موتور فيكترا 1997 أتوماتيك 2000cc

[NoraMagdy]

السلام عليكم ورحمة الله وبركاته

موتور فيكترا موديل 1997 أتوماتك 2000cc

كم صبابا وكم كامة وكم حصان؟ واذا امكن صوره ليه؟ وهل يفرق عن موتور موديل 98 او 99 أو 2000 الـ 2000cc الاتوماتيك؟ وايه الفروقات دى؟

لو الموتور مظبوط ... ما معدل استهلاك البنزين لفيكترا 97 موتور 2000cc أتوماتيك ، داخل وخارج البلد كم كيلو للصفيحة؟

شكراً جزيلاً

[cayman69300]

السلام عليكم ورحمة الله وبركاته

موتور فيكترا موديل 1997 أتوماتك 2000cc

كم صبابا وكم كامة وكم حصان؟ واذا امكن صوره ليه؟ وهل يفرق عن موتور موديل 98 او 99 أو 2000 الـ 2000cc الاتوماتيك؟ وايه الفروقات دى؟

لو الموتور مظبوط ... ما معدل استهلاك البنزين لفيكترا 97 موتور 2000cc أتوماتيك ، داخل وخارج البلد كم كيلو للصفيحة؟

شكراً جزيلاً

السلام عليكم
16 صباب & كامة واحدة & 115 حصان
الله اعلم اذا كان يفرق عن الموتور للـ 98 او 99 او 2000
الموتور مظبوط برة البلد من غير :
1- تكييف
2- السرعة من 90 : 100 كم / س
3- مع اتجاة الهواء فى مرة و المرة اخرى فى عكس اتجاة الهوا " نفس الطريق لضمان نفس العوامل من خشانة الطريق و كمية البلك الموجودة علية و فى نفس التوقيت لان بالليل غير بالضهر "
4- التموين يكون من نفس البنزينة لتفادى اللعب فى مؤشر الطرمبة بتاعه البنزينة
فى الاخر المعدل يكون 230 كم / الصفيحة اللى هى 20 لتر
فى الحكاية دى مش سهلة " حساب استهلاك العربية بالظبط " و كلنا بنقول تقريبا يعنى ممكن تفرق من 10 : 20 كم / الصفيحة
و يا فندم التردد كتير مقرف و بيزهق و بيجيب ملل
توكلى على الله و اشترى و العربية دى من احسن موديلات فى الاوبل
بس المهم تروحى مركز خدمة معتمد علشان يقولك على اللى فى العربية - او ممكن مركز صيانة يكون محتر زى مقار اللى فى الدقى
و لاحظى برضوا ان كل يوم بتتاخرى فى الشرا بتتكلفى اد كدة مصاريف تاكسيات و بهدلة مواصلات حتى لو كنتى بتاجرى لموزين
و فى اخر كلامى
الله الموفق

[Ahmed_lol2007]

أنا معايا 2000 سى سى موديل 98
هو الموتور لونه إسود و8 صباب وحوالى 115 حصان بس بصراحة الموتور جبار والله تحسى أنه أكتر من كدة
هو لغاية 99 تقريبا مش مختلف لكن بعد كدة ركب الايكوتيك ودة فى فرق طبعا بين الاتنين حوالى 20 حصان (بس أنا مبسوط جدا باللى عندى)
خارج البلد ممكن 220 الى 240 على سرعة من 100 الى 150 لكن عمرى ما جربته على 90 لانى مش بحس بالعربية وهيا بتجرى
وجود البلد فى حدود 160 الى 180
الحمد لله هو مش تاعبنى فى حاجة ومخلينى بدوس مع إى عربية وأنا مش هاممنى (لانسر - صنى - بورا - النترا - سيراتو - وعربيات كتير جدا)
وفعلا زى ما الدكتور قال بلاش حكاية التردد دى عشان هتتعبى أوى منها
لو العربية عجباكى توكلى على الله وخلصى ولو مش عجباكى يبقى بلاها

[cayman69300]

أنا معايا 2000 سى سى موديل 98
هو الموتور لونه إسود و8 صباب وحوالى 115 حصان بس بصراحة الموتور جبار والله تحسى أنه أكتر من كدة
هو لغاية 99 تقريبا مش مختلف لكن بعد كدة ركب الايكوتيك ودة فى فرق طبعا بين الاتنين حوالى 20 حصان (بس أنا مبسوط جدا باللى عندى)
خارج البلد ممكن 220 الى 240 على سرعة من 100 الى 150 لكن عمرى ما جربته على 90 لانى مش بحس بالعربية وهيا بتجرى
وجود البلد فى حدود 160 الى 180
الحمد لله هو مش تاعبنى فى حاجة ومخلينى بدوس مع إى عربية وأنا مش هاممنى (لانسر - صنى - بورا - النترا - سيراتو - وعربيات كتير جدا)
وفعلا زى ما الدكتور قال بلاش حكاية التردد دى عشان هتتعبى أوى منها
لو العربية عجباكى توكلى على الله وخلصى ولو مش عجباكى يبقى بلاها

Take It OR Leave It
يعنى اقبليها او ارفضيها
و على راى المثل
ضربة مرزبة و لا ميت ضربة شاكوش
استخيرى و اعتمدى على الله و لو فيها خير يبقى الموضوع هيكل و لو مفيهاش يبقى الموضوع هيقف

[thug]

انا رأيي إعملي صلاه استخاره وتوكلي علي الله
لأن الحيره اللى حضرتك فيها دي ممكن تخليكي تجيبي عربيه حلوه ومفهاش غلطه بس قدمها فقر أو عربيه مفهاش خير ولا بركه
وفي النهايه العربيات اللى حضرتك قولتي عليها دي كلها حلوه بس الحاله والشكل والموتور أهم 3 حاجات

[cayman69300]

ممكن ان شاء الله تشترى
بس علينا و عليك بخير فى الشتاء اللى جاى
علشان مشكلة الحرارة فى الاوبل
و من دلوقتى احنا من هنا من منتدى الاوبلاوية
الاوبل بتسخن و دا الطبيعى بتاع العربية
و العربية كويسة
و الله العظيم كويسة
و قطع غيارها ممتازة
و مريحة فى السفر
و بنت حلال مصفى
و ربنا يديكى خيرها و يكفيكى شرها " مقدما على شرا العربية "
و انا متاكد بعد كل التردد دة حضرتك هتشترى عربية تانية خالص لا على البال و لا على الخاطر

[NoraMagdy]

و يا فندم التردد كتير مقرف و بيزهق و بيجيب ملل
توكلى على الله و اشترى و العربية دى من احسن موديلات فى الاوبل
بس المهم تروحى مركز خدمة معتمد علشان يقولك على اللى فى العربية - او ممكن مركز صيانة يكون محتر زى مقار اللى فى الدقى
و لاحظى برضوا ان كل يوم بتتاخرى فى الشرا بتتكلفى اد كدة مصاريف تاكسيات و بهدلة مواصلات حتى لو كنتى بتاجرى لموزين

انا لا متردده ولا قرفانه ولا زهقانه ولا حتى مليت
وبعدين حاسه ان حضرتك مندوب شركة ادويه
ودول أخر ناس يتكلموا عن القرف والزهق والملل .. هههههههههههههههههههههههههه
لأنى دكتوره وعارفاهم .. هههههههههههههههههههههههههه

مره تانى انا لا متردده ولا قرفانه ولا زهقانه ولا حتى مليت
كل يوم او يومين بيتعرض على عربيه واتنين وثلاته - وانا الى هأختار لأنى انا الى هأدفع الفلوس - وانا الى هأركب العربية

من حوالى شهر اتعرض على اوبل 95 مانيوال 1600cc راشه بره بـ 44 الف (قبل الفصال) - وكنت مبسوطه جداً وتانى يوم جبت معايا الفلوس عشان اشتريها (مع ان الميكانيكى قال انها غاليه) - لكن قولت الف او اتنين مش مهم طالما العربية عجبانى والميكانيكى قال انها كويسه. فى اليوم التالى كان معايا طبعاً احد اقاربى - ففاصل فى السعر حاول ينزل 1000 جنيه - صاحب العربيه رفض ، انا قولت 43.5 (وفى نيتى كنت مستعده ادفع 44) - برضوا رفض "بس بقلة ادب شويا" - وانا كنت مصليه استخاره فى العربية فقلت يبقى ربنا سبب الاسباب عشان البيع لا يتم.

بعد كم يوم صاحب العربية اتصل وقال انه موافق على 43.5 - كان يوم خميس وكنت رجعت الفلوس البنك - والبنوك قافله جمعه وسبت - فكنت هاسحب الفلوس يوم الحد واشتريها. اتصل 3 مرات تانى ايام الجمعه والسبت والسعر وصل 41 ألف ... كل دا من غير فصال - كل الى حصل انى ما قولتلوش انى مستنيه البنك يفتح - بس هو فهم انى صرفت نظر. وبعدها انا كنت صرفت نظر فعلاً لانى قلقت.

فى خلال الفتره دى كان اتعرض على اوبل 95 أتوماتك بـ 36 ألف (قبل الفصال) ، بس شكلها من بره ما عجبنيش.

بعد كدا اتعرض على أوبل 97 أتوماتك بمبلغ 45 ألف (قبل الفصال) كانت عفشتها 50%. فكرت فيها وبعدين اعضاء المنتدى نصحونى اشترى عربيه مش محتاجه مصاريف.

وحالياً معروض على أوبل 97 أتوماتك بـ 47 ألف (الى بأسأل عن موتوها فى الموضوع هنا) مش محتاجه مصاريف. وأوبل 98 أتوماتك بـ 47.5 بس لسه ما شوفتهاش.
دا غير حجات تانى فى النص لا داعى لذكرها لان منظر العربيه ما عجبنيش من قبل ما يشوفها الميكانيكى

فهو مش تردد (انا اتسرعت فى الـ 95 بسعر 44 ألف وكنت هأخد قرار غلط) - تقدر تقول تأنى فى اتخاذ القرار - لأننا مثقفين ولازم نفكر مش نقول "ضربة مرزبة و لا ميت ضربة شاكوش" هههههههههههههه ... بس متزعلش منى - وأكيد حضرتك عارف ان اتخاذ القرار السليم يسبقه صنع القرار، وعملية صنع القرار تتكون من خمس عناصر:

1. تشخيص المشكلة
2. تحديد البدائل المتاحة وتقويمها
3. جمع البيانات والمعلومات الدقيقة والصحيحة عن كل بديل
4. مداولة الرأى واختيار البديل المناسب
5. تنفيذ القرار

تشخيص المشكله : شراء سيارة
تحديد البدائل المتاحة وتقويمها: استقر الرأى على فيكترا والبدائل المتاحة بين الموديلات المختلفة للفيكترا
جمع البيانات والمعلومات الدقيقة والصحيحة عن كل بديل: احاول أعرف مميزات وعيوب كل موديل من المتاح
مداولة الرأى واختيار البديل المناسب: بعد جمع المعلومات واستبعاد الغير مناسب، سيكون الاختيار اسهل
تنفيذ القرار: شراء ما استقر عليه الرأى

اتمنى تكون الصوره واضحة

عل فكره يا دكتور الموتور 8 صبابات مش 16 - والمعلومه الغير دقيقه لا تساعد فى صنع القرار السليم

[tamertamer]

الموتور 8 صباب 115 حصان
المتور هو هو لا اختلاف فية بين كل الموديلات الختلاف فقط فى الكنترول يونت بعد 97 بس كدة عشان فى مودلات فيها مبتنزلش بشباية المفتاح الانبوليزر عشان كدة فى اختلاف غير كدة واحد
بس انا بنصح بعدم اقتناء هذا المتور بذات لانة متعب ومشكلة كتير فى المستعمل بذات جير بقالة فترة طويلة مستعمل بيكن هلك جامد غير حجات كتير لو العربية مش حالة موميزة بلاش منها وعلى فكرة الحالات الندرة بيطلب فيها 50 وسعات بتذيد كمان
طبعا انت بتعمل اكبر صح انك متتسرعش خالص فى اتخاز القرار شراء العربية لان ببساطة انت مبتشتيرش حاجة دية كل يوم وانا غلبت اقول اظبر وتاكد بعد كدة اشترى

[yazzoon2005]

ماتور 2000cc 16v وهذه صورته


ماتور 2000cc 8v وهذه صورته

[Ahmed_lol2007]

الموتور 8 صباب 115 حصان
المتور هو هو لا اختلاف فية بين كل الموديلات الختلاف فقط فى الكنترول يونت بعد 97 بس كدة عشان فى مودلات فيها مبتنزلش بشباية المفتاح الانبوليزر عشان كدة فى اختلاف غير كدة واحد
بس انا بنصح بعدم اقتناء هذا المتور بذات لانة متعب ومشكلة كتير فى المستعمل بذات جير بقالة فترة طويلة مستعمل بيكن هلك جامد غير حجات كتير لو العربية مش حالة موميزة بلاش منها وعلى فكرة الحالات الندرة بيطلب فيها 50 وسعات بتذيد كمان
طبعا انت بتعمل اكبر صح انك متتسرعش خالص فى اتخاز القرار شراء العربية لان ببساطة انت مبتشتيرش حاجة دية كل يوم وانا غلبت اقول اظبر وتاكد بعد كدة اشترى

صباح الخير يا تامر عامل إيه يابرنس
هو إنت مش بتنصح له بالموتور دة
هل فى عيوب ولا عشان الاستهلاك بتاعه

[cayman69300]

اولا : شكرا على ردك
ثانيا : انا فعلا كنت مندوب دعاية ادوية و لكن دلوقتى مدير منطقة National Area Manager
ثالثا : اعتذر عن كتابة 16 صباب بدل 8 صباب و طبعا عارف ان معلومة زى دى مهمة جدا جدا ليكى
رابعا : طبعا مع تقدرير الشديد ليكى فى الكلام الجميل و الخاص و المفيد لتحديد المشكلة
بس و لا فى اى موقف من المواقف اللى حضرتك كتبتيها جبتى سيرة اكشف على العربية فى التوكيل - او مركز معتمد - او اى حاجة زى كدة
مش الطبيعى ان فى الطب حاجة اسمها سونار & mrt & ct و لا الميكانيكى اللى حضرتك بتجبية معتمد و معاه اجهزة بتاعة الكشف
دة كلامى
و ربنا يوفقك

[cayman69300]

اولا : شكرا على ردك
ثانيا : انا فعلا كنت مندوب دعاية ادوية و لكن دلوقتى مدير منطقة National Area Manager و دة السبب اللى مش مخيلنى زى مندوبين الدعاية اللى باله طويل و مش بيزهق و لا بيقرف لان دكتور واحد فى منطقة كاملة تمثل 24 % من الجمهورية مش مهم مهما كانت صفته و صورته
ثالثا : اعتذر عن كتابة 16 صباب بدل 8 صباب " الاعتراف بالخطا يعتبر حوالى 75 % من حل المشكلة " و طبعا عارف ان معلومة زى دى مهمة جدا جدا ليكى
رابعا : طبعا مع تقدرير الشديد ليكى فى الكلام الجميل و الخاص و المفيد لتحديد المشكلة و اللى بصراحة افادنا كلنا و ممكن بسبب طريقة تحديد المشكلة الموضوع دة ينقلوه للمنتدى العام لتعليم باقى الاقسام و تحصيل الاستفادة كاملة من طريقة تحديد المشكلة على الاسس العلمية
بس الغريب و لا فى اى موقف من المواقف اللى حضرتك كتبتيها جبتى سيرة اكشف على العربية فى التوكيل - او مركز معتمد - او اى حاجة زى كدة
مش الطبيعى ان فى الطب حاجة اسمها سونار & mrt & ct و لا الميكانيكى اللى حضرتك بتجبية معتمد و معاه اجهزة بتاعة الكشف
دة كلامى
و ربنا يوفقك

[amrdiab]

اسمحوا انقل تجربتي لعلها تفيد
============
اولا اللي بتعمله الدكتوره ده اكبر صح لان اصعب قرار قرار اقتناء سياره فما بالك بسياره مستعمله وربنا ما يحرمنا من الناس الحلوه اللي ميعجبهاش العجب ولا الصيام في رجب لان حوالينا ناس اجارك الله نادر لما واحد يدل علي الخير .
العربيه اللي كنت هشتريها كانت حاله شاذه بمعني الكلمه لدرجه تشكك فاخدت واحد صاحبي عامل انه بيفهم. العربيه وهمته ودخلت دماغه ومن كتر ما عجبته قالي العربيه دي متفرطش فيها دي تحفه وكان تاني يوم رايح اقيس الموتور زي مااتفقنا مع الراجل صاحبها ومن عادتي اني ماتكلمش الا والفلوس معايا وعشان كده اجلت الكشف ع الموتور يوم كمان . ففوجئت بصاحبي بيقولي اوعي تشتري العربيه ,دي دي فيها وفيها وفيها واللي غاظني انه عكس كل الكلام اللي قاله ... ساعتها اترددت بس انا كمان ليا عنين العربيه تحفه ومنصوبه و بتاعه دكتور وعامله كم قليل والحاله الخارجيه والداخليه توحي بان العربيه كانت فرد من الاسره مش مجرد ركوبه ولا كانت استخدام شاب طايش ضيعها...المهم مجبتش لصاحبي ده سيره ورحت لوحدي مع حد من قرايبي بيفهم صح وكشفنا ع الموتور و العفشه والبارومه وكل شيئ وكانت المفاجئه ان نظرتي انا اللي كسبت وكلام صاحبي كله اوهام .....المهم جيت اتمم البيعه لقيته بيرن عليا وبيقولي انت برضه عايز تمشي في البيعه دي...انا استغربت هو عرف منين دانا مقلتش لحد... المهم اول ما بحب مديش حد عقاد نافع اقوله يا مسهل... وعلي كده في كل سؤال لحد ما زهق وقفل... وانا محتار عرف منين!!!!...المهم رحت اكتب العقد ففوجئت بالراجل بيقولي صاحبك ده مش تمام قلتله مين قالي اللي جه معاك اول مره قلتله ليه قالي لانه كان عايز ياخد العربيه لواحد صاحبكم اسمه كذا لغايه الان انا مش مصدق طب صاحب العربيه عرف اسم صاحبنا منين ماعلينا رن التليفون بتاع صاحب العربيه وفوجئت بيه بيوريني النمره اللي هيا نمره صاحبي وبدأ يكلمه وعرفت من ردود صاحب العربيه انه كان عايز يفشكل البيعه لمصلحه واحد تاني.

خلاصه الكلام
1- حتي لو كان الواحد مش بيفهم في العربيات كتير العربيه بتتكلم وبتقول حالتها
2-خدي وقتك محدش بيجري وراكي واسألي واحد وعشره لحد الاطمئنان دول مش الف ولا الفين دول الوفات كتيره.
3- الكشف عند ناس ثقه وقيسي الموتور.
4-اياكي وكلام الناس وانه يعكنن عليكي ناس كتير بلا استثناء نادر مايقولو الحق لما تبيعي يقولولك اضحك عليكي كنت قولتلنا وكنا جبنا سعر اكبر ...ولما تشتري يعكسوا الكلام ويقولوا كنا جبنا سعر اقل وحاله انضف
5-كنت محدد اوبل وفيكتر و1600 مانيوال ....وده لاسباب كتبر منها
- الاوبل ماركه
-في مصر الاوبل يعني فيكترا مع احترامي لكل الموديلات الاخري
-1600 جرايه وقوبه واقتصاديه في الضريبه والبنزين واعطالها معروفه
-مانيوال لاننا في الصعيد صعب نلاقي حد عنده خبره جامده في الاوتوماتك. وناس كتير اشتكت من 2000 من استهلاك بنزين وضريبه وماف و..و..و..و.. بس ميزه الاوتوماتك في الراحه من الغيارات خاصه في الزحام وميزه 2000cc في السفر مسافات طويله والشعور بالقوه ... واعتقد ان البنات يناسبهم اكتر 1600 عشان مش بيحبوا يغامروا بالسرعه والاكثر ملائمه للبنات الكورسا الهاتش باك "مجرد راي"
6- يبقي توفيق الله والنصيب واوعي تفشكلي بيعه علي 500 ولا الف جنيه لوحاله العربيه ممتازه ده اليوم عند الميكانيكي بشهر وعند السمكري بسنه والحاله الجيده تكفينا شر دول

[tamertamer]

صباح الخير يا تامر عامل إيه يابرنس
هو إنت مش بتنصح له بالموتور دة
هل فى عيوب ولا عشان الاستهلاك بتاعه

لانة بلغة الصنيعية غلباوى اوى
سدقنى مش حكايت مبنصحش بية انا بنصح باى عربية حالة شاذة عشان متبهدلش صحبهاء بس فعلا ال2000 مشكلها مش قليلة لو جت متبهدلة شوية وخصوصا للستات معندهم طهقان عند المكنيكية ومبيخدوش بلهم من الحرارة ولا مية انا عندى اختى مطلعة عيييييييييييييييييينى ومتزعلش منى العربية دية بذات محدش بيفرت فيها وهى مريحاة ابدا نادرا ويوم مبيفكر بيطلب سعر بتلكك عشان ميبعهاش انا فى واحد جارى هيموت ويشترى عربيتى وكلم كذا مرة بتاع الجراج بس انا مش هبعها هديها لحد من البيت اصلا خسارة هبعها زيها زى اللانوس مثلا

اسمحوا انقل تجربتي لعلها تفيد
============
اولا اللي بتعمله الدكتوره ده اكبر صح لان اصعب قرار قرار اقتناء سياره فما بالك بسياره مستعمله وربنا ما يحرمنا من الناس الحلوه اللي ميعجبهاش العجب ولا الصيام في رجب لان حوالينا ناس اجارك الله نادر لما واحد يدل علي الخير .
العربيه اللي كنت هشتريها كانت حاله شاذه بمعني الكلمه لدرجه تشكك فاخدت واحد صاحبي عامل انه بيفهم. العربيه وهمته ودخلت دماغه ومن كتر ما عجبته قالي العربيه دي متفرطش فيها دي تحفه وكان تاني يوم رايح اقيس الموتور زي مااتفقنا مع الراجل صاحبها ومن عادتي اني ماتكلمش الا والفلوس معايا وعشان كده اجلت الكشف ع الموتور يوم كمان . ففوجئت بصاحبي بيقولي اوعي تشتري العربيه ,دي دي فيها وفيها وفيها واللي غاظني انه عكس كل الكلام اللي قاله ... ساعتها اترددت بس انا كمان ليا عنين العربيه تحفه ومنصوبه و بتاعه دكتور وعامله كم قليل والحاله الخارجيه والداخليه توحي بان العربيه كانت فرد من الاسره مش مجرد ركوبه ولا كانت استخدام شاب طايش ضيعها...المهم مجبتش لصاحبي ده سيره ورحت لوحدي مع حد من قرايبي بيفهم صح وكشفنا ع الموتور و العفشه والبارومه وكل شيئ وكانت المفاجئه ان نظرتي انا اللي كسبت وكلام صاحبي كله اوهام .....المهم جيت اتمم البيعه لقيته بيرن عليا وبيقولي انت برضه عايز تمشي في البيعه دي...انا استغربت هو عرف منين دانا مقلتش لحد... المهم اول ما بحب مديش حد عقاد نافع اقوله يا مسهل... وعلي كده في كل سؤال لحد ما زهق وقفل... وانا محتار عرف منين!!!!...المهم رحت اكتب العقد ففوجئت بالراجل بيقولي صاحبك ده مش تمام قلتله مين قالي اللي جه معاك اول مره قلتله ليه قالي لانه كان عايز ياخد العربيه لواحد صاحبكم اسمه كذا لغايه الان انا مش مصدق طب صاحب العربيه عرف اسم صاحبنا منين ماعلينا رن التليفون بتاع صاحب العربيه وفوجئت بيه بيوريني النمره اللي هيا نمره صاحبي وبدأ يكلمه وعرفت من ردود صاحب العربيه انه كان عايز يفشكل البيعه لمصلحه واحد تاني.

خلاصه الكلام
1- حتي لو كان الواحد مش بيفهم في العربيات كتير العربيه بتتكلم وبتقول حالتها
2-خدي وقتك محدش بيجري وراكي واسألي واحد وعشره لحد الاطمئنان دول مش الف ولا الفين دول الوفات كتيره.
3- الكشف عند ناس ثقه وقيسي الموتور.
4-اياكي وكلام الناس وانه يعكنن عليكي ناس كتير بلا استثناء نادر مايقولو الحق لما تبيعي يقولولك اضحك عليكي كنت قولتلنا وكنا جبنا سعر اكبر ...ولما تشتري يعكسوا الكلام ويقولوا كنا جبنا سعر اقل وحاله انضف
5-كنت محدد اوبل وفيكتر و1600 مانيوال ....وده لاسباب كتبر منها
- الاوبل ماركه
-في مصر الاوبل يعني فيكترا مع احترامي لكل الموديلات الاخري
-1600 جرايه وقوبه واقتصاديه في الضريبه والبنزين واعطالها معروفه
-مانيوال لاننا في الصعيد صعب نلاقي حد عنده خبره جامده في الاوتوماتك. وناس كتير اشتكت من 2000 من استهلاك بنزين وضريبه وماف و..و..و..و.. بس ميزه الاوتوماتك في الراحه من الغيارات خاصه في الزحام وميزه 2000cc في السفر مسافات طويله والشعور بالقوه ... واعتقد ان البنات يناسبهم اكتر 1600 عشان مش بيحبوا يغامروا بالسرعه والاكثر ملائمه للبنات الكورسا الهاتش باك "مجرد راي"
6- يبقي توفيق الله والنصيب واوعي تفشكلي بيعه علي 500 ولا الف جنيه لوحاله العربيه ممتازه ده اليوم عند الميكانيكي بشهر وعند السمكري بسنه والحاله الجيده تكفينا شر دول

صحبك دة ولا عدوك فعلا الاصحاب مواقف
خير ونصيب

[Ahmed_lol2007]

مشكور يا تامر باشا
وبعدين أنا مش زعلان والله أنا بس كنت عايز أخد فكرة عشان لو كان فى عيب أخد بالى منه
وبعدين أنا مقدرش أزعل منك ىا تمورة