لمبة ال Abs

[ENG\AHMED]

ممكن يكون ال ABS بياخد فى حسابه قوة الفرمله؟
فلما التيل بيخلص قوة الفرمله بتبقى ضعيفه
عشان كده لمبة ال ABS بتنور على السرعه اللى بتخليه ما يقدرش يتحكم فى العجل بخاصية ال ABS بسبب التيل؟؟؟؟؟

هو بياخد فى حسابة قوة الفرملة وسرعة العربية..

ممكن يكون الموضوع دة معمول كتحذير ان التيل قرب يخلص وفى نفس الوقت علشان متجريش بالغربية والفرامل مش مظبوطة!!!!

[ENG\AHMED]

يمكن مافيش لمبات عندك

ممكن تصور لنا اللى عندك

[hesham2004]

بصوا يا جماعة ،انا عانيت كتير من مشكلة لمبة ال Abs فى فيكترا 96 ، 2000 سى سى - و الأسباب الى وصلت اليها و بتسبب مشكلة اضاءة اللمبة لوحدها و العربية ماشية و ممكن تتطفى لما تبطل الموتور - هى ان بلوف الجهاز نفسه بتعلق و مابترجعش مكانها لما تضغط على الفرامل و لو ضغطة خفيفة ، او نتيجة اهتزاز الجهاز اثناء السير والسنسورات الموجودة داخل الجهاز بتحس ان بلف مرجعش مكانه الصحيح فبيدى اشارة الى وحدة التعرف على الأعطال بان فى خلل فى جهاز ال Abs و بيوقف عمله نهائى و بتنور اللمبة ، بس ده مابيمنعش من تشغيل الفرامل بصفة طبيعية ، يعنى الفرامل شغالة عادى و ما تتأثرش نهائيا ، كل ما فى الموضوع ان خاصية منع الأنزلاق بتتعطل .
طيب ايه اسباب تعطل البلوف الخاصة بالجهاز و طريقة تفعيلها
اولا استعمال زيت فرامل مضروب او مش ذو كفاءة عالية ، لان الزيت بيدوب او بياكل فى الكوتشات الخاصة بالبلوف او بيسبب تحجرها و البلف ما بينزلقش بسهولة داخل البساتم بتاعت الحهاز
ثانيا : عدم تنشيط خاصية ال Abs كل فترة بيسبب ركود الزيت فترة طويلة داخل الجهاز الى بدوره بياكل فى الكاوتش و لما نضطر الى تشغيله فجأة بيحرك الرواسب و الأوساخ الى فى دورة الفرامل و يركنها فى مخارج و مداخل البلوف
العلاج ببساطة اول حاجة لازم نغير زيت الفرامل كله و حنلاحظ ان الزيت القديم لونه اسود ( رواسب الكاوتشات الى فى دورة الفرامل ) و الطريقة ان نفتح بلوف الاربع عجلات و نصفى الزيت لغاية ما يبتدى يقرب يخلص من التانك و نوقف التصفية و نفك التانك باحتراص عشان ما نكسرش البزابيز بتاعته و ننضفه كويس من الرواسب و نركبه تانى و نحط علبة الزيت كلها ( الكويس الأصلى ) و ننزل شوية زيت من العجل لغاية التانك ما يتملى ، و بعد كده نستعمل العربية مدة كام يوم و نستعمل الفرامل كتير شوية بالطريقةالسابقة الى اشار اليها الزملاء ( طريقة الرمل ) عشان ننشط ال Abs و يبتدى الزيت الجديد يدخل الجهاز و ينظفه .
نكرر عملية تغير الزيت كمان مرتين او ثلاثة ( و طبعا استعمل الفرامل بكثرة فى الرمال ) لغاية منلاقى الزيت نازل شفاف و نظيف . طبعا ممكن نلاقى تحسن فى اداء ال Abs و اللمبة تتطفئ من اول غيار زيت ، و لاكن من الأفضل تكرار العملية اكثر من مرة . و ان شاء الله حتنفع و يتم تنشيط الجهاز . و لو ما نفعتش مع اى حد فده معناه ان البلوف معلقة جامد فممكن الطرق الخفيف على الجهاز يفك التعليقة ، او ممكن ننظف سوكيتات وحدة التحكم نفسها ب W40 من الصداء او التراب و تجففها بعد ذلك .
اتمنى ان اكون قد افدتكم بما انعم الله على من العلم .

[M.Mokhtar]

بصوا يا جماعة ،انا عانيت كتير من مشكلة لمبة ال Abs فى فيكترا 96 ، 2000 سى سى - و الأسباب الى وصلت اليها و بتسبب مشكلة اضاءة اللمبة لوحدها و العربية ماشية و ممكن تتطفى لما تبطل الموتور - هى ان بلوف الجهاز نفسه بتعلق و مابترجعش مكانها لما تضغط على الفرامل و لو ضغطة خفيفة ، او نتيجة اهتزاز الجهاز اثناء السير والسنسورات الموجودة داخل الجهاز بتحس ان بلف مرجعش مكانه الصحيح فبيدى اشارة الى وحدة التعرف على الأعطال بان فى خلل فى جهاز ال Abs و بيوقف عمله نهائى و بتنور اللمبة ، بس ده مابيمنعش من تشغيل الفرامل بصفة طبيعية ، يعنى الفرامل شغالة عادى و ما تتأثرش نهائيا ، كل ما فى الموضوع ان خاصية منع الأنزلاق بتتعطل .
طيب ايه اسباب تعطل البلوف الخاصة بالجهاز و طريقة تفعيلها
اولا استعمال زيت فرامل مضروب او مش ذو كفاءة عالية ، لان الزيت بيدوب او بياكل فى الكوتشات الخاصة بالبلوف او بيسبب تحجرها و البلف ما بينزلقش بسهولة داخل البساتم بتاعت الحهاز
ثانيا : عدم تنشيط خاصية ال Abs كل فترة بيسبب ركود الزيت فترة طويلة داخل الجهاز الى بدوره بياكل فى الكاوتش و لما نضطر الى تشغيله فجأة بيحرك الرواسب و الأوساخ الى فى دورة الفرامل و يركنها فى مخارج و مداخل البلوف
العلاج ببساطة اول حاجة لازم نغير زيت الفرامل كله و حنلاحظ ان الزيت القديم لونه اسود ( رواسب الكاوتشات الى فى دورة الفرامل ) و الطريقة ان نفتح بلوف الاربع عجلات و نصفى الزيت لغاية ما يبتدى يقرب يخلص من التانك و نوقف التصفية و نفك التانك باحتراص عشان ما نكسرش البزابيز بتاعته و ننضفه كويس من الرواسب و نركبه تانى و نحط علبة الزيت كلها ( الكويس الأصلى ) و ننزل شوية زيت من العجل لغاية التانك ما يتملى ، و بعد كده نستعمل العربية مدة كام يوم و نستعمل الفرامل كتير شوية بالطريقةالسابقة الى اشار اليها الزملاء ( طريقة الرمل ) عشان ننشط ال Abs و يبتدى الزيت الجديد يدخل الجهاز و ينظفه .
نكرر عملية تغير الزيت كمان مرتين او ثلاثة ( و طبعا استعمل الفرامل بكثرة فى الرمال ) لغاية منلاقى الزيت نازل شفاف و نظيف . طبعا ممكن نلاقى تحسن فى اداء ال Abs و اللمبة تتطفئ من اول غيار زيت ، و لاكن من الأفضل تكرار العملية اكثر من مرة . و ان شاء الله حتنفع و يتم تنشيط الجهاز . و لو ما نفعتش مع اى حد فده معناه ان البلوف معلقة جامد فممكن الطرق الخفيف على الجهاز يفك التعليقة ، او ممكن ننظف سوكيتات وحدة التحكم نفسها ب W40 من الصداء او التراب و تجففها بعد ذلك .
اتمنى ان اكون قد افدتكم بما انعم الله على من العلم .

كلام صحيح 100%
والموضوع ده عملناه فى عربيه اوبل بتاعت واحد صحبى قبل كده
بس مش كان موضوع لمبة ال ABS
كان عنده الفرامل بتهرب على طول واكتشفنا ان البلوف بتاعت ال ABS اتاكلت خالص تقريبا من الزيت واضطرينا نغير وحده ال ABS كلها

شكرا للمجهود الرائع وياريت متحرمناش من مشاركاتك الفعاله والمفيده جدا

[hesham2004]

اشكرك جدا يا باشمهندس محمد على زوقك ، و احب اضيف على كلامك ان و حدة ال Abs مابتتصلحش انما بتتغير فقط ، و ما انصحش اى حد يحاول يلعب فيها او حتى فى التوكيل حد يحاول يفتحها ، لأنها خطر جدا جدا على الفرامل لو اتلعب فيها . الأفضل تركها زى ماهيه و مش حتأثر على الفرامل خالص .
شكرا مرة اخرى يا بشمهندس على مشاركتك و لطفك

[ahmedmaklad]

هو اول ما نفتح الكونتاك المفورض ال Abs بيطلع صوت انا عندي لما بفتح كونتاك ال Abs بيطلع صت خبطة صغيرة كدة او تكة ده عادي؟؟؟؟؟؟
انا رحت التوكيل في مقار قالولي عايز اغير وحد Abs حد يعرف بكام ؟
انا لسه ما جربتش حكاية الزيت دي انا مش عارف مين اللي يعملها لسة
انا فتحت التنك عندي لاقيت الزيت لونه فاتح و شفاف بس مش عارف ليه حاسس انه عامل زي الميه يا ترى ده عادي و لا ايه؟
بس انا حاسس ان التانك مليا اوي لدرجة ان لما بقفل التانك الزيت بيقع بره ده عادي برده

[ahmedmaklad]

هو انا ماحدش رد عليا ليه

هو انا ماحدش رد عليا لية
هو انا ماليش كلمة هنا و لا ايه
انا هسيبكوا و امشي

[M.Mokhtar]

هو انا ماحدش رد عليا لية
هو انا ماليش كلمة هنا و لا ايه
انا هسيبكوا و امشي

ماتنساش تجيبلى شيكولا معاك
بس انا مش لاقى السؤال
انا احط ايدى على السؤال اجاوب على طول

هو اول ما نفتح الكونتاك المفورض ال Abs بيطلع صوت انا عندي لما بفتح كونتاك ال Abs بيطلع صت خبطة صغيرة كدة او تكة ده عادي؟؟؟؟؟؟
انا رحت التوكيل في مقار قالولي عايز اغير وحد Abs حد يعرف بكام ؟
انا لسه ما جربتش حكاية الزيت دي انا مش عارف مين اللي يعملها لسة
انا فتحت التنك عندي لاقيت الزيت لونه فاتح و شفاف بس مش عارف ليه حاسس انه عامل زي الميه يا ترى ده عادي و لا ايه؟
بس انا حاسس ان التانك مليا اوي لدرجة ان لما بقفل التانك الزيت بيقع بره ده عادي برده

المفروض ال ABS مايعملش اى صوت
هى المبة تنور مع الكونتاكت وتطفى بعد شويه لو سليم
لو فضلت منوره يبقى فى عطل ما فى وحده ال ABS او فى فيشه مش واصله كويس
دى معلوماتى

[hesham2004]

هو اول ما نفتح الكونتاك المفورض ال Abs بيطلع صوت انا عندي لما بفتح كونتاك ال Abs بيطلع صت خبطة صغيرة كدة او تكة ده عادي؟؟؟؟؟؟
انا رحت التوكيل في مقار قالولي عايز اغير وحد Abs حد يعرف بكام ؟
انا لسه ما جربتش حكاية الزيت دي انا مش عارف مين اللي يعملها لسة
انا فتحت التنك عندي لاقيت الزيت لونه فاتح و شفاف بس مش عارف ليه حاسس انه عامل زي الميه يا ترى ده عادي و لا ايه؟
بس انا حاسس ان التانك مليا اوي لدرجة ان لما بقفل التانك الزيت بيقع بره ده عادي برده

بالنسبة لما تفتح الكونتاكت و انتى دايس فرامل ، حتحس بقرقعة فى الدواسة ، ده عادى فى الأوبل عشان الجهاز بيعمل تست ، و ممكن انتى تعمل تست لل ABS بنفسك بطريقة الرمال المشار اليها من بعض الزملاء ، لو لقيت ان بدال الفرامل قرقعة ، فده معناه ان الجهاز شغال كويس و العكس صحيح
اما بالنسبة الى زيت الفرامل فالطبيعى انه خفيف و لونه شفاف ، و لو انتى غيرت تيل الفرامل حتلاقى ان الزيت خرج من تانك الزيت عشان التيل الجديد بيكون عالى و بيضغط على بستم جهاز الطنبور او الديسك و بيرجعه لورا

[ahmedmaklad]

شكولاتة بس انا في اسكندرية دلوقتي بس شغل مش فسحة شوف انت عايز اية و انا اجيبهولك

ماتنساش تجيبلى شيكولا معاك
بس انا مش لاقى السؤال
انا احط ايدى على السؤال اجاوب على طول


المفروض ال ABS مايعملش اى صوت
هى المبة تنور مع الكونتاكت وتطفى بعد شويه لو سليم
لو فضلت منوره يبقى فى عطل ما فى وحده ال ABS او فى فيشه مش واصله كويس
دى معلوماتى

[ahmedmaklad]

بالنسبة لما تفتح الكونتاكت و انتى دايس فرامل ، حتحس بقرقعة فى الدواسة ، ده عادى فى الأوبل عشان الجهاز بيعمل تست ، و ممكن انتى تعمل تست لل ABS بنفسك بطريقة الرمال المشار اليها من بعض الزملاء ، لو لقيت ان بدال الفرامل قرقعة ، فده معناه ان الجهاز شغال كويس و العكس صحيح
اما بالنسبة الى زيت الفرامل فالطبيعى انه خفيف و لونه شفاف ، و لو انتى غيرت تيل الفرامل حتلاقى ان الزيت خرج من تانك الزيت عشان التيل الجديد بيكون عالى و بيضغط على بستم جهاز الطنبور او الديسك و بيرجعه لورا

هو انا فعلا الزيت عندي بيعمل كده و انا لسة مغير التيل الامامي بس من اول ما غيرت التيل و انا حاسس ان الفرامل اخف من الاول انا عامل باعربية دلوقتي اكتر من 1500 كيلو و لسة التيل بيصفر مش ممكن عشان التيل ال ABS بيعمل كدة او ممكن يكون معلق فعلا انا عايز اجرب حكاية افضي الزيت ده يمكن يجيب نتيجة
عشان انا مقتنع ان مادام ال ABS بيشتغل بس بيعلق يبقى مش بايز

[hesham2004]

هو انا فعلا الزيت عندي بيعمل كده و انا لسة مغير التيل الامامي بس من اول ما غيرت التيل و انا حاسس ان الفرامل اخف من الاول انا عامل باعربية دلوقتي اكتر من 1500 كيلو و لسة التيل بيصفر مش ممكن عشان التيل ال ABS بيعمل كدة او ممكن يكون معلق فعلا انا عايز اجرب حكاية افضي الزيت ده يمكن يجيب نتيجة
عشان انا مقتنع ان مادام ال ABS بيشتغل بس بيعلق يبقى مش بايز

بعد تغيير تيل الفرامل طبيعى حتحس ان الفرامل مش جامده اوى ( ده طبعا لو الدسك او الطنابير مش 100% ) المهم ان التيل الجديد حيطبع مع الديسك او الطنبور و يمسك كويس ، صوت الصفارة ده برده ممكن يكون عادى فى الأوبل خاصة لما يكون الطنبور او الدسك لسه بارد و طبعا الصفارة مالهاش علاقة بال ABS

[iBiZa]

في حاجة غريبة عندي انا ساعات لمية الabs تنور اول ما ادور العربية و ساعات لا و لما ما بتنورش لما بمشي شوية كتير بتنور لوحدها مش عارف ده لية انا ساعات بحس لما العربيه تسخن بتنور باين بس ال Abs شغال انا جربتة العيب ده ممكن يكون من اية

انا معايا VW Polo و كان عندى نفس المشكلتين دول. انا بشارك على اساس ان الالمانى بياخد حاجات كتير من بعضة.
بالنسبة للمبة الABS فا دية المفروض اول ما تدور تنور لمدة كام ثانية تعمل Check على ال 4 سينسور على ال4 عجل و تطفى و متنورش تانى ابدا لحد ما تطفى و تيجى تدور تانى.
فى حالة انها فضلت منورة علاطول فا دة معناة ان فية مشكلة فى سينسور من ال4 و لازم تتحط على جهاز علاشان تعرف انهى واحد فيهم و تغيرة.
فى حالة ينور و يطفى, دة معناة فية واحدة من ال4 وصلات ملمسة فا لازم يتفكوا يتنظفوا بالWD-40 , و ممكن بردة الفيشة الى راجعة على ABS Controler تكون محتاجة نضافة.

مكنة الزجاج الكهربا بتنزل حتة حتة برده مش عارف لية ساعات تشتغل كويس و ساعات لوحدها كده تنزل حتة حتة مش عارف لية

انت ممكن يبقى مشكلتك فعلا فى الزرار او ممكن فى الكالون و دية كانت غريبة جدا عندى بس الى فهمتة بعد كدة ان المفرود الكالون يدى Signal لمكنة الزجاج تقفل لما هوا يقفل بس دة المفرود يحصل بس و العربية مش دايرة.

[ahmedmaklad]

انا رحت التوكيل

شكرا يا باشا و بعدين انت تنور في اي حتة حتي و لو مش معاك اوبل
انا رحت التوكيل اصلا و قالي ال Abs كله عايز يتغير انا مش مصدق ده بصراحه لان هو بيشتغل و بيفصل و بعدين انا بيتهيالي مش عندي سنسور بيتهيالي السنسور ده موجود من اول موديلات 2000

[ahmedmaklad]

انا جربت النهارده فعلا افتح الكونتاك و انا دايس علي الفرامل و فعلا في طقطقة في الدواسة و انا بفتح الكونتاك هو ال Abs هو اللي بيعمل الطقطقه دي؟
و بعدين انا اول ما ادور الصبح اللمبة بتنور و تتطفي عادي بس شوية كده مش مده معينة او ظروف معينه بتنور لوحدها النهارده فتحت و قفلت الكونتاك كتير و اللمبة بتنر و تتطفي عادي و بعدين شوية و فضلت منورة كل ده و العربية واقفة