فى حيرة ياعالم بخصوص فيكترا 2003 اشتري ولا لأ..

[وسام]

السلام عليكم ورحمه الله وبركاته . . يجماعه أنا عضو جديد مش جديد أوى لكن دى اول مره أسال عن حاجه فى المنتدى الجميل ده .. أنا معروض عليه عربيه أوبل فيكترا .2003. خلييييييجى. مرفوعه 4 سنوات . كامله أوتوماتيك . زى تقريبا زى ماتقولوا كده ان العربيه لو فعلا مرفوعه وده الاقرب للصحيح إنها تبقى زيرو على اساس الكلام ده . . . . العربيه فتحه سقف ديفيدى ومش فاككر فيها جنوط كمان ولا لا.. هو بيتكلم فى 85 ألف جنيه ياريت بعد إذنكوا أسمع أرائكوا من حيث العربيه نفسها والسعر المناسب ليها كعربيه وكسوق برده . ومميزات وعيوب العربيه من جميع النواحى والسعر طبعا برده وتنصحونى بإيه؟ أرجو الرد ... على فكره لو جبتها بإذن الله طبعا هتبقى أول عربيه أجيبها أرجو ملاحظه ذلك . مع إنى عارف ان فى عربيات تانيه مقاربه للسعر تقريبا. شكرا ليكوا وكل سنه وإنتم طيبين......

[HNaga]

عامة أول مرة أسمع عن فكترا خليجى لكن بغفتراض ان الكلام ده صحيح و حالة العربية زى مابتقول يبقى سعرها كويس

[وسام]

شكرا ليك ياهشام باشا وعلى ردك السريع عليه

[وسام]

أنا برده أول مره أسمع إن فى أوبل فيكترا خليجى 2003 بس أنا قولت أشرك أعضاء المنتدى ومحبى الأوبل معايا ومحدش رد وكنت أرجوا الرد على كلامى عشان لو ربنا أذن وأشتريها

[abdelaziz-waleed]

بصراحة انا لا اعتقد ان في أوبل فكترا في الخليج، انا اخويا بيشتغل في الكويت عمره ماشاف هناك اوبل فكترا بس على العموم السعر ممتاز جداً لو حالة العربية كويسة لأن ده سعر الأوبل من 2001 حتى 2003 على حسب حالة العربية بس اتأكد من موضوع خليجي ده الأول يعني أسأل ايه الفرق بينها وبين المصري وهل كل قطع الغيار الل هنا ممكن تركب عليها ولا لأ لأن انا ليا واحد صاحبي اشتري هيونداي النترا خليجي ومعرفشي يجيبلها بعض قطع الغيار للعفشة من مصر فبعها وخسر فيها، وانا بيني وبينك شايف ان السعر اقل شوية من الطبيعي، دي ممكن يطلب فيها 95 على الحالة ده

[وسام]

شكرا ليك ياوليد باشا على ردك وربنا يسهل إن شاء الله أنا بس مشغول اوى الايام دى ومش عارف أشوف العربيه كويس ولا حتى غيرها بس ربنا يسهل بس أفضى وربنا يكرم ...بس متهيألى إن العربيه كويسه على الحاله اللى قولت عليها والله أعلم عشان زى ماقولتلك مش فاضى وحوار الخليجى ده برده كنت عايز أعرف أراء الناس فيه ونتا قولتلى إنها مفيش خليجى منها والله أعلم برده كنت عايز أعرف رأى الأعضاء كل واحد بخبرته وينصحنى بإيه من ناحيه عربيات تانيه مقاربه ليها كعربيه وكسعر وربنا يكرم شكرا ليكوا

[SEATLOVER]

الخليجى دى غريبة شوية ... ممكن يكون قصدة انها كانت جاية جمرك او حاجة
على العموم ..لو العربية اول يد تأكد من ورق العربية الاصلى و الكتالوجات و الاستبن ... دة هايوضحلك اذا كانت مرفوعة ولا لأ ..
و بالنسبة للسعر (السعر دة مدروس كويس اوى يعنى اكيد سأل فيها كذا حد و درس السوق كويس )

بس العربية دى عموماً تحفة (ممتازة) ..اكشف عليها كويس و توكل على الله

[farahat]

لو هي 2000cc و بالسعر دة تبقى فعلا كويسة

[mohamed ibiza]

opel vectra is wonderfull 1600 cc or 2000 cc al 2 t7f al 2000 better tb3n bs al 2 t7f akshf w atwkl 3la allah


























IBIIIIIIIIIIIIIIIIIIIIIIIIIIIIIIIIIIIIIIIIIIIIIIII ZZZZZZZZZZZZZZZZZZZZZZZZZZZZAAAAAAAAAAAAAAAAAAAAAA AA FOR EVER

[tmz9111]

بالسعر دة تبقى فعلا كويسة

[وسام]

إتباعت يارجاله ب 83 ألف جنيه لتاجر ودلوقتى طالب 90 ألف جنيه ههههههه يلا نصيب بقى غطونى وصوتوا عليه

[HNaga]

من 83 ل 90؟

لو ضغطت عليه هتاخدها أقل من كده بكتير

[abdelaziz-waleed]

بصراحة انت زعلتني اوي ربنا يرحمنا من التجار الجشعين دول. عموماً ما تزعلش خالص. لو ليك نصيب فيها اكيد هاتكون بتاعتك إن شاء الله. بس حاول تضغط عليه وتخلصها على 85 او 86 بالكتير وربنا يعوضك بالاحسن منها إن شاء الله

[Sharky]

أنا أول مرة أسمع على موضوع أوبل فكترا خليجى و موديل 2003 لإن فى 2003 نزل بره الشكل إللى بيتباع دلوقتى فى مصر
هى العربية دى 1600 و لا 2000 و مانيوال و لا اتوماتيك و عاملة كام كيلوكتر ؟

[وسام]

يلا بقى نصيب الحمد لله أهلا بيك ياشارك باشا العربيه 2000سىسى أتوماتيك كاملة اللى سمعته بقى إنها تقريبا كانت عامله 20000كيلو بس