ابويا هيطير البرج اللى فاضل من دماغى

[tananybasha]

حد يقوللى اقنعه ازاى
دلوقتى البلد عندنا عايزين يرشحوه فى مجلس الشعب
و بقالنا 5 ايام فى موفضات معاه
و هو مش راضى
و ضمان مكسبه موجود عشان هما علتين فى البلد
عيله مستقلين و عيله تبع الحزب المحلول\
و دى اتحرقت
و ابويا بيقول لأ مش عايز
اعمل معاه ايه

[osama.m]

لو ينفع تقدملة من وراة يعني تحطة قدام الامر الواقع
بس خللي بالك الحكاية دي قلتها احسن و دوشتها كتير جدا و لو لية نصيب مش هتعرف تنام

[tananybasha]

لازم بنفسه او توكيل رسمى عام ينص صراحة على تقديم اوراق الترشيح و المستندات و تسليم و تسلم و بلاوى سودا

[magdyelshikh]

اسمع يا طنانى ما ترشح انت نفسك فى نفس الدايرة بتاعت الوالد واهو كل الناس عارفك وعارفة انت ابن مين تبقى ريحت الناس وتعمل عمل لصالح الشعب كله وانت قدها

[NeeMoo]

شوف يا طنانى ..... موضوع الانتخابات وضمانه والكلام ده كويس ..... بس فعلا مشاكلها كتييييييييييييييير ..... ووجع دماغ وقرف ...... وخلى بالك الفترة اللى جايه الناس محتاجة شخص ينفذ كل شئ عاوزاها ...... نصيحة لو مش جايبه همها ..... يبقى بلااااااااااااش منها تماماً ...... وده مجرد رأى

[cayman69300]

اسمع يا طنانى ما ترشح انت نفسك فى نفس الدايرة بتاعت الوالد واهو كل الناس عارفك وعارفة انت ابن مين تبقى ريحت الناس وتعمل عمل لصالح الشعب كله وانت قدها

و الله فكرة حلوة
و تبقى الجمايل تترد لحضرتك و كانك مكان ابوك
و نطلع سمعه عليك انك من ضمن ائتلاف ثورة 25 يناير و عيش زى الناس اللى عايشة
و انا متاكد يا محمد انك هتراعى ربنا فى الناس اللى هتتطلب منك خدمات
و دة لانك من الاساس خدوم
ربنا يوفقك

[MOUSTAFA_SAAD]

اسمع يا طنانى ما ترشح انت نفسك فى نفس الدايرة بتاعت الوالد واهو كل الناس عارفك وعارفة انت ابن مين تبقى ريحت الناس وتعمل عمل لصالح الشعب كله وانت قدها

+11111111111111

ونظبطولك كام صوره وانت بتحدف طوب ونكتب عليها جمعة الغضب

[meika]

اسمع يا طنانى الموضوع دة
كان فى جرنان عامل كاريكاتير مرسوم فى الاتى
عبارة عن محكمة ومتهم وقاضى ومستشارين
وكان فى واحد من النيابة
بيقول يعنى مكتوب فوق راسى لابد من اصدارة اقصة العقوبات على هذا الجانى
فرد على المستشارين وقالو وهذا من راينا
ام القاضى قال
حكمت المحكمة على المتهم
بلعمل كوزير لمدة 15 يوم
الناس اللى فى القاعة كان باين على وشوشهم الحزن
وام المتهم كان مكتوب فوق راسها
رحت فى دهية يا ولدى

[cayman69300]

هههههههههههههههه
ايوة صح
ما الوزير النهاردة كل هب و دب بيشتم علية
ههههههههههههههه
بلد مسخرة

[tananybasha]

المشكله ان الفكرة اتطرحت على ابويا و عليا
و اكتشفنا ان االمرشح لازم يبقى 35 سنة فيما فوق
و ما زال محاولات اقناع الحاج مستمرة
انا اللى يلزمنى البادج

[mhbcas]

اوعى يا طنانى البادج دلوقتى مستفز
تنزل تلاقى العربية متروقة لاقدر الله من واحد مش طايق نفسة

[Most_H]

المشكله ان الفكرة اتطرحت على ابويا و عليا
و اكتشفنا ان االمرشح لازم يبقى 35 سنة فيما فوق
و ما زال محاولات اقناع الحاج مستمرة
انا اللى يلزمنى البادج

sorry mr.tanany, but why do you need the badge for??

(sorry for english, cuz i have no arabic in this windows)

[mifs]

خللي بالك يا استاذ طناني ان دي مسؤلية امام الله وحملها تقيل جدا ويمكن الوالد مش راضي علشان كده

[m_kamal]

خللي بالك يا استاذ طناني ان دي مسؤلية امام الله وحملها تقيل جدا ويمكن الوالد مش راضي علشان كده

بالظبط كدة يا باشا .. مع كامل احترامى و تقديرى لحضرتك المجلس ماهواش سلطة أو منظرة .. المجلس اصله لخدمة الناس
و لو الوالد مش عاوز يشيل المسئولية الكبيرة دى و ده من حقه طبعا يبقى ليه حضرتك عاوزه يترشح ؟؟

عموما ربنا يوفق الجميع لما يحب و يرضى :)

[MASERATI]

السلام عليكم و رحمة الله و بركاته

الفترة الجاية, أى عضو مجلس شعب, الجماهير هتفترس فيه و يطلعوا فيه غل 30 سنة فاتت كان فيهم العضو مابيعملش حاجة غير أنه بياخد البادج و يمشى و أهل الدايرة مايشوفوهوش بعد كده الا لو حد منهم راح مارينا !!!, ممكن يبقى يقابل العضو هناك , طبعا الرأى الأول و الأخير ليك, بس, أنا من رأيى أنك تفوت الدورة دى لحاد ما الأمور تهدى و تشوف هتمشى ازاى .