احمد ومحمد عبد الراضي

[i_Boy]

ورشه المتحده اللي في صقر قريش
ياريت اللي اتعامل معاهم يفيدني
وينقل تجربته
علشان اعرف اتعامل معاهم ولا لا

[ahmedmaklad]

انا مش عارف بس هي اسمها المتحدة و لا ايه لان هناك في كام ورشة جنب بعض
المزايا: ناس محترمة جداااا و فاهمة جدااا و مش بتوع اشتغالات و عنده اخوهم هيثم كهربائي شاطر و عندهم قطع غيار
العيوب:
زحمة جداااااا
المصنعية غالية شوية بس زي غيره كتير
قطع الغيار عنده برده غالية سيكا :) بس برده زي غيره
المجمل انا برشحة جدااا انا بتعامل معاه من 2008 تقريبا و بتعامل مع ناس كتير انا شايف انه من احسنهم

[i_Boy]

انا سايبله العربيه بيعمل التكييف
ربنا يستر
:))

[HASSAN SERRY]

بصراحه ناس كويسه قوى , انا بتعامل مع محمد اكتر من أحمد
بصراحه ناس مش بتوع اشتغالات هوه بس مصنعيه زي ما أحمد قال غاليه شويه بس مش قوى
و قطع الغيار بيغلى فيها شوية بس انت ممكن تنزل معاه شويه بس الأهم تكون انت عارف سعرهم تقريبا بره عامل كام
بس انا بدفع بصراحه و انا ساكت عشان بيفهموا بجد و مش بيغير حاجة غير لو محتاجة فعلا تتغير مش تلبيس و خلاص
يعنى مثلا اخر مره كنت عنده كنت عايز اغير الفرامل اللى ورا مرضاش و قالى لسه قدامها 10 ألاف كم مع ان الميكانيكى اللى تحت بيتى قالى لازم اغيرها
و عندى علبة الدريكسيون حاسس ان فيها مشكلة برضه مرضاش يغيرهالى و قالى سيبها اللى فيها مش هيعملك حاجة مع ان سهل بالنسباله يغيرهالى و هيكسب فى قطع الغيار منى و المصنعية
للأمانه ناس محترمه

[tananybasha]

ابقى ادينا اخر الأخبار

[i_Boy]

اهي لسه عنده
السربنتينه
اوالبتاع ده اللي فيها اللي عامل زي اسطوانه الغطس جاب بدالهم علشان حيغيرهم
مع اني مغير السربنتينه من بتاع 3 سنين :)) لسه جديده يعني
بس قالي انها مخرومه جامد زي البارومه
انا كنت فاكر الموضوع شحن وخلاص
بس هو فاكك العربيه كلها تقريبا
ربنا يستر بقى

[Optiplex]

اهي لسه عنده
السربنتينه
اوالبتاع ده اللي فيها اللي عامل زي اسطوانه الغطس جاب بدالهم علشان حيغيرهم
مع اني مغير السربنتينه من بتاع 3 سنين :)) لسه جديده يعني
بس قالي انها مخرومه جامد زي البارومه
انا كنت فاكر الموضوع شحن وخلاص
بس هو فاكك العربيه كلها تقريبا
ربنا يستر بقى

بص ما تقاقشى نفسك العربية عندهم امان و هما فاهمين شغلهم كويس بس زى مالاخوة الافاضل قالو انهم غالين شوية و على فكرة حسام الى قابلهم احسن منهم و بالاخص الى ماسك الورشة سيد زى الفل باعتبرهم احسن من عائلة عبد الراضى كمان انا اتعاملت معاهم كلهم حتى محمد و مدحت امين و مالقتش غير ان افضلهم حسام عن تجربة و انشاء الله خير

[Amrgamal1]

فاهمين شغلهم اه
بس حاجتهم غاليه اوي ومش بينجزو
عايزين واحد يفرش ويعد جامبهم لحد ما عربيته تخلص ومايكونش وراه حاجه
ويستحسن يجيب معاه الاسرة عشان هيوحشهم اوي
سواء عبد الراضي ولا اللي قبلهم

[i_Boy]

انا طلعت من عنده الساعه 3 الفجر
والعربيه مخلصتش
بعد ما غير نص التكييف تقريبا
فيه بلف كان بينفس
ومكنش في حد فاتح نجيب منه
قفل العربيه وختها وحيكمل يوم الاتنين
بس الى الان انا شايف شغلهم ممتاز
بس دخلني في مبلغ وقدره بعد ما كنت فاكر الموضوع شحن فريون ولا حاجه

[mine_mohamed99]

من الاخر بتوع فلوس ومش بيفهمو زي حسام

[i_Boy]

من الاخر بتوع فلوس ومش بيفهمو زي حسام

بالراحه بس انت اتعصبت ليه ؟ :)

[i_Boy]

الحمد لله تم اصلاح التكييف
واللي اتغير الاتي
سربنتينه 850 جنيه
اكسبينشن فالف 210 جنيه
مصنعيه وشحن 550 جنيه

وعملي شغل تاني كانت المروحه بتهيس وغير كتاوت وبرضو مفيش فايده وفي الاخر طلع الترموستات نفسه هو اللي بيشتغل بمزاجه فغيره
الترموستات اللي راكب رقمه كان 86-68
والترموستات اللي ركبته 82-72
وهو كان عايز يحطلي 90-80 بس انا متعود عليها بالترموستات القديم

زود كيلو زيت فتيس ب 30 جنيه محطوط في علبه صفيح كده نوه اسمه سي هورس تقريبا طل منه
والترموستات كان ب 20 جنيه

طبعا مصنعيه الترموستات والزيت والمروحه اللي قرفته بتاع ساعتين على ما عرفنا العطل منين لان كان الترموستات بيشتغل احيانا واحيانا لا فمكنش باين ان العطل منه الحاجات دي مصنعيتها من ضمن ال 550 جنيه برضو

دلوقتي هل اسعار الحاجات دي غاليه ولا لا
وهل الترموستات يفرق كتير عن القديم ولا لا


وبالنسبه لتبريد التكييف فهو بصراحه مش عاجبني حاسس كفاءته متوسطه يعني
بس هو قاللي ان الكباس نفسه الميكانيكا بتاعته من جوه ضعيفه وهو فعلا بيطلع صوت تكتكه على خفيف

وحاجه تانيه دلوقتي هو شحن الفريون ومحطش زيت للكباس قبل الشحن ولاما سالته قالي مش لازم لاننا مفكيناش الكباس ولان الفريون نفسه فيه زيت فهل الكلام ده صح ولا لا مع مراعاه صوت التكتكه اللي طالع من الكباس انا حاسس انه ممكن يكون بسبب انه محطش زيت

ونشكركم لحسن استماعكم :))

[Amrgamal1]

السربنتينه ب 850 جنيه ؟؟؟؟؟؟؟؟؟؟ ليه
انا جايب السربنتينه والردياتير والمروحتين - دورة التبريد كامله يعني ب 1400 من الحرفيين

[i_Boy]

السربنتينه جديده مش استيراد

[mhamdy37]

بصراحة بتعامل معاه بقالى سنة ونصف . نفسى الاقى حد تانى .التكييف بصراحة صرفت عليه 1300 جنيه وما اشتغلش رحت عند واحد تانى اديته 300 جنيه شغال معاه بقالى سنة الحمد لله . بصراحة محمد عبد الراضى بيفهم بس فعلا غاليين جدا و ما بيتابعوش الصنايعية اللى هم بيوزوا وما بيربطوش الحاجة كويس وكل مرة اروحلوا فيها اصلح حاجة اقعد عنده اسبوع اصلح فى العربية وبحس انهم بيجربوا طب نغير دى ونشوف اتصلحت ولا لأ .ما بانصحش بيه اطلاقا ويا ريت حد يقولنا على حد تانى احسن.