ابويا هيطير البرج اللى فاضل من دماغى

[waoola_78]

يبقى غلطان اللى يدخل فى اى حاجه فيها مسؤلية الايام دى .

لو هو محترم ونضيف هايزعل لما يتشتم ويتقال عليه مهمل وحرامى

ولو هو حرامى يبقى هاياخد بالجزمة فى الشارع . لان الشارع ديلوقتى ما فيهوش كبير غير الذراع

انا نصيحتى للوالد وليك انكو تستنو وتشوفوا الدنيا رايحة فين لان مصر ديلوقتى عامله زى الحلة اللى جواها طبخة وبتغلى وتفور
احنا نستنى ونشوف الطبخة هاتستوى على اية ولا هاتتحرق لا قدر الله

[hanykd]

السلام عليكم ورحمة الله

كلامكم ياإخوانى كله سلبية ومافيهوش اى حاجة من روح الثورة

ولما البلد كلها تفكر زى ما بتفكروا كدة يبقى غلى البلد دى السلام

ولما اللى عايز يترشح او يرشح والده يتقاله الكلام دة يبقى البلد حاتفضل فى فراغ دستورى وبرلمانى الى ما لا نهايه ويبقى فعلا مافيش غير فلول الوطنى والإخوان هما اللى حايترشحوا ويكسبوا

ولما طنانى بيه يقول ان كل اللى لازمة البادج حتى ولو هزار يبقى فى حاجة غلط

ربنا يستر علينا وعلى البلد

[mera11]

أبوك ده راجل حكيم يا طنانى باشا لأن السياسة فى بلدنا إما تلعبها لعبة قذرة وأما أن تكون مغامر وأن غامرت ونجحت ستخسر وقتك وراحتك وجهدك ولن ترضى كل الناس بجانب أن اللى حواليك من الناس هيحقدوا عليك

[tamertamer]

خلاص لو الحج مش راضى ارشح نفسى انا ولما انجح هفتكرك بعربية اوبل فكترا سى

[N.a.j.d]

ربنا يجيب بما فيه الخير ياباشا وان شاء الله يقتنع ويدخل الانتخابات

[إبراهيم المصرى]

اسمع يا طنانى ما ترشح انت نفسك فى نفس الدايرة بتاعت الوالد واهو كل الناس عارفك وعارفة انت ابن مين تبقى ريحت الناس وتعمل عمل لصالح الشعب كله وانت قدها

كلام جميل وانت تستاهلها وبتحب تخدم وربنا محبب فيك خلقه ربنا يزيدك ويوفقك دايما فى الخير

[tananybasha]

مشكور يا اخوانا
ابويا على اى وضع رافض الفكرة
بيقول بالنص
انا ليه اتحمل وزر الناس دى كلها لما مش هاقدر اساعدهم او اعمل حاجة
انا يعتبر لوحدى
و بلاش اجيب الشبهه لغاية عندى
انا طول عمرى نضيف و مش طالبه معايا اسمى يتلوث فى اخر ايامى
و مات الكلام على كده

انا بقى عشان اترشح يبقى هانزل فئات
و لو نزلت فئات يبقى 35 سنه
فلاحين و عمال للعلم 30 سنه

و على فكرة موضوع البادج ده هزار والله

[Most_H]

مشكور يا اخوانا
ابويا على اى وضع رافض الفكرة
بيقول بالنص
انا ليه اتحمل وزر الناس دى كلها لما مش هاقدر اساعدهم او اعمل حاجة
انا يعتبر لوحدى
و بلاش اجيب الشبهه لغاية عندى
انا طول عمرى نضيف و مش طالبه معايا اسمى يتلوث فى اخر ايامى
و مات الكلام على كده

انا بقى عشان اترشح يبقى هانزل فئات
و لو نزلت فئات يبقى 35 سنه
فلاحين و عمال للعلم 30 سنه

و على فكرة موضوع البادج ده هزار والله

هى فعلا مسئولية كبيرة جدا، بس انت ممكن توصلها على اساس انها خدمه للبلد اللى محتاجة ولادها الشرفاء دلوقت اكتر من اى وقت، بالأضافة ان البرلمان دة هيتشكل منه اللجنة اللى هتضع الدستور، يعنى والدك ممكن يكون لية دور تاريخى فى تشكيل مستقبل الأمة

واعتقد انه ممكن يقدم استقالته من المجلس لو لا قدر الله حصلت حاجة، ولا اية؟؟؟؟؟؟

[tananybasha]

هاحاول تانى

[tamertamer]

لو كل واحد نضيف قال كدة يبقا بلدنا هترجع تانى فى ايدى المفسدين يجب تكاتف الاشخاص الجيدين لتجنب اصحاب المصالح الشخصية

[eng.m7md.ali]

بصراحة ارفع القبعة وانحني للسيد الوالد لانه حاسس انه مش هيبقى قدها فبيعتذر لعل وعسى حد جدير او عنده افكار جديدة ممكن يجي في نفس المكان

[tananybasha]

فيه جماعه النهارده هيجولوا
ربنا يسهل