريشة هيعملها زرار لوحدها ولا اتوماتيك ؟
وبعدين انا كان معاية مرسيدس موديل 80 معدلة كنت بظبط تكهات العربية عشان متكلش بنزين
طيب الموتور ال عندى كربرتير فى الفورد ممكن يتظبط تكهات بردة ولا اى ؟

هى عموما الحمد لله زى الفل فى البنزين بس بسئل عشان اظبط مرة واحدة كل حاجة

وياريت ياباشا لو فى ميكانيكى محترم فى الحرفيين او جسر السويس دلنى علية

[mido51eg]

والله ياباشا ربنا يخليك الف شكر
بس الردياتير هيعمل فى حدود كام؟ تقريبا
وبالنسبة للمروحة 8 ريشة هيعملها زرار لوحدها ولا اتوماتيك ؟
وبعدين انا كان معاية مرسيدس موديل 80 معدلة كنت بظبط تكهات العربية عشان متكلش بنزين
طيب الموتور ال عندى كربرتير فى الفورد ممكن يتظبط تكهات بردة ولا اى ؟

هى عموما الحمد لله زى الفل فى البنزين بس بسئل عشان اظبط مرة واحدة كل حاجة

وياريت ياباشا لو فى ميكانيكى محترم فى الحرفيين او جسر السويس دلنى علية

كنت مشتري الردياتير بالقنطرة والمروحة استيراد من الوكالة ب 600 جنيه
المروحة بتشتغل اوتوماتيك مع الثرموستات
وموتور الفورد ممكن يتظبط له تاكيهات طبعا
انا بتعامل مع ميكانيكي فورد ممتاز في حلمية الزيتون يعني قريب من جسر السويس اسمه سيد خليل
تليفونه : 01003717717

[طارق عبدالله]

كنت مشتري الردياتير بالقنطرة والمروحة استيراد من الوكالة ب 600 جنيه
المروحة بتشتغل اوتوماتيك مع الثرموستات
وموتور الفورد ممكن يتظبط له تاكيهات طبعا
انا بتعامل مع ميكانيكي فورد ممتاز في حلمية الزيتون يعني قريب من جسر السويس اسمه سيد خليل
تليفونه : 01003717717

الف شكر ياباشا
ان شاء الله هكلمة وهروح اشيك على العربية كلها عندة
مشكووووووووووووور مشكووووووووووور مشكووووووووووووووووور

[mohamede002e]

بالنسبة للزيت انا بحط شيل اصفر بس فعلا ماعادش موجود في زيت الماني كويس للفورد بنفس سعر الشيل شكرو فيه بيتباع عند بدرسيان في الحرفين بالنسبة للميكانيكي انا اتعاملت مع رمضان فًورد في الحرفين شغله نظيف اوي والميزة ان جنبه قطع الغيار محلات كتير فمش بدوخ علي حاجة وهو كمان بيبيع فطع غيار استيراد اما بالنسبة للكاست رقم ستة دا بدخل بي الرقم السري بتاع الكاست لان كاست الفورد محمي بباس وورد لو فكين البطارية بيطلبه منك لما تشغل الكاست وبلاش تغير الكاست الاصلي انا شايف انو محترم اوي هات بس ام بي ثري للولاعة بفلاشة وخلاص وشغلها عالكاست الاصلي والصوت بيبقي جبار

[ibrahemsalim]

لو سمحتوا عايز حد يفيدني في الموضوع ده انا لسه شاري عربيه اسكورت 98 1300
والي اشتريتها منه ربنا يسامحه طلع كان حاطط الماده الي بتتحط مع الزيت دي علشان متبينش ان المكنه خفيفه المهم لما عرفت ان هي عايزه طقم شمبر او انا سألت وقالولي اعمل طقم شمبر بس غي ناس قالتلي ان الامريكي مينفعش معاه طقم شمبر وبصراحه انا سألت علي الشورت بلوك لقيته غالي ومش متوافر اصلاعايز حد يفدني هو فعلا مينفعش يتعملها طقم شمبر لان المكنه زهر

ممكن تفدتي بعد اذنك ضروري