ارجو الافادة فورد مونديو 1998 (1600cc)

[virse]

انا مقبل علي شراء سيارة وقدامي فورد مونديو موديل 1998 1600 سي سي حد عنده معلومات عن قطع غيار العربيه غاليه ولا رخيصه وموجودة ولا لا والعربيه بصفه عامه عيوبها ايه وحدود سعرها ايه

وشكرا وارجو ان تعم الافادة للجميع

[A7medelfe2y]

بما ان حضرتك في المنوفيه فبلاش تجيبها
هتزهق من عدم توافر قطع غيارها بسعر مرضي

[virse]

بما ان حضرتك في المنوفيه فبلاش تجيبها
هتزهق من عدم توافر قطع غيارها بسعر مرضي

انا من بلد اسمها قويسنا واسمع ان قطع غيارها جنبي في طنطا المسافه حوالي 30 دقيقة بالكتير دا لو الطريق زحمه

بس معرفش ايه اسعار قطع اللغيار هتبقي غاليه ولا رخيصه

[moshakes]

العربية دي مظلومة جداً
ركوبة ملهاش حل قوة وثبات و فخامة وبرستيج،
تكييف كويس بس مش زي الياباني
عفشة ممتازة ناعمة وقوية، وصاج قوي فعلاً
طلعتها من الثبات بطيئة عشان وزنها تقيل (الموتور ال 2000 انسب لوزنها ) بس الجري وحش على الطريق وثبات وهمي وبتجيب ال200 بسهولة لو الموتور تمام، واعرف ناس قفلت العداد (مع الموتور 2000 سي سي)
صيانتها: موتور وفتيس عند متخصص فورد والا هتزعل، عفشة اي حد نضيف ، كهربا يفضل متخصص فورد او حد نضيف جداً
قطع الغيار: متوفره جداً ارخص من تويوتا وهوندا ونيسان وأي الماني موديل نفس السنة و وحاجتها معمرة اغلى حاجة الاكصدامين الاصلي الواحد ب 1000 جنيه وممكن تفاصل، الصيني او التركي ارخص وبيؤدي الغرض
أهم أهم حاجة حالتها وسلوك الشخص اللي كان راكبها قبلك لازم يكون معتني بيها ، وترفع وتكشف كويس
لو هاينها اياك تركبها مفيش صنايعي هيعرف يرجعهالك صح ، خصوصاً الكهربا
والمثل بيقول : الفورد ركوبة باشاوات ما تركبهاش ورا شحات

[moshakes]

السعر : اوعى تتوهم باي سعر منخفض، تأكد انها متهانة لو في جدود 33 ل 36 الف
عشان تركبها محترمة من 40 ل 45 الف ومش خسارة فيها الفلوس

[moshakes]

قطع العيار متوفرة جداً في القاهرة والاسكندرية
والمنصورة والزقازيق بس مش مشكلة لو نزلت القاهرة يوم تجيب الحاجة اصلي وارخص
او تروح بالعربية الحرفيين تشتري وتركب هناك وتجربها

[virse]

تسلم يا باشا

طمنت قلبي من ناحيتها بس فعلاانا كان قدامي واحدة ب 32 الف وكنت حاسس انها متهانه وقلت لو صرفت عليها 5 او 6 الاف هتقي حلوة بس كدة بلاش منها نشوف واحدة فايقة احسن


معلش لو مفهاش رخامه ممكن اسعار بعض قطع الغيار زي المساعدين والسيور والفلاتر مثال يعني

[moshakes]

المساعدين : هات جديد بالضمان احسنلك ممكن الجوز ب800
السيور : سير الكاتينة (بيقولوا ايطالي) ب125 جنيه من التوفيقية ، سير الدينامو والتكييف ب 55 جنيه (بيقولوا كوري)
فلتر زيت: 40 جنيه
حاجتها متخوفش خالص زيها زي النوبيرا والشوما والاسبكترا في نفس الحدود تزيد 10 او 20 جنيه أو تقل 10 كده يعني

[moshakes]

وفيه محل اسمه الاسلامية خلف جمعية الشبان المسلمين(بين التحرير والاسعاف) اسعاره احسن من كده وممكن اديلك تلفونه اسمه سعيد وراكب مونديو كمان 01009933857

[virse]

وفيه محل اسمه الاسلامية خلف جمعية الشبان المسلمين(بين التحرير والاسعاف) اسعاره احسن من كده وممكن اديلك تلفونه اسمه سعيد وراكب مونديو كمان 01009933857

تسلم لنا يا باشا كتر الف خيرك هيا فعلا عربيه جميله وانتا خلتني اتعلق بيها اكتر
اللي انا شفتها كانت حالتها تعبانه شويه وكلامك خلاني اغير رايي عنها انا كنت شايفها ب 32 الف قلت هرشها واظبطها تبقي ب 40 وهتبقي تمام

بس كدة طيب ما اشوف حاجة مظبوطه احسن

مفيش بقي قدامك واحدة؟؟؟


وشكرا جزيلا

[virse]

صحيح كنت هنسي ممكن معلش هتقل عليك لما اجي اشتري واحد اكشف علي ايه فيها اهم حاجة وياريت لو تعرف اكشف عليها فين كمركز خدمه او حد متخصص في الحرفيين او ي مكان

[moshakes]

النت مليان مونديو موديلات من 97 لـ 2000 (موقع contactcars + olx) ,
لو عايز تركب 2000 سي سي يبقى تركبها ويكون الموتور بتاعها مش متسقط بعد الـ 1600 سي سي
لأن مش كل الميكانيكية بتعرف تظبطها بعد تغيير الموتور

الحالة الحلوة بتبان من شكلها وهي واقفة زي الاسد

لو انت من القاهرة اكشف في بنزينة أول عباس العقاد مدينة نصر هيفليهالك حتة حتة وتاخد تقرير مكتوب ب150 جنيه
بس مش بيكشفوا ع الكهربا مش عارف ليه
اهم حاجة الضفيرة ميكونش ملعوب فيها، ممكن توديها للكهربائي بتاعك وتديله 20 جنيه ويراجعلك ع الكهربا

[moshakes]

لو عايز متخصص روح لاحمد فرج ، جسر السويس أو فيه ناس في صقر قريش والحرفيين
بس كلهم هيكشف موتور وعفشة بالكتير
وبعدين سمكري للصاج وكهربائي للضفيرة
اهم من كلامي ده كله الاستخارة والاخذ بالاسباب
ولو انت مش من القاهرة او اسكندرية او بورسعيد ومش عندك استعداد تصبر ع الصيانة وقطع الغيار يبقي بلاش فورد اصلاً، الا لو معاك عربية جنبها

[virse]

لو عايز متخصص روح لاحمد فرج ، جسر السويس أو فيه ناس في صقر قريش والحرفيين
بس كلهم هيكشف موتور وعفشة بالكتير
وبعدين سمكري للصاج وكهربائي للضفيرة
اهم من كلامي ده كله الاستخارة والاخذ بالاسباب
ولو انت مش من القاهرة او اسكندرية او بورسعيد ومش عندك استعداد تصبر ع الصيانة وقطع الغيار يبقي بلاش فورد اصلاً، الا لو معاك عربية جنبها

والله انا عجباني الفورد بس انا من المنوفيه بلد اسمها قويسنا بين بنها وطنطا وقطع الغيار بتاعت المونديو في طنطا عند اكتر من واحد والحرفيين مش بعيدة يعني ساعه بالعربيه اكون هناك واظبط الدنيا

[virse]

وفي واحدة في بنها جنبي رايح اشوفها اخر النهار لونها اسود ربنا يسترها هصلي استخارة واروح ان شاء الله