Tweet
الموضوع ده تكملة لكلام بدأناه في موضوع تاني
و حسيّت انّه يستحق يبقى موضوع لواحده
عربيتي اللي فاتت، كانت كورسا 1200cc مو 94
جبتها ب36 الف
و فضلت معايا 4 سنين
خلال ال4 سنين دول، صرفت حوالي 30 الف
مابين حاجات استهلاكية طبيعية (كاوتش، سيور، تيل، ...)
و حاجات تانية غبية (3 طلمبات بنزين، سبيلاتير، دينامو، ...)
و ده طبعاً كان مقلّل من اعتمادية العربية بالنسبالي
يعني ببساطة كنت باخاف اسافر بيها
لإن مش عارف هتفاجئني بإيه
المهم، من شهرين، جابتلي 30 ألف و نص
يعني ركبت 4 سنين، بحوالي 36 الف
جبت بعد كده فيكترا مو95 2000cc أوتوماتك، من شهرين، ب39 الف
فاتحة معايا بطريقة رهيبة
داخلة معايا في 15 ألف مصاريف لحد النهاردة
و في النهاية سواءاً دي أو دي
فالتكييف لا يقارن طبعاً بالجديد
من كلامي مع الاخوة الافاضل، سمعت منهم ارقام رهيبة عن مصاريف اتصرفت
المهندس مجدي الشخ بيقول انّه صرف 37 الف على فيكترا B خلال سنة
و طناني باشا بيقول إن كان عنده نيسان، صرف عليها 48 ألف في 3 سنين
انا شخصياً مقتنع إن الالماني بتاع أواخر التسعينات ده ماتعملش زيّه
سواءاً الاوبل... أو البي إم و المرسيدس
و من تجربتي لعربيّات تانية جديدة من اللي في السوق، في حدود ال90 ألف جنيه
مفيش أي مقارنة، في الثبات و الاداء
بس الفكرة، إن المحصلة في الآخر
إن الواحد معاه عربية خايف يسافر بيها
بيقضي ايام كتيرة مع صنايعية ما يعلم بيها إلا ربّنا
و بيصرف عليها أكتر من مصروف الجديدة
في حين إن مفيش فيها دلع العربيات الجديدة، و تكييف العربيات الجديدة
يعني بدأت افكّر
إيه المانع إنّي اجيب صني أو أوبترا ب 100 ألف
امشي بيها 5 سنين، أعمل بيها 100 ألف كيلو آخد فيهم خيرها
و بعد كده ابيعها ب60 ألف مثلاً؟؟
طبعاً الخسارة مش بس 40 ألف
في فالنص صيانات هتتعمل
و كوتش هيتغير
و المصاريف الطبيعية دي
يعني نقول الخسارة 50 ألف
اللي همّه نفس الخسارة في أوبل مستعملة في الفترة دي
بس يبقى الواحد اشترى دماغة !!!!
ساعات بحس إنّي ادمنت قعدة الميكانيكي
و الموضوع بقى هواية في فهم و تصليح العربيات، أكتر منّه رغبة في الركوب
بس برضو الواحد وقته و حرقة دمّه ليها تمن :)
و حسيّت انّه يستحق يبقى موضوع لواحده
عربيتي اللي فاتت، كانت كورسا 1200cc مو 94
جبتها ب36 الف
و فضلت معايا 4 سنين
خلال ال4 سنين دول، صرفت حوالي 30 الف
مابين حاجات استهلاكية طبيعية (كاوتش، سيور، تيل، ...)
و حاجات تانية غبية (3 طلمبات بنزين، سبيلاتير، دينامو، ...)
و ده طبعاً كان مقلّل من اعتمادية العربية بالنسبالي
يعني ببساطة كنت باخاف اسافر بيها
لإن مش عارف هتفاجئني بإيه
المهم، من شهرين، جابتلي 30 ألف و نص
يعني ركبت 4 سنين، بحوالي 36 الف
جبت بعد كده فيكترا مو95 2000cc أوتوماتك، من شهرين، ب39 الف
فاتحة معايا بطريقة رهيبة
داخلة معايا في 15 ألف مصاريف لحد النهاردة
و في النهاية سواءاً دي أو دي
فالتكييف لا يقارن طبعاً بالجديد
من كلامي مع الاخوة الافاضل، سمعت منهم ارقام رهيبة عن مصاريف اتصرفت
المهندس مجدي الشخ بيقول انّه صرف 37 الف على فيكترا B خلال سنة
و طناني باشا بيقول إن كان عنده نيسان، صرف عليها 48 ألف في 3 سنين
انا شخصياً مقتنع إن الالماني بتاع أواخر التسعينات ده ماتعملش زيّه
سواءاً الاوبل... أو البي إم و المرسيدس
و من تجربتي لعربيّات تانية جديدة من اللي في السوق، في حدود ال90 ألف جنيه
مفيش أي مقارنة، في الثبات و الاداء
بس الفكرة، إن المحصلة في الآخر
إن الواحد معاه عربية خايف يسافر بيها
بيقضي ايام كتيرة مع صنايعية ما يعلم بيها إلا ربّنا
و بيصرف عليها أكتر من مصروف الجديدة
في حين إن مفيش فيها دلع العربيات الجديدة، و تكييف العربيات الجديدة
يعني بدأت افكّر
إيه المانع إنّي اجيب صني أو أوبترا ب 100 ألف
امشي بيها 5 سنين، أعمل بيها 100 ألف كيلو آخد فيهم خيرها
و بعد كده ابيعها ب60 ألف مثلاً؟؟
طبعاً الخسارة مش بس 40 ألف
في فالنص صيانات هتتعمل
و كوتش هيتغير
و المصاريف الطبيعية دي
يعني نقول الخسارة 50 ألف
اللي همّه نفس الخسارة في أوبل مستعملة في الفترة دي
بس يبقى الواحد اشترى دماغة !!!!
ساعات بحس إنّي ادمنت قعدة الميكانيكي
و الموضوع بقى هواية في فهم و تصليح العربيات، أكتر منّه رغبة في الركوب
بس برضو الواحد وقته و حرقة دمّه ليها تمن :)
Comment