موتور فيكترا 1997 أتوماتيك 2000cc

[hardman20060]

انا معايا الموتور ده وهو بصراحه ما شاء الله محترم اوي ومبشوفش منه اي مشاكل اما بالنسبه لموضوع السخونه فلو العربيه متظبطه مفهاش اي مشاكل عمرها ما هتسخن حتي لو في عز الضهر والتكييف شغال كمان اما بالنسبه للسعر فده حاجه متعلقه بحاله العربيه يعني نفس الموديل بيتطلب فيه 55 كمان مش 47 المهم تشتري عربيه مش محتاجه مصاريف حتي لو غاليه شويه لان العربيه لو نص عمر بتبقي مقرفه اوي عشان الواحد يصلحها ويرجعها لطبيعتها وهتصرف كتير اوي كمان.

[NoraMagdy]

السلام عليكم

amrdiab
شكراً جزيلاً لنصايحك الايجابية وتجربتك الى فيها دروس بجد والله مفيده جداً

tamertamer
شكراً جداً للنصحية - وان شاء الله ابحث عن موتور 2000cc بحاله ممتازه فإذا لم اجد يبقى امرى لله فى 1600cc مانيوال - مع انى نفسى فى الاتوماتك

hardman20060
شكراً لردك - وكلامك دا خفف الخوف عندى من 2000cc الاتوماتك (الى نفسى فيها)
بالنسبه للسعر فأنا مرجعى استشارة الاخ شريف وهبة (أستشارى تسعير السيارات بالمنتدى) : http://www.nilemotors.net/Nile/3872665441-post2656.html

الاستاذ الفاضل العبقرى شريف وهبه ...

أمامى سيارات مواصفاتهم كالآتى:
أوبل فكترا، صالون، جميع الكماليات، بدون فتحه سقف، دواخل فبريكه، راشه بره، حاله جيدة جداً.

موديلات 1996(الشكل القديم) و 1996(الشكل الجديد) و 1997 و 1998 و 1999 و 2000
أرجوا التكرم بالتسعير لكل موديل، فى حالة الـ 1600cc مانيول و فى حالة الـ 2000cc أتوماتيك

معذرة على الإطالة، وشكراً جزيلاً لمجهودك المميز.

طبعا انا هديلك رينج في المتوسط لان كل عربية وليها ظروفها لكن مع تثبيت دواخل الشركة والحالة العامة جيدة والكماليات شغالة ومفيش مصاريف
موديل الـ 1997 والـ 1998 الـ 1600cc: تعمل 45 ألف --- والـ 2000cc: تعمل 47 ألف
موديل الـ 1999 والـ 2000 الـ 1600cc: تعمل من 49 ألف الي 52 ألف --- والـ 2000cc تعمل 52 الف الي 55 الف علي حسب انها الشكل المعدل ولا الشكل بي العادي

والشكر طبعاً للأخ yazzoon2005 و thug و Ahmed_lol2007 للمشاركتهم المفيده والايجابية

[Ahmed_lol2007]

يا استاذة أنا معايا 98 وجالى فيها أكتر من مرة 60 الف
ومرة 65 الف يعنى أنا مليش دعوة بالاسعار اللى فى السوق

[tamertamer]

للاسف التسعير دة غلط تماما ويفتقر الى المعرفة بالسيارة
للعلم فقط الفكترا b من اول 96 حتى 2003 1600 منوال لا ختلاف فيها تماما شسية واحد تكنولوجيا وحدة عفشة وحدة كل حاجة وحدة الفروق فى الفونيس والكسدمات وسنة الموديل اى ان لو عربية 97 مشية 80 الف كيلو افضل من 2003 مشية 150 الف كيلو
نفهم من كدة ان العربيات الالمانى بتعتمد فى تسعرها على الحالة فقط لا غير وممكن تفرق 10 الف جنية عادى جدا وعلى فكرة
2000 سىسى فى الموديلان من 96 الى 99 فى التسعير اقل لان للاسف غير مرغوب فيها بالنسبة للبيع والشراء
كمان التسعير دة اهمل الاتى كمان
موديل الـ 1999 والـ 2000 الـ 1600cc: تعمل من 49 ألف الي 52
الا يعلم ان دة موديل B1 99 وموديل 2000 B2
التقيم دة غلط تماما ولا انصح بية تماما لانة يفتقر الى المعرفة بالسيارة
وفى موتير منوال وفى موتير اوتومتك الفروق كتير وعديدة

[Ahmed_lol2007]

الله ينور يا تامر

[ENG\AHMED]

استفسار بس
لما 97 حالة جيدة تعمل 47 الف .. اومال لو حالة تعبانة تعمل كام !!
بلاش الفكترا 94 و 95 بكام بقى على كدة , دة كدة يبقى زيها زى ال 128 بقى !!!

الاسعار دى بناء على اية ؟؟ سوق الجمعة !!
سوق الجمعة دة عن تجربة مرضاش اشترى منة اى عربية اكتر من 95% عربيات تعبانة ومشدودة وشغل تجار
الغريب ان فى انواع معينة لما تتكلم عن سعرها يقولك اصل السوق نايم وانواع تانية تلاقى سوقها لسة صاحى ومفنجل منمش
انا مش بتكلم عن الاوبل بس لأ انواع تانية كتير نفس النظام
ياجماعة اللى عايز يشترى ينزل يلف ويشوف حالات واسعار بلاش التسعير الهميونى اللى بيربط دماغ الناس وخلاص

بالمناسبة انا فاكر من 3 او 4 سنين كان اللى بيبيع ال cdx بيحط رجل على رجل ويطلب 110000 وبتوصل ل 130000 كمان ... النهاردة الناس بتتكلم ان كبيرها 70000 وواحد يرد لأ دى 65000 دة لو لسة متعلقة على خط الانتاج فى المصنع لسة مشتغلتش وتانى يرد لاااااا حرام ياجماعة ممكن توصل 75000
كل واحد عمال يسعر وهو قاعد فى مكانة من غير لما حد يشوف العربية
ياجماعة كلمة حالة جيدة وممتازة وفابريكة دى مطااااااااطة اوى وكل واحد لية وجهة نظرة فياريت زى مابنتكلم فى السعر نتكلم فى الحالة برضة لأنها فى الاخر فلوس برضة زيها زى السعر بالظبط

[cayman69300]

استفسار بس
لما 97 حالة جيدة تعمل 47 الف .. اومال لو حالة تعبانة تعمل كام !!
بلاش الفكترا 94 و 95 بكام بقى على كدة , دة كدة يبقى زيها زى ال 128 بقى !!!

الاسعار دى بناء على اية ؟؟ سوق الجمعة !!
سوق الجمعة دة عن تجربة مرضاش اشترى منة اى عربية اكتر من 95% عربيات تعبانة ومشدودة وشغل تجار
الغريب ان فى انواع معينة لما تتكلم عن سعرها يقولك اصل السوق نايم وانواع تانية تلاقى سوقها لسة صاحى ومفنجل منمش
انا مش بتكلم عن الاوبل بس لأ انواع تانية كتير نفس النظام
ياجماعة اللى عايز يشترى ينزل يلف ويشوف حالات واسعار بلاش التسعير الهميونى اللى بيربط دماغ الناس وخلاص

بالمناسبة انا فاكر من 3 او 4 سنين كان اللى بيبيع ال cdx بيحط رجل على رجل ويطلب 110000 وبتوصل ل 130000 كمان ... النهاردة الناس بتتكلم ان كبيرها 70000 وواحد يرد لأ دى 65000 دة لو لسة متعلقة على خط الانتاج فى المصنع لسة مشتغلتش وتانى يرد لاااااا حرام ياجماعة ممكن توصل 75000
كل واحد عمال يسعر وهو قاعد فى مكانة من غير لما حد يشوف العربية
ياجماعة كلمة حالة جيدة وممتازة وفابريكة دى مطااااااااطة اوى وكل واحد لية وجهة نظرة فياريت زى مابنتكلم فى السعر نتكلم فى الحالة برضة لأنها فى الاخر فلوس برضة زيها زى السعر بالظبط

الله يفتح عليك
جبت المفيد
و انا علشان كدة بقول الفحص ثم الفحص
علشان نقطع الشك باليقين
لان العربيات دى مع كترة الاستيراد تكون زى النيلة و تروح لواحد سمكرى معلم و بتاع دوكو معلم و يلم العربية و يبقى شكلها زى الفل
لكن الفيصل هو الفحص الشامل و كل ما بالسيارة يظهر فى شيت خاص بها يوضح كل صغيرة و كبيرة
و الف شكر مرة تانية على الافادة

[Ahmed_lol2007]

والله يا بشمهندس جبت المفيد

[ENG\AHMED]

والله يا بشمهندس جبت المفيد

الله يفتح عليك
جبت المفيد
و انا علشان كدة بقول الفحص ثم الفحص
علشان نقطع الشك باليقين
لان العربيات دى مع كترة الاستيراد تكون زى النيلة و تروح لواحد سمكرى معلم و بتاع دوكو معلم و يلم العربية و يبقى شكلها زى الفل
لكن الفيصل هو الفحص الشامل و كل ما بالسيارة يظهر فى شيت خاص بها يوضح كل صغيرة و كبيرة
و الف شكر مرة تانية على الافادة

حاجة مستفزة
التجار بيربطوا دماغ الناس وخلاص
عمالين يطلعوا فى اسعار عربيات وينزلوا اسعار عربيات وبيغيروا السوق بمزاجهم

الناس اللى بتقول السوق نايم يشوفوا التويوتا واللانسر والكورى ولا دول سوقهم صاحى مش بينام !!
الناس اللى بتقول الاوبل مش عليها اقبال ( مش تحيز للأوبل بس انا بتكلم على القسم اللى متابعة معرفش الباقى ومش هحكم على حاجة مشوفتهاش ) يشوفوا كام عربية فكترا مطلوبة هنا فى القسم بس وفى نفس الوقت .. معنى كدة ان الواقع اكتر بكتير لو هنكبر دايرة البحث
اى حد يدخل قسم البيع والشرا ويسمع احلى كلام تجار (بيبانوا من ردودهم ) ... ناس تدخل تفاصل فى 10000 جنية فرق مرة واحدة ومن غير مايشوف العربية ولا حالتها ويرمى الكلمة ويمشى , كل اللى بيعملة يربط دماغ الناس بس واى حد هيقرا المشاركة بعدة يبقى السعر دة عالى جدا وفى الاخر بعد ماصاحب العربية يزهق ينزل فى سعر العربية علشان تتباع ويبقى دة فعلا سعر السوق

بلاش انا مشيت مرة ورا مشاركات واحد منهم تحس ان فى كل مشاركة كلام عكس بعض حسب العربية اللى بيبيعها وحالتها ويقعد يقولك اصل الالوان الفاتحة مطلوبة والاسود غامق ومش مطلوب وكلام غريب ودة كلة علشان يبرر سعر العربية وانها لقطة وهتندم لو ملحقتش , اومال كم العربيات السودا والغامقة اللى بشوفها فى الشارع دى اية !!! .. مادام كدة بقى المعارض بترفع سعر العربيات السودا لية مادام مش ممرغوبة !!

انا اول مرة اسمع كلمة عربية تجمد فيها فلوس كان على تويوتا !!!!!! .. هو انا شايل فلوسى فى بنك ولا حتة ارض علشان اجمد فلوس فيها !!! .. من امتى العربيات استثمار ؟؟؟ من امتى لما احب اشيل فلوس اشترى بيها عربية واركنها !!!!!
مش دة الكلام اللى مالى السوق وبيتضحك بية على الناس ! ...

زى الميجان II العربية اول لما نزلت الناس انبهرت وجريت تشترى وتحجز .. الاشاعات طلعت كلة غير رأية واللى اشترى بقى بيرمى عربيتة خوفا من المشاكل

والله انا عندى العربية تقعد شهور علشان تتباع ولا متتبعش خالص اكرم من انى ارميها بالاسعار دى ومحدش يقولى السوق وسعر السوق علشان لما الاقى عربيات اول التسعينات وفئات اقل من الفكترا واصغر وبتتباع بأسعار اعلى منها سواء للفكترا 1.6 او 2.0 وتقترب وسعات تساوى سعر ال cdx يبقى اللى بيبيع عربيتة بالسعر دة بيرميها واحسنلة يحرقها

اللى بيتكلم الفكترا تعبانة الله يرحم ايام التسعينات فى بداية ظهورها ولحد لما اتوقف انتاجها كانت عاملة ازاى
بلااااااش ينزل سوق الجمعة ويشوف اى تاجر معاة فكترا بيبيعها هيقول عليها اية وياسلام لو حظك وقعك مع نفس الشخص وهو بيشترى فكترا هيقول اية علشان تعرفوا النفاق على حق

[tamertamer]

السوق عرض وطلب يا بشموهندس احمد

[NoraMagdy]

السلام عليكم

انا دلوقتى شاكه أن عربية بالاسعار المذكوره سابقاً ممكن يكون فيها مصيبه مستخبية
الميكانيكى بيقول على العربية بالاسعار دى العربية كويسه ، وبيقول على العربية التى المطلوب فيها سعر غالى برضوا كويسه
ومحتاره ليه ادفع اكتر لما ممكن ادفع أقل (ونفس الحالة) ... ههه

فى السوق بلاقى اسعار ذى الى فوق، وفى الاعلانات على النت تقريباً نفس الاسعار
هأعرض امثله هنا واتمنى منكم تعليق:

فيكترا موديل 1997 أتوماتيك 2000cc : السعر 45 ألف
فيكترا موديل 1998 أتوماتيك 2000cc : السعر 48 ألف
فيكترا موديل 1999 مانيوال 1600cc : السعر 51 ألف
فيكترا موديل 2000 مانيوال : السعر 51 ألف
فيكترا موديل 2002 أتوماتيك 2000cc : السعر 60 ألف
فيكترا موديل 2002 أتوماتيك 2000cc : السعر 61 ألف
الوسيط العدد 395 بتاريخ 28/5/2010م صفحة 41 - عارض أوبل فيكترا موديل 1997 أتوماتيك 2000cc : السعر 47 الف

دا بعض المعروض - ممكن حد يفيدنا - العربيات دى مضروبه ولا دا السعر فعلاً الى ماشى فى السوق
عشان التجار بيعلوا السعر - لكن عربيات البيوت ملاحظة ان دى اسعارها

شكراً جدا

[amrdiab]

والله يا دكتوره نورا اللي بيحكم السعر حاجات كتير زي
1- حاله العربيه ممتازه ولا جيده ولا متوسطه وده من
- عفشه "متظبطه يعني no مصاريف
-كاوتش "جديد يعني no مصاريف"
-فرش "اصلي وياريت يكون عليه فرش جلد اضافي يعني no مصاريف"
-دهان " فبريكه او نظيف يعني no مصاريف"
-فرامل " مش خفيفه يعني no مصاريف"
-بارومه "يعني بلاش البيعه دي"
2- عدد الكم المقطوعه " وعجبني راي عضو هنا بيقول ان عربيه 97 عامله كم قليل افضل من 2003 عامله كم كتير
3-الصيانه في التوكيل "عربيه لها ملف في التوكيل وصيانتها دوريه احسن من عربيه مدخلتش التوكيل خالص"
4-استخدام مين "كل ما كان الشخص اللي بتشتري منه العربيه نضيف ومحافظ كل ماكانت العربيه ماسكه نفسها وسعرها ... ومتخديش عربيه من ورا شاب طايش"
5-الاهم بقي" الموتــــــــــــور" لازم الكشف عنه علي الكمبيوتر وياريت لو في التوكيل"

[NoraMagdy]

فى عربية النهاردة معروضة بـ 61 ألف أوبل فيكترا CDX موديل 2000 أتوماتك موتورها 2000cc فى الموقع
ContactCars.com | السيارات المستعملة


ودى كابشر من الموقع

http://www13.0zz0.com/2010/05/29/09/761502704.jpg

أيه راى حضارتكم فى الكلام دا
اشتغاله ولا عامله حادث ولا هى كدا سعرها ولا محتاجه مصاريف ؟؟؟

[N.a.j.d]

سعرها رخيص اوي يمكن عشان ماشيه كتير والله اعلم نستنى الفكتراويه رايهم ايه

[M.almaghraby]

ان شاء الله حضرتك تلاقي العربية الكويسة....


بس حضرتك شكلك عندك ولع بالاوبل :)