طلب المساعدة من اهل الخبره

[zizo2010]

السلام عليكم ورحمة الله

صباح الخير عليكم

انا ليا بعض الاستفسارات كدة

وان شاء الله تفيدونى

انا كنت عايز اشتري عربية

وقدامى عربيتين

الاولى

اوبل كورسا موديل 94 المانى الصنع

مكنه: 1600 2كامه استيراد حاله الجديده

عفشه: جديده بالكامل امامى وخلفى

تكييف باور انذار سنترلوك زجاج كهربائى فتحة سقف جنوط سبور

تعديل اكصدامين امامى وخلفى بشكل رائع ومناسب

فوانيس معدله لنسز برينجات امامى وخلفى & نور زينون

فابريقه دواخل وسقف

دهان جديد سكنز ( جانبين وكبوت واكصدامات ) اول رشه ليها

رخصه: باقى سنتين باسم المالك

دى الاولى واللى انا كاتبه دة كلام المالك

السيارة التانيه

هونداى اكسنت 99

هنا العربية

http://www.car100100.com/car_details.php?car=4515

بس بصراحة سعرها انا شايفه كتير

اتمنى تفيدونى فى الاتنين واسعارهم التقريبيه كم

مستنى رايكم

الكتابة باللون الاحمر مخصص للادارةالادارة 1

[iBiZa]

انا شايف ان السعر دة مش كتير عل الAccent لان هو دة الRange بتاعها.

العربية الى انت حاطط اللينك بتاعها شكلها معقول بسالراجل بيروح لسمكرى اى كلام علاشان الرفارف الامامي و الاكصدامات شكله وحش اوى.

بس هو مفيش وجة مقارنة بين ال2, الالمانى طبعا يكسب.

تعال نحسبها بطريق تانية.

الAccent: عائلية - قطع غيار رخيصة و هتلاقيها عند البقال :) - لو حبيت تبيع هتبيع علاطول - اى ميكانيكى يشتغل فيها - سبات وحش لو بتجرى بيها.
الCorsa: شبابية - قطع غيار متوسطة و لازم حد مخصوص بتاع Opel - لما تيجى تبيع الناس هتخاف علاشان متسقط فيها فا هتاخد وقت علاشان تبيع - ش اى ميكانيكى بيحبها - العربية سابتة على الطريق - المانى.

شوف انت محتاج من العربية اية و قرر حسب احتياجك.

[Ahmad Allawy]

طيب معلش شوية معلومات زيادة..
العربية بابين ولا 4؟؟
الموتور اصلي بتاعها(بتاع الكورسا بي الموديل ده يعني) ولا بتاع كورسا السيدان..؟؟
مطلوب فيها كام..؟؟

الكورسا طبعا طبعا انضف من اللاكسنت..
قولي بس الكورسا دي ايه نظامها..
ولو حبيت كورسا.. في واحدة عندي اساسياتها في منتهي النضافة..
بس عايزة شوية نضافة.. مطلوب فيها 37.. موديل 94
وفي واحدة هنا في المنتدي للبيع.. موديل 97 مطلوب فيها 42 بس حالتها وهمية ما شاء الله..

[zizo2010]

انا شايف ان السعر دة مش كتير عل الAccent لان هو دة الRange بتاعها.

العربية الى انت حاطط اللينك بتاعها شكلها معقول بسالراجل بيروح لسمكرى اى كلام علاشان الرفارف الامامي و الاكصدامات شكله وحش اوى.

بس هو مفيش وجة مقارنة بين ال2, الالمانى طبعا يكسب.

تعال نحسبها بطريق تانية.

الAccent: عائلية - قطع غيار رخيصة و هتلاقيها عند البقال :) - لو حبيت تبيع هتبيع علاطول - اى ميكانيكى يشتغل فيها - سبات وحش لو بتجرى بيها.
الCorsa: شبابية - قطع غيار متوسطة و لازم حد مخصوص بتاع Opel - لما تيجى تبيع الناس هتخاف علاشان متسقط فيها فا هتاخد وقت علاشان تبيع - ش اى ميكانيكى بيحبها - العربية سابتة على الطريق - المانى.

شوف انت محتاج من العربية اية و قرر حسب احتياجك.

والله كلامك عاجبنى جدااااا

بس هل ينفع تكون الAccent شبابية

لان انا شاب وانت فاهم

[zizo2010]

طيب معلش شوية معلومات زيادة..
العربية بابين ولا 4؟؟
الموتور اصلي بتاعها(بتاع الكورسا بي الموديل ده يعني) ولا بتاع كورسا السيدان..؟؟
مطلوب فيها كام..؟؟

الكورسا طبعا طبعا انضف من اللاكسنت..
قولي بس الكورسا دي ايه نظامها..
ولو حبيت كورسا.. في واحدة عندي اساسياتها في منتهي النضافة..
بس عايزة شوية نضافة.. مطلوب فيها 37.. موديل 94
وفي واحدة هنا في المنتدي للبيع.. موديل 97 مطلوب فيها 42 بس حالتها وهمية ما شاء الله..

العربية ببابين

الموتور صاحبها متكلمش فيه

مطلوب فيها 38

بالاضافه انه بيقول رياضيه شبابية

[SEATLOVER]

الاتنين مش حلوين ولا لُقطة

[zizo2010]

يا جدعان العربية اهى

http://www.nilemotors.net/Nile/showthread.php?t=27532

مضافه هنا

[zizo2010]

الاتنين مش حلوين ولا لُقطة

طيب معندكش انت حاجة لقطه

[ahmedmaklad]

الاكسنت اصلا شبابية

بص الاكسنت عامله زي ال 28 زمان بتتروش حلو قوي و بيظهر عليها يعني لو جنوط و كاوتش و شوية حاجات كده هتبقى تمام بس انا رايي ان الكورسا احلي في كل حاجه الماني و ثبات و شياكه احلي من الاكسنت بكتييييييير و خصوصا الكلام اللي بتقوله عليها كلام حلو قوي بقي
و بعدين انت عند هنا عملاق كورسا احمد باشا قاعدة بيانات فظيعه لاسعار كل حاجة و رايه بصراحة احسن مني طبعا هو راكب كورسا و عارف اللي فيها
بس سؤال بس انا عارف ان مافيش في الكورسا 1600 حتى في الجديد ازاي دي فيها 1600

[iBiZa]

العربية ببابين

الموتور صاحبها متكلمش فيه

مطلوب فيها 38

بالاضافه انه بيقول رياضيه شبابية

هى فى الصور كلها 4 باب مش 2
ما هو معنى رياضية شبابية ؟
سيبك من كلام الاعلانات, علاان تحكم صح لازم تنزل تفرج بنفسك و خد معاك واحد بيفهم لو انت مش فاهم اوى {مش عيب}

والله كلامك عاجبنى جدااااا

بس هل ينفع تكون الAccent شبابية

لان انا شاب وانت فاهم

مافيش حاجة ما تنفعش يا باشا

الاتنين مش حلوين ولا لُقطة

همامش لقطة, بس موضوع حلوين ولا لا اذواق شخصية.

[iBiZa]

بس سؤال بس انا عارف ان مافيش في الكورسا 1600 حتى في الجديد ازاي دي فيها 1600

http://en.wikipedia.org/wiki/Vauxhall_Corsa

بص على الCorsa B

[zizo2010]

هى فى الصور كلها 4 باب مش 2
ما هو معنى رياضية شبابية ؟
سيبك من كلام الاعلانات, علاان تحكم صح لازم تنزل تفرج بنفسك و خد معاك واحد بيفهم لو انت مش فاهم اوى {مش عيب}



مافيش حاجة ما تنفعش يا باشا



همامش لقطة, بس موضوع حلوين ولا لا اذواق شخصية.

طيب انا بستشيرك

من رايك اخد الكورسا دى

ولا الاكسنت دى

وبامنة الله لو هتشتريها لنفسك هتدفع كام فى دى ودى

وبلاش رد انا مش ممكن اشتريها لنفسي :)

[Ahmad Allawy]

بص الاكسنت عامله زي ال 28 زمان بتتروش حلو قوي و بيظهر عليها يعني لو جنوط و كاوتش و شوية حاجات كده هتبقى تمام بس انا رايي ان الكورسا احلي في كل حاجه الماني و ثبات و شياكه احلي من الاكسنت بكتييييييير و خصوصا الكلام اللي بتقوله عليها كلام حلو قوي بقي
و بعدين انت عند هنا عملاق كورسا احمد باشا قاعدة بيانات فظيعه لاسعار كل حاجة و رايه بصراحة احسن مني طبعا هو راكب كورسا و عارف اللي فيها
بس سؤال بس انا عارف ان مافيش في الكورسا 1600 حتى في الجديد ازاي دي فيها 1600

احمد بك مقلد..
ربنا يخليك علي الكلام الجامد قوي اللي بتقوله ده..
احنا بنتعلم يا باشا.,. ربنا يكرمك
منور والله... هتيجي المعرض يوم الجمعه ولا ايه..؟؟

شوف يا باشا.. كلام احمد بك صح بخصوص الكورسا..
في بعض الموديلات اللي نزلت برة نزلت بممواتير 1600 فعلا..
والمفاجأة بقي ان في منها بمواتير ديزل.. يعني ممكن اركبه في عربيتي.. :) :) :)
بس المشكلة ان مش هالاقي ليه قطع غيار..
و مشكلة الموتور ال1600 ده برضه انه قطع غياره قليلة قوي..
لأنه مختلف شوية عن بتاع الكورسا السيدان..

العربية علي فكرة 4 باب مش 2.. و شكلها فعلا ما شاء الله نضيف قوي..
بس مشكلتها في نظري.. الموتور اللي متسقط ده..
وده برضه اللي منزل في سعرها..
مع انها بالموتور ده هتبقي طلقة..محدش هيقدر يسد معاها فعلا..
اذا كانت في الموور ال1400 عاملة شغل علي جدا ما شاء الله..
اخونا محمد (مودكس) هنا في المنتدي معدل 1400 و مبسوط منها جدا..
بس برضه مشكلة قطع غيار متعبة..لأنها قليلة قوي..للموتور يعني..
العربية بالموتور ال1200 الاصلي بتاعها حلوة قوي..
مش جراية قوي زي الفيرنا مثلا.. بس بالنسبة لوزنها و كده.. تمام قوي..

لو حبيت اشوفلك.. قوللي..
في قدامي عربيتين واحدة هنا في المنتدي..
وواحدة بتاعت المهندس اللي باتعامل معاه..
اللي هنا سعرها 42 و حالتها تحفة..
وبتاعت المهندس زي ما قولتلك 37 بس فيها شوية شغل خارجي عبيط..

[zizo2010]

شكرا يا جماعه على تفاعلكم

وانا لسه حالا مكلم الراجل صاحبها

وعرفت الاتى

الموتور طبعا مش بتاعها هو مركب موتور 1600

العربية بيقول فابريكه كامل فالداخل

[Ahmad Allawy]

يا بك تحت امرك..
انا سألته علي شوية حاجات هناك في مضوع عرض البيع..
و مستني الرد..
وعلي اساس الرد هاقولك رأيي..
بس نصيحة متاخدهاش..
عشان قطع غيار الموتور مش هتلاقيها غير استيراد وحتي ده هتكون قليلة..