ارجو الافادة فورد مونديو 1998 (1600cc)

[virse]

رحت شفتها ومن اول نظرة عرفت ان صاحبها شحات العربيه كانه جايبها يلم فيها زباله المنطقه والبارومه في السقف والقوايم كانها نزله فابريكه ههههههههههههههه
الراجل الكداب اكلمه يقلي العربيه مفهاش جرام بويه اروح الاقي الشنب والصدر كله راشش رشه معفنه والعربيه كلها واكله معجون لما قايله يا بس والبارومه كانها من الكماليات ايه دة صندوق زباله يا جدعان الحمد لله من اول نظره قلتله ربنا يحسنلك سوقها وبيني وبين نفسي قلت ربنا يسترها وميوقعش واحد غلبان فيك

[moshakes]

المشكلة ان فيه ناس الغش في دمهم لدرجة انهم مش بيستحرموا انهم يخدعوا الناس ويخلوهم يضربوا مشاوير واحيانا مسافات سفر، وكمان باخد اجازة مخصوص ، وكل ده تضييع وقت
مش عارف ايه المشكلة انك تكتب عيوب عربيتك بكل امانة وربنا هيبارك لك في الفلوس الاقل ويرزقك عربية احسن منها وبسعر حلو ....
احسن من انك تكسب حرام ويضيع في اي مرض وللا تحالييل واشعة (ربنا يحفظنا جميعاً)
وانا ببيع عربيتي صورت العيوب قبل المميزات (وده مش تفضل ونزاهة ...لأ ده الواجب والمفروض )....
هي دي حالتها وهو ده سعرها ومش زعلان... ومش عايز جنيه زيادة بالخداع.... وجالي 9 زباين والله وواحد نفذ مباشرة من غير فحص لأني وفرت عليه ...انا ركبها وادرى بيها
اصبر وانت بتشتري الفورد .....ومن كلام وهيئة صاحبها هتعرف حالة العربية
والمثل بيقول : الفورد ركوبة باشاوات ما تركبهاش ورا شحات