قطع غيار اوبل مستعملة

[ibraheba2000]

العوض فين بالضبط علشان اروح عندة ( العنوان - او رقم التليفون)

[ENG\AHMED]

معرفش اى بيانات غير انة عند تقاطع الدائرى مع طريق حلوان هو فى المنطقة دى على الشمال وانت رايح حلوان
بس اعتقد دة مش معتمد مش متأكد

[ibraheba2000]

يعنى على الشمال وانا رايح حلوان ... تحت الدائرى

شكرا يا باشا ربنا يكرمك كمان وكمان

[ENG\AHMED]

تمام كدة
هوة فى المنطقة االلى عند منزل الدائرى على طريق حلوان قبل او بعد مش فاكر بس هو باين من على الطريق

[Ahmad Allawy]

ايوة ايوة..
العوض ده يا سيدي اللي هو توكيل نيسان حاليا و شيفروليه و اوبل..
عنده مركز صيانة..
هو جنب بنزينة اسو اللي تحت منزل الدائري بالظبط..
هتلاقيه حاطط عربيات اوبل و شيفرولية كده علي الحوض الزرع الكبير اللي علي الاوتوستراد..

[ibraheba2000]

يعنى هوة اللى على اليمين وانا راجع من حلوان بعد الكوبرى الدائرى .

وسؤال تانى اية فايدة الايديال فى العربية .

[Ahmad Allawy]

أيوة هو..

فايدة الايدل..
بالمناسبة.. هو اسمه Idel not Ideal
وغالبا ده اللي بيظبط العربية وهي في السلانسيه تبقي مظبوطة و متوطاش ولا تبطل منك..

[ibraheba2000]

طب دة لة علاقة بالفرامل .... يعنى لما ادوس فرامل جامد ... اوقات العربية تبطل .... واجى ادور تدور عادى .... واوقات لا تبطل اصلا ... هل
لة علاقة بال idel

[ibraheba2000]

سعرة كام .... ونوعة

[Ahmad Allawy]

تقريبا ايوة ليه علاقة بالفرامل..
و السعر و النوع تتصل بشركة ما لشركات و تسألهم و هيقولولك الانواع و الاسعار..

[ibraheba2000]

يا باشا الف مليون شكر على المعلومات دية ... ونشوفك دايما فى احسن حال ...ز



( سيد القوم خادمهم ..... ربنا يجعلنا فى ميزان حسناتك )

[Ahmad Allawy]

عليا يه يا باشا..
احنا تحت امرك..
بس ابقي طمني عملت ايه.. و سعره ايه و نوعه ايه..
نصيحة.. حاول تكلم شركة امريكان ستار عشان من انضف الشركات في التعامل..

[ibraheba2000]

ممكن تليفون امريكان ستار( انا عارف العنوان فى التوفيقية )

[Ahmad Allawy]

اتفضل يا باشا..
شركة امريكان ستار (39 و 46 شارع شمبليون ت: 25791402 - 25791403 - 25777408 )

[ibraheba2000]

شكرا يا باشمندس احمد
انا اتصلت ب محمد سوسو وقال ل ان الاكصدام ب 600 جنية من غير الحديدة اللى بتربطة فى العربية ... وبعدين سألتة على حساس الايدل قال لى انة ب 150 جنية مستعمل ... دة سعر كويس وبعدين انا هاتصل ب امريكان ستار اليوم لمعرفة سعر الجديد .....

فى حاجة تانية محتار فيها وهى ...

لما العربية تكون واقفة فى الشمس اوبطلتها وهى سخنة واجى ادور لاتدور معى ( يعنى مفيش كهرباء بتروح للمرش) ... اضطر الى انى ارفع الكبوت والمس من الكتاوت الكهرباء مع السلك الى رايح للمرش تقوم العربية دايرة عادى جدا.. وسؤالى هو ممكن حاجة فى الدفيرة تكون بتفصل فى السخونة زاى فيوز والااية .. مع العلم انى غيرت الكتاوت بنفسى وبرضة الحركة دى شغالة ...... اعمل اية ياباشا ...

اية نوع الزيت اللى ممكن اعتمد علية لمسافات طويلة ويكون سعرة كويس