احمد ومحمد عبد الراضي

[romany777]

لا انا معملتهاش عنده
العربيه اصلا كانت كده
بس بقالها فتره الحراره بتهيس وبعد فحص وفك وتركيب وحبشتكانات اكتشفنا ان العطل من الترموستات

انا دافع مصنعيه 550 جنيه تكييف وشحن فريون

مفتكرش خد مصنعيه على تغيير ترموستات يعني بس اعتقد الموضوع حيطلع كلام فاضي لان كل اللي حيعمله انه حيفك ترموستات من الردياتير ويركب واحد تاني
يعني لو خد 20 جنيه يبقى كتير كمان هههههه


المهم انت تكون عارف اني سرعه بتشتغل وعلى حراره كام مع التكييف واني مراوح بتشتغل وعلى اني سرعه بدون تكييف
وتفك الترموستات وتحط واحد رقمه اقل وتشوف المراوح اشتغلت على كام وبس كده
مش حوار يعني

اوك هنجرب وربنا يستر بقى

[i_Boy]

-مصنعيه الشغل ده 180ج عدلا
-هتشتري فرخ صوف زجاجي من عند بتوع قطع غيار البوتجازات اللي في شارع نجيب الريحاني بالعتبه هو طبقتين المونيوم عازل وتحته الياف زجاجيه وتقطعه بالمقص وتلفه علي مواسير الشجره وتثبته بسلك حديد (سلك واير)
-الهوا اللي من تحت الدواسه بيبقي اوبشن تتحكم فيه من بكره الاوضاع في التكييف حرك البكره علي صوره الوجه او الكرسي الممدود

تمام كده

بالنسبه للاوبشن ما انا عارف يا بيه هههههه
بس حتى لو ظابطه فوق ولا تحت بيكون في هوا جاي على رجلي

[i_Boy]

اوك هنجرب وربنا يستر بقى

الى الامااااااااااااام :))


جرب وقولي
ولو نفعت ادعيلي :)
او هات 5 جنيه مش حنختلف ههههههه

[romany777]

الى الامااااااااااااام :))


جرب وقولي
ولو نفعت ادعيلي :)
او هات 5 جنيه مش حنختلف ههههههه

الحمد لله تم تغيير الترموستات بنجاح بترموستات ايطالى 90-95 ]ده ارقم اللى مكتوب عليه الرجل نصحنى بيه بشده لما قلتله عايز ترموستات ارقام اقل قلى جرب ولو معجبكش رجعه
بصراحه تمااام الحراه اخرها 91 وبتنزل 85 بسرعه الحمد لله يومين تجربه حتى الان كله تمام


متزعلش ليك عندى 5 جنيه برضو

[i_Boy]

تمام ياباشا الف مبروك :))

[i_Boy]

انا غيرت تيل امامي وجوان تاكيهات وعملي جوان لغطا الزيت
التيل نوع مصري وقالي ممتاز ب 95 جنيه
والجوانين ب 25 جنيه
ومصنعيه 40 جنيه
تمام كده ولا ايه ؟
بصراحه انا شغله مريحني بس عايز اعرف ان كان اسعاره كويسه ولا لا ؟

[ahmedmaklad]

انا قلتلك هو مريح لانك بتتعامل مع ناس محترمين مش همه يبيع و يغير و انا شايف المصنعية في الموضوه دي كويسة
على فكرة احمد عبد الراضي كان مدير خدمة ما بعد البيع في منصور
انا عارفه كويس

[i_Boy]

تمام ياباشا الف شكر
انا وديتله العربيه دلوقتي تاني يكمل شحن الفريون
فاضل ان شاء الله زياره لطناني باشا يقولي التكييف كويس ولا لا :)))

[karkor30]

انا عملت التكييف عنده من اسبوعين ودفعت 1130 جنيه وبرضه فيه ناس قالو لى كتير بس بصراحة التكييف شغال تمام الحمد لله ولسه عايز اغير الفلاتر والسيور بس مش عارف هاروح له ولا لأ