طلب المساعدة من اهل الخبره

[ahmedmaklad]

هي دي الحقيقة

مش دي الحقيقة يا ابو حميد انا شفت العربية دلوقتي و فعلا ما شاء الله شكلها جامد جداااا و مغري بس شوف زي ما احمد بيقولك كده ايه حكاية قطع الغيار دي

[iBiZa]

طيب انا بستشيرك

من رايك اخد الكورسا دى

ولا الاكسنت دى

انا مع الالمانى علاطول, و خصوصا انى سوقت ال Accent قبل كدة بتاعت اخت مراتى و مازبتتنيش اوى.
سعر ال Corsa معقول بس موضوع متسقط دة ينزل منها, يعنى 35 او 36 علاشان بردوا ها يبقى صعب تبيع و لكن فى المشى ها تبقى حلوة اوى.

{و بردة فى الاخر كلها أراء شخصية}

[iBiZa]

انا برضوا من خبرتى فى البيجو و الVW اقدر اقولك ان قطع غيار مواتير كتير زى بعض.

يعنى ال 1600 و 1900 فى البيجو فيهم حاجات كتير ذي بعض.

ال 1400 Polo و Golf 1400 بضة فيهم حاجات كتير ذى بعض.

شوف حد فام فى الOpel و يقولنا هل الموتور دة ذى بتاع ال Vectra 1600 ولا لا وينفع حاجتة تركب ولا لا.

[zizo2010]

طيب هو الراجل معلى فى السعر ومش عايز ينزل فيه

وانا بصراحة قلقت من الموتور من كلامكم

ايه رايك فى الاكسنت

جوة البلد

والبنزين بتاعها

وقطع الغيار

والجري بيها

يعنى عايز افهم كل حاجة فيها

[iBiZa]

الاكسنت هى التطور الطبيعى لل 128

مقصات 100 - 140
كبالن 350
اشارة 30 او 40
فا حاجتها رخيصة و موجودة
واسعة و شنطة كبيرة
مش جراية اوى و ياريت ما تدوسش عاليها اوى
صاج ضعيف
تكييف حلو

[iBiZa]

انا كلمت واحد صاحبى و جبت منة اسعار حاجة ال Accent:
فانوس خلفى 80
فانوس امامى 90
كتاوت دينامو 90
بربريز 300
غمازة 30
اكصدام 120
تيل فرامل 40
تابلوة كامل 700
بارات دركسيون 180
كبالن 220
مقبض باب داخلى 5
فوجات 70

[Ahmad Allawy]

شوف يا سيدي..
في موضوع هنا عن اسعار قطع الغيار.. المستعمل و الجديد..
بس و قارن.. هتلاقي الفروق مش كبيرة.. بس ركبت عربية الماني..
مشاكلها قليلة جدا..
تقيلة مش خفيفة خالص..
مش بتجري قوي زي الكوري.. بس هتقدرها لما تسوقها..
قطع غيارها معمرة جدا..
صغيرة شوية عن الاكسنت.. مش الصالون.. الشنطة..
صاج اقوي طبعا و اشيك جدا من جوة..

بالنسبة للموتور و قطع غياره..
انا مش عارف بالظبط.. ممكن ادور علي النت و اقولك..
بس احتمال ميكونش زي بتاع الفيكترا.. عشان لو كان هو يبقي كده حلو جدا
بس هاقولك خبرتي الشخصية لحد ما نسأل..
الموتور الفيكترا الي كانت موجودة في الفترة دي كان كامة واحدة بس.. ال1600 يعني..
وده كامتين.. وده يضرب الفكرة من بابها..
وده معناه ان الموتور مختلف تماما..
وهنا الاوبل دي مش زي العربيات القديمة..
يعني الموتور الكامة الواحدة غير ال2 نهائي.. و حتي الموتور اللي ده ممكن يكون قريب
منه شوية.. موتور التيجرا 1400 2 كامة برضه..وده قطع غياره قليلة جدا..(حسب معرفتي يعني؟؟) و محمد (مودكس يفيدك اكتر.. عشان هو موتوره 1400)
يعني ممكن تتعب معاه..

[zizo2010]

على فكرة

الموتور بتاعها 1600 تيجرا

[Ahmad Allawy]

على فكرة

الموتور بتاعها 1600 تيجرا

ايوة اان قريت التفاصيل اللي هو عملها هناك في موضوع البيع..

شوف الرد اللي قولته و قولي رأيك..
دي وجهة نظري..