قطع غيار اوبل مستعملة

[Ahmad Allawy]

لأ موضوع الشمس و الكلام ده بصراحة انا ماعرفوش..
كان بيحصل مع واحد صاحبي في عربية كورولا 2003..
ومش عارف كانت اتحلت علي ايه..
ممكن اسأل و اقولك..
اما بالنسبة للزيت.. حط اي زيت براحتك..
انا سألت عن الزيت المعدنية و التخليقي..براحتك..
بس مالوش لازمة انك تحط زيت اللي بيقعد 10 الاف و 20 الف..
ممكن تحط من اللي بيقعد 5 الاف و تكمل بيه 10 الاف عادي.. بس ابقي اطمن عليه..
وشوف انه مش بينقص..

[ibraheba2000]

شكرا يا باشا ....

[rabbat5]

انا معليا فكترا 98 1.6 ودى اسعار قطع غيار فى منها انا سألت علية و فى سمعت من ناس غيروا الحاجات دى

-طلمبة بنزين: 1500== توكيل
550 بوش==خارج التوكيل

-مساعدين(2 امامى اسبانى+2 خلفى اوروبى) 1650==توكيل

-بلية عجل خلفى(الواحدة):2210 ==توكيل
480 ==خارج التوكيل

-خرطوم خزان زيت الباور:1200==توكيل

-فتيس مانوال:10000==توكيل

-اوتوماتيك:26000==توكيل

-مفتاح النور الرئيسى:حوالى 700ّّّ-800 مش متأكد==توكيل

كفاية كدة لما افتكر تانى بقا :]

ألف شكر على المعلومات المهمة.
موقعكم ممتاز.

[ibraheba2000]

حد يوصفلى حالة العربية لما طلمبة البنزين تكون تعبانة .....

[Ahmad Allawy]

بيتهيألي ممكن العربية متدورش بسهولة الصبح..
يكون في كهربا و مارش عادي بس العربية متدورش..
ده اللي اعرفه دلوقتي..
وده نتيجة انها كهربا.. و متوصلش البنزين كويس للموتور عشان يدور..
واستني الناس الخبرة.. اكيد هتلاقي ردود اكتر..

[ibraheba2000]

الى المهندس احمد ... بخصوص عدم وصول كهرباء الى المرش فى حالة سخونة العربية ... انت قولت انى حد تعرفة معاة تويوتا حصلت معاة المشكلة دى .... سالتهولى حلها ازاى

[Ahmad Allawy]

لا والله للأسف معرفتش اوصل ليه..

[ibraheba2000]

انا عندى شك انة ممكن يكون من مفتاح التدوير ( المكان الذى يبعث الاشارة الى الكتاوت لتوصيل الكهرباء للمرش ) .... يعنى ممكن احتاج كونتاكت جديد ... هل دة غالى .... مع العلم انى عارف انى مفتاح العربية لة خريطة وعلشان تنسخة ...دى مشكلة كبيرة ... هل لهل حل

[Ahmad Allawy]

لأ بيتهيألي الكونتاكت مالوش دعوة بالسخونة..

[ibraheba2000]

ممكن يكون بيفصل

[Ahmad Allawy]

السلام عليكم..
انا عملت شوية توضيب جامد في عفشة العربية عندي.. تقريبا غيرتها كلها ما عدا كام حاجة كده..

الحاجات المتاحة دلوقتي لو حد عايزها:
عدد 2 مساعد خلفي بحالة جيدة جدا ماركة بلشتاين الماني
انا غيرت ال4 عشاه ده الrecommended
ونا تحت امركم في اي حاجة..

[ENG\AHMED]

محدش عندة فكرة ازاى اطلع الاختراع الغبى الشريط اللى بيشغل ال mp3 من الكاسيت من غير لما افكة علشان محشور جوة والصوت زى الزفت :(

[Ahmad Allawy]

حاول معاه كده بمفك رفيع ولا حاجة.. وشوف هيطلع ولا لأ..
ولو مطلعش.. يبقي تجهز كود الكاسيت معاك.. وتروح لأي حد نضيف بتاع كاسيتات يطلعهولك في ثواني..

[ENG\AHMED]

مانا بفكة عادى بس مش عايز وجع دماغ , الواحد بيرجع من الشغل مفهوش دماغ للحوارات اللى تغيظ دى
انت عارف لو محشور جوة والصوت عدل ولا كنت هفكر فية انما دة مشغل سماعات ناحية واحد بس وفى صوت وش عالى :(

[Ahmad Allawy]

:) معلش ربنا يعينك..
شوف موضوع اوبل مانيا علي المنتدي هنا قسم اوبل..